Lamborghini Aventador Roadster 2013 لامبورغيني ٢٠١٣

20 Nov

لامبورغيني ٢٠١٣

لها لون خاص الارزق السماوي المعدني

ويتغير اللون على زاويه ودرجه الضوء

وهي متوفره حاليا للطلب

وسعرها يبتدأ من ١٢٥ الف دينار كويتي

By Ali

المصدر

Wink Beauty Salon هديه من صالون وِنك

20 Nov

وصلتني هديه من صالون وِنك

كوبون مجاني لتجربه شغلهم

ومجموعه سامبلز لانواع شامبو وبلسم للشعر

وتكرمون نعال فوشيه تشوق

وكريم للشعر

 المتخصصه بالعنايه بالشعر TIGI كلهم من ماركه

مشكورين عالهديه :)

يبيله امرهم على يوم اجرب شغلهم

مكانهم في السالميه بجانب مستشفى السيف

25725000

 

 

غدانا بحري لذيذ من مطعم أستاذ نقرور

19 Nov

في يوم اليمعه كان الاهل مشتهيين اكل بحري

سألنا عن مطاعم متخصصه بالاكل البحري

ومدحولنا مطعم أستاذ نقرور قبل فتره بسيطه فاتح

قلنا نجربه وطلبنا منا وايد انواع عشان يكفي كل العايله

شفت البروشور ماشاء الله فيه وايد انواع

من الربيان والقباقب والسمك والاستاكوزا والكلاماري والشوربات والسلطات والعيوش

Jumbo Grilled Shrimps

ربيان جامبو مشوي

كل ربيانه كانت عملاقه والتتبيله وايد حلوه ومافيه اي زفره

Jumbo Fried Breaded Shrimps

ربيان جامبو بالبقصمات

Medium Fried Shrimps

ربيان وسط مقلي

Lobster استاكوزا

كانت الحمسه اللي محشينها داخل ام الربيان لذيذه وفوقها طبقه جبن موزريلا

ما تتطوف

Mozzarella Cheese Crab

قباقب بجبن الموزريلا

كانت حمسه القباقب تقريبا نفس حمسه ام الربيان

وطبعا لذييييذ

Grilled Nagroor

نقرور مشوي سنجاري

التتبيله واايد حلوه ومافيها اي زفره والنقرور ناااطع

ومتوصين بالخبز الايراني والخضره

الصراحه وبدون مبالغه سمكم وربيانهم لذيييذ ومافيه اي زفره والتتبيله وايد حلوه

حسيته شغل بيت مو مطعم

راح يكون مطعم أستاذ نقرور خيارنا الاول اذا اشتهينا اكل بحري بالبيت

عندهم قعده ارضيه بالمطعم

تلفونهم للتوصيل

66989980

67765885

وهذا بروشورهم اذا تبون تاخذون فكره عن اطباقهم المتوفره واسعارهم

اضغط عالصوره لحجم اكبر

La Vallee Village Outlet اوتليت لافالي في باريس

19 Nov

في زيارتي السابقه لدزني لاند باريس والسكن فيها

مجموعه من الناس مدحت لنا اوتليت باريس

اوتليت لافالي فيليج

وهذا الاوتليت قريب جدا من دزني لاند بالقطار فقط دقيقتين وبعد محطه وحده بعد محطه دزني

 اللي فيها الاوتليت Val D’Europe  اسم محطه القطار

لما وصلنا المحطه بس احتاج ١٠ دقايق مشي الى الاوتليت

اول ماوصلنا الاوتليت رحت لمكتب الاستقبال لاستلام كوبون الخصومات الفي اي بي

فيه كوبونات ١٠٪ خصم على كل محلات الاوتليت

كل اللي سويته عشان اخذ دفتر الخصومات انتي اخذت بروشور للاوتليت من فندق دزني

وقدمته لمكتب الاسقبال وعطوني الخصومات

وايد استفدت منهم في مشترياتي

وهذي محلات الاوتليت ممنوع التصوير لكن صورت عشان انقل لكم تجربتي وتاخذون فكره عن شكل المكان

كان الجو عجيب للتسوق بارد ومغيم في شهر ١٠

ويبيعون ايس كريم الورده يشوق

لازم تجربونه اهناك بعد لويه وتعب التسوق

وفي قهاوي ومطاعم ومنطقه العاب للاطفال

الاوتليت يمه مجمع كبير فيه محلات مثل سيفورا واتش اند ام ومطاعم وغيره

تقدرون بيوم واحد تمرون الاوتليت والمجمع للتسوق

محلات اوتليت برشلونه لاروكا فيليج كان بالنسبه لي وااايد افضل من اوتليت لافالي باريس

البضاعه في برشلونه كانت اكثر واحلى من باريس

وهذي لستة المحلات الموجوده باوتليت لافالي فيليج باريس

موقع الاوتليت

CENTRIA Netgear Router راوتر سنتريا يجمع مميزات مختلفه

18 Nov

جهاز نت جير راوتر سنتريا حلو له ميزات تميزه عن غيره من اجهزة الراوترات

 أهم المواصفات ان فيه هارد ديسك داخلي يوصل مساحته الى اثنين تيرا بايت يعني ٢٠٠٠ غيغا للي ماعنده فكره

هذي المساحه ممكن تخزن عليها اي شي تبيه من فايلات وافلام واغاني و طريقه الاتصال تكون وايرلس يعني بدون اسلاك

 

ممكن تستفيد منه في حفظ ملفاتك الخاصه عليه من كل الاجهزه اللي عندك

و توصل لهم من اي جهاز و ممكن تخزن عليه الافلام و تشغلهم عن طريق الوايرلس

من اي جهاز عرض عندك على التلفزيون او تشوفهم من خلال الموبايل او الايباد عن طريق الوايرلس بدون ما تاخذ من مساحه الموبايل

والميزه الثانيه طبعا هو راوتر واي فاي للانترنت ويتحمل سرعات عاليه من النت

توصل الى ٩٠٠ ميغا ومساحه تغطيته كبيره يغطي كل البيت

والميزه الثالثه دعم تام لملفاتك  Backup في جميع اجهزتك بشكل اوتوماتيكي

مثلا الكمبيوتر الشخصي فجأه اخترب ماراح تحاتي لانه كل الملفات مخزنه على الراوتر بشكل اوتوماتيكي

سعره بدون هارد دسك ب ٦٥ دينار كويتي

سعره مع هارد دسك ٢ تيرابايت ب ٩٨ دينار كويتي

 لمعلومات اكثر عن الجهاز ادخلو على موقعهم

Mercat de la Boqueria زعفران اسباني من برشلونه

17 Nov

Mercat de la Boqueria

في زيارتي السابقه لبرشلونه

وصوني على زعفران اسباني

بحث عنه ولقيت سوق كبير في شارع الرامبلا

سوق لابوكيريا  يعتبر واحد من اكبر الاسواق في برشلونه

فيه كشكات متعدده تبيع الخضار والفاكهه واللحوم والبهارات والزعفران والمكسرات وغيرها

سوق شعبي حلو للتمشي والطماشه

ولقيت عندهم زعفران اسباني اصلي

بالنسبه للسعر اغلى من الزعفران الموجود بالكويت

Disney’s Stars ‘n’ Cars Parade عروض دزني لاند باريس المباشره بالصور والفيديو

15 Nov

من بعض عروض دزني لاند باريس المباشره

صادفنا عرض السيارات

عندهم اكثر من عرض مباشر باليوم

وعشان ماتطوف اي عرض لازم تدخل موقعهم وتقرا اوقات العروض

انا شخصيا ما قريت لذلك طافوني عروضهم

ما عدا هذا العرض

وهذا عرض ثاني بالمسرح في دزني لاند استوديو

مافي كراسي العقده عالارض

واليهال حدهم مستانسين عالعرض والشخصيات والاغاني

العرض بالفرنسي مافهمنا شي

بس كله اغاني ورقص

خوش عرض لليهال

فقاعات الصابون من فوقنا تنزل

من شخصيات دزني للاطفال انشتاين

الدب ويني بوو

كانت وحده من الشخصيات انفخت على اوراق الشجر

ونثروا عالحضور اوراق شجر عشان نعيش الوضع :)

عروض حلوه وغايه في الاتقان في دزني لاند باريس

بنتي حبت المكان وااايد

وهذا فيديو لعرض السيارات لقيته باليوتيوب

يوتيوب

زيارتي لحديقه دزني لاند

الفندق اللي سكننا فيه في دزني باريس

UP اسواره “آب” اللي تتابع نومك واكلك وحركتك عن طريق الايفون

15 Nov

UP By Jawbone

شركه جاوبون نزلت نسخه مطوره من اسوارتها آب

هذي الاسواره تقيس حركتك ونومك واكلك

بكل بساطه بس تلبس هذي الاسواره على معصم ايدك

وتنزل برنامجها عالايفون

وتتابع روتين حياتك اليومي ووين يحتاج الى تعديل

الاسواره تتابع نمط نومك العميق والخفيف وكم مره قمت من النوم وعدد غفواتك

عن طريق الاحساس بالحركه

والاسواره تتابع عدد خطواتك اللي مشيتها باليوم

وممكن تضبطها انها تنبهك بعد فتره من القعده عن طريق الاهتزاز ان عليك الحركه

مثلا الواحد يقعد بالساعات ينسى نفسه امام كمبيوتر او تلفزيون

ممكن تضبطها كل نص ساعه او ساعه انها تهتز عشان تنبهك انك تقوم وتتحرك

وممكن تحط لك هدف لحرق السعرات باليوم واذا قرب اليوم يخلص وماوصلت للهدف تنبهك ايضا

ممكن تضيف وجباتك اللي اكلتها باليوم وعدد السعرات الحراريه

وتختار صوره من الموجود بالبرنامج او تصور وجبتك بنفسك

اسوار اب شكله انيق ويقاوم الماء ويقاوم الصدمات

ومتوفر منه ٣ قياسات الصغير والوسط والكبير

ومتوفر منه ٨ الوان مختلفه

سعره ب٣٧ دينار

والحلو فيه اذا ماعجبك خلال شهرين يردون لك فلوسك

للطلب من امريكا

وهذا فيديو عنه

يوتيوب

Xbox SmartGlass تحكم بجهاز الاكس بوكس عن طريق الايفون او الجلكسي

14 Nov

تقنيه جديده للاكس بوكس ٣٦٠ تقدر تتحكم فيه عن طريق جهازك الايفون او الايبود او الجلكسي

 بس عليك تنزل البرنامج في جهازك وراح يكون ايفونك كريموت كنترول للاكس بوكس

وشاشه عرض عالاكس بوكس ومتصفح للنت

لتنزيل البرنامج للايفون والجلكسي والوندوز

شوفوا الفيديو

يوتيوب

iPhone 5S الايفون ٥ اس على الابواب

14 Nov

شركه ابل سوف تبدأ بتصنيع الايفون ٥ اس بعد شهر يعني في شهر ديسمبر

وتقريبا على ربع او نص سنه ٢٠١٣ راح تنزله الاسواق

وايضا ممكن تنزل ايباد جديد لان الايباد الحالي وضوح شاشته اقل من المستوى المتوقع

انا لي الحين ماعندي ايفون ٥ بعد راح ينزلون ٥ اس خلال ٦ شهور

شكلي راح انطر الايفون ٥ اس واخذه بالمره

المصدر

Lets Popcorn مرور عام على افتتاح ليتس بوبكورن و٥ نكهات جديده

13 Nov

ليتس بوبكورن المتخصص بالنفيش الراقي

احتفل بالامس بمناسبه مرور عام منذ افتتاحه

وارسل الينا دعوه لحضور هذا الحفل

Live Theatre في مسرح اللايف ثيتير

في مجمع دسكفري

جانب من الحضور

تكريم الموظفين

المزاد الخيري باستضافه حمله ارسم البسمة مع بيبي الايوب

على صينيتين من منتجات ليتس بوبكورن ريعها سوف يعود لمشاريع حمله ارسم البسمة الخيريه

ووزعوا عالحضور ٥ نكهات جديده بمناسبه مرور عام من النجاح

Strawberry Ice-Cream  نكهه ايس كريم الفراوله

Marble Cake  نكهه الماربل كيك

Coconut Night  نكهه جوز الهند

Black & White  نكهه الكاكاو بالحليب

Pizza italiana  نكهه البيتزا

احلى نكهه بينهم بالنسبه لي هي ايس كريم الفراوله

كانت لذيذه طعمها جنه حليب فراوله كي دي دي :)

كل عام وانتوا بخير اسره ليتس بوبكورن وعقبال ١٠٠ سنه

موضوعي السابق عن زيارتي محل ليتس بوبكون

صينيه ليتس بوبكورن

النكهات متوفره في محلاتهم وللتوصيل

96677677

موقعهم

مع راينو تاير انسى عذاب البنشر بعد اليوم – متوفر بالكويت

13 Nov

راينو تاير ماده تحميك من خطر التواير

وكالة أمريكية معتمده في اقوى المختبرات العالميه

(مع راينو تاير انسى عذاب البنشر بعد اليوم سواء من (سيارات+سياكل+بانشيات+عربانات

..شوف الفيديو

يوتيوب

يوتيوب

الشويخ – شارع الألماني – مجمع ناصر – مقابل فولكس واجن

للإستفسار

559-855-60

انا شخصيا ما جربته في احد منكم جربه؟؟ يشاركنا تجربته

انحف منزل بالعالم

13 Nov

انحف منزل بالعالم وتم بنيانه بالفتحه اللي بين بنايتين

عرضه ٤ اقدام يعني عرض سياره

تم بنائه في بولندا

داخله مطبخ وحمام ومكان للنوم

اخليكم مع الصور

هذا شكل الممر قبل بنيانه

وهذا تصميم البيت

احس انقمتت وانا اشوف الصور :(

الحمدلله على النعمه

المصدر

فيديو: الشبه بين القطط وعلامات التعجب والضحك

13 Nov

\^±^/

يوتيوب

Service Hero: Rate the Service Quality in Kuwait قيم مستوى جوده الخدمه بالكويت

12 Nov

شركه سيرفس هيرو هو موقع متخصص بتقييم جوده الخدمه في الكويت

يعتمد كليا على اصوات العملاء والزباين

في الموقع تقدر تقيم المطاعم والمستشفيات ووكالات السيارات والانديه الصحيه وشركات الاتصالات والانترنت

والبنوك والطيران و محلات الالكترونيات والملابس والاثاث والسوبر ماركت

كل ماعليك الاجابه على استبيان صغير مده دقيقتين

وبضغطه زر يصل الى سيرفس هيرو

اللي بدورها توصل صوتكم وارائكم للشركات الكبيره لتحسين ادائها

فكره حلوه لتحسين جوده خدمتنا في الكويت

وكل مشارك راح يدخل على سحب بقيمه ٢٠٠ دينار

اضغط هنا للتصويت 

Service Hero is a unique concept solely focused on

collecting the voice of customers on service standards

and creating a list of service providers ranked by category.

Every vote you make empowers you to make a difference.

The more you vote, the more your voice will be heard.

You can rate Healthcare, Automotive, Fitness, Airlines, Communication,

Restaurants, Banks, Electronics, Supermarkets, Home furnitures and clothes.

Just answer a simple survey

your name will automatically enter the draw and you may win 200 KD.

click here 

الفيديو الكامل لعرض الالعاب الناريه بالكويت اللي دخل موسوعه غينيس ٢٠١٢

12 Nov

لقيت مجموعه فيديوات باليوتيوب عن عرض الالعاب الناريه بالكويت

بمناسبه مرور ٥٠ سنه عالدستور

ودخلت فيه الكويت موسوعه غينيس لاضخم عرض بالتاريخ

HD عجبني هذا الفيديو بالتصوير العالي الجوده

صور الحفله على ٣ اقسام

استمتعوا :)

الجزء الثالث احلى جزء

الجزء الاول

الجزء الثاني

الجزء الثالث

Disney Dreams عرض الالعاب الناريه في دزني لاند باريس

12 Nov

هذا مو عرض جراقيات اول امس :)

هذا العرض في دزني لاند باريس

قبل شهر كنت زايرتهم اذا كنتوا متابعين تقاريري السابقه عن دزني باريس

دزني باريس تحتفل هالسنه ٢٠١٢ بمرور ٢٠ عام على افتتاحها

“ومن شهر ابريل ٢٠١٢ ابتدوا بعرض “احلام دزني

Disney Dreams

يوميا عند اقفال الحديقه عالساعه ٨ مساءا يبدا عرض الليزر والالعاب الناريه والنوافير والنيران

مع خلفيه موسيقيه تسرد لنا قصص دزني بجو من الخيال والاحلام

عرض افضل من رااائع حضرته يوميين متتاليين وما مليت منه

اخليكم مع بعض الصور اللي التقطتها للعرض

طبعا كل زوار الحديقه متجمعين عند القلعه في انتظار الحفله وعددهم بالالاف

وماشاء الله مرتبين والكل ماخذ راحته

والاطفال والكبار مالهم حس الكل مندمج :)

الالعاب الناريه والنوافير ترقص مع كل نغمه بالموسيقى

والقلعه مسوينها كشاشه للعرض

مدته العرض ٢٠ دقيقه من الانبهاااار

شي خيالي صج عرض احلام دزني

ماعندي فكره اذا راح يستمرون في هذا العرض لكن من شهر ٤ الى يومنا هذا العرض شغال يوميا

هذا فيديو باليوتيوب مصور العرض بالكامل

بامكانكم مشاهدته

بس بالواقع احلى واااايد :)

يوتيوب

Buffalo Bill’s Wild West Show عرض الكاوبوي في دزني لاند باريس

11 Nov

في زيارتنا السابقه لدزني

لاحظنا في اول يوم وصلنا للفندق عدد كبير من الناس لابسه كبابيس كاوبوي

سألنا شالسالفه قالوا في عرض للكاوبوي مع عشاء

على طول حجزنا

في عرضين باليوم والعرض فيه خيول وتراب لذلك ما ينصح للي عنده ربو او مشاكل بالصدر

مده العرض ٩٠ دقيقه

هذي الدخله للعرض في عندهم درجتين للمقاعد ال في اي بي والعادي

اخترنا الفي اي بي بسعر اغلى

طبعا الحجز للعرض يكون قبل فتره من الفندق حجزنا قبل يومين

او من موقع دزني 

ويعطونك كبوس او قبعه الكاوبوي على لون فريقك

مقسمين الحضور الى ٤ افرقه الاحمر والاخضر والازرق والاصفر

احنا كنا ال في اي بي الاحمر

وقائمه العشاء وحده لكن لازم تبلغهم عند الدخول ان تبي القائمه بدون خنزير او اذا تبيها فيجيتيريان خضار

هذي اهي حلبه العرض ومكاننا حلو ثاني سطره

وهذا في بدايه العرض شخصيات دزني

اغلب العرض بالانجليزي في بعض الاحيان يتكلمون فرنسي

يوزعون العشاء على الحضور

وانت تختار مشروبك طبعا اخترنا بيبسي

عرض حلو ومتقن في ركوب الخيل

وهذي اعلام باربعه الوان تمثل كل فريق من الحضور

وهذا الشيبه رئيس الكاوبوي الامريكان

وهذي وحده من الشخصيات يعني فنانه في الرمي

دمها ثقييييل ماحبيتها

وهذا رئيس الهنود الحمر

ماخلوا بقره وثور ومادخلوه داخل الحلبه

عاد تخيلوا الريحه :) ياخووور

بس متعه اكشن :)

بعض الاغاني والاستعراضات

العشاء دجاج وبطاط وخضار سوتيه

ومعاه مقبلات وحلو ابل باي بالايس كريم

حده عااادي موذاك الزود

هذا عرقوز او مهرج فريقنا الاحمر

يخلينا نشجع فريقنا عن طريق الطق عالطاوله بايدنا وبالقفاش اقصد الملاعق

بنتي كيفت على الطق عالطاوله وخذت راحتها

عاد تخيلوا ازعاج التشجيع

ويسوي حركات غبيه يضحكنا كان صج دمه خفيف

وقت المسابقات

مسابقه الكره

للاسف ما فاز فريقنا فاز الفريق الازرق بالمسابقات

العرض كان ممتع ومشوق واول مره احضر عرض جذي فيه خيول وثيران وحركات

يسوا سعره

لازم تحضرونه اذا سكنتوا في دزني لاند باريس

لقيت باليوتيوب فيديو مقطع عن العرض

يوتيوب

صور من مهرجان الالعاب الناريه الاضخم بالعالم في الكويت ٢٠١٢

11 Nov

في الامس الكويت احتفلت بمناسبه مرور ٥٠ عام عالدستور

والاحتفال كان بالالعاب الناريه اللي كلفت ٤ ملايين دينار كويتي

ودخلت في موسوعه غينيس للارقام القياسيه

كنت رايحه الاحتفال على اخر لحظه لذلك ماقدرت احصل على مكان زين للتصوير

طبعا بسبب الزحمه الموووو طبيعيه

وقفنا بالدائري الاول اكثر من ساعه بالسياره

وهذي بعض اللقطات اللي قدرت اني القتطها وحبيت اشاركها معاكم

وانا بالسياره وسط الزحمه بدا الاحتفال الرااائع

هذي صوره شارع فحيحيل اللي عند الدائري الاول ززززحمه

الصراحه احتفال راااائع وماشاء الله ساعه كامله متواصله من الالعاب الناريه على امتداد البحر

كل عام وانتي بخير يا احلى ديره

فيديو: الكويت تحتفل اليوم بأضخم عرض ألعاب ناريه بالعالم وامريكا تتكلم عنه

10 Nov

للتذكير

الكويت تحتفل اليوم بمرور ٥٠ عام عالدستور بأضخم عرض ألعاب ناريه بالعالم

وراح تحطم ٤ ارقام قياسيه تدخل في موسوعه غينيس

قيمه العرض ١٤ مليون دولار

اللي فاضي اليوم يودي عياله عالبحر من الابراج الى الجزيره الخضراء

العرض اليوم السبت من الساعه ٨ الى ٩ مساءا

وهذا فيديو من امريكا يتكلم عن الحدث

يوتيوب

%d bloggers like this: