Kaifii

بي اف شانغز يعتبر واحد من افضل المطاعم الصينيه بالنسبه لي

مادري اشلون كنا ناكل صيني قبله

اطباقه واااايد حلوه ولذيذه وطبعا اروح له على طول

بس يريت ينزلون مينو يديده لان مليت من نفس الاطباق مع ان اطباقهم حلوه بس يبيلنا تجديد

المهم اخر مره رحت له كان بفرع الافينيوز وهذي الاطباق اللي طلبتها

Vegetable Spring Roll

سبرينغ رول بالخضار كان فريش وكرنشي مع عصره ليمون وصلصه السويت اند ساور (حامض حلو) حده عجبني   

Dynamite Shrimp

دايناميت شريمب (الربيان بالصلصه الحاره) طبعا هذا الطبق لازم تلاقون كل طاوله طالبين منه مايصير تدخل المطعم الا وانت طالبه صج ماينلامون الناس هالربيان لذييييييذ مادري شنو حاطين بالصلصه

 (وممكن حق الناس اللي مايحبون السبايسي يطلبون الصلصه على جنب ( بس شنو الفايده؟ حلاته بالصلصه 😍

حق اللي مو مجربه (ما اعتقد ان في احد ماجربه) لازم تذوقه

Mongolian Beef

واحد من الذ الاطباق اللي ذقتها عندهم لحم المغنوليان

اللحم حده لين ما ينعلج بالحلج وفيه صلصه سويت مع البصل الاخضر مايتطوف

كنت مره بجرب المنغوليان بلحم الغنم من ناحيه التغيير ولا الغرسون مامدحه لي يقول ان لحم الغنم وايد عرد ويابس ماراح يعجبني مثل لحم البقر وان وايد زباين يشتكون من الطبق قلت يود مينونك و خلني على طبقي المعتاد

وايي مع الطبق عيش مفيوح اما ابيض او اسمر

Lemon grass shrimp with garlic noodles

هذا الطبق اول مره اطلبه من ناحيه التغيير

الربيان مشوي مع الليمون والزبده والنودلز مع الثوم

مادري ماعجبني وايد او يمكن لاني شبعت من الاطباق الثانيه

ماعتقد بطلبه مره ثانيه

جووي غووي كووكيز عندهم نوع يديد من الكوكيز لايت يكون نص سكر اقل من الاوريجينال

العاده انا احب الاوريجينال كوكيز و الكيندر كوكييز بعد لذيذييين

بس حراااااام كل ما اشتري جار لااازم خلال يوم او بالكثير يومين اقضي عليه الكوكيز حدهم لذيذين ماقدر اقاوم

 فلما دريت ان في نوع لايت قلت اجربه بس خفت ان يطيح بجبدي ويطلع طعمه مو حلو

لما طلبته طلع حلووو مع ان لايت ما احس ان كوكيز بايخ للرجيم بالعكس طعمه حلو ونفس طقه الاوريجينال

من اليوم ورايح طلبي راح يكون جووي لايت عالاقل اكله وانا مرتاحه الضمير

The other day i went to chocolate bar the avenues branch with my friend and ordered this

Ghowy hot chocolate cake with vanilla ice cream this is my standard order for the last 10 visits everytime i go to chocolate bar i order this dish soooo chocolately deliciuos (daseeeem o thegel lazem bottle mai weyah) 😳

And my friend ordered this

Crunchy caramel pie with vanilla ice cream i had a bite from the pie it was yummy it’ll definetly be my order next visit, filled with hot caramel and chocolate and the biscuit tastes like ginger cookies.

امس مريت لايف وذ كاكاو ب ٣٦٠ مول مع بنتي قلت اجرب طبق كاكاو يديد وبنفس الوقت ابي طبق تستانس عليه بنتي

ولا القى بالمينو طبق فيه٣ اعواد برد فانيليا مع تغميسه كاكاو وكورن فليكس و مكسرات وحلاو

اسم الطبق

ice cream popsicles

طريقته نغمس البرد بالكاكاو وبعدين بالحلاو او المكسرات

وطلبت اكسترا فراوله وكوكيز

طبعا بنتي كيفت عليه ووايد استانست عالفكره

اللي عنده يهال يبي يلهيهم خل يطلب لهم هالطبق راح يستانسون وايد عليه وبنفس الوقت يخلون الواحد ياكل على راحته