هذا اختراع للشاور
يحول الشاور العادي الى سبا للراحة
بس عليك انك تركب قطعه الخلاط في الشاور الخاص فيك
وتركب الكبسوله فيه وتلفها نص لفه لاخراج الماده اللي فيها
في مجرى الماء في الشاور لمده ٨ دقايق
الكبسولات في منهم عده انواع
كبسولات لتغذيه البشره او للراحه والريلاكس او لتنعيم البشره او للاطفال تطلع ريحه العلج البابل غم للاطفال
وغيرها من الكبسولات
حاليا في حجز عالمنتج
الخلاط مع ١٠ كبسولات حوالي ٢٠ دينار
وفي عندهم باكجات اكبر
سمعنا وشفنا قبل رسوم على القهوة
سواء شكل او كتابة
لكن هذا الفنان الياباني اسمه كازوكي ياماموتو
رسم رسمات ثلاثية الابعاد من رغوة القهوه على وجه الكوب
الصراحة ابداااع اول مره اشوف شي جذي
اخليكم مع باقي تصاميمه
مطعم ماكي الياباني ارسل لمدونة كيفي هدية جميله
بمناسبة مرور ١٠ سنوات على افتتاحه
تي شيرت عليه لوغو ماكي
وسي دي فيه مختارات من اغاني العالم
شكرا ماكي عالهدية
مطعم ماكي عنده فروع بالكويت والبحرين وبيروت
فروعه بالكويت
الصالحيه وبرج جاسم والمارينا والافينيوز
عندهم توصيل للمنازل
22901000
وممكن تطلبون من موقعهم عالنت ويوصل الطلب لي بيتكم
وطبعا تقدرون تطلبون من برنامجهم عالايفون والايباد
@makirest
حملة كوني الخيرية
هي حملة خيرية ريعها يذهب بالكامل الى بعثة جامعيه
مدتها فصل دراسي واحد
للطالبات اللي محتاجه هذا الدعم
واليوم الساعه ٧ ونص مساءا في برج التجارية
دور ٢٥ راح يكون التجمع لهذي الحملة
ورسوم الدخول ١٠ دنانير
هذي الرسوم بتكون من ضمن التبرع
واي شي يباع في هذا الحفل بيكون ريعه للحمله الخيريه
حياكم الله
@kunicampaign
واحد من المشاريع الامريكية
اسمه سمارت كي
فكرته ترتب المفاتيح بشكل مضغوط ومرتب ويسهل اخراج المفتاح المطلوب
حجمه صغير ووزنه خفيف
مصنوع من الالمنيوم الخفيف ومطلي بالانودايز لحمايته من الخدوش
طريقه تركيب وتبديل المفاتيح سهله جدا بس يحتاج لفه عن طريق العمله المعدنيه
ويشيل من ٣ مفاتيح الى ١٠٠ مفتاح
اذا حاب يشيل ١٠٠ مفتاح للشركات والمحلات في قطعه خاصه تطلبها معاه
ممكن تركب فيه يو اس بي بحجم ١٦ غيغا
فكرته وايد حلوه وخاصه اني اعاني شخصيا من مشكله هذي المفاتيح
تخرب جنطتي من الداخل وتزلق البوك واي شي موجود بالجنطه يبهدله
لازم اطلب لي واحد يرتب مفاتيحي
سعر القطعة حوالي ١٠ دنانير مع التوصيل خارج امريكا
اذا تبيه يتناسب مع ١٠٠ مفتاح و يو اس بي زيده ٥ دنانير
اتيليه حراير ديزاين
يدعوكم لحضور عرض مجموعة رمضان
(في بيت لوذان (معرض دار السلام
من يوم الاحد الى الثلاثاء
من ١٩ لي ٢١ مايو ٢٠١٣
كالعادة دعواتهم ما شاء الله مبدعة وتشوق
شكرا عالدعوة حراير ديزاين
تغطيتي السابقة لملابس الزفاف والاستقبال من حراير ديزاين
بروسكوب هو اول جهاز تكبير مايكروسكوب محترف وعالي الدقة
للايفون والايباد والايباد ميني
LED يركب بكل سهوله عالايفون وفيه عدسه مزودة باضاءة إل إي دي
وقوة التكبير تصل الى ٨٠ مرة
وممكن التقاط صور واضحه مكبره بالايفون
المكبر موجه لطلبه العلوم او دكاترة الجلدية او في محققي مسرح الجريمة وللهواة طبعا
يتم شحن الجهاز عن طريق كيبل بالكهرباء
ومده بطاريته ٥ ساعات متواصله
سعر القطعه حوالي ٥٠ دينار كويتي
لاعطاء طول وجمال أكثر للوجه
(لاتجعلي حاجبيك يبدوان كقوسين ولا بطريقة مستقيمه (جاينيز
وانما شكل ثمانيه المعتاده هي الافضل
لجعل الوجه اقل تدويرأ واقل امتلاءأ
نصائح جمالية من خبيرة التجميل عذاري السنافي
@makeupathary تابعوها على حسابها التويتر
@makeupathary عالانستغرام
فانيلا ايسنس
مشروع منزلي جديد للحلو
يقدم جيزكيك بانواع ونكهات مختلفة
جربت الشيزكيك بالفراولة
لذيذة وخفيفه وفريش
وقطع الفراولة ناطعه
وقطعه وحده من الشيزكيك ماتكفي لازم اكثر 
عندهم نكهات اخرى مثل
النوتيلا شيزكيك والبلوبيري والبلاك بيري والساده
للطلب تلفون
96958858
هذا موقعهم الرسمي
@vanillaessencebakery
غوغل اعلنت عن تحديث خرائطها بعد ٨ سنوات من اصدارها الاول
وفي هذا التحديث مميزات تفيد الواحد في اختيار الطريق او ايجاد مطعم معين
مثلا اذا كتبت بحث عن مطاعم البرغر بالكويت
يطلع لي قائمة بالبرغر الموجود بالكويت واماكنها وتقييمها
هذا فيديو يوضح المييزات الجديدة
اذا حاب تعرف عن الخرائط اكثر
تقدر تسجل ايميلك عندكم وبيرسلون لك اخر الاخبار
مطعم راودي تاكو المتخصص بالتاكو المكسيكي الفرانشايز من تكساس امريكا
(يقدم وجبات مجانية من جميع اطباقهم (ماعدا المشروبات غير شاملة
للجمييييع
بس عليكم تورونهم هذي الدعوة الصوره اللي فوق
وعليكم بألف عافية
يوم الجمعه يعني باجر
تاريخ ١٧ مايو
من ٦ مساءا الى ٦ فجرا
(فاتحين ٢٤ ساعة)
مكانهم في المهبولة
في برج عالية وغالية
مقابل مجمع سبونز للمطاعم
تلفونهم
96070102
@rowdytacoq8
قبل قليل اعلنت بلاك بيري عن توفر خدمة البي بي ام
للايفون والجلكسي او الاندرويد قريبا
بعض المواصفات اللي بتتوفر ببرنامج البي بي ام
سرعة المحادثات في البي بي ام
التحدث مع اكثر من شخص بنفس الوقت
المشاركة برساله صوتية
قروبات بلاك بيري وامكانيه اضافه ٣٠ شخص بالقروب
والمشاركه بالصور والملفات بهذي القروبات
اللي حاب يتابع الموضوع
يقدر يسجل ايميله على موقع بلاك بيري وبس ينزلون البرنامج
راح يوصل لك الخبر عالايميل
وصلني هذا البوكس للبيت عن طريق شركة ارامكس
استغربت منه لاني ما طلبت من النت من فترة
بعدين لاحظت ختم محل شو بوكس نيويورك على البوكس بالكامل
داخل البوكس فيه عدة الصيف كاملة
من كريم حماية وبخاخ تان للجسم ومروحة صغيره ونظارات شمسيه عملاقه وفوطه وتي شيرت
وقبعه
كوكي عملاقه تشوق عليها اسم المدونة كيفي
المهم ان شوبوكس نيويورك محتفله باطلاق مجموعه الصيف الجديدة
UGGs من احذية
وفي كل عملية شراء لاحذية آغس بقيمة ٢٥ دينار من فروع شوبوكس نيويورك
راح يعطونج كوبون تدخلين فيه السحب
لرحلة سفر الى لوس انجلوس مع اقامة لمدة ٧ ايام
ويوجد فائزين يعني فرصتين للمشاركين للربح برحلتين
طرشولي كوبون بكتب فيه بياناتي واشارك بالسحب يمكن اكون الرابحة
واستفيد من عده الصيف اللي طرشوها لي
وممكن انتوا ٢ من متابعين مدونة كيفي تكونون الفايزين
العرض ساري من ٩مايو الى ٣١ مايو
والسحب في تاريخ ١ يونيو
@shoeboxnykuwait
شكرا شوبوكس وبن سري عالهدية
هذي مجموعه من الاحذية النسائية او الكعوب الغريبة
لاشهر ماركات العالم
Givenchy Haute Couture by Riccardo Tisci, Spring 2012
Alexander McQueen, Spring 2010
Chanel, 2009
Christian Louboutin
Fetish Ballerine, 2007
لووول هذا مبدع
Giuseppe Zanotti, 2012
Prada,Spring 2012
Salvatore Ferragamo
Glam collection, Fall 2006
Andreia Chaves
Invisible shoes, 2011
Tom Ford, Spring 2012
Noritaka Tatehana
Lady Pointe shoes (designed for Lady Gaga), 2012
Alberto Guardiani
ايفونك الان هو مفتاح منزلك
ما تحتاج بعد اليوم الى مفاتيح لفتح الباب
مع قفل كيفو يركب في باب المنزل
ويتم الاتصال بالبلوتوث مع الايفون
وعند الاقتراب من الباب ما يحتاج انك تطلع ايفونك من الجنطة او من جيبك
فقط عليك لمس القفل وسوف يتم التعرف على الايفون ويفتح الباب
وايد عجبتني الفكره خاصه ان مشكله المفاتيح وتعال طلعهم من جنطتك ويكون معاك اغراض شايلها معاك
والحلو بالقفل ايضا
ان ممكن ترسل المفتاح الالكتروني لاهلك
مثلا امك او اخوك عند بيتكم ومافي احد يفتح لهم الباب
بس عليك ترسل المفتاح الالكتروني عن طريق البرنامج بالاب ستور
وسوف يتم فتح القفل لهم
وبامكانك التحكم بقائمه الناس اللي ممكن تضيفهم او تشييلهم وقت ما تبي
واللي ماعنده ايفون الشركة موفره قطعه بلاستيك بمجرد الاقتراب من القفل تفتح الباب
سعر القفل حوالي ٧٠ دينار
ويشتغل ب ٤ بطاريات صغار تكفيه مده سنه
وبرنامج تشغيله مجاني عالاب ستور
بينزل بالسوق بعد جم شهر
للطلب من هذا الرابط
قام المصمم الايطالي باولو بطرح تصميم لمسجد يعمل عالطاقة الشمسيه
وصمم المسجد من جزئين جزء على شكل حائط كبير في اتجاه القبلة
وجزء كروي الشكل لعطي ايحاء القبة عند المسلمين
ومن التصميم الكروي يتم الاستفادة من اشعة الشمس طوال فتره الصباح
ليعمل بالطاقه الشمسيه وقت المساء
والمسجد مقسم بالداخل لقسمين
صاله صغيره للصلاه اليوميه وصاله اكبر يتم فتحها ايام الجمعه والمناسبات والاعياد
ومقسمه الكره الى عده طوابق للنساء والرجال
هذا المسجد سوف يتم بناؤه في مدينه بريشتينا في كوسوفو
شكله غريب
متعودين على شكل المآذن عالمساجد
المصممين والهواة دايما ينزلون لنا تصاميم للايفون المستقبليه وتوقعاتهم للشكل الجديد
من الاشاعات اللي تطلع عن الايفون ٦ ويكملونها من مخيلتهم
ومن الاشاعات القوية ان ايفون ٦ بكون متوفر بالحجمين العادي والميني اللي بكون ارخص
الشاشه بتكون بحجم ٤.٥ انش الى اطراف التلفون عالجنبين
ومصنوع من الالمنيوم والكاربون فايبر
والايفون الاصغر حجما راح يكون كبر الايفون ٤ اس
هذا فيديو عنه
اشرايكم فيه؟
