Kaifii

مطعم صني سايد اب منزل مينو يديده للغدا والعشا

قلنا لازم نمرهم نجرب اطباقهم  وخاصته ان زيارتنا السابقه لهم كانت لذيذه

المينيو اليديده فيها اطباق متنوعه

مثل الباستا والستيك والسندويشات والدياي والسلطات

طلبنا كان هذا

The Steak Salad

سلطه الستيك

شرايح ستيك ، طماط ، خس ، روكا ، بارميزان مع صلصه البلسميك

حدها لذيذه مع اكسترا صوص اموووت على شي اسمه خل البلسميك

Grilled Chicken With Potato Cake

دياي مشوي و قطع بيكون مع صلصه كريمه  بالجبن البارميزان

وتحتها قطعه بطاط مبشور مع خضار ولحم

هذا الطبق لااااازم تجربونه لذيييذ لذييييذ لمحبي الدياي والبيكون

Adooola Steak

ستيك عدوله (اسم الطبق على الشيف عادله الشرهان

قطعه ستيك سيرلوين عليها بيض مقلي وصلصه كريمه بالجبن

عذااااب اول مره اجرب ستيك مع بيض وطلعت خياااال

لازم اطلبه مره ثانيه هالطبق لايطوفكم

Ahmed Burger

برغر احمد

Madness Steak Sandwich

صمونه مادنيس ستيك

خبز شيباتا داخلها شرايح ستيك وبصل مشوي و جبن موزريلا

كانت الصمونه حلوه ولازم تغمسونها بالصلصه اهي حامضه شوي

Fettuccine Alfredo

فيتوشيني الفريدو

باستا فيتوشيني مع دياي ومشروم مغرقه بصلصه البارميزان الكريميه

دسسسسمه بس طعم البارميزان عجيب

Pineapple & Raspberries Juice

Melon Medley Juice

عصير اناناس وتوت

عصير رقي مع بطيخ كان منعش

كانت الزياره لذيذه لمطعم صني سايد اب

وهذا الزايد من الاكل خدناه سفري

هذي المقات كانت هديه من مطعم صني سايد اب

شكلهم يشوق بوديلي واحد منهم للدوام

مشكووورين عالاكل اللذيذ وعلى المقات

*خبر سعيد*

قال لنا صاحب المطعم ان صني سايد اب راح يفتح فرع ثاني بالمستقبل في منطقه “ابوحليفه” بمجمع دوم اللي لازق بمجمع كويت ماجيك

Sunny Side Up مطعم

موجود في مجمع الصقران المباركيه بالديره

اوقات العمل من ٨ لي ٢ صباحا

ومن ٧ لي ١١ مساءا

تلفون :22463431