The Pastry Shop فطيره البيكان من

23 Sep

 

هالويكند كنا طالبين من ذا باستري شوب المتخصص بالباي

سمعنا ان بايهم حلو قلنا نجربه من ناحيه التغيير

عندهم اكثر من نوع

Pecan Pie

فطيره البيكان

الفطيره كانت فريش وهشه وحجمها معقول وسط

في طبقه حلوه بالنص الصراحه مادري شنو فيها بس طعمها لذييييذ

وطبقه البيكان اللي فوق محمشه

ومعاها كنا طالبين من ميني جدر للحلوى العمانيه اللذيذه

كنت كاتبه عنها من قبل

الحلوى مالتهم لذييييذه وفريش وطريقه تقديمهم واايد حلوه وتشوق

الصراحه سووا هبه الجدور او الحافظات بالكويت :)

موضوعي السابق عن ميني جدر

كانت الحلوى لذيييييذه عالعاده

انصحكم تجربون فطيره البيكان لمحبي الباي وااايد لذيذه

سعرها ١٢ دينار والتوصيل زياده على سعرها دينارين

من ذا باستري شوب

رقمهم 97305858

ورقم ميني جدر للحلوى العمانيه

هو 65618740

instagram: @mini_jeder

فيديو: اختبار سقوط الايفون ٥ والجلكسي اس ٣ منو تتوقعون الفايز بالاختبار؟

22 Sep

هذا اختبار امس قاموا فيه مجموعه اندرويد اوثورتي

بين الايفون ٥ والجلكسي اس ٣

قاموا باسقاطهم من ٤ ارتفاعات على ارضيه من حجر

لاختبار منو الاقوى ضد الطيحات والصدمات

وطبعا تتوقعون من الفايز؟؟؟؟

يوتيوب

طبعا الايفون اهو الفايز بسبب غلاف الالمنيوم وحتى الشاشه ظلت سليمه

بعكس الجلكسي اس ٣ اللي تهشمت شاشته وانفصل الغلاف من الجهاز

ايفووووون وبس :)

صور مسربه للميني ايباد

22 Sep

هذي صور مسربه للميني ايباد

اعتقد هذا راح يكون شكله لان مثل الايفون ٥

تسربت صور قبل نزوله الاسواق وكانت الصور حقيقيه

هذا شكل الميني ايباد واهو شغال

حجمه وايد حلو واعتقد راح ينباع بكميات كبيره

خاصه انه سعره راح يكون ارخص من الايباد الحالي

المصدر

صور من اغرب من دخل موسوعه غينيس ٢٠١٣

20 Sep

اكبر عضله ذراع للمصري مصطفى اسماعيل

😨 😨

اثقل متسابقه بالعالم للوزن الثقيل من النساء

وزنها ٢٠٣ كيلو

خلاااص مايحتاج رجيم يا بنات تطلعون رشيقات بالنسبه لها :)

اكبر لاعبه جمباز بالعالم عمرها ٨٦ سنه من المانيا

اطول شعر سبايكي بالعالم بطول ١١٣.٥ سم

من اليابان

اطول كلب بالعالم من امريكا

١.١١٨ متر

هذا وحش مو كلب

اطول حصان بالعالم من بلجيكا

طوله ٢١٠ سم

اقصر ثور بالعالم من ايرلندا

طوله ٧٦ سم

اطول حمار بالعالم من امريكا

طوله ١٥٥ سم

اثقل دراجه هرائيه بالعالم  وزنها ٧٥٠ كيلو

اكبر مجموعه من الباربي عددها ١٥ الف باربي

اكبر مجموعه من الهيلو كيتي ٤،٥١٩ قطوه

اكبر شاحنه نقل حجاره بالعالم

تشيل كميه بحجم ٤٧٠.٤ متر مكعب

0.86 tons/m3  وحموله وزنها

المصدر

طريقه عمل نانو سيم كارد للايفون ٥ في المنزل بالخطوات

20 Sep

مثل ما عرفنا ان الايفون ٥ تركب عليه شريحه التلفون بالحجم الجديد

وهو الحجم النانو

ولازم ننطر شركات الاتصالات انها توفر هذا الحجم عشان نركبه بالايفون ٥

لقيت طريقه بالنت انك تقدر تقص الشريحه الى الحجم النانو بدون لا تضطر انك تذهب او تتنتظر توفرها

عند شركات الاتصال

وتقدر تطبعها بالاله الطابعه وتستخدمها لقص ادق

هذا دليل عملها بالصور والخطوات

اضغط عالصوره لتكبر حجمها


اللي بيطبقها على مسؤوليته انا مالي شغل اذا اختربت :)

المصدر

Pink Berry بينك بيري تقليد !!!

20 Sep

ذاك اليوم كنت ماره بالجابريه بالشارع اللي فيه الشناكل

ولقيت هذي المطحنه حاطه صوره مو غريبه علي !!!

وقفت عندها وقمت ادقق بالصوره

هذي جنها صوره بينك بيري

بس الاسم غير بليس بيري

Bliss Berry

لوووول اشرايكم منو ماخذ الصوره من الثاني ؟؟

للاسف مادخلت وجربت الفروزن يوغرت يمكن يطلع نفس الطعم بعد :)

iOS6 نزل التحديث الجديد رسميا للايفون والايباد والايبود

19 Sep

نزل قبل قليل التحديث الجديد من شركه ابل رسميا

للايفون والايباد والايبود

الاي او اس ٦

هذا التحديث في ٢٠٠ خاصيه جديده بالنظام

منها خرائط ابل وسيري افضل وفيس بوك احدث ولسته طويله

من الشغلات الجديده

تقدرون تنزلونه من الايتونز او اذا عندكم الايكلاود تنزلونه دايركت منه

على جهازكم

ZAGG فيديو: اقوى حمايه لجهاز الايفون ٥ متوفر للطلب

19 Sep

شركه زااغ نزلت غلاف لحمايه شاشه الايفون الجديد ٥

ضد الصدمات والكسر والخدش

عندهم عده انواع من الحمايه وتبدأ اسعارهم من ٥ دنانير الى ١٠ دنانير للغلاف الواحد

ومتوفر عندهم ايضا الحمايه الكامله للجهاز

تبدا من ٧ دنانير الى ١٢ دينار للجهاز الواحد

شوفوا الفيديو

يوتيوب

للطلب

فتح علبه اول جهاز ايفون ٥ بالعالم بالصور

19 Sep

هذي مجموعه صور لفتح اول علبه ايفون ٥

شكل العلبه متغير عن السابق

والسماعات بالشكل الجديد داخل علبه تخزين بلاستيك مخصصه للسفر

والشاحن جديد لتزويد التلفون بطاقه اكثر اثناء الشحن

واليو اس بي الجديد لايتنينغ

ويوم الجمعه ٢١ سبتمبر ان شاء الله اول يوم لبيع الايفون ٥ في بعض المعارض الرئيسيه بالعالم

المصدر

Galaxy S4 سامسونغ تصرح عن الجالكسي اس ٤ الجديد

18 Sep

شركه سامسونغ صرحت عن جهاز الجالكسي اس ٤ انه سوف يتم الاعلان عنه

رسميا في شهر فبراير ٢٠١٣

وسوف ينزل الاسواق شهر مارس ٢٠١٣

LTE ومن تصريحاتهم ان الجالكسي سوف يدعم نظام الشبكات

وراح تكون مواصفاته اقوى من الايفون ٥

وحجم الشاشه راح يزيد الى ٥ انش بعد ماكانت ٤.٨ انش حاليا للجلكسي اس ٣

وراح يغيرون شغلات بسيطه بالشكل الخارجي

لكن راح يظل الشكل المستطيل للجلكسي مع زواياه المنحنيه

مساكين اللي شروا الجلكسي اس ٣ مابقى شي وينزل الاس ٤

مامداكم تحللونه :)

المصدر

بدأ الناس في الانتظار بالدور خارج محل ابل ليوم بيع الايفون ٥

18 Sep

من يوم الخميس اللي فات

٧ اشخاص في نيويورك خيموا خارج محل ابل

ليكونوا اول الناس اللي تدخل محل ابل في تاريخ ٢١ سبتمبر

لشراء الايفون ٥

يعني قبل ٨ ايام من نزول الايفون ٥

بعضهم موجودين لاهداف تجاريه

لووول ناس فاضيه انام بالشارع ٨ ايام عشان ايفون

الله يعافي الطلب من النت يوصلك لي البيت :)

بس الصراحه ابل مو هينه خلت الناس تنام بالشارع عشان ايفونها :)

المصدر

*فيديو: ٢١ ارجوحه تصدر الموسيقى *جديد

17 Sep

مجموعه كنديه سوت ٢١ ارجوحه او ديرفه تصدر اصوات موسيقيه

مختلفه من البيانو والزايلفون وغيرها

بمجرد ركوبها والتأرجح في ال ٢١ ارجوحه تصدر قطعه موسيقيه

حطتها في شارع في مونتريل

هذا الفيديو

يوتيوب

كلب يرفض مغادره قبر مالكه لمده ٦ سنوات

17 Sep

في عام ٢٠٠٥ في الارجنتين

قام ميغيل بشراء كلب اسماه كابتن هديه لابنه

لكن الكلب ظل متعلق بالاب

بعد سنه توفى الاب واختفى الكلب كابتن

الكل اعتقد انه ذهب لناس غيرهم

لكن عند زيارتهم لقبر ابيهم ميغيل انصدموا بوجود الكلب كابتن عن القبر

وظل في المقبره ٦ سنوات متواصله وفي الليل ينام عند القبر وهو مستمر الى يومنا هذا

صج لي قالوا الكلب وفي :(

المصدر

G3 Ferrari Pizza جهاز منزلي لصنع البيتزا الطازجه في ٥ دقايق

17 Sep

G3 Ferrari Pizza

مكينه فيراري للبيتزا

تخبز لك بيتزا فريش في ٥ دقايق

السر في الصخره الموجوده بالجهاز تعطي حراره نفس الافران الخشب المخصصه

لخبز البيتزا في نابولي

شوفو ا الفيديو

شكلها لذيييييذ

يوتيوب

سعر المكينه حوالي ٥٥ دينار كويتي

ihop تجربي في مطعم اي هوب في دبي

16 Sep

ihop – international house of pancakes

في زيارتنا السابقه في دبي

مرينا مول الامارات

وكانوا توهم فاتحين مطعم اي هوب الامريكي المشهور بالبانكيك

وبعد فتره راح يفتح فرع بالكويت

مطعم اي هوب متخصص بالريوق

للاسف كنا مارينه فتره العشاء لذلك ما جربنا ريوقهم

لكن المطعم يقدم اطباق مقبلات وبرغرز وستيكات وغيرها للغدا والعشا

حاطين على كل طاوله مطاره قهوه فاضيه

للي يبي يطلب يصبون قهوته فيها

وبعد حاطين ٤  صلصات بنكهات مختلفه للبانكيك بما انهم متخصصين بالبانكيك

فراوله وتوت وعسل بالبندق والصلصه الكلاسيك صلصه الميبل

Appetizer Sampler

طلبنا المقبلات كان الطبق تشكيلته حلوه

اجنحه دياي و حلقات بصل و اصابع جبن موزريلا

Chicken Fajita Quesadilla

كساديا الدياي كانت لذيذه

Sirloin Steak Tips

ستيك ومشروم مقطع مع بطاط وذره

للاسف كان كلش مو حلو الصلصه كانت وااايد حاليه

انا احب سوالف السويت اند ساور بس هذ الستيك جنه حاطين عليه عسل

مانصح فيه

Strawberry Banana Pancakes

وبما ان احنا بمطعم اي هوب

قلنا لازم نجرب البانكيك المشهورين فيه

طلبنا بانكيك محشي شرايح موز وعليه صلصه الفراوله الفريش

الصراحه كان احلى طبق من اللي طلبناه

كان البانكيك لذيذ

المفروض كنا ناخذ ريوق منه لان متخصص فيه

يقدمون انواع مختلفه من الاومليت والبيض والوافلز والكريب الحالي والمالح

 والساندويش والتوست الفرنسي

اذا فتح فرع بالكويت لازم نجرب الريوق

مطعم اي هوب في مول الامارات بجانب مطعم شيك شاك

زيارتنا لمطعم شيز كيك فاكتوري – دبي

مستخدمين التويتر حول العالم عن الايفون ٥ النحافه هي اهم خاصيه بالجهاز

15 Sep

٣٠ مليون تغريده بالتويتر عن الايفون ٥ لحظه الاعلان عنه ومميزاته بمؤتمر ابل

اكثر المتوترين عن الايفون ٥ هم الرجال

واكثر التويتات كانت من امريكا من مستخدمي الايفون

وكانت اهم خاصيه احبها المتوترين هي نحافه جهاز ايفون ٥

بنسبه ٤٧٪  بالنسبه لجميع التغريدات

LTE والخاصيه الثانيه هي سرعه الوايرلس والشبكه

بنسبه  ٢١٪ ويتأتي من بعدها خفه وزنه بنسبه ٪١٧

المصدر

!!فيديو: حرب الطباشير

15 Sep

شي يديد وغريب :)

يوتيوب

Wild Wadi مدينه وايلد وادي المائيه دبي

15 Sep

في زييارتنا السابقه لدبي

سكننا في فندق ميناء السلام بالجميرا

هذا تقريري عنه 

ومن خدمات الفندق ان الدخول لمدينه وايلد وادي المائيه مجانيه

لذلك استغلينا الفرصه وزرناها

وايلد وادي وااايد كبيره وفيها العاب مائيه متنوعه لكل الاعمار

منها النهر المائي

والزحلاقيات عندهم اكثر من نوع

وممتعين للكبار

ومنطقه العاب الاطفال

مكان العاب الاطفال حجمه كبير

وموفرين فيه الزحلاقيات والنوافير ورشاشات الماي

ممتع جدا للاطفال

Surfing ويوجد قسم ركوب الامواج

كان حلو للطماشه وتشوف معظم الناس لاعب فيهم الموج :)

وفي الوايلد وادي ٥ مطاعم

منها للمشاوي والبيتزا والبرغر والاكل الهندي والباستا

وطبعا الاسعار مبالغ فيها

مثلا الصوره اللي فوق كان من مطعم جلشانس

Julshan’s Kitchen

كان يقدم الوجبات السريعه وللاسف سيء جدا كل اكله مافيه طعم وسعره مبالغ فيه

حتى الشكن نغيتس ماكان فيه طعم وبنتي ماقدرت تاكله

وفي اليوم الثاني غيرنا المطعم وتغدينا في مطعم السندباد

Sinbad’s Galley

وطلبنا السباغيتي كان لذيذ

وطلبنا مرق دياي بالزبده مع خبز البراثا او الجباتي كان لذيييييذ

انصحكم اذا بتزورون وايلد وادي تاكلون في مطعم السندباد

وطبعا متوفره اماكن عديده تبيع البيبسي والعصير والايس كريم

والفاكهه الفريش بعد موجوده

وهذا حوض الامواج

كانت زيارتنا لمدينه وايلد وادي ممتعه جدا

وحتى اليهال استانسوا

لكن للي مايحب يشوف مناظر مثل البكيني انصحه لا يروح لها

لان معظمهم اجانب وماعندهم حرام وحلال

وايلد وادي في الجميرا

زيارتي لمدينه اكوافنتشر المائيه – اتلانتس

موقعهم

فيديو: النظره الاولى على جهاز ايفون ٥

14 Sep

هذا برنامج مسوي مقلب للناس

يسألهم عن رايهم بالايفون ٥ وبما انه الى الان لم ينزل بالسوق

يعطيهم ايفون ٤ اس ويقول لهم هذا ايفون ٥

شوفوا ردود الناس

لووووول

يوتيوب

الجيل الخامس من الايبود وجديد شركه ابل

14 Sep

شركه ابل اعلنت عن مجموعه جديده من الايبود

منها التاتش والنانو والشفل

كلهم اشكالهم جديده والوانهم مختلفه وجذابه

iPod Touch

الجيل الخامس من الايبود تاتش

شاشته اكبر حجمها ٤ انش

مع معالج اقوى من جهاز الايبود السابق

وكاميرا اوضح ٥ ميغا بكسل

وفيه نظام الاي او اس ٦ الجديد

ووزنه اخف من الجهاز السابق

ومتوفر منه ٦ الوان جذابه وحلوه

في منه حجمين للتخزين

٣٢ غيغا ب ٨٤ دينار

٦٤ غيغا ب ١١٢ دينار

iPod Nano

الايبود نانو شكله جديد كليا عن السابق

فيه شاشه لمس

وفيه برنامج البلوتوث

وبرنامج النايكي للرياضه

Engraving ممكن تكتبون على الايبود نانو اي جمله تبونها مثل الايباد

حجم التخزين ١٦ غيغا وسعره ٤٢ دينار كويتي

ومتوفر منه ٨ الوان

iPod Shuffle

الايبود شفل

صغير بالحجم ويشيل مئات من ملفات الصوت

حجم تخزينه ٢ غيغا

وممكن يتكلم معاك بضغطه زر يقول لك اسم الاغنيه او المقطع او كم باقي في البطاريه

متوفر منه ٨ الوان

وسعر الجهاز ١٤ دينار فقط

هذي كانت من اجهزه ابل الجديده اللي اعلنوا عنها بالمؤتمر

apple.com

%d bloggers like this: