افتتاح الفرع الثاني لمحل سولو شوروز للحلو الاسباني مع نكهات جديده

18 Oct

 تم افتتاح الفرع الثاني لمحل سولو شوروز للحلو الاسباني

في جمعيه الشاميه التعاونيه

ومنزلين نكهات حصريه لفرع جمعيه الشاميه هي نكهه السنيكرز و الاوريو

 و ال ام اند ام

تلفون : : 22960097

تقريري عن زيارتي السابقه لمحل سولو شوروز

فيديو: ايفون ٥ ضد جالكسي اس ٣ في الخلاط

18 Oct

يوتيوب

منو تتوقعون الفايز؟؟

قياس السكر والضغط والحراره والوزن على جهاز الايفون

17 Oct

شركه ميديسانا الالمانيه منزله مجموعه اجهزه لقياس

الضغط والسكر والحراره والوزن

عن طريق جهاز الايفون

VitaDock

الجهاز الاول

CardioDock

جهاز لقياس الضغط فقط ركب عليه الايفون ولف الطرف الاخر قطعه القماش عالذراع

وشغله ويعطيك ضغطك بالضبط

وينزل المعلومات عالايفون ويحفظها لك لعمل مقارنه بالمستقبل

سعره ب ٤٨ دينار كويتي

GlucoDock

جهاز لقياس السكر بالدم

فقط ركب القطعه عالايفون وضع شريط قياس السكر

ونقطه دم

وتطلع لك المعلومات كامله ودقيقه عالايفون

وتنحفظ جميع المعلومات داخل جهازك وتقدر تنقلها للكمبيوتر وتطبعها لطبيبك لمتابعه حالتك

سعر الجهاز ٣٧ دينار كويتي

وبعض اكسسوارات الجهاز تنباع معاه

مثل اشرطه قياس سكر الدم والابر باسعار معقوله

مثلا الاشرطه ٥٠ شريط ب ٩ دنانير

ThermoDock

جهاز يقيس حراره الجسم عن طريق الاشعه تحت الحمراء

Infrared

فقط ركب القطعه بالايفون ووجه الاشعه على الجبهه مسافه ٥ سم بدون لمس للجبهه

وتطلع لك الحراره بالضبط

ممكن تقيس فيها حراره الاكل والماي وغيرها

سعر الجهاز ٣٠ دينار كويتي

TargetScale

ميزان لقياس الوزن وكتله الجسم ووزن الشحم والماء والعضلات والعظام

وكميه السعرات الحراريه اليوميه اللي تحتاجها الجسم

فقط اشبك الايفون بالميزان عن طريق البلوتوث والمعلومات راح تنتقل للايفون بالتفصيل

وراح تتخزن المعلومات بالجهاز وتقدر تتابع تقدمك بالتفصيل

والدائره المضيئه اللي عالميزان كلما اقتربت للداخل معناه ان اقتربت للهدف واذا ابتعدت العكس

سعر الميزان ٥٥ دينار كويتي

كل هذي الاجهزه تشتغل ببرنامج خاص تنزلونه من الاب ستور لتشغيلها

وتقدرون تطلبون هذي الاجهزه من الموقع الرسمي للشركه ويوصل الى الكويت وجميع دول العالم مجانا

هني

يبيله نطلب الميزان :)

رحلتي السياحيه في برشلونه على متن الباص السياحي

17 Oct

قبل اسبوع زرت اسبانيا بالتحديد مدينه برشلونه

وكنا ساكنين في فندق مطل على ساحه كاتالونيا الشهيره

وفي جانب من جوانب الساحه لقينا الباص السياحي اللي مكشوف من الاعلى

سألنا الباص ولا طريقه الشراء من الباص نفسه

سعر التذكره للشخص الواحد ليوم كامل من الصبح الى الليل ب ٢١ او ٢٣ يورو مو ذاكره بالضبط

وطريقة الباص انه في طريقين الشرقي والغربي  ويوقف في محطات

مده الرحله ساعه ونص للشرقي وساعتين للطريق الغربي

اخترنا الطريق الشرقي لانه يوقف في الاكواريوم ويوقف في مدينه الملاهي التيبيدابو

ويوقف في ١٤ محطه اخرى مثل الكنائس والشاطئ واماكن تاريخيه لهم

الباص في الطابق العلوي دايما يكون زحمه وماتلاقي مكان

لما تشتري منهم التذكره يعطونك كتيب فيه خصومات لمحلات ومطاعم

استخدمنا الخصم في تذاكر الاكواريوم

ويعطونك سماعات تقدر تركبها بجانب كرسيك لسماع نبذه عن الاماكن والمحطات اللي يمر فيها الباص

بعدة لغات وطبعا اللي نفهمها الانجليزي

Plaza Catalunya

اول محطه يطلع منها الباص السياحي هي ساحه كاتالونيا

احلى شي فيها الحمام اعدادهم كبيره

بس البايخ بالساحه الطرارين او الشحاتين اللي فيها

وطبعا الحجاب يعتبر مغناطيس لهم تلاقي الكل عندكم يطرون

Port Vell

ثاني محطه ميناء فييل فيه مجموعه سينمات وسينما ايماكس ثلاثيه الابعاد

وفيها الاكواريوم

L’Aquarium Barcelona

في هذي المحطه نزلنا الاكواريوم وقضينا فيه ساعتين راح اكتب عنه تقرير :)

Sagrada Família

من المحطات اللي نزلنا فيها عند الكنيسه الكاثوليكيه ساغرادا فاميليا

من تصميم المصمم الاسباني غاودي في عام ١٨٨٢

صورناها من بره ما دخلنا

المحطه رقم ١٤ هي مدينه الملاهي فوق الجبل تيبيدابو

Tibidabo

يوقف الباص عن محطه التيبيدابو وللذهاب لمدينه الملاهي احتجنا ناخذ باص اخر الى نص قمه الجبل

وبعدين خذنا القطار الى اعلى الجبل لمدينه الملاهي

راح اكتب عنها تقرير انتظروه :)

وهذا المنظر لبرشلونه من مدينه الملاهي

كنيسه تيبيدابو

وبجانب مدينه الملاهي توجد هذي الكنيسه وكان فيها عرس

الكل كاشخ ببدل رسميه كنا بنحضر معاهم بس كان لبسنا سبورت مايسمح :) خفنا ننطرد

بعد ما خلصنا من مدينه الملاهي ردينا الى المحطه الاخيره وركبنا الباص السياحي الى نقطه البدايه

عند ساحه كاتالونيا

مع ان الجو كان مشمس وحار استمتعنا بالجوله

واتمنى تستفيدون من المعلومات في سفركم لبرشلونه

واللي عنده معلومات او اضافات يفيدنا

:)

هذا موقع الباص السياحي لمعلومات اكثر 

صور من عدسه مدونه كيفي في محل ابل الرسمي في برشلونه

16 Oct

Apple Store in Barcelona

Passeig de Gracia street

محل ابل الرسمي في برشلونه تم افتتاحه من فتره بسيطه لا تتعدى الاشهر

ومكانه وااايد حلو ببرشلونه عند ساحه كاتالونيا الشهيره وبجانب شارع الرامبلا السياحي

يعني اللي يزور برشلونه اكيد راح يمر على محل ابل لان مكانه استراتيجي

المحل عباره عن طابقين

وهذي صور للطابق الارضي

وكله طاولات فيهم ايفون ٥ للتجربه

وامامهم ايباد يعرض مواصفات الايفون ٥ ويقارن بينه وبين الايفون ٤ اس

الطابق الاول

المحل ما شاء الله كبير وشرح

وهذي بعض الصور اللي قدرت التقطها

لان ممنوع التصوير داخل المحل !!

والدليل اليد بالصوره الاخيره يايه تهاجمني ممنووووع :)

كنت ناويه اخذ لي ايفون ٥ واييب للاهل اللي وصوني لكن للاسف ماعندهم ولا ايفون غير مقفول

بس المتوفر ايفون ٥ مع العقد من عندهم وطبعا مقفول مايفيدنا في الكويت

قلت اجرب حظي في فرع ابل في باريس داخل اللوفر

لكن باريس فرع اللوفر بعد مخلص من عندهم بس المتوفر المقفول !!

ما شاء الله مخلصين الايفونات في اوروبا

ماكو الا انطر لما تنزل الاسعار واخذ لي من الكويت :) او اطلب اونلاين

اعلان شركه ابل عن الايفون ٥ شييييييز

15 Oct

يوتيوب

غداي في شارع الرامبلا في برشلونه

15 Oct

في زيارتي لشارع الرامبلا في برشلونه

جربنا احد المطاعم الموجوده في الشارع

قلنا نجرب الاكل الاسباني بما ان احنا في برشلونه

وراح تلاحظون جميع المطاعم الموجوده بالشارع تقدم نفس الاكل

عباره عن مقبلات وطبق رئيسي اسباني مثل الباييلا وبيتزا وممكن ستيكات

Fried Calamari

من مقبلاتهم او الاسبان يسمونه التاباس

كلاماري مقلي كان لذيذ

Pizza Margarita

بيتزا مارغريتا

كانت حلوه البيتزا

Seafood Fideua

هذا طبق اسباني تقليدي يقدمونه في مقله او طاسه كبيره فيها ايادي عالجنب

عباره عن نودلز مع اكل بحري وخضار

وعندهم نوع ثاني يقدم مع رز او عيش يسمونه الباييلا

كان طعمه عادي وفيه شويه زفره

هل حبيت الاكل الاسباني؟؟

لا

كان عادي وافضل الامريكي والصيني والهندي عليه

وخدمه المطعم كانت سيئه كلهم نفسيه !!

طلعت الفاتوره  ٥٠ يورو

La Rambla تقريري عن شارع الرامبلا السياحي في برشلونه

15 Oct

في الاسبوع الماضي زرت اسبانيا

وسكنت في منطقه برشلونه

منها سياحه ومنها نحضر مباراة الكلاسيكو بين برشلونه وريال مدريد

سكنا في فندق بجانب شارع الرامبلا السياحي

La Rambla Street

شارع الرامبلا هو عباره عن شارع طويل وعلى الجانبين كله محلات موزعه

منها القهاوي والمطاعم والرساميين والكشكات اللي تبيع الاكسسوارات والتذكارات وغيرها

يبدأ الشارع من ساحه كاتالونيا الشهيره وينتهي الشارع عند الاكواريوم

وما شاء الله الشارع متروس كويتيين وخليجيين :)

صورت لكم بعض اللقطات من شارع الرامبلا الشهير في برشلونه

شارع سياحي جميل بس يبيله جو حلو

للاسف احنا رحنا كان الجو حااار الاسبوع اللي طاف والشمس تحرق

بس كان في هوا بارد شوي رقع الطلعه

عدت من اجازتي القصيره انتظروا تقاريري عن السفره :)

14 Oct

صار لي فتره ما كتبت مواضيع في المدونه بسبب سفري خارج الكويت

سافرت الى اسبانيا وفرنسا

انتظروا تقاريري عن شارع الرامبلا في اسبانيا والجوله في ملعب الكامب نو في برشلونه

وبعض الصور عن معالم برشلونه التاريخيه واوتليت لاروكا فيليج في اسبانيا

اما عن فرنسا انتظروا تقارير دزني لاند باريس والعروض اللي حضرناهم اهناك

وصور عن الاوتليت لا فالي فيليج في باريس

وبعض معالم فرنسا مثل برج ايفيل واللوفر وقوس النصر

:)

فيديو: لص يسرق ايفون من طفل – حطوا بالكم

4 Oct

يوتيوب

هذا صار الاسبوع اللي طاف

الام قالت انها عطت الايفون لبنتها لمشاهده بارني

والحرامي بكل سهوله خذا الايفون من البنت ومحد شك فيه

حتى الام انصدمت لما شافت الفيديو وقالت كانت تعتقد ان بنتها طيحته في مكان ماتوقعت انه مبيوق

انا شخصيا اعطي بنتي الايفون عشان اخذ راحتي بالتسوق واختيار المقاسات

حطوا بالكم يالامهات  :( يروح عليكم الايفون

فيديو: شركه لوجيتيك نزلت ريموت كنترول عالمي فيه شاشه تحكم باللمس – يبيله واحد للبيت

3 Oct

يوتيوب

وايد حلو الريموت فيه شاشه تحكم باللمس

وممكن تختار عده اجهزه تتحكم فيهم  بنفس الريموت

بس غالي شوي سعره ب ٧٠ دينار للحبه

لكن للي عنده اجهزه وايد و١٠ ريموتات

ممكن يستغني عنهم بريموت واحد متطور :)

انواع جديده من كاكاو كيندر بالكويت من كاكاو لندن

3 Oct

كاكاو لندن منزل نوعين يدد من كاكاو كيندر

Choco Fresh Kinder

كاكاو وداخله حليب وكراميل وقطع بندق

نفس طعم كيندر اللي نحبه لكن الحليب اللي داخل اطرى

وفيه طعم البندق

شكله يونس جنه خرتيت

Maxi King Kinder

تقريبا نفس طريقه اللي فوق

داخله كريمه حليب وكراميل ومغطى بالكاكاو والبندق

جنه ساندويش وااايد لذيذ

انا شخصيا اعشق الكيندر لذلك كل كاكاواتهم احبهم بدون استثناء

وهذول الاثنين بعد لذيذين

مشكورين كاكاو لندن عالهديه اللذيذه

تلاقونهم في معظم الجمعيات اللي فيها ركن كاكاو لندن

او ممكن تطلبون توصيل الى البيت

22616040

96622701

Service Hero قييم جوده الخدمه بالكويت

3 Oct

حضرت قبل يومين اجتماع مخصص للمدونين

من قبل شركه سيرفس هيرو

واهي اول موقع الكتروني متخصص في تقييم جوده الخدمه بالكويت ورضاء الزبون

مثلا تقدر تقيم المستشفيات والانديه الصحيه وشركات السيارات والبنوك والطيران والمطاعم وشركات الاتصالات

وبعض المحلات مثل سوبر ماركت او الكترونيات او اثاث او ملابس

عن طريق اجابتك لجم سؤال وايصال تجربتك بضغطه زر الى الموقع

والموقع بدوره يوصله الى المحلات لتحسيين خدمتهم

الفكره وايد حلوه مثلا رحت اليوم مطعم معين وماعجبتني خدمتهم او اكلهم او بالعكس عجبني شغلهم

ادخل موقع سيرفس هيرو واختار هذا المطعم واحط تقييمي

وبنهايه السنه يطلع تقييم المطعم سواء المركز الاول او تقييمه يكون ضعيف

ويوصل هالموضوع الى المطعم عشان يحسن من اداءه

هذا يخلي الشركات تتنافس لارضاء الزبون بالنهايه

معظم الشركات بالكويت موجوده واذا مالقيتها باللسته تقدر انت تضيفها بنفسك

واللي راح يصوت يدخل على سحب بمبلغ ٢٠٠ دينار

برنامجهم للجلكسي والاندرويد

برنامجهم للايفون قريبا

موقعهم للتصويت والتقييم

فيديو: رينج روفر ٢٠١٤

2 Oct

يوتيوب

عجيييبه

تغطيه مدونه كيفي: فوز القادسيه في نهائي هوكي الجليد امس

2 Oct

فاز فريق القادسيه امس في نهائي الدوري الوطني لهوكي الجليد للرجال

تحت رعاية د.حمود فليطح نائب المدير العام للهيئة العامة للشباب والرياضة وم.أشواق المضف

فاز فريق القادسيه على فريق كاظمه بعد مباراه قويه لعب فيها الجميع بمهاره

وهذي بعض الصور لتوزيع الكؤوس والمداليات عالفريقين

مبروك للقادسيه

AdR الماركه الايطاليه انا ديلو روسو في محلات اتش اند ام الكويت

2 Oct

الماركه الايطاليه المتخصصه بالاكسسوارات

Anna Dello Russo AdR

بتنزل مجموعه خاصه لمحلات اتش اند ام

طبعا باسعار معقوله وارخص

مثل ماصار قبل مع ماركه مارني وفيرساشي

من بعض الاكسسوارات اللي يتنزل في محلات الكويت

راح تتوفر المجموعه في محلات اتش اند ام الافينيوز ومارينا مول والسالميه مقابل مجمع الفنار

يوم الخميس ٤ اكتوبر الساعه ٨ صباحا

تتوقعون بصير طوابير :) جدام المحل

باقي المجموعه للي مهتم اهني

المسابقه الاوروبيه للشنبات واللحى ٢٠١٢

1 Oct

اول مسابقه في اوروبا للشوارب او الشنبات واللحى

اقيمت قبل اسبوع في فرنسا

وكان يوجد اكثر من ١٠٠ متسابق

لوووول من صجه :)

هذي اللي يسمونها لحيةٍ غانمه؟؟

طريقه عمل بسكوت اوريو منزلي بالخطوات

1 Oct

لقيت في الانترنت طريقه عمل بسكوت الاوريو بالمنزل

مثل ما تعرفون اي شي شغل البيت يطلع احلى من الجاهز وعارفين المكونات اللي انتو حاطينها

بدون مواد حافظه

هذي المكونات اللي تحتاجونها حق البسكوت الاوريو

زبده وسكر وكاكاو بودر وكاكاو قطع وطحين وبيضه وفانيليا بيكينغ صودا وملح

في نهايه الموضوع بحط كميه المكونات بالتفصيل

نخلط المكونات

وتسونه على شكل اسطواني وتلفونه بورق زبده وتخلونه بالفريزر ساعتين

بعدين تقطعونهم شرايح

او ممكن تقطعونهم بالشكل اللي تبونه

بعدين بالفرن وهذي اهي النتيجه

للي مهتم ويبي يعرف الطريقه والمكونات بالضبط

هذي اهي من موقع بيكريلا

Homemade Oreos
Makes about 18 2-1/2 inch sandwich cookies
Recipe from Flour reprinted with permission from Chronicle Books.

Cookies
1 cup (2 sticks/228 grams) unsalted butter, melted and slightly cooled
3/4 cup (150 grams) sugar
1 tsp vanilla extract
1 cup (200 grams) semisweet chocolate chips, melted and slightly cooled
1 egg
1 1/2 cups (210 grams) unbleached all-purpose flour
3/4 cup (90 grams) Dutch-processed cocoa powder
1 tsp kosher salt
1/2 tsp baking soda

Filling
1/2 cup (1 stick/114 grams) unsalted butter, softened
1 2/3 (230 grams) confectioners’ sugar
1 tsp vanilla extract
1 tablespoon milk
Pinch of kosher salt
Food color, optional

  • In a medium bowl, whisk together the butter and sugar until well combined. Whisk in the vanilla and chocolate. Whisk in the egg until combined.
  • In another bowl, whisk flour, cocoa, salt and soda until combined. Stir flour mixture into the chocolate mixture. Mix with your hands if it helps to combine the two. Let the dough sit for an hour to firm up.
  • Transfer the dough to a sheet of wax paper. Shape into a log about 2 1/2 inches in diameter. Place log along the edge of wax paper and roll. Shape as you roll to maintain a smooth cylinder. Twist ends of paper to secure and help keep the shape compact. Refrigerate at least two hours or until firm. If log settles and flattens on one side, rotate every 15 minutes or so to maintain a round shape.
  • Heat oven to 325 degrees and line baking sheet with parchment paper.
  • Cut dough in quarter inch thick slices and place on prepared baking sheet. Bake for about 20 minutes or until cookies are firm to the touch. Note: I under baked mine (almost half the time) and they were still great. Just watch them because it’s hard to tell by looks if they are done since they are so dark to begin with. These baked in batches well, so bake a few to test if you have time. And if your cookies are smaller, adjust the baking time.
  • Cool and prepare the filling. In a mixer, beat the butter until smooth and creamy. Add sugar and vanilla and beat until smooth. Add milk and salt and continue beating until smooth again. Place about a tablespoon of filling on the bottom of one cookie and sandwich with a second. Repeat with remaining cookies and eat em up.

المصدر

فيديو: حركات محترفه بدراجه ذات عجله واحده

30 Sep

يوتيوب

ما شاء الله كل شي وسوو منه رياضه

كل يوم شغله يديده طالعه لنا

شركه ابل تعتذر عن سوء برنامجها للخرائط بالايفون ويقترحون برامج اخرى للتنزيل

29 Sep

شركه ابل تعتذر رسميا عن سوء برنامجها للخرائط

وهي حاليا تعمل على تحسين البرنامج

وتنصح مستخدمين الايفون عن  تنزيل بعض البرامج المتوفره بالاب ستور للخرائط

Bing, MapQuest and Waze  مثل

او استخدم خرائط غوغل او نوكيا من الويب

الى ان ينزلون نسخه جيده من خرائط ابل

المصدر

%d bloggers like this: