Salt برغر سولت في دبي

28 Aug

DSC_0347salt

DSC_0353salt

مطعم سولت من المطاعم الاماراتية الجديدة اللي انشهرت بشكل كبير في فتره بسيطة

يقدم البرغر الامريكي والبطاط المقلي

المطعم متنقل في سيارة او شاحنة

حاليا ثابت مكانه في الكايت بيتش

والحلو ان حاطين منطقه مكيفه خاصه ان الجو جدا حار بالصيف

DSC_0358salt

المنطقة المكيفة وتحتنا رمل الشاطئ

DSC_0349salt

وفي طاولات خارجية بس الجو كلللش ما يساعد الا للناس اللي تسبح فيطقها الهوا

DSC_0362salt

موجوده شاحنتين وحده للطلب منها بس فيها الكاشير

والثانية لاستلام الطلب اللي فيها المطبخ

DSC_0367salt

البرغر عندهم سلايدر بالحجم الميني

والطلب فيه حبتين من كل نوع

طلبنا الاورجنال كان طعمها بالضبط مثل برغر شيك شاك

وشخصيا احب شيك شاك وايد

فكان البرغر عندهم لذييييذ وترررف ونكهته عجيبه

ويستاهل ارد لهم

DSC_0373salt

DSC_0370salt

والنوع الثاني سلايدر الدجاج المقلي مع بطاط الشيتوز بالجبن

كانت جدا عادية ما حبيتها

اللحم عندهم وايد الذ

DSC_0374salt

DSC_0345salt

DSC_0351salt

موجود المطعم في دبي وابوظبي وعجمان

انصح فيه خاصه برغر اللحم

findsalt

MobileFusion تصوير ثلاثي الابعاد في الايفون 

25 Aug

  
شركة مايكروسوفت بتنزل برنامج خاص للتصوير الثلاثي الابعاد على جهاز الايفون 

MobileFusion

ممكن عن طريق البرنامج انك تصور المنتج او الشخص او المنظر من كل الزوايا وبدون الحاجة لاي جهاز اضافي او وجود الانترنت او الشبكة 

والصور الثلاثيه الابعاد عاليه الجودة ويمكن استخدامها في العاب الفيديو او الطباعة الثلاثيه الابعاد 

المصدر والفيديو

Remix كمبيوتر بنظام الاندوريد بحجم كف اليد

17 Aug

  
لي يومنا هذا في ناس تستخدم الكمبيوتر وماتستغني عنه 

على الرغم من اكتساح الايفونات والاندرويد لكن يظل الكمبيوتر مهم

حاليا في كمبيوتر بنظام الاندرويد بحجم كف اليد 

خفيف ما ياخذ مكان وفيه مميزات حلوة 

Remix

١.٢ غيغا هيرتز كواد كور كورتيكس

فيه ١ و ٢ غيغا رام 

وسعه التخزين ٨ او ١٦ غيغا 

وفيه فتحات الوصلات المهمه مثل اليو اس بي والاتش دي ام اي والايثرنت وغيرها 

وتستخدم معاه الكي بورد والماوس وتشتغل عليه كأي كمبيوتر بسهوله واستخدام برامج الاوفيس والطباعه والفيديو 

وتنزل عليه برنامج الاندرويد الموجوده بالستور اكثر من مليون ونص برنامج

وسعره رخيص حوالي ٢٠ دينار فقط
  
المصدر والطلب

switch مطعم سويتش في دبي مول

12 Aug

DSC_0119switch

DSC_0077switch

مطعم سويتش في دبي مول

من اكثر المطاعم المشهوره في دبي

زرناه السنه الماضيه ولا تطلع لستة الانتظار انتهت الظهر وقالوا لنا رجعوا عال٦ المغرب لفتح لستة ثانيه ومشينا ماجربناه

هالسنه قلت لاااازم اجربه

وحطينا اسمنا باللسته وقالوا بعد ٣ ساعات يوصل دوركم

قضينا الوقت بالتسوق بالمول وطار بدون لا نحس

DSC_0082switch

DSC_0093switch

شوربة التوم يام بالربيان

كانت عاديه ومو مثل التوم يام الاصليه بالمطاعم التايلندية

مو ضابطينها

DSC_0089switch

ربيان ديناميت

كان حلو الطبق

DSC_0099switch

سلايدر برغر كانوا لذيذين

DSC_0101switch

سلايدر دياي طلبناها بدون صلصه البافلو حق بنتي

DSC_0103switch

وهذا اهم طبق كنت ابي اجربه من كثر ما اشوف صوره بالانستغرام

براوني بصلصه الكاكاو البيضا والكاكاو بالحليب

مع ابره الكاكاو

كانت جيده لا باس فيها لكن ماعتقد اني راح انتظر مره ثانيه ٣ ساعات لطلبها

المطعم مشهور باطباق النوتيلا لكن شخصيا ماحب نكهه البندق

وافضل الكاكاو الساده فكان هذا الطبق الوحيد تقريبا فيه كاكاو ساده

DSC_0127switch

المطعم اكله حلو لكن مو لدرجة الانتظار ٣ ساعات

وخاصه في بدائل لذيذه مجربينها بره

مطعم سويتش في دبي مول بالدور الارضي

meswitch.com

مطعم صمد العراقي في الجميرا دبي

10 Aug

DSC_0429samad

مطعم صمد العراقي

موجود في الجميرا في دبي

امدحولي المطعم وقلت اروح اجربه

DSC_0376samad

DSC_0375samad

شكل المطعم من بره حاطين زجاج ويطل على غرفة الشوي او اللي يحضرون فيها المسقوف

والسمج ماشالله كبااار

DSC_0412samad

المطعم ضخم طابقين وكميه الطاولات وايد يمكن فوق ال٨٠ طاوله

ذكرني بمطعم شيزكيك فاكتوري بحجمه

DSC_0399samad

DSC_0404samad

DSC_0407samad

DSC_0408samad

DSC_0380samad

ضيفونا بشوربه العدس كانت جيدة

DSC_0385samad

DSC_0418samad

مشاوي مشكله

كانت لذييييذه كل شي كان حلو الكباب والدياي والتكه

طعمهم ناااطع وذكرني بالمشاوي التركية بنطاعتها

DSC_0420samad

قوزي لحم

كانت نكهه اللحم لذيذه

لكن العيش مو بسمتي بوحبه طويله اللي افضله شخصيا

عيشهم حبته متينه قريب للعيش المصري

DSC_0422samad

DSC_0440samad

وضيفونا بالشاي اخر شي

خوش شاي والله عجيييب

الصراحة خوش مطعم وتجربتنا كانت موفقه

والمنيو كبيييير فيه شغلات وايد

لازم نرد نزوره اذا رحنا دبي ان شاء الله

samadaliraqirestaurant.com

Twin set افتتاح محل توين ست للازياء الايطاليه بالافينيوز

10 Aug

DSC_6103twin set

حضرت افتتاح محل الازياء الايطالي

توين ست

في الغراند افينيوز وتابع لشركة اليسرة للازياء

وهذي لقطات من المحل وتشكيلتهم

DSC_6077twin set

DSC_6062twin set

DSC_6064twin set

DSC_6066twin set

DSC_6059twin set

DSC_6082twin set

DSC_6095twin set

DSC_6097twin set

DSC_6086twin set

DSC_6088twin set

DSC_6108twin set

شكرا عالدعوة

www.alyasra.com

DSC_6118twin set

نور الحجاب لعبي وملافع العمرة والحج

10 Aug

DSC_0413نور الحجاب

DSC_0414نور الحجاب

نور الحجاب من المشاريع الكويتية المميزه

متخصصين في العبي الواسعه والملافع العريضه اللي تناسب العمره والحج

خاصه لما الواحد بيتعمر او يحج يحتاج عبي مريحه وواسعه ومرتبه

مفصلين العباية بشكل مريح على الكتف مع السير على الاكمام

وخمار خفيف بارد عالعباية اريح من عباية الراس طبعا خاصه في هذي المناسك اللي يحتاج الواحد يلبس لبس عملي ومريح لتأدية المناسك براحة وخشوع

وعندهم بعد ملافع او شيلات عراض بومترين ونص يغطون الكتف والجسم

حساب حلو للي محتاره من وين تجهز حق العمره والحج

واتس اب للاستفسار

55329383

حسابهم الانستغرام عارضين الملافع والعبي بشكل اوضح

noor_alhijab

DSC_0417نور الحجاب

DSC_0411نور الحجاب

Dipndip فرع ديب ان ديب الجديد في ديسكفري

6 Aug

DSC_0481dipndip

وصلتني دعوة من ديب ان ديب لزيارة فرعهم الجديد في مجمع ديسكفري

ديب ان ديب كافيه مشهور لتقديم اطباق الحلو وخاصه بالكاكاو

كاكاوهم لذييذ بلجيكي من الذ الكاكاو اللي ذقته الصراحة

DSC_0426dipndip

ضيفونا بالقهوة العربية

شي اساسي مع الكاكاو يكسر الحلا

DSC_0435dipndip

Strawberry Stick

ستك الفراولة بالكاكاو

الذ فاكهه مع الكاكاو لازم تجربونها

DSC_0446dipndip

DSC_0452dipndip

Waffles

وافل ديب ان ديب مع تشكيله فاكهه

بس مثل ماقلت الفراوله الذ شي مع الكاكاو حبيته اكثر من الموز والاناناس والكيوي

الوافل جدا لذيييذ مستوي وصاير مثل الكيكه طري ومع الكاكاو يصير مو طبيعي :)

DSC_0495dipndip

DSC_0486dipndip

chocolate crepe

مشهورين بالكريب ويحطون فيه حشوات

انصح بالساده بدون حشوه او مع مارشملو او بسكوت دايجستف الذ ٣ خيارات

في عندهم نكهات ثانيه بالكوكيز او البراوني او الكرسبي بس مافضلتهم

DSC_0471dipndip

DSC_0439dipndip

Crunchy Ice cream

ايس كريم تحت وفوقه رايس كرسبي كورن فليكس وعليه الكاكاو السايح

من الذ الاطباق عندهم تستمتع بالايس كريم اللي يكسر حلاوه الكاكاو والكورن فليكس المقرمش

DSC_0502dipndip

DSC_0493dipndip

Moca Frabe

موكا بارد وايد لذيييذ طعم القهوه السويت المثلجة

DSC_0505dipndip

اشكر ايونيلا واداره ديب ان ديب عالدعوة

وجهتي اذا اشتهيت كاكاو اصلي من افضل الكافيهات

والخدمة وااايد افضل من السابق سرعه في اخذ الطلب وتقديمه

حاليا بالكويت في ٧ فروع

وفتح في دبي فرعين وعندهم بالعين وفي ابوظبي

وفي قطر وعمان بعد

www.dipndip.com

DSC_0514dipndip

مجبوس اللحم من مطعم قماشة للاكل الكويتي

5 Aug

DSC_0611قماشة

DSC_0608قماشة

 

جربت مجبوس اللحم من مطعم قماشة للاكل الكويتي

صينيه حق ٤ اشخاص

وايي معاها الخضره والدقوس والمرقة والمعبوج والاجار

DSC_0617قماشة

DSC_0618قماشة

اللحم ترررف ونكهته لذيييذه مافيه زفره

والعيش نثري بسمتي شغل عدل

كمية اللحم والعيش راااهية

DSC_0622قماشة

DSC_0630قماشة

سلطة الفتوش لذيييذه تارسينها دبس رمان حامضه لذيذه

DSC_0627قماشة

اللبن مع النعناع عجيييب

لازم تطلبونه مع المجبوس

DSC_0632قماشة

المطعم عنده اطباق ثانية وايد بالمنيو من لحم ودياي وربيان وسمج

جربت هالمره مجبوس اللحم وكان راهي ولذيذ

راح يكون مطعم قماشه في لستتي اذا نبي اكل كويتي يبيض الويهه

مكان المطعم في بنيدالقار بجانب نادي فلكس فاملي

هذي ارقامهم للطلب والتوصيل

  22572455

22572655

90939644

90939744

وهذا حسابهم الانستغرام فيه كل اطباقهم والمنيو كامل

m63mgumasha

كل الشكر مطعم قماشه عالاكل اللذيذ

Chicken Hut سلة الدجاج بالانواع ال٧ مع صلصات التغميس

4 Aug

DSC_0594chicken hut

DSC_0590chicken hut

 

 مشروع شكن هت متخصص بالدجاج

شغل بيت كويتي والدجاج المستخدم كويتي

ارسلولي سلة الدياي مالتهم فيها ٧ انواع دياي مع تغميسات متنوعه

DSC_0606chicken hut

DSC_0595chicken hut

دياي مع شعرية جربوه مع الهوني ماسترد

DSC_0596chicken hut

دياي بافلو حلو مع الصلصه البيضا

DSC_0599chicken hut

دياي بالسمسم لذيذ مع صلصه السويت شيلي

DSC_0598chicken hut

كرات العيش بالدجاج حلوه طعمها مثل كبه العيش

DSC_0635chicken hut

DSC_0597chicken hut

سمبوسه او مثلثات الدياي المشوية

خفيييفه وهشششه

مستخدمين البف باستري ف وااايد طعمها احلى من عجينه السمبوسه

DSC_0637chicken hut

DSC_0602chicken hut

دجاج بالتمر الهندي كان حامض  لذيذ

DSC_0603chicken hut

دياي سبايسي

كانت حرارته خفيفه مو سبايسي وايد  هم حلو

الصراحة السلة متروسه انواع حلوه كمقبلات لمجموعه كبيره بدال المقالي والكبب

او ممكن طبق رئيسي اذا كنتوا ٤ اشخاص

ووصلني حار وفريش وتقديمه حلو بالسلة

وهذا رقمهم للطلب

99544350

55467900

وهذا حسابهم الانستغرام

chickenhut

كل الشكر عالسلة اللذيذة

Krush Burger مطعم كراش برغر في دبي

3 Aug

DSC_0445_2krush burger

DSC_0441_2krush burger

في زيارتي لدبي مدحوا لنا مطعم كراش برغر

اهو فرانشايز من امريكا ومتواجده فروعه في كاليفورنيا بس

وموجود فرع واحد خارج كاليفورنيا في دبي مقابل دبي مول

DSC_0442_2krush burger

البرغر عندهم بالحجم الميني سلايدر

وحجمهم اعتبره متوسط مو صغير تقريبا كبر الشيز برغر مال مكدونالدز

وممكن تختار كومبو نوعين سلايدر مع بعض وبطاط ومشروب يصير اوفر من ان تطلب حبه وحده بس

المنيو عندهم صغير

٣ انواع برغر ميني لحم ونوع واحد شكن ميني

ونوعين بطاط العادي والبطاطا الحلوه الكور

DSC_0452_2krush burger

اوريجنال برغر

لذيييذه ترررفه جوسيه نكهة اللحم لذيذه وكل المكونات فريش

عيبهم ان يحطون صلصه وااايد اللي تخر خر من الصمونه

ممكن تطلبون الصلصه على جنب وانتوا تتحكمون بالكميه

اعرف ناس تحب تغرق صمونتها بالصوص لذلك الناس اذواق بالاكل

DSC_0453_2krush burger

البافلو شكن مع سلطه الكولسلو

وايد لذيذه وترفه وسبايسي عجيبه للي يحب البافلو

وطلبنا منها بدون صلصه بافلو دجاج سادة للاطفال كانت لذيذه بعد

DSC_0451_2krush burger

بطاطهم كرنشي يقرمششش

وكرات البطاطا الحلوه بعد لذيذه جدا

DSC_0445_2krush burger

DSC_0455_2krush burger

DSC_0457_2krush burger

موجود مطعم كراش برغر في فندق المروج روتانا اللي مقابل دبي مول

ومدخله خارجي بره الفندق

وفيه قعده داخليه طابقين وخارجيه بس الجو حاليا مايسمح

برغر لذيذ جدا وينافس مطاعم البرغر القوية

www.krushburger.com

Amwaj Rotana تجربتي فندق امواج روتانا في دبي

2 Aug

DSC_0333_2amwaj rotana

صار لي فتره ما كتبت بالبلوق من اجازه العيد

اللي قضيناها في دبي

قبل العيد بشهر بحثت عن افضل العروض لدبي في العيد

ولاحظت طبعا غلاء الاسعار بالفنادق اللي نحبها مثل ذا ادريس ومينا السلام واتلانتس

ولقيت موقع بريطاني اي بووكرز يعطي باكج تذاكر سفر مع الفندق بسعر اقل من المواقع الثانيه

www.ebookers.com

JBRولقيت فنادق ال

اسعاهم معقوله لعطله العيد بالمقارنة مع فنادق الجميرا وفنادق دبي مول

واخترت امواج روتانا لقربه من الشاطئ

DSC_0882amwaj rotana

هذا اللوبي

DSC_0014amwaj rotana

اخترت غرفه ديلوكس مطله عالبحر

الغرفه وااسعه ومريحه

DSC_0016amwaj rotana

DSC_0004amwaj rotana

DSC_0005amwaj rotana

للاسف حمامهم تكرمون مافيه شطاف

لذلك اذا بتحجزون فيه يفضل اتييبون ابريجكم النايلون معاكم :)

DSC_0007amwaj rotana

DSC_0008amwaj rotana

DSC_0145_2amwaj rotana

وطلبنا على يوم الريوق العربي

وايد حلو انصحكم تجربونه متنوع وفيه كل شي

من بيض وحلوم وفول ولبنه وانواع خبز مع الزبده والمربى والعسل

DSC_0148_2amwaj rotana

وهذا المنظر من غرفتنا

يطل عالبحر وعلى ممشى الجي بي ار ذا ووك

DSC_0151_2amwaj rotana

DSC_0152_2amwaj rotana

DSC_0876amwaj rotana

ويوم العيد عيدوا علينا بالحلويات العربية

DSC_0085amwaj rotana

وهذا باللوبي

DSC_0087amwaj rotana

DSC_0319_2amwaj rotana

شاطئ الجميرا اللي مقابل الفندق

لازم تعبرون شارع داخلي عشان توصلون للشاطئ

DSC_0315_2amwaj rotana

الشاطئ فيه كل انواع النشاطات البحرية

من طراريد وجتات والبراشوت وغيره للكبار والاطفال

ركن زحلاقيات ودوارف لليهال

وكشكات العصير والايس كريم والكنافه موزعه على كل الشاطئ

DSC_0161_2amwaj rotana

ركن للاطفال بالشاطئ نوافير ماي

والدخول بتذكره

DSC_0158_2amwaj rotana

المنظر من الشاطئ يبين فندق اتلانتس

فندق امواج روتانا كان خيار وايد حلو

عيبه الوحيد مافيه انترنت واي فاي مجاني بالغرف على عكس معظم الفنادق

ومميزاته

موجود على شاطئ حلو وموجود في ممشي الجي بي ار اللي فيه المطاعم المتنوعه والكشخه وبعض محلات المكياج والازياء

وفي سوبر ماركت صغيره وبعد في سينما كله تروح له مشي مايحتاج سياره

الجي بي ار عباره عن سوق مكشوف يعني التمشى كله بره

لذلك بالصيف وايد حار ويضايق حلاته بالشتا حق التمشي

www.rotana.com

www.ebookers.com

عيدكم مبارك وعساكم من عواده

17 Jul

  
عيدكم مبارك وتقبل الله طاعتكم 

وعساكم من العادين الفايزين 

Whoopie نكهات ووبي باي الجديدة للعيد

15 Jul

DSC_0009whoopie

DSC_0003whoopie

DSC_0014whoopie

ووبي باي من المشاريع الكويتية اللي شغلهم جدا لذيذ ومميز

مع هبه فراولة الكاكاو بالكويت

نزلوا لنا ووبي باي بالفراوله والتوت والكاكاااااو شي لذييييذ وخطيييير

المشاريع الثانيه تكون فراولتهم حلوه بالكاكاو لكن مشكلتهم بالكوكيز او الكيكه اللي تحت الفراولة

دايما طعمها للاسف مو حلو وماينوكل اكل الفراوله واقط الكوكيزه

لكن الحين مع ووبي باي

الفراولة والووبي اللي تحتها عجييييييب شي لذيييذ

DSC_0015whoopie

اللي مو مجرب الووبي

اهي جامعه بين الكيك والكوكيز

ترررفه ولذييييذه

DSC_0022whoopie

ووبي التيراميسو

DSC_0044whoopie

ووبي الكاكاو بالفراولة بالكاكاو خياااالية

كاكاوهم طعمه جالكسي او آرو

DSC_0051whoopie

ووبي الريد فلفيت بالتوت والكاكاو

DSC_0018whoopie

ووبي القرع وعليها حبة بيكان وصوص الكراميل

عجيييبه طعمها بالضبط مثل كيكه القرع

وخاتمين عليها عيدكم مبارك للعيد

DSC_0008whoopie

علبه العيد ما شالله مرتبه بالورد الجوري

DSC_0085whoopie

DSC_0089whoopie

DSC_0112whoopie

DSC_0090whoopie

DSC_0081whoopie

DSC_0057whoopie

كل الشكر عالووبي اللذيذ

راح يكون اختياري اذا اشتهيت فراوله بالكاكاو او كيكه القرع

شكله عجيب للتقديم وطعمه فريش ولذيذ

هذا حسابهم الانستغرام

whoopie_q8

وهذا رقمهم للطلب

55500303

DSC_0036whoopie

مواضيع سابقة

Whoopie نكهات ووبي الرمضانيه الجديده

Whoopie تجربتي لحلو ووبي

Labels On تصاميم مختلفه لاظرف العيادي للعيد

15 Jul

DSC_0070label on

DSC_0059label on

ليبل اون متخصصين بطباعة وتصميم الكروت والستكيرز

منزلين للعيد اظرف للعيادي

بتصاميم متنوعه وكل واحد يطلب على ذوقه

DSC_0063label on

داخل البوكس الصغير فيه

اظرف العيادي ونوعيته متينه مثل الكرتون

وحاطين فيه بطاقه المعايده لكتابه الاسم

وستكرات للاظرف

DSC_0066label on

الاظرف

DSC_0068label on

الستيكرات

DSC_0069label on

كروت المعايده

DSC_0075label on

مطرشين لي دزاينات وايد تناسب كل الاذواق

DSC_0077label on

سهله طريقة عمل الظرف

بس نطويه ونحط داخله بطاقه المعايده نكتب عليها اسمنا مع العيدية

ونلزقه من بره

وخارج الظرف نكتب اسم اللي بنعطيه العيدية

DSC_0072label on

DSC_0080label on

شغل مرتب وحلو ومتنوع

للي يبي اظرف للعيادي

هذا حسابهم الانستغرام

labels_on

ورقمهم

66702433

Dessert Table انواع جيزكيك وحلويات لذيذة من ديزيرت تيبل

7 Jul

DSC_0055desert table

DSC_0100desert table

DSC_0010desert table

ديزيرت تيبل مشروع منزلي للحلويات

متخصص بالجيز كيك بانواعه

طلبوا مني اختار نوع من جيزكيكهم ولما دخلت حسابهم احترت شنو اختار

كل نوع شكله الذ من الثاني

عندهم شيركيك الكندر والكنافه والبيري وكيكه القرع والفستق و و و و

DSC_0047desert table

DSC_0088desert table

Pomegranate Cheesecake

اخترت شيزكيك الرمان

وايد لذيذه الشيزكيك مطبوخه بالفرن افضلها شخصيا عن الشيزكيك الباردة

وطبقه الرمان فوق لذيييذه صايره حامض على سويت كملت النكهه

DSC_0093desert table

DSC_0016desert table

DSC_0024desert table

Marshmallow S’mores

وارسلولي بعد علبه مارشميلو سمورز

خفيييييف ولذييييذ

طبقه بسكوت فيها كاكاو وعليها مربع مارشملو ترررف

ومكرمل محروق من فوق

جدددا لذيييذ

DSC_0061desert table

DSC_0105desert table

الصراحة طعم لذيذ وشكل تقديم راقي وتغليف مميز

حبيت شغلهم وانصح اللي يبي كيك او حلو قهوة يجربهم

the_dessert_table

وهذا رقمهم للطلب

99296278

DSC_0118desert table

كل الشكر عالحلو الرااائع

DSC_0014desert table

نقصة رمضان من كافيه حليب وهيل

4 Jul

DSC_0776haleeb o hail

DSC_0757haleeb o hail

كافيه حليب وهيل ارسل لنا نقصة رمضان

البوكس فيه بسبوسة بالقشطة ودرابيل وخبز رقاق بالزعتر وخبز رقاق بالزعفران

حلو كنقصة للزوارات والعزايم

تقدرون تختارون اي نوع كيك من عندهم وايي معاه الدرابيل والرقاق

DSC_0758haleeb o hail

DSC_0768haleeb o hail

الدرابيل وخبر الرقاق

DSC_0760haleeb o hail

DSC_0766haleeb o hail

DSC_0780haleeb o hail

البسبوسه بالقشطة كانت جيدة

DSC_0781haleeb o hail

DSC_0791haleeb o hail

DSC_0788haleeb o hail

تشكيلة من الرهش بالكاكاو والفستق والبسكوت

DSC_0786haleeb o hail

كل الشكر كافيه حليب وهيل عالنقصة

وهذا رقمهم لطلبات البيكري

25721749

haleeboheil

DSC_0774haleeb o hail

Trunkmonkey حامل للدراجه يناسب جميع السيارات 

1 Jul

  

اختراع حلو لاصحاب الدراجات الهوائية 

حامل للدراجه من الخام او النايلون يتم تفخه بجهاز التفخ المتوفر معاه اللي يشتغل بولاعه السياره 

تتفخه وقت تركيبك للدراجه عالسياره وممكن بعد الاستخدام تفرغ منه الهوا وتخزنه بدبه السيارة  ويتم تثبيته بحزام من النايلون عالسياره 

عملي وخفيف وحجمه صغير ومؤقت ويركب على اي نوع من الدراجات او السيارات 

وسعره حوالي ٣٠ دينار 

رابط الطلب من كيكستارتر
  

Eat Kuwait الباستا الوردية والبستو من ايت كويت

26 Jun

DSC_0762eat kuwait

DSC_0758eat kuwait

ايت كويت مشروع منزلي للباستا

جربت منهم الباستا الوردية بقطع الدياي

لذييييذه وااايد بالضبط نفس طعم الباستا بالمطاعم المختصه

ويحطون على جنب فلفل بودره مع بارميزان علشان نرشه عالباستا هم يعطي طعم سبايسي اكثر للي يحب الحار

وواضح لما تغرف الباستا متروسه جبن ويمط معاي

DSC_0779eat kuwait

DSC_0773eat kuwait

DSC_0789eat kuwait copy

وبعد طرشولي نوع ثاني من الباستا

بيستو باستا

DSC_0776eat kuwait

DSC_0785eat kuwait

هم كانت لذيذه البيستو بس حبيت البينك اكثر منها

اللي حاب يطلب منهم عالرقم

98885484

وهذا حسابهم الانستغرام

eat_kuwait

خوش باستا انصح فيها

DSC_0782eat kuwait

شاحنة سامسونغ الشفافة 

24 Jun

The safety Truck

 
سامسونغ قاعدة تدرس تقنية جديدة للشاحنات لتقليل الحوادث

تزودها بكاميرا امامية ذات بث مباشر 

وتنقل البث عالتلفزيون الموجود بخلف الشاحنة 

لتسهيل مشاهدة الطريق للسيارات بالخلف ويقرر بعدها السايق امكانيه التجاوز 

وفيها تصوير صباحي وليلي 

وسموها الشاحنة الشفافه او شاحنة الامان لان كأنك تشوف الطريج من خلالها 

صورا الاعلان في الارجنتين لزيادة الحوادث في الشارع المصور فيها الشاحنة 

اشرايكم؟ تتوقعون بتقلل الحوادث؟ 
 

المصدر والفيديو

%d bloggers like this: