Archive | January, 2012

Gift from my dear friend

30 Jan

 هالبوكيه الذرب الحلو من حبيبتي صديقتي على سلامة طلعه بنتي من المستشفى

الكاكاو من باتشي والورد من محل

Lily Fleur

مشكوره  دكتورتنا وان شاء الله نخدمج بالافراح

20120128-163003.jpg

20120128-163032.jpg

20120128-163105.jpg

P. f. Chang`s

29 Jan

بي اف شانغز يعتبر واحد من افضل المطاعم الصينيه بالنسبه لي

مادري اشلون كنا ناكل صيني قبله

اطباقه واااايد حلوه ولذيذه وطبعا اروح له على طول

بس يريت ينزلون مينو يديده لان مليت من نفس الاطباق مع ان اطباقهم حلوه بس يبيلنا تجديد

المهم اخر مره رحت له كان بفرع الافينيوز وهذي الاطباق اللي طلبتها

20120128-161944.jpg

Vegetable Spring Roll

سبرينغ رول بالخضار كان فريش وكرنشي مع عصره ليمون وصلصه السويت اند ساور (حامض حلو) حده عجبني   20120128-162010.jpg

Dynamite Shrimp

دايناميت شريمب (الربيان بالصلصه الحاره) طبعا هذا الطبق لازم تلاقون كل طاوله طالبين منه مايصير تدخل المطعم الا وانت طالبه صج ماينلامون الناس هالربيان لذييييييذ مادري شنو حاطين بالصلصه

 (وممكن حق الناس اللي مايحبون السبايسي يطلبون الصلصه على جنب ( بس شنو الفايده؟ حلاته بالصلصه 😍

حق اللي مو مجربه (ما اعتقد ان في احد ماجربه) لازم تذوقه

 20120128-162026.jpg

Mongolian Beef

واحد من الذ الاطباق اللي ذقتها عندهم لحم المغنوليان

اللحم حده لين ما ينعلج بالحلج وفيه صلصه سويت مع البصل الاخضر مايتطوف

كنت مره بجرب المنغوليان بلحم الغنم من ناحيه التغيير ولا الغرسون مامدحه لي يقول ان لحم الغنم وايد عرد ويابس ماراح يعجبني مثل لحم البقر وان وايد زباين يشتكون من الطبق قلت يود مينونك و خلني على طبقي المعتاد

وايي مع الطبق عيش مفيوح اما ابيض او اسمر

 20120128-162039.jpg

Lemon grass shrimp with garlic noodles

هذا الطبق اول مره اطلبه من ناحيه التغيير

الربيان مشوي مع الليمون والزبده والنودلز مع الثوم

مادري ماعجبني وايد او يمكن لاني شبعت من الاطباق الثانيه

ماعتقد بطلبه مره ثانيه

 20120128-162052.jpg

Light cookies from Choowy Goowy

28 Jan

20120128-162239.jpg

جووي غووي كووكيز عندهم نوع يديد من الكوكيز لايت يكون نص سكر اقل من الاوريجينال

العاده انا احب الاوريجينال كوكيز و الكيندر كوكييز بعد لذيذييين

بس حراااااام كل ما اشتري جار لااازم خلال يوم او بالكثير يومين اقضي عليه الكوكيز حدهم لذيذين ماقدر اقاوم

 فلما دريت ان في نوع لايت قلت اجربه بس خفت ان يطيح بجبدي ويطلع طعمه مو حلو

لما طلبته طلع حلووو مع ان لايت ما احس ان كوكيز بايخ للرجيم بالعكس طعمه حلو ونفس طقه الاوريجينال

من اليوم ورايح طلبي راح يكون جووي لايت عالاقل اكله وانا مرتاحه الضمير

Unboxing MacBook Air

28 Jan

20120128-160803.jpg

 

 

الاسبوع اللي فات مريت الغانم اكس سايت الافينيوز عشان اشتري ماك بوك اير

وعلى حظي كان في من البوك اير اخر قطعه والحمدلله صارت من نصيبي

كنت حاطه ببالي ال ١١ انش لاني ابي اصغر لابتوب ممكن ،عشان يكون خفيف بالشيله من مكان لي ثاني

وخذيت ال  ٤ غيغا ميموري و ال١٢٨ غيغا  فلاش ستوريج

طلع سعره مع كفاله سنه وحده ب ٤٠٩ دنانير

سالتهم عن ال ديفيدي درايفير قالوا ماعندهم قلت بطلبه من النت مع الماوس البلوتوث

وخذيت منهم الكفر حق اللابتوب ماركه ايون ب ١٢.٧٥٠ دينار عندهم الوان اسود وبني واحمر

موعاجبني بس قلت مؤقت لما الاقي جنطه حلوه للابتوب

الحين يبيله الماك مجابل لاني متعودة عالويندوزونظام الماك غير تماما بس مبدئيا وايد احسن من الويندوز

كافي ان مافيه فيروسات وانتي فايروس و التصفح فيه وايد حلو و مافيه مروحه نفس طقه باقي اللابتوبات

والاب ستور متروس برامج مفيده

Fisher-Price Laugh & Learn Apptivity Case

28 Jan

 

شفت هذي اللعبه بالامازون لليهال من شركه فيشر اند برايس تركب فيه الايفون  او الايبود  منه يحمي الجهاز من سعابيل اليهال تكرمون ومن الطيحات والفلعات

يعني الواحد ما يحاتي اذا حط ايفونه عند اليهال راح تضمن سلامه رجوع جهازك

وهم فيه برامج مجانيه تنزلها من الآب ستور يمشي مع اللعبه هذي ويناسب اعمار اليهال من ٦ شهور لي ٣ سنوات

 وايد عجبتني هاللعبه حطيتها بالامازون كارت وراح اطلبها ان شاء الله و سعرها وايد حلو حوال ٦ دنانير

Chocolate Bar

27 Jan

The other day i went to chocolate bar the avenues branch with my friend and ordered this

20120127-193418.jpg

Ghowy hot chocolate cake with vanilla ice cream this is my standard order for the last 10 visits everytime i go to chocolate bar i order this dish soooo chocolately deliciuos (daseeeem o thegel lazem bottle mai weyah) 😳

And my friend ordered this

20120127-194110.jpg

Crunchy caramel pie with vanilla ice cream i had a bite from the pie it was yummy it’ll definetly be my order next visit, filled with hot caramel and chocolate and the biscuit tastes like ginger cookies.

Life with Cacao

27 Jan

20120127-182030.jpg

20120127-182240.jpg

20120127-182251.jpg

امس مريت لايف وذ كاكاو ب ٣٦٠ مول مع بنتي قلت اجرب طبق كاكاو يديد وبنفس الوقت ابي طبق تستانس عليه بنتي

ولا القى بالمينو طبق فيه٣ اعواد برد فانيليا مع تغميسه كاكاو وكورن فليكس و مكسرات وحلاو

اسم الطبق

ice cream popsicles

طريقته نغمس البرد بالكاكاو وبعدين بالحلاو او المكسرات

وطلبت اكسترا فراوله وكوكيز

طبعا بنتي كيفت عليه ووايد استانست عالفكره

اللي عنده يهال يبي يلهيهم خل يطلب لهم هالطبق راح يستانسون وايد عليه وبنفس الوقت يخلون الواحد ياكل على راحته 🙂

My first post Hello

27 Jan

hello kuwait 🙂

this blog is created to share with you many interesting life experiences ranging from food , cosmetics, health and etc…

of course you will note that most of my posts will focus on food because you are not kuwaiti if you don’t have a passion for food 😉

this blog is intended for fun and reviews anything new in kuwait

so stay tuned for my posts

so kaifii blog will represent my personal opinion

kaifii i will write whatever i want 😉

%d bloggers like this: