Archive by Author

Amici’s تجربتنا لقائمة اميتشيز الجديدة للسندويشات

17 Jun

DSC_0016amici's

مطعم اميتشيز المتواجد في السالمية

منزل قائمة اكل جديدة

فيها سلطات وسندويشات وحلويات

السندويشات في راب وبانيني وفوكاتشيا وتوست وبرغر

طلبنا منهم ل ٧ اشخاص

٧ سندويشات وماشاء الله حجمهم كبير وراهي

عندهم حجمين الكبير والحجم العادي

قلنا نجرب الحجم الكبير واهم يقصونه بالنص عشان يصير شيرينغ مشاركة بيننا

صاروا السندويشات ١٤ قطعه لما قصوهم بالنص

DSC_0004amici's

عندهم بالمنيو ٤ سلطات

DSC_0009amici's

Amici’s Chef Special

سلطة الشيف الخاصة

فيها ملفوف وعصي الارز وقطع دياي بالبقسمات

وصلصتها الثاوزند ايلاند كانت حلوه وصلصتها سويت

DSC_0012amici's

Chicken Caesar

سلطة السيزر وااايد حلوة وفريش والخس المستخدم اهو الخس الامريكي

وايد احبه بالسيزر

DSC_0023amici's

Amici’s Burger

برغر اميتشيز كانت وااايد ترفه الخبز ترف واللحمه لينه وترفه

طعمها كان جيد

DSC_0020amici's

Club Classico

دياي مشوي وديك رومي داخل التوست

اللي كلاها مدحها وقال حلوة

DSC_0029amici's

Honey Mustard Chicken

قطع دياي بالبقسمات وصلصه الخردل بالعسل

كان ناقصها صلصه زيادة والدياي حسيت ان البقسمات طاغي على طعمه

DSC_0046amici's

BBQ Steak

فوكاتشيا ستيك باربيكيو

كانت لذيذة

وخبز الفوكاتشيا المستخدم وايد حلو وترف حبيته اكثر من خبز البانيني الاسمر اللي عندهم

DSC_0042amici's

Philly Steak

فوكاتشيا فيلي ستيك

كانت حلوه بعد والحجم الكبير يكفي لشخصين

DSC_0033amici's

Steak Al Funghi

ستيك بالمشروم في خبز البانيني الاسمر

اللي جربها قال ان الخبز الاسمر كان ناشف وشوي

حق اصحاب الرجيم فقط اللي يفضلون الخبز الاسمر

DSC_0035amici's

EVOO Melanzane

باذنجان مشوي مع جبن قشقوان بخبز البانيني الاسمر

نفس الموضوع الخبز الاسمر للي يحبه فقط

DSC_0048amici's

اميتشيز يقدم سندويشات فريش جنها شغل بيت

وحلو فيها خبز الفوكاتشيا ترف ولذيذ والكلوب حلو

يقدمون شيزكيك للحلو بس ماطلبناه

ويقدمون بطاط شيبس ليز مع الصمون

عندهم محل صغير بالسالمية في شارع بغداد

وعندهم توصيل للمنازل

2575 1117

وممكن تطلبون منه في موقع طلبات

@amiciskuwait

شكرا اميتشيز عالعشاء الخفيف

المرافق الترفيهية في فندق الشانغريلا مسقط

16 Jun

DSC_0095shangrila muscat

Shangri-La’s Barr Al Jissah Resort and Spa – Muscat

الاسبوع اللي طاف زرنا منتجع الشانغريلا بر الجصة في مسقط

وسكننا في فندق الواحة المخصص للعائلات اللي معاهم اطفال صغار

هذا تقريري الاول بالرابط عن غرفتنا الديلوكس وعشاء الروم سيرفس

وبهذا التقرير بكتب عن مرافقهم السياحية وشنو تلاقونه داخل المنتجع

اولا عندهم سبا وصاله رياضة وقرية التراث العمانية فيها تسوق بسيط وركن لالعاب الاطفال

بخصص لها موضوع خاص

DSC_0626_3shangrila muscat

الفندق موجود على شاطي خليج عمان خلف منطقه جبلية

والطرقات مثل ما تشوفون بالصوره كلها بين جبال ضخمة

الطريق سبب لي غثيان لان مو متعوده على الطرق الجبلية

وماشاء الله سواق التكاسي متعودين عالمنطقه فيدوسون سرعه عالية بالسياره على حافه الجبال

وانا قلبي يوقف من الخرعة

كانت اسوء شي بالرحلة بالنسبه لي طريق الجبل

DSC_0610_3shangrila muscat

DSC_0551shangrila muscat

فندق الواحة بالشانغريلا فيه ٣ حمامات سباحة

٢ للكبار وواحد للاطفال عمقه بسيط

وممكن تروحون حمامات سباحة فندق البندر المجاور مشي عالاقدام

لكن الفندق الحصن ممنوع الدخول اليه الا لسكان الحصن لان ممنوع دخول اي طفل فيه

لتوفير الهدوء والاستجمام للنزلاء :)

DSC_0554shangrila muscat

حمام سباحة الاطفال

DSC_0552shangrila muscat

عندهم النهر الصناعي على طول فندق الواحة

DSC_0492_3shangrila muscat

DSC_0562shangrila muscat

رشاشات للماء للاطفال

DSC_0568shangrila muscat

DSC_0630shangrila muscat

ملعب كرة قدم للاطفال

DSC_0615shangrila muscat

DSC_0939shangrila muscat

ميزة حلوه بالفندق مالقيتها بمنتجعات دبي مثل الجميرا او اتلانتس

هي توزيع المناشف المثلجة البااارده عالناس

تبرد علينا

وتوزيع ثلاجة صغيره فيها ثلج و٤ بطول ماي صحة لفترة السباحة عالبحر

DSC_0029shangrila muscat

وتوزيع الرقي او البطيخ على النزلاء

الصراحة حبينا هالموظف برد علينا وبشووووش

DSC_0558shangrila muscat

عالشاطئ موفرين العاب الرمل البلاستيكية للاطفال مجانا

DSC_0589shangrila muscat

DSC_0052shangrila muscat

الشاطئ كبير ونظيف

والشاطئ واحد بين الفندقين الواحة والبندر

اما الحصن لهم شاطئ خاص لهم

ويوفرون الرياضة البحرية مثل البنانا بوت والدونت والجت سكي وغيرها

DSC_0644shangrila muscat

DSC_0533_3shangrila muscat

هذا فندق الحصن بالويهه

وهذي الكراسي بقسم البندر

DSC_0524_3shangrila muscat

حلوة لمحبي الشطرنج

DSC_0510_3shangrila muscat

عندهم بعد ركوب الجمال ساعتين حزه العصر يوميا

DSC_0550shangrila muscat

Assira وهذا كافيه اسمه اسيرا

صوب حمام سباحة الاطفال

يقدم العصاير والسندويشات

DSC_0463_2shangrila muscat

جربنا البرغر كانت ماصخة وعادية

DSC_0464_2shangrila muscat

لازم شكن ناغتس للاطفال

هذي الشغلات المتوفره في فندق الواحة

وفي عندهم نادي للاطفال يستقبلهم بدون الاهالي بس ماصورته ومادخلنا له

والفندق يوفر بعد رحلات غوص وسنوركلنغ

ورحلات الدلافين

بتقريري القادم بحط لكم رحلتنا لمشاهده الدلافين في خليج عمان

وتجربتنا لبوفية الاكل البحري في مطعم السامبا

هذا التقرير الاول عن الفندق هنا

تجربتي لفندق ومنتجع الشانغريلا بر الجصة في مسقط عمان

15 Jun

DSC_0592shangrila muscat

Shangri-La’s Barr Al Jissah Resort and Spa – Muscat

بنقل لكم تجربتي في فندق الشانغريلا بر الجصة في مسقط عمان

سمعنا عنا كلام وايد حلو وكل اللي زاره من الاهل والاصدقاء مدحوه

لذلك قررنا نجربه بنفسنا

بحثت عن افضل العروض وطلع الطيران العماني مسوي له عرض جدا ممتاز

٣ ليالي بقيمة ١٤٥ دينار للشخص الواحد تذكرة واقامة وريوق

لكن مافي حجز اونلاين لازم حضور شخصي في مكتبهم في شرق

خذينا الباكج وزدنا عليه سعر غرفة مواجهه عالبحر

طلع فندق الشنغريلا في مسقط مكون من ٣ فنادق

الواحة: للي عنده اطفال تكون مرافق الترفيهيه للاطفال قريبه جدا منه

البندر: مخصص لرجال الاعمال والعوايل اللي عندهم مراهقين وغرفتهم اكبر شوي من الواحة

وسعر الغرفه بالفندق اغلى ب ١٥ دينار لليلة الوحدة

الحصن: لشهر العسل والازواج بدون اطفال لان ممنوع دخول الاطفال اليه

حلو للي يبي مكان هادي واستجمام وبعيد عن ازعاج اليهال

غرفته اكبر من الواحة والبندر وسعره زيادة ٥٠ دينار لليلة بغرفه الديلوكس

DSC_0591shangrila muscat

احنا اخترنا الواحة لان معانا بنتنا ٤ سنوات

ونصحونا فيه لان حمامات سباحة الاطفال ونوادي الاطفال الترفيهيه موجوده داخله

الفندق يبعد عن مطار مسقط ٤٥ دقيقة بالسيارة

ومافي يمه اسواق او اي شي قريب

داخلة عدة مطاعم فندقية

اسيوي ولبناني وبحري وقهاوي للخفايف وغيره من المطاعم

DSC_0175shangrila muscat

DSC_0485shangrila muscat

هذا لوبي الواحة

DSC_0484shangrila muscat

قدموا لنا عصير تفاح بالفراولة  وايس كريم للاطفال عند وصولنا الفندق

DSC_0488shangrila muscat

DSC_0499shangrila muscat

غرفة ديلوكس مطله عالبحر

حجمها معقول ومريحة

DSC_0491shangrila muscat

DSC_0492shangrila muscat

DSC_0493shangrila muscat

DSC_0494shangrila muscat

DSC_0497shangrila muscat

تكرمون الحمام اهم ميزه فيه رشاش الماي

لان معظم فنادق ال٥ نجوم ماتوفر الرشاشات فيها

DSC_0495shangrila muscat

DSC_0520shangrila muscat

وصلنا بالليل وكنا تعابى طلبنا من خدمة الغرف العشا

shangrilashangrila muscat

مشاوي ايرانية كلش ما ننصح فيه اللحم زفر ويابس

سلطة ربيان كوكتيل لذيذة

مرق كاري اخضر تايلندي سبايسي وايد لذيذ

وجبة للاطفال اصابع نقانق الدجاج

DSC_0160shangrila muscat

ثاني يوم الصبح صورنا المنظر من غرفتنا

موقع الفندق حدة عجييييب بين جبال والبحر والشاطي نظييييف

DSC_0168shangrila muscat

DSC_0161shangrila muscat

الشاطئ قريب جدا من القندق خطوات ولا انت عند البحر شي خيااالي وجمييل

DSC_0479_2shangrila muscat

هذا تقريري الاول عن فندق الشنغريلا مسقط

بحط جزء ثاني للمرافق الترفيهية اللي موجودة داخلة

انتظروا التقرير :)

نكهات حلو سولو شوروس الاسباني الجديدة للصيف

15 Jun

DSC_0964_3solo churros

Solo Churros

محل سولو شوروس المشهور بالحلو الاسباني الشوروس

نزل نكهتين جديدتين للصيف

نكهة الفليك ونكهة كاكاو غايلان

DSC_0965_3solo churros

DSC_0975_3solo churros

The Flake

شوروس بنكهة الفليك

اللي مو مجرب الشوروس اهو نفس طعم الدونت تقريبا

وحلو الواحد يجربه من ناحية التغيير

DSC_0982_2solo churros

The Guylain

شوروس بنكهة كاكاو غايلان

اللي نسمية على قولتنا كاكاو القواقع :)

DSC_0972_3solo churros

متوفرة هالنكهتين الجدد في محلهم

برج جاسم، شارع السور، الدور الارضي

للتوصيل تلفون

 22960097

@solochurros

موضوعي السابق لزيارتي لمحلهم 

موضوعي السابق عن نكهات اللوتس

دعوة لحضور تشكيلة ازياء رمضان والعيد من أناسي كوتور

15 Jun

anasi6

 بدأ ” أناسي كوتور” بتصميم وتنفيذ موديلات الأزياء الراقية منذ عام 2006م

فهم متخصصون بتنفيذ موديلات ازياء السهرة والحفلات والأعراس الي جانب تنفيذ الموديلات المتميزة الأخرى

يدعونكم لحضور معرضهم لمشاهدة تشكيلة رمضان والعيد

في معرض داون تاون اكسبو

في ارض المعارض

من تاريخ ١٩ الى ٢٢ يونيو

@anasi_couture

anasi5 anasi2 anasi3 anasi anasi9 anasi8 anasi7

فيديو: كراج لتخزين الدراجات تحت الارض

14 Jun

Screen Shot 2013-06-14 at 11.12.54 PM

اليابانيين ناس عبقرية

دايما يبهرونا باختراعاتهم

هذا كراج للدراجات الهوائية تحت الارض يشيل ٢٠٠ دراجه

الهدف منه توفير مساحه فوق الارض

وحفظ الدراجات من المخربين او الحرامية

شوفوا الفيديو

يوتيوب

فيديو: مقلب فكاهي بالناس بالفوتوشوب

14 Jun

يوتيوب

حلو :)

PS4 تم الاعلان عن جهاز بلاي ستيشن ٤

12 Jun

تم الاعلان بالامس عن جهاز البلاي ستيشن ٤ في مؤتمر اي ٣

وتم الافصاح عن شكلة الجديد

ومن مواصفاته

يدة التحكم عن بعد ، ديوال شوك ٤

Share  فيها زر جديد هو المشاركة

بنفس الوقت تقدر تشارك بفيديو لعبتك عالنت مع اصدقائك بضغط زر فقط

فتحة خاصة للسماعات لتجربة افضل

touch pad لوحة اللمس ال

خاصية جديده وتفيد في الالعاب بشكل وتجربة جديدة

٤ اضاءات مختلفه لكل لاعب للتمييز بينهم

توفر كاميرا البلاي ستيشن ممكن تركبها وتطلع صورتك لاصدقائك اثناء اللعب

بلاي ستشين ٤ صمم بمعالج قوي السرعه وغرافيكس متقدم جدا

وذاكرة الجهاز ضخمه وبهذي المواصفات تعطي المجال لكل مصممين العاب الفيديو

الابداع في تصميم الالعاب واستخدام كل مخيلتهم بدون اي حواجز

ومن المميزات ايضا

ممكن الجهاز يعرف ذوقك بالالعاب اوتوماتيكيا بعد فتره من تنزيلك  لالعاب من نوع معين او من مصمم معين

خاصية اخرى هي اثناء تنزيلك للعبة تقدر تبدأ اللعب مباشره بدون انتظار التنزيل ان ينتهي

وتقدر تلعب العاب بلاي ستيشن ٤ على بي اس فيتا عن طريق الوايرلس

هذي اهم المواصفات اللي في جهاز بلاي ستيشن ٤

وسعرها المتوقع

في امريكا حوالي ١٢٠ دينار كويتي

في اوروبا ١٥١ دينار كويتي

واحتمال وقعت نزولها السوق في نص شهر نوفمبر ٢٠١٣

er_photo_194752_52

وهذا فيديو المؤتمر ملخص في ٥ دقايق فيه الاحداث المهمة

يوتيوب

iOS 7 الاعلان عن نظام اي او اس ٧ الجديد للايفون

11 Jun

Screen Shot 2013-06-11 at 3.24.53 PM

بالامس في مؤتمر ابل تم الاعلان عن نظام الاي او اس ٧ الجديد كليا للايفون

من الشغلات اليديدة بهذا النظام

لون الايقونات كلها غير عن السابق

والكي بورد شفاف بذلك اي تغيير بصوره الحائط او الصفحة السفلية يعطي شكل جديد للايفون

ميزة جديدة حلوه هي الكنترول سنتر

بمجرد سحب الصفحه من تحت تطلع لك جميع خيارات التحكم من بلوتوث او وايرلس او غيره

Screen Shot 2013-06-11 at 3.29.56 PM

خيار تعدد الوظائف الملتي تاسك

يطلع لنا بنفس الوقت ايقونه البرنامج والصفحة

Screen Shot 2013-06-11 at 3.31.35 PM

العرض بالبوم الكاميرا مختلف

يجمع الصور على حسب المكان اللي التقطت فيه الصورة وغيره من الخيارات

والكاميرا تقدر تختار خيار صوره عاديه او مربعه مناسبه للانستغرام وتضيف لها تأثير لون فلتر مختلف

Screen Shot 2013-06-11 at 3.33.54 PM

خاصية اير دروب تعتبر جديدة

تشارك الشخص اللي بجانبك الصور او الفيديو او الرسائل عن طريق الاير دروب

Screen Shot 2013-06-11 at 3.37.45 PM

المتصفح السفاري تغير شكل التصفح فيه للافضل

وشكل التابس تغير وصار فوق بعد

Screen Shot 2013-06-11 at 3.39.59 PM

الاب ستور

الحين ممكن تعرف افضل البرامج في التوب ٢٥ بالمكان اللي انت فيه

Screen Shot 2013-06-11 at 3.41.57 PM

ابحث عن ايفوني

برنامج البحث عن جهازك اذا فقدته هالمره موفرين فيه نظام حماية اقوى من السابق

ولازم اللي اخذ ايفونك ان يحط اسم حسابك ورقمك السري

ولا ما يشتغل حتى اذا مسح الجهاز وفرمته يطلب منك اسم صاحب الجهاز ورقمه السري

لذلك يظل ايفونك لك للابد ولا احد يستطيع فتحه حتى بالفورمات

في هذا النظام ماحسيت فيه اشياء قوية تبهر الواحد

ممكن بس خاصيه الاير دروب والكنترول سنتر اللي افضل من السابق

بس باقي الخيارات عادية وبس وفرت تغير بالانيميشن او الغرافيكس

هذا فيديو النظام اي او اس ٧

وبكون متوفر في شهر ٩

يوتيوب

المصدر

A Spoonful of Sugar كاكاو كرسبي بالنكهات

9 Jun

DSC_0486a spoonful of sugar

A Spoonful of Sugar

سبونفل اوف شوغار مشروع كويتي جديد للحلويات

متخصصين بحلو الكرسبي وملاعق الكاكاو بالكراميل

DSC_0494a spoonful of sugar

Salted Caramel chocolate Spoons

ملاعق فيها كاكاو بالكراميل المالح

تقديمه وايد يشوق ويشد خاصة اليهال وحلو للتوزيع بحفلات الاطفال

DSC_0511a spoonful of sugar

طعمه يذكرني بالبينت بتر بالكاكاو

DSC_0515a spoonful of sugar

علبة متروسة كاكاو كرسبي

كاكاو بكورن فليكس الكرسبي

٣ نكهات موجوده

DSC_0538a spoonful of sugar

سنيكرز كرسبي

فيه قطع فول سوداني

DSC_0543a spoonful of sugar

كرسبي بالكاكاو الابيض

DSC_0550a spoonful of sugar

الاوريجنال حبيته اكثر واحد

لان حسيته اخف شي

وانا من زمان احب كاكاو الكرسبي الاوريجنال اللي متعودين علية:)

DSC_0558a spoonful of sugar

للطلب من سبونفل اوف شوغار

97400005

Instagram

@spoonful_kw

مشكورين عالكاكاو اللذيذ :)

مطعم كارنفال المتنقل للمأكولات الخفيفة

8 Jun

Screen Shot 2013-06-08 at 7.30.00 PM

مطعم كارنفال المتنقل

اهو عبارة عن مطعم يقدم المأكولات الخفيفة بسيارة متنقله

وقائمة الاكل اللي يوفرونها

ايس كريم ، فروزن يوغرت ، نفيش ، ذرة ، سندويتش هوت دوغ ، بطاطا مشوية، سلاش

و اعواد الوافلز

Screen Shot 2013-06-08 at 7.34.12 PM

ممكن تطلبون هذا المطعم المتنقل لاحتفالاتكم في بيتكم او في الشالية او اي مكان حابينة

اييون لكم

ويقدرون يوفرون طاقم نسائي للخدمة

للطلب

90033400

Instagram

@carnival_q8

Screen Shot 2013-06-08 at 7.30.20 PM Screen Shot 2013-06-08 at 7.32.09 PM Screen Shot 2013-06-08 at 7.29.34 PM

طريقة حلو كرات الكيك الميني بصلصة الكاكاو

8 Jun

DSC_0356mini cake balls copy

هذي وصفة بسيطة لحلو كرات الكيك الميني بصلصة الكاكاو

اكيد وايد منكم جربة من قبل عدة محلات حلو تبيعه

(لقيت قالب الكيك في الشويخ الصناعية في محل مهند الجديد عند دوار شهرزاد (دوار الجملة

بقيمة ٢٠ دينار

DSC_0482icake

الطريقة

خلطة اي كيك كاكاو جاهز وتجهزون الخلطة نفس الارشادات اللي عالعلبة

انا استخدمت كيك ماركة روبن هود وايد حلو وترف

وتصبون خلطة الكيك في القالب بس لا تترسون القالب لي فوق

بس الى نص الكرة لان انا ترسته ونفش الكيك بره

وبالفرن فقط ٥ دقايق خلكم يم الفرن لان يخلصون بسرعه

والصلصة

(٣٠٠ غرام كاكاو سادة (ممكن تستخدمون جلكسي او ارو او غيره او خليط منهم

علبة كريمة سائلة ٢٥٠ مل

نص علبة حليب سائل يعني حوالي ١٢٥ مل

ونحطهم على حمام مائي

ممكن تزيدون الكاكاو على حسب الذوق اذا كانت الخلطة خفيفه بالنسبه لكم

ونصب الصلصه عالكيك

وبالعافية

DSC_0360mini cake balls

illy coffe machine X7.1 تجربتي لمكينة ايلي المنزلية للقهوة

7 Jun

 

DSC_0481illy x7.1 machine

قبل فترة كافيه ايلي اسبريسمانتي

سوا مسابقة بالانستغرام للبلوقرز لاحلى لقطة لثريا الاكواب في كافيههم

DSC_0496illy copy

وهذي كانت صورتنا للثريا والحمدلله فازت بالمركز الاول وحصلت على اكثر عدد لايكات

وجائزه المسابقة كانت مكينة قهوة ماركة ايلي للاستخدام المنزلي

DSC_0493illy x7.1 machine

المكينه متوفر منها ٣ الوان الابيض والاحمر والاسود

وطريقته عمل المكينة هي بكبسولات القهوة اللي متوفره في محلهم

DSC_0502illy x7.1 machine

جربنا نسوي كباتشينو

عبيناها ماي وحطينا الكبسوله وشغلناها

هذي الشوت جاهزة

وايد سهل استعمالها وفي فيديوات لها بالوتيوب يشرح طريقتها

DSC_0515illy x7.1 machine

وبعدين حطينا الحليب البارد في انبوب البخار

الحليب ماشاء الله زاد حجمه بسبب الرغوه وصار حار بثواني

DSC_0519illy x7.1 machine

وصبيناه على شوت القهوة

DSC_0531illy x7.1 machine

الكباتشينو مو طبيعييييي نفس اللي بالكافيهات

DSC_0541illy x7.1 machine copy

وسويت شاي لاتيه

حليب حار وجيس شاي عجيييب

DSC_0549illy x7.1 machine copy

واسبريسو شوت :)

الصراحة المكينة جدا سهلة ومومعقدة

وماتحتاج للتنظيف لان الكبسولات بكل سهوله تنشال وتنقط

وسعرها وايد معقول ب ٦٩ دينار

وعلبه الشوتس فيها ٢١ حبة قهوة بسعر ٤.٢٥٠ دينار

اللي حاب ياخذ منها موجودة في كافيه ايلي بالافييوز

شكرا كافيه ايلي عالمكينة الحلوة والعملية

فيديو طريقة عملها

يوتيوب

تجربتي في مطعم كاشونة البيت للمأكولات الكويتيه بالافينيوز

6 Jun

DSC_0346kashounat albait

مطعم كاشونة البيت

مطعم مأكولات كويتية موجود في الافينيوز في منطقة السوق القديم

فاتح صار له شهر فقط

مكانه داخل شوي وصاد وهذا اعتبره ميزه لان مكانه صاير هادي بعيد عن ضجة الافينيوز

منقسم المطعم قسمين وقعدتين

واحد يقدم الاطباق الرئيسية من عيوش وغيره والثاني كافيه للمشروبات والحلويات والسندويشات

DSC_0351kashounat albait

DSC_0345kashounat albait

DSC_0371kashounat albait

قعدتة وايد حلوه ومريحة وراقية بس كان حر شوي

وسألتهم قالوا هذا من الافينيوز تكييفهم حار

DSC_0361kashounat albait

طلبت سلطة فتوش بدبس الرمان

وايد لذيذة وكرنشي وحامضة حبيتها

DSC_0377kashounat albait

وصلوا الاطباق الرئيسية بمواعين يشوقون

وتحت كل ماعون شمعة

ما شاء الله طول وقت الاكل مابرد طلعت الشمعه مسوية شغل :)

DSC_0378kashounat albait

مرقة بامية باللحم مع عيش ابيض

طعمها عجييييب خنينة ولذيذة

بس للاسف كان فيها بس بامية وقطعتين عظم كبااار وقطعه لحم بحجم التمرة

طبعا كلمت الغرسون وغيرها لي

هم ياب لي مرقة ثانية فيها بس قطعتين لحم اقل من ربع كف اليد

سألته مره ثانيه قال المرقه عندنا جذي نقدمها شويه لحم فيها !!!

DSC_0379kashounat albait

مجبوس دياي

لذيييذ لذييذ لذييذ

وطعم الزعفران واااضح انصح فيه

DSC_0383kashounat albait

ربيان مشوي فيه ٥ ربيانات

التتبيله وايد حلوه ومافيه زفره حبيته

DSC_0385kashounat albait

DSC_0382kashounat albait

الخبز الايراني خفييييف وعجييييب

DSC_0395kashounat albait

بس حجم الاطباق تكفي شخص واحد فقط مو مثل بعض المطاعم الكويتيه يكون العيش راهي يكفي شخصين

وهذا حجم الصحن يركب فوق الفخار الكبير اللي تحته شمعه

DSC_0405kashounat albait

عقب ما خلصنا غدا طلبنا شاي

قالولنا انتقلوا للكافيه اهناك يقدمون منيو القهوه والشاي

واذا حابين تقدرون تطلبون منهم اييبون الطلب اهني المطعم

غيرنا مكاننا وانتقلنا للكافيه

DSC_0423kashounat albait

طلبنا صينية شاي

ايي معاها حلويات كويتيه

كان فيها قرص عقيلي ميني وغريبة

والشاي طبعا

DSC_0431kashounat albait

DSC_0425kashounat albait

المطعم من ناحية الاكل لذيييذ جدا جدا

اعتبره من افضل المطاعم الكويتيه بالطعم

لكن الخدمة جدا سيئة تنادي الغرسون ١٠٠ مره عشان اييلك تطلب منه شي يقول اوكي ويطنش

بالصدفه كان موجود صاحب المطعم وكلمناه عن موضوع الخدمة

اعتذر منا وقال احنا قاعدين نحل هالمشكله وان شاء الله الزياره القادمة بتكون تجربه غير وافضل

الصراحة عشان طعم الاكل وجودتة برجع لهم بالمستقبل

وسألت صاحب المطعم عن الشيف قال انهم طلبوا من الشيف سامي الشريدة تدريب الطباخين قبل الافتتاح

الفاتوره اطلعت لهذي الاطباق

١٩ دينار وكسور

كاشونة البيت موجود في الافينيوز جدام دخلة محل شيكيتا فروت بار

The Souk في منطقه السوق القديم

حلويات وموالح شغل بيت من ميني كيتشن

6 Jun

Screen Shot 2013-06-06 at 1.16.07 AM

ميني كيتشن

شغل بيت متنوع من حلويات وموالح

ارسلوا لمدونة كيفي نقصة لتجربة شغلهم

DSC_0496mini kitchen

بيتيفور بالنوتيلا وبالمربى

DSC_0506mini kitchen

بقصم ميني

الحبة طول الصبع

ترف وطعمه حالي وطعم الهيل واضح فيه

DSC_0511mini kitchen

DSC_0516mini kitchen

دلموج بالمكسرات والسكر

ترف وطعمه حلو  يذكرني طعمه بالسمبوسة البحرينية الحالية

DSC_0534mini kitchen

البراوني خيااااال

صج صج عجيب انصحكم تجربونه

DSC_0543mini kitchen

DSC_0550mini kitchen

سلطة الناتشوز

حجمها كبير راهي يكفي ١٠ اشخاص

ومعاها الصلصة بروح والناشوز بروح

حلو ان الناشوز حاطينه بروح عشان مايكون رطب وينحط وقت التقديم

السلطة لذيييذه جدا الخلطة عجيبه

بس اللي يحب صلصة وايد خل يطلب علبه صلصه زيادة لان وحده ماتكفي

DSC_0559mini kitchen

ورق عنب بالزيت والليمون

نااااطع وذااايب وحموضته معتدلة مو زايدة

انا جربت من قبل ورق عنب شغل بيوت بس ماكانوا حلوين

هذا الورق العنب لذييييذ انصح فيه

للطلب من ميني كيتشن

99322300

Instagram

@mini_kitchen

مشكورين ميني كيتشن عالاطباق اللذيذة

بسبوسة ميني بنكهات من بسبوسة بوتيك

6 Jun

DSC_0465bsbosa boutique copy

بسبوسة بوتيك

مشروع منزلي جديد متخصص بالبسبوسة الميني

DSC_0471bsbosa boutique

البوكس داخلة كمية كبيره من البسبوسة الميني

حجمهم وايد صغار كبر ال١٠٠ فلس حلو ومرتب للتقديم مع القهوة

DSC_0474bsbosa boutique

وفيه ٣ نكهات جوز الهند والكاكاو والشعرية

ومن ناحية الطعم وااايد لذيذة وترفه ورطبة مو ناشفه

DSC_0477bsbosa boutique

للطلب من بسبوسة بوتيك

94467617

Instagram & Twitter

@bsbosa_boutique

شكرا عالبسبوسة اللذيذة

Opera كيكة الكاكاو من اوبرا

5 Jun

DSC_0014opera

 

 

في يمعتنا اللي فاتت كان الحلو من محل اويرا

DSC_0018opera

كيكة الكاكاو

الصراحة ماعرف اسمها لان اللي يابها ماسأل عن اسمها

بس عجبته الكيكة ويابها :)

DSC_0003opera

DSC_0009opera

DSC_0024opera

داخلها طبقات كيك كاكاو اسفنجي

وبينهم كريمة كاكاو

كانت حلوة وترفه

بس مقاربة لكيكة الغاناش من الخباز

DSC_0032opera

ولازم بكل يمعه مع كل كيكة نحط شموع لليهال طبعا بناء على رغبتهم

الكيكة من محل اوبرا للحلويات

الاعلان عن جلكسي تاب ٣ الجديد ومقارنته بالابياد ميني

4 Jun

اعلنت سامسونغ عن الجهاز اللوحي جلكسي تاب ٣ بالحجمين

ال ٨ انش وال١٠ انش

بتكلم عن مزايا ال٨ انش اللي يعتبر المنافس للايباد ميني

من ناحية الحجم والوزن الاثنين متقاربين جدا وخفيفين بالوزن

الايباد مصنوع من الالمنيوم ويعتبر اقوى من الجلكسي تاب اللي مصنوع من البلاستيك

حجم الشاشة نفس الشي مافي فرق كبير

قوة البروسسور في الجلكسي اقوى من الايباد

حجم الرام في الجلكسي اكبر ب ٣ مرات من الرام في الايباد

قوه الكاميرا والبطارية نفس الشي

بالنهاية جلكسي افضل من الابل من ناحية حجم الرام وقوة البروسيسور فقط

اما باقي المواصفات للاثنين مطابقة

محتمل ينزل الجلكسي تاب ٣ ال٨ انش في هذا الشهر شهر ٦

المصدر

Bice تجربتي في مطعم بيتشي الايطالي

4 Jun

DSC_0242bice

Bice تلقت مدونة كيفي دعوة عشاء في مطعم بيتشي الايطالي

في برج الحمرا

DSC_0237bice

المطعم هادي وقعدته راقية

قدموا لنا عصاير ترحيبية قبل الطلب

DSC_0253bice

DSC_0248bice

مقبلات ترحيبيه

DSC_0256bice

سلة خبز فريش

DSC_0274bice

Caesar Salad

(سلطة السيزر طلبتها بدون الانشوجة (ماحبها بالسلطه اهي نوع سمك وزفر

كانت السلطة حلوة

DSC_0261bice

Fritto Misto

طبق مقالي فيه ربيان وكلاماري وفطر وجزر وكوسا مقلية وايد حلو للمقبلات انصح فيه

DSC_0268bice

Burrata

جبن البوراتا وااايد حلوه من بره  جبن موزريلا ومن داخل فيها جبن كريمي طعمه مثل اللبنه

مع سلطة جانبية

DSC_0266bice

DSC_0299bice

Wagyu Rip Eye Steak

ستيك الريب اي بلحم الواغيو

وااايد ترفه وتذوب بالفم عجيبه

بس كنت طالبته ويل دان وصلني ميديوم ويل

واعتذروا عن الخطأ بسبب الزحمة

DSC_0304bice

ربيان جامبو بالليمون

DSC_0305bice

Spaghetti Bolognaise

كانت المكرونة يابسة ماحبيتها

DSC_0318bice

Panna cotta

باناكوتا هو حلو ايطالي طعمه مثل المحلبية بس يابسة شوي لان فيها جيلاتين

يقدم مع الكراميل والفواكة

حلو وخفيف ومع الكراميل يصير مو طبيعي

DSC_0317bice

DSC_0278bice

ليمون نعناع وايد حلو حسيته مركز مو مثل بعض المطاعم يصير طعمه خفيف مثل الماي بنكهه الليمون

DSC_0333bice

واحنا طالعين اهدونا خل البلسميك المعتق

علبته بروحها اشحلاتها تشوق

DSC_0334bice

اشكر مطعم بيتشي وشركة غالية عالدعوة

العشاء كان لذيذ والمكان هادي وراقي والخدمة كانت حلوه ونفسية العاملين حلوة

مطعم بيتشي موجود في برج الحمرا

22270247

مجموعة السيارات الافخم والاسرع بالعالم لشرطة دبي

4 Jun

هذي مجموعة السيارات الفخمة اللي موجودة حاليا لدى شرطة دبي

Lamborghini Aventador

Ferrari FF

فقط الشرطة النسائية مسموح انهم يسوقون الفيراري

Aston Martin One-77

Mercedes SLS AMG

Chevrolet Camaro SS,

BMW-M6-Ford-Mustang-Dubai-Police-Cars-Gran-Coupe

BMW M6

dubai-police-ford-mustang-640x435

Ford Mustang

p

Bentley Continental GT

BKUeptjCUAAiTa7

Bugatti Veyron

تم طلب البوغاتي لشرطة دبي وقريبا ستنضم لباقي السيارات الفخمة

المصدر

%d bloggers like this: