Masgouf تجربتي لمطعم مسقوف في لندن

20 Apr

DSC_1250masgouf

DSC_1249masgouf

مطعم مسقوف مطعم عراقي موجود في شارع نايتسبردج في لندن

المتابعين بالانستغرام نصحوني اني اروح اجربه

يقدم المطعم المقبلات والمشويات والمرق بانواعه وطبعا مسقوف السمك

امدحوا لنا كتف الخروف المشوي

والغرسون لما سمع بطلبنا نصحنا ما ناخذ اي طبق اخر لان طبق الكتف حجمه كبير وعلى قولته لازم تستمتعون بالطبق بروحه :)

DSC_1252masgouf

DSC_1253masgouf

اللحم كانت كميته كبيره وراهيه تكفي شخصين لي ٣ اشخاص

اللحم ذاااايب ولذيييذ

العيش نثري بس متروس شحم من اللحم كان وايد دسم الطبق بس لذيذ

DSC_1251masgouf

DSC_1247masgouf

مطعم مسقوف موجود في شارع نايتسبردج في لندن مقابل السفاره الكويتية

اللي رايح هارودز ممكن يتغدى او يتعشى فيه لان قريب وايد من هارودز

Twilight Turtle اضاءة نجوم ليلية خافتة للاطفال

20 Apr

DSC_0346twilight turtle

كنت ابحث عن اضاءة ليلية لغرفة الاطفال

تعطي اضاءة خافته للنوم وتعمل بالبطاريات

بحثت بالنت ولقيت هذي السلحفاة وعليها العديد من المقالات والتقاييم الممتازة

وسعرها مناسب حوالي ١٠ دنانير

DSC_0349twilight turtle

DSC_0350twilight turtle

DSC_0342twilight turtle

DSC_0347twilight turtle

DSC_0339twilight turtle

الاضاءه على شكل نجوم وتتغير الى ٣ الوان

برتقالي وازرق واخضر وتظل شغاله حوالي ٤٥ دقيقه وبعدها تنطفي بشكل اوتوماتيكي

تنشر الاضاءه على كل السقف بشكل جميل افضل من النجمات البلاستيك اللي تضئ بالظلام

والاطفال اعشقوها

طلبتها من امازون امريكا

رابط الطلب

5 Stripes اصنع الكورن فليكس الاورغانيك الخاص فيك

15 Apr

DSC_03645 stripes

DSC_03965 stripes copy

راسلوني شركة فايف ستريبس لتجربه منتجهم

فايف ستريبس اهو مشروع متخصص بالكورن فليكس والحبوب والميوزلي الاورغانيك

فكرتهم وايد حلوه وصحيه

انك تختار مكونات الكورن فليكس الخاص فيك عن طريق موقعهم من ٦٠ مكون موجود

بخطوات جدا سهله وواضحه

المكونات كلها اوغانيك طبيعيه مافيها اي سكر صناعي او ماده صناعيه ومن افضل المكونات بالعالم مثل ماقريت بموقعهم

والفاكهه المجففه عندهم يجففونها بطريقة التجميد مثل اللي تستخدم لاكل رواد الفضاء و تنتج فاكهه مجففه محافظه على فيتاميناتها وطعمها

DSC_03575 stripes

شكل علبهم اسطوانيه حبيت شكلهم وتشيل حوالي ٥٠٠ غرام من الكورن فليكس

DSC_03625 stripes

DSC_03685 stripes

كان هذا اختياري الشخصي للكورن فليكس

اخترت كل المكونات اللي احبها مثل الكاكاو

بس كاكاوهم دارك وصحي

للاختيار عده خطوات اول خطوه تختار الكورن فليكس الرئيسي اللي راح تكون الكميه الاكبر من العلبه

وبعدها تختار انواع مختلفه من الحبوب اللي تحب اضافتها للكورن فليكس الرئيسي

وبعدها تختار المكسرات والفاكهه المجففه واخر شي انواع مختلفه من الكاكاو الدارك الصحي

DSC_03635 stripes

بعد اختيار كل المكونات تسمي الكورن فليكس الخاص فيك

وسميته كيفي ميكس وله رقم خاص كل ما ابي اطلب نفس المكس احط هذا الرقم ويرسلون لي نفسه

ومكتوبه عليه كل المكونات اللي طلبتها

DSC_04025 stripes

DSC_04105 stripes

كان كيفي مكس موفق وحبيييته وايد

لذيذ وبنفس الوقت ماحس بتأنيب الضمير لان ادري ان صحي وارغانيك

وما احتاج اني اضيف له اي سكر

ممكن تحطون معاه حليب او روب او مع فروزن يوغرت بعد :)

DSC_03705 stripes

وعندهم بعد خلطات جاهزة للي محتار شنو يختار

وارسلولي خلطتهم البيري فنان

ميوزلي التوت

DSC_03725 stripes

DSC_03995 stripes

فيها انواع التوت مع الفراوله مجففه مع حب شمسي وحبوب مختلفه

حبيت الكينوا بف كان يشوق بالاكل لازم تجربون اضافه الكينوا بخلطتكم

كان لذيذ المكس لكن يحتاج اضافه سكر او عسل مع الحليب

DSC_04085 stripes

طبعا كيفي ميكس حبيته اكثر من البيري ميكس لاني احب الكاكاو

استمتعت وانا اختار كل مكونات الكورن فليكس

الصراحه مشروع وااايد حلو وصحي

والحين بعد ما جربته ماعتقد راح اخذ الكورن فليكس الجاهز بالجمعيات فيه صنف واحد بس

الموقع حاليا يوصل للكويت وقريبا لدول الخليج

هذا موقعهم للي حاب يصنع الكورن فليكس الصحي الخاص فيه

www.5stripes.com

DSC_03815 stripes

اشكركم عالتجربه الحلوة فكره مميزه ولذيذه وصحية

Alounak تجربتي مطعم آلونك في لندن

13 Apr

DSC_0479alounak

 في سفرتي السابقه ل لندن جربنا عدة مطاعم مختلفه

@kaifiiblog وجربنا هذا المطعم بناء على توصيه احد المتابعين بالانستغرام

المطعم يقدم الاكل الايراني اسمه آلونك

موجود قرب محطه بيزواتر

المطعم ديكوراته بسيطه وسعر الاكل فيه معقول

DSC_0455alounak

DSC_0473alounak

متعودين في المطاعم يقدمون لنا الخبز الايراني مجاني مع الوجبه

 لكن في هذا المطعم كل شي لازم تطلبه مافي شي مجاني ولا طبق ضيافة

طلبنا خبزه وحده كانت جيدة

DSC_0466alounak

ماعون كباب كوبيدة الطلب العادي فيه سيخين كباب

فطلبنا سيخ كباب زيادة

كان الطبق وايد لذيذ

DSC_0461alounak

طلبت طبق اليوم كان اسمه زرشت بولو

الصراحه ماعندي فكره بالاكل الايراني غير الكباب قلت اجرب شنو عندهم شي مختلف

وطلع طبق اليوم للاسف اختيار غير موفق

نص دجاجه مسلوقه مثل اللي نسويها للتشريبه مع عيش ابيض بالزرشت

كان الطبق جدا عادي مانصح فيه

DSC_0462alounak

DSC_0456alounak

DSC_0442alounak

اللبن عندهم حجمين الصغير مثل اللي بالصوره يشيل كوبين وفي اكبر

ما انصح باللبن كان حامض بزياده

DSC_0477alounak

مطعم آلونك موجود في لندن بجانب محطة بايز واتر

المطعم بسيط قعدته مو كشخه وطلبوا الاطباق المعتاده مثل الكباب لذيذ

لكن جربت مطعم ايراني اخر بلندن وايد افضل منه راح اكتب عنه قريب

Alounak Persian Cuisine near Bayswater Underground

PancakeBot اول آله طابعه للبانكيك بالعالم

13 Apr

 بانكيك بوت هي اول آله طابعه للبانكيك بالعالم

بس عليك تختار الصوره بالكمبيوتر وتحملها على قطعه اس دي كارد والجهاز يطبع لك الصورة بخليط البانكيك 

الجهاز حلو للبيت للاطفال ممكن يرسمون رسماتهم الخاصه وتطبعها لهم بالجهاز او يختارون اي شخصيه يحبونها 

وحلو بعد للشركات والمطاعم اذا يبون بانكيك على لوغو الشركة يقدمونه للزباين 

سعر الجهاز حوالي ٥٠ دينار والتوصيل من امريكا على شهر يوليو 

المصدر والطلب

Humburgah افتتاح مطعم همبرجه في المنقف

11 Apr

DSC_0307humbargah

DSC_0269humbargah

مطعم همبرجه مشهور بستيشن البرغر اللي اييون يطبخون البرغر بالبيت لايف

حاليا افتتح له مطعم جديد في المنقف

ويقدم المطعم انواع البرغر لحم ودجاج والحجم الكبير والميني مع المقبلات

DSC_0266humbargah

المطعم صغيرون فيه شويه طاولات والديكورات شغلات ملوت اول

سيغا وغراندايزر وخالتي قماشة وكراش

ذكريات الطفولة :)

DSC_0265humbargah

DSC_0267humbargah

DSC_0278humbargah

طلبنا المقبلات وكانت حلقات بصل

وصلتنا الطاوله حاااره ومقرمشه حبيناها

DSC_0282humbargah

البطاط بالجبن وااايد لذيذ ومقرمش فريش

وطعم الجبن مثل جبن الناشوز السايح

DSC_0284humbargah

اجنحه دجاج البافلو كانت عاديه مثل اي اجنحه تقدم بالمطاعم الثانيه وحجمها صغير

DSC_0288humbargah

شيكن فيليه همبرجه بالحجم العادي مو الميني

الديايه تررررفه تذوووب وااايد لذيذه الساندويش حبيتها

والصمونه بعد لينه وترفه مع صوص همبرجه اهو مقارب للثاوزند ايلاند

لازم تجربونها على ضمانتي :)

DSC_0326humbargah

DSC_0294humbargah

برجر همبرجه

برغر وجبن وصلصه همبرجه حلوه واهي حاره  بس لا تبرد

لان كلناها واهي حاره لذيذه بس بعد التصوير بردت وصارت عادية

DSC_0315humbargah

يقدمون بعد برغر بالحجم الميني

جربنا برغر شاورما الدجاج كانت مشويه ومعاها صلصه الشاورما وايد حلوه

بس حبينا الدجاج المقلي اكثر كان اتررف وجوسي اكثر

DSC_0330humbargah

ميني دجاج بافلو عجيييبه

عندهم الدجاج المقلي خيااالي يذووب

DSC_0320humbargah

هوت دوغ بالجبنه كانت عادية

المطعم توه فاتح جديد وقدموا لنا الاطباق بعلب التيك اوي لانه لي الحين بالافتتاح الاولي

اللي ساكن قريب عالمنقف يفضل ياكل فيه والاكل حار اما اللي منطقته بعيده عندهم توصيل للبيت

وعندهم طبعا الستيشن لليمعات والعزايم وايون لكم البيت

عنوانهم المنقف قطعة ٤ شارع ٢٥

22211555

@hamburgah

كل الشكر عالدعوه والاكل اللذيذ

Coiffeur صالون كوافير وماسك ماي الورد للشعر

11 Apr

DSC_0259coiffeur

DSC_0255coiffeur

رزت قبل جم يوم صالون كوافير

صالون جديد بجانب دوار حديقة الشعب

الصالون متميز بماسك الشعر على ماي الورد

وطبعا يقدمون كل خدمات الصالونات من قص وصبغ شعر وحنه وحف وشيره ومساج وبرافين وغيره

DSC_0230coiffeur

هذا ماسك ماي الورد

حطوه على شعري مده نص ساعه ريحته خياااالي لي الحين ريحته بشعري

ونعم شعري حبيت هالماسك صج مميز

DSC_0232coiffeur

كراسي المانكير والبديكير مريحين ليزي بوي ومجابلين التلفزيون ماودي اقوم منه

DSC_0242coiffeur

المانكير كان حلو وشغلهم نظيف وسريعين

DSC_0240coiffeur

ضيفونا بالقهوة السوده والشاي مع البراوني

DSC_0236coiffeur

الصالون حلو ومرتب شغل مودرن ونفسيه الموظفات حلوه

وبالطابق العلوي في غرف المساج والحمام المغربي

DSC_0244coiffeur

DSC_0233coiffeur

DSC_0246coiffeur

حبيت ديكور الشسوار النازل من السقف :)

DSC_0247coiffeur

غرفه الحمام المغربي

DSC_0249coiffeur

غرفه المساج

DSC_0252coiffeur

DSC_0256coiffeur

وعندهم عرض وايد حلو لشهر ابريل باكج فيه ٦مانيكير و٦ ماسك ماي الورد و٦ سشوار تنشيف ب ٣٦ دينار

حبيت الصالون شغلهم حلو ونفيستهم حلوه والمكان مريح ولي زيارات مستقبليه لهم ان شاء الله

AIS مكانهم على دوار حديقة الشعب مقابل المدرسه الامريكيه الدوليه

98776108

25610635

Location

Smack Lobster Roll Deli تجربتي لمطعم سماك لرولات اللوبستر بلندن

9 Apr

DSC_1202smack

DSC_1223smack

رولات اللوبستر صاروا هبتي اليديدة

اي مكان يبيع رولات لوبستر لازم اجربها واحاول ابحث عن مطاعم تقدمهم

الحلو بالصمونه طبعا البريوشه اللي محمشه بالزبده وداخلها قطع اللوبستر مع المايونيز على حسب نكهه كل مطعم

بس زياده الصلصات والمايونيز تضيع طعم اللوبستر

DSC_1191smack

جربنا رولات اللوبستر في مطعم سماك ديلي

عندهم ٤ انواع لوبستر رول وحده منهم فيها خنزير فحطوا بالكم

اختاروا كاليفورنيا رول اهي اللي تناسب ذوقنا الخليجي اكثر شي

DSC_1207smack

فيها لوبستر ومايونيز الافوكادو وخيار وطماط وايد لذيييذه

DSC_1181smack

DSC_1204smack

وعندهم اللوبستر الكامل البارد مع الليمون

وايد حلو ولذيذ ومافيه اي زفره

DSC_1195smack

واصابع الكوسا المقليه وااايد لذيذة

لاتطلبون شوربتهم الشاودر لان فيها كحول

DSC_1214smack

المكان بسيط مائل لمطاعم الفاست فود

الطلب من الكاونتر واخدم نفسك بنفسك

DSC_1215smack

ركن للسلطات والفاكهه

DSC_1216smack

DSC_1219smack

سلطة اللوبستر والكسكس ماجربتها

DSC_1178smack

الفرع اللي جربناه موجود في شارع اكسفورد بجانب محطه بوند ستريت

رولات اللوبستر واللوبستر الكامل وايد حلوين لازم تجربونهم اذا زرتوا لندن

انصح فيه

Smack Lobster Roll Deli

Grosvenor House Cheesecake الشيزكيك الاشهر في لندن من فندق ماريوت

9 Apr

DSC_0152Grosvenor House cheesecake

لما كنت في لندن قبل اسبوعين

متابعين الانستغرام انصحوني اني اجرب شيزكيك من فندق غروفنور التابع لفنادق ماريوت

وهذا الشيزكيك يعتبر الاشهر والافضل في لندن وفي ريفيوات كثيره عنه بالنت

DSC_0158Grosvenor House cheesecake

شرينا منهم حبتين واخذناهم سفري

السعر يعتبر غالي شوي الوحدة ب ١٢ باوند

الشيزكيك مغطى بالبسكوت الحالي هش ولذيذ

والشيزكيك يذوووب وناااعم مثل الزبده

وفوقها طبقة كريمة حامضة اول مره اجرب شيزكيك معاها كريمة حامضه

كانت الشيز كيك وااايد لذيذه تسوى الواحد يجربها ويتعنالها

حجمها كبر كف اليد تقريبا

الحبه الوحدة تكفي شخصين

DSC_0192Grosvenor House cheesecake

DSC_0176Grosvenor House cheesecake

اللي حاب يجربها في لندن

Grosvenor House موجودة في فندق

التابع لفنادق جي دبليو ماريوت بجانب الهايد بارك

DSC_0193Grosvenor House cheesecake

Munchos بطاط مونشوز رجع اخيرا

7 Apr

DSC_0249مونشوز

 شركة فيكو ارسلولي كرتون من بطاط مونشوز اللي كان منقطع لسنين

يذكرني بايام الطفولة كنا نحب هالبطاط وااايد

نفس الطعم القديم بس احس ان حجم البطاطه صغرت؟ او يمكن لان انا كبرت :)

وقبل كان اترف هش الحين البطاطه ايبس شوي

الجيس الواحد في كمية صغيره ١٥ غرام بس يبيله جيسين او ٣ بالقعده الوحدة :)

شكرا فيكو عالنقصة وارجاع الذكريات

متوفر حاليا بالجمعيات

DSC_0247مونشوز

DSC_0254مونشوز

DSC_0245مونشوز

www.ficofood.com

Cavaraty كيبل شحن الايفون والايباد ماركة كفراتي

7 Apr

DSC_0225cavaraty

كفراتي دوت كوم اهو موقع متخصص باكسسوارات الموبايلات بانواعها

منزلين منتجات ماركة كفراتي

ارسلولي ٣ من منتجاتهم وايرات شحن للايفون والايباد والايبود

في منها طولها متر ومنها طولها ٣ امتار ومنها مع ادابتر

كيبل الشحن معتمد من ابل وكواليتي بنفس الوقت

شي حلو الواحد يشوف منتجات كويتية بالسوق وعاليه الجودة

DSC_0203cavaraty

DSC_0204cavaraty

DSC_0222cavaraty

تغليف العلب مرتب وبروفشنال

DSC_0234cavaraty

طولين لكيبل الشحن

DSC_0235cavaraty

كيبل ال٣ امتار وااايد مفيد اذا كانت فيشة الكهربا بعيدة

DSC_0242cavaraty

كيبل الشحن مع ادابتر يركب للايفون والجلكسي او اي جهاز فيه مايكرو يو اس بي مثل قطع الواي فاي او بطاريات الشحن

للي حاب يطلب من هذي الكيبلات من موقعهم يوصلون للمنزل ولكل دول الخليج

www.cavaraty.com

شكرا كفراتي عالمنتجات المميزة

kinsa ثرموميتر لقياس حرارة الاطفال عن طريق الايفون

28 Mar

   

جهاز قياس الحرارة  بدقة ومعتمد من منظمة الغذاء والادوية الامريكيه FDA

عن طريق الايفون او اي جهاز ذكي 

طريقة عمله بسيطه وسهله بس عليج تنزل تطبيق جهاز الثرموميتر على الايفون من الاب ستور وتركب الجهاز في فتحة السماعه بالايفون وتضعه تحت اللسان ويطلع لك قراءة الحرارة بدقة ويحفظ لك القراءات بالتطبيق

ممكن تركبه دايركت عالايفون او مع وصله ليسهل وضعه تحت لسان الاطفال

وسعره حوالي ١٠ دنانير فقط

ممكن تطلبونه من امريكا 

المصدر والطلب

  

Prime & Toast ريوقي في مطعم برايم اند توست

28 Mar

DSC_0747prime & toast

DSC_0790prime & toast

وجبة الريوق صعب اني اكلها بالمطاعم ايام الدوامات

وفرصة اني في اجازتي السنوية حبيت اجرب طبق كراميل فورد من مطعم برايم اند توست التابع لمركز سلطان

اللي دايما يحطون صوره بالانستغرام

ويعتبر طبق مشهور بالانستغرام لذلك لازم اجربه بنفسي

اول شي طلبنا الهوت شوكليت والشاي

DSC_0752prime & toast

طلبت بيض البنيديكت مع جبن وتركي

وطلبتها تكون رني يعني نص استوا

DSC_0762prime & toast

DSC_0765prime & toast

كان طبق البيض موفق لذيذ

DSC_0757prime & toast

الفرينش توست بالكراميل

ترررف وذايب ولذيذ

بس حلو زياده كان المفروض نطلب الصلصه على جنب

واحنا نتحكم بالكمية افضل من ان تكون غرقانه كراميل

DSC_0759prime & toast

DSC_0767prime & toast

اخييرا طبق الكراميل فورد اللي خلاني اكل بالمطعم

كان عااااادي

طبقات كيك ضعيفه بينها قيمر ببسكوت دايجستف وصلصه كراميل وايس كريم

توقعت يكون الطبق وااااو لكن للاسف كان جدا عادي

يعني ما اطلبه المره القادمه وكان الفرنش توست الذ منه وممكن الواحد يحلي فيه بدل الفورد

DSC_0768prime & toast

DSC_0788prime & toast

تريقت في برايم اند توست فرع البدع الحلو فيه مفتوح ٢٤ ساعة طول الاسبوع

منيو الريوق كبييييره في انواع مختلفه من البيض يمكن اكثر من ٣٠ طبق متنوع

ممكن ازوره بالمستقبل لاطباق الريوق

لكن مو للكراميل فورد

22253131

@primetoast

DSC_0749prime & toast

DSC_0744prime & toast

DSC_0791prime & toast

عسل اللجين في اي بي من معجزة الشفاء

27 Mar

DSC_0952honey

ارسلوا لي معجزة الشفاء عسل اللجين الخاص من السدر

بزجاجة فاخرة وحجمها كبير

العسل من نوع في اي بي لجودته وفوايده

لون العسل بني غامق بس مع اضاءه التصوير طالع افتح لكن بالطبيعة اهو غامق

وثقيل وايد تحس انه اصلي والطعم وايد لذيذ

مع العسل كان فيه كتيب كامل يشرح فوايدة ومميزاته ومن اللي قريته باختصار

 ان عسل اللجين الفي اي بي فيه غذاء ملكات النحل والعكبر

العكبر او البروبوليس بالانجليزي للي حاب يبحث عن فوايده اهي مادة صمغية يجمعها النحل من الاشجار ويستخدمها في الحفاظ على خليته من البكتيريا والفيروسات

من بعض فوايد هذا العسل تنشيط الذاكرة والتركيز ولنظارة البشرة وزيادة المناعة

وشكل علبته فاخر ومميز للاهداء

DSC_0951honey

DSC_0961honey

كل الشكر عالعسل الفي اي بي

اللي حاب يطلب من معجزة الشفاء

25644888

@mujezahoney

www.mujeza.net

icflix افلام ومسلسلات غير محدودة على جهازك الذكي

27 Mar

 

شركة اي سي فليكس عبارة عن خدمة اشتراك الكترونية تبث الافلام بانواعها هوليوود وبوليوود والعربية والكرتون والوثائقية والبرامج التلفزيونية عبر الانترنت. بالإضافة إلى ذلك تتوفر خيارات الصوت البديلة و الترجمة لأغلبية الأفلام مما يجعلها في متناول الناطقين بالفرنسية ، العربية و الإنجليزية

بس عليك تنزل تطبيقهم على اي جهاز الكتروني

  مثل الايفون او الاندرويد او الكمبيوتر او اللاب توب او التلفزيون الذكي

وتشغل بث الافلام عالنت باي وقت انت تبيه وحول العالم

باستثناء

(هوليوود)

معروضة فقط في المغرب العربي الشرق الأوسط

وفي خبر حلو لعملاء اوريدو

ستوفر الشركة لعملائها في الكويت المشتركون في نظام شامل إشتراك مجاني لمدة شهران أما عن المشتركين بنظام أخر فسيقوموا بدفع مبلغ 2.4 دينار كويتي في الشهر.

وهذا موقع اي سي فليكس لتنزيل التطبيق وعملاء اوريدو راجو فروعكم عشان تاخذون العروض المجانية والرخيصة

www.icflix.com

الخوارزمي الصغير يفتح باب التسجيل لدورات الحساب الذهني

25 Mar

 هل ترغب في تنمية ذكاء طفلك👫 و قدراته الذهنية؟ 

هل ترغب في زيادة تركيزه 🌟💫

 و تقوية ذاكرته ليصبح التعلم 📝 بالنسبة له أسهل و أمتع؟  

برنامج الخوارزمي الصغير .. هو خيارك الذكي لتحقيق ذلك 💡.. 

نحتضن الاطفال بحب 💕 .. و نراعي الفروق الفردية 

نقدم برامجنا بجودة فريدة 👌 و مهنية عالية💫 

برامجنا معتمدة عالميا 🎓 من الاكاديمية الماليزية IMA 

تطوير عقل طفلك في جو مرِح و ممتع

هو  تخصصنا 👍

نستضيفكم في مقرنا في منطقة الصديق

السبت ٤ ابريل للتجربة المجانية .. احجز مقعد طفلك للحصة المجانية 

ت 97755311 

@little_kh_q8

Sherlock Holmes متحف شارلوك هولمز في شارع بيكر

25 Mar

DSC_0720sherlock

شارلوك هولمز واحد من اشهر الشخصيات الخيالية بالعالم

له معجبين من كل مكان ومسلسلاته وافلامه تنتج الى يومنا هذا

ومتحف شارلوك هولمز في لندن يعتبر وجهه عالميه لمحبين هالشخصية

عنوان متحف شارلوك هولمز يعتبر اشهر عنوان في العالم

٢٢١ بي بيكر ستريت

وفي زيارتنا السابقة ل لندن كنا ساكنين بالقرب من شارع بيكر في منطقه ماريلبون في فندق ذا لاند مارك

وزرنا متحف شارلوك هولمز مشي

المتحف موجود بنفس العنوان ٢٢١ في شارع بيكر

والمتحف عباره عن بيت شخصيه شارلوك البيت قديم وصغير ومحافظين عليه من سنين

والبيت فيه ٣ او ٤ طوابق

فيه اثاث شارلوك والاكسسوارات وتماثيل شمع لعدة شخصيات بالمسلسل

وبعد الانتهاء من المعرض ممكن تشتري تذكارات متنوعه لشارلوك هولمز من المداليات والقبعات والاكواب وغيرها

وهذي بعض اللقطات للمتحف

DSC_0718sherlock

DSC_0724sherlock

غرفة المعيشة فيها مكتبه مطله على شارع بيكر مثل اللي مكتوب بالرواية

DSC_0725sherlock

DSC_0728sherlock

DSC_0732sherlock

غرفة النوم بالخلف

DSC_0731sherlock

DSC_0734sherlock

DSC_0738sherlock

DSC_0740sherlock

الكتاب يوقع فيه كل الزوار

DSC_0744sherlock

DSC_0747sherlock

DSC_0748sherlock

DSC_0751sherlock

DSC_0754sherlock

DSC_0757sherlock

DSC_0763sherlock

DSC_0766sherlock

DSC_0770sherlock

DSC_0776sherlock

DSC_0780sherlock

DSC_0784sherlock

DSC_0775sherlock

DSC_0774sherlock

اخر طابق بالسقف

DSC_0788sherlock

اللي يحب شخصية شارلوك او متابع مسلسلاته راح يحب المتحف

فيه اكسسوارات وشغلات قديمة

موجود في شارع بيكر ٢٢١ لندن

افضل ١٠ خطوط طيران جوية بمقاعدها السياحية

24 Mar

2015-03-17-1426607055-4347817-SaudiArabianAirss800-thumb

بحث قام به موقع هوبر دوت كوم متخصص بالعطلات والسفر

عن البحث عن افضل المقاعد السياحية على جميع الخطوط الجويه بالعالم

وكانت افضل ١٠ خطوط جوية هي

الاولى

الطيران السعودي عنده افضل المقاعد السياحية لركابه على مستوى العالم

يعتبر الطيران رقم واحد بالعالم بكبر مساحه مقاعده السياحية

يبلغ حجم المقعد ٣٤ بوصة مع سنادات مريحة للرأس

وميزه تعديل المقاعد بشكل اوتوماتيكي يناسب كل شخص وممكن يتم تعديله يدوي

الثانية الطيران الكوري

الثالثة طيران غارودا الاندونيسي

الرابعة طيران عمان

الخامسة الطيران الياباني

السادسة السنغافوري

السابعة التركية

الثامنة كاثاي باسيفيك من هونغ كونغ

التاسعة طيران اسيانا من جنوب كوريا

العاشرة طيران أ ان أ من اليابان

اللي حاب يسافر على الدرجة السياحية هذي تعتبر افضل ١٠ طيرانات بالعالم في الراحة بهذي الدرجة

شخصيا افضل الطيران القطري والاماراتي لان يوفر خاصية الافلام الحديثة

فالواحد يتسلى ويمشي الوقت سريع مع فلمين او ٣ تكون واصل وجهتك واذا معاك اطفال افلام دزني تشغلهم عن الشطانة

المصدر

Layout from Instagram برنامج جديد لتركيب الصور من انستغرام

24 Mar

Screen Shot 2015-03-24 at 12.23.01 AM

الانستغرام قبل ساعات قليله نزلت برنامج جديد لتركيب الصور

ممكن تختار من صوره الى ٩ صور ويقسم لك الصور بعدة اشكال جاهزة

وممكن بعد اختيار الشكل اللي حابه تغير حجم كل صوره او مكانها بسهوله

البرنامج ممكن يختار بشكل اتوماتيكي الوجوه ويطلع لك الصور لنفس الاشخاص من البوم الصور

فيه عده مميزات حلوه وبعد تركيب الصور ممكن تحفظ الصوره او ترفعها بالانستغرام مباشره

البرنامج مجاني وحاليا متوفر للاي او اس فقط  يعني للايفون

بعد فتره راح ينزلون نسخه للاندرويد

خوش برنامج سهل وحلو انصح فيه

رابط البرنامج

IMG_1695

IMG_1697

Princi تجربتي لمخبر ومطعم برنسي في لندن

23 Mar

DSC_0604_2princi

مخبز ومطعم برنسي او برنشي في لندن

امدحه لي احد المتابعين في الانستغرام ان يقدم بيتزا لذيذه

مرينا بجانبه في ليله وكان المطعم زززحمه وكل واحد بالمطعم طالب بيتزا خاصه فيه ماكو سالفه مشاركه بالبيتزا :)

قلنا نروح نتعشى بمكان ثاني ونرد له يوم ثاني

عاد مريناه فتره المغرب وكان جانب الكيك والحلو متروس ناس وجانب البيتزا فاضي

طريقته اهو مخبز وعارض الحلويات كلها وتختار اللي تبيه وفي طاولات بجانب الحلو

DSC_0620_2princi

DSC_0607_2princi

DSC_0608_2princi

DSC_0609_2princi

DSC_0610_2princi

DSC_0616_2princi

اما اللي يبي بيتزا في طاولات بالجانب الاخر بجانب فرن البيتزا

DSC_0623_2princi

DSC_0597princi

DSC_0603princi

DSC_0643_2princi

البيتزا عندهم انواع واخترنا بيتزا الموزريلا

اطرافها متينه وبالنص ضعيفه طعم صلصه الطماط والجبن وايد حلوه حبيتها

بس الباقي حسوها عادية موذاك الزود

عجينه البيتزا نفس طريقة الخبز الايراني

DSC_0645_2princi

كوسا مقلية

كانت وااايد لذيذه تتبيلتها بالليمون حااامضة

DSC_0611_2princi

مخبز ومطعم برنسي يقدم منيو ريوق وغدا وعشا

موجود في سوهو لندن ممكن تبحثون عنه بالغوغل ماب باسم

Princi

%d bloggers like this: