فكره حلوه
room service وانت بالبيت يوصلك اكل الفنادق جنه
من قبل فتره سمعت عن شالات الباشمينا والشاتوش كانوا البنات باديين يلبسونها
بس الحين زادت الهبه ووايد منهم يحرصون ان يكون عندهم شال منهم
طبعا هذي الشالات وايد غاليه تبدا اسعارها من ١٠٠ دينار وطالع وتوصل الي ٦ الاف دينار وممكن اكثر
كلما اسالهم ليش غالي يقولون لانه من لحيه التيس!!! وبس ماكو اي معلومات ثانيه
قلت بسوي بحث بنفسي عن هالشالات بالانترنت واكتب لكم معلومات عنهم وليش يعتبرون غاليين بالسعر
في وايد انواع من الشالات كل واحد من حيوان معين
بس راح اكتب عن اشهر اثنين بالكويت
الشاتوش
Shahtoosh
اهي كلمه فارسيه معناها “ملك الاصواف” افضل صوف في العالم ويصنع من صوف ال
Tibetan Antelope “Chiru”
هذول الشالات تحتاج الى فنانين محترفين لحياكتهم لشده نعومه الصوف
من كثر نعومتهم الشال اللي حجمه وسط ممكن يمر خلال فتحة الخاتم عشان جذي سموهم (شالات الخاتم)
وياخذون الصوف من حيوان الشيرو مو عن طريق حلاقته !! لكن لازم ينذبح عشان ياخذون صوفه
ويحتاج صناعه الشال الواحد قتل من ٣ لي ٥ حيوانات لصناعته
طبعا شال الشاتوش يعتبر ممنوع عالميا لان حيوانات الشيرو قامت تنقرض
فقاموا التجار يبوقون هالحيوانات ويبيعون الشاتوش بالخش والدس
اللي عندها شال شاتوش لا تتفلسف وتروح فيه امريكا او وحده من الدول اللي موقعين اتفاقيه حمايه الحيوانات المعرضه للانقراض !!! لان اذا صادوها راح يلبسونها تهمه ويبهذلونها
سعر شال الشاتوش الصافي يوصل لي ٦ الاف دينار واكثر
بس اللي موجود بالسوق يكون مخلوط وهم غالي سعره من الالفين لي ٤ الاف دينار
الباشمينا
Pashmina
Pashmina Goat شالات الباشمينا تنصنع من صوف ال
هذي الصخله يوجد منها عدد قليل وعلى ما يطول صوفها يحتاج ٤ سنين لصناعه شال واحد
لذلك اهو غالي
الشال يحاك عن طريق حلاقتهم فقط بدون قتلهم عشان جذي قاموا معظم الناس يتجهون لهذا الشال لان مافيه اي قتل او وحشيه للصخله
شال الباشمينا مصنوع من صوف كاشميري مخلوط مع نسبه حرير
لكن اذا كان ١٠٠٪ صوف كاشميري يسمى شال كشميري وليس باشمينا
الباشمينا واايد ناعم ويدفي مع ان خفيف لكن يدفي
كل ما كان لونه ابيض وفاتح وكل ما كان انعم يزيد سعره
سعره يكون اقل من الشاتوش لكن يعتبر غالي بحد ذاته
شال الباشمينا ينغسل باليد مع شامبو الشعر وماينعصر بقوه عشان مايخترب
وقاصين علينا لحيه التيس ولحيه التيس دورت بوايد مواقع مو يايبين طاري لحيه التيس بس ان اهو يناخذ من صوف التيس
وان شاء الله افدتكم بالمعلومات
كتبت لكم المختصر المفيد
موقع كفاراتي منزل كاميرا مراقبه للاطفال
O!care واسمها ozaki ماركه
تشتغل من خلال الايفون او الايبود او الايباد
بس تحتاج انترنت وايرليس ونقطه كهربا ما تحتاج اي توصيلات او تمديدات بالكهربا
الحلو فيها ان ممكن تسجل على كرت اس دي
فالواحد مايحاتي اذا طافه شي
وانتي بالدوام تراقبين عيالج بالبيت وماتحاتينهم
سعرها ب ٩٩ دينار
موقع كفاراتي
تغدينا اليوم مع العائله الكريمه في مطعم المياس
الموجود بالبدع عند شاليهات شيك
مطعم المياس اهو مطعم لبناني ارمني
اطباقه حلوه بس تقريبا نفس مستوى باقي المطاعم اللبنانيه الموجوده بالكويت
ممكن تروحون له من ناحيه التغيير
بحط لكم صور اطباقنا
حمص
محمره
ورق عنب كان ناطع
كبه نيه 🙂
بطاطا حره
سلطه ارمنيه (جنها سلطه البيت خيار وطماط وخس مافيها زود
كبه صاجيه (ذقت نتفه منها مترووووسه دهن مو حلوه
عرايس لحم
جبده دياي
منتي” عباره عن شيش برك صغاااار كليت منه قفشه وايد حلو”
كباب بالكرز (هذا كان طبقي واااايد حلو لازم تجربونه
كباب اورفيلي
كباب خشخاش
شيش طاووق
ربيان مشوي
عثمليه واااايد حلوه
كنافه
مولتن كيك
اليمعه كانت حلوه والاكل كان عادي
معدل سعر الشخص ١٠ دنانير
المياس بالبدع عند شاليهات شيك
Itunube المصممه الاسبانيه صاحبه ماركه
منزله اساور من دانتيل بطرفهم جلد وكرستالات نازله من الاساور
شكلهم وايد حلو وذرب باللبس
فيه ٤ موديلات نازله
والاسواره حوالي ب ١٠ دنانير
اتوقع راح يصير الهبه اليديده بين البنات
هذا اهو الموقع للي يبي يطلب
اليوم كانت يمعت العايله بشاليهنا بميناء عبدالله
العاده بالايام العاديه الشاليهات ميته مافيها ناس لكن اليوم كان غييير
ما شاءالله كل الشاليهات كانت فل
والناس تحتفل بالعيد الوطني والتحرير بالشارع
طبعا كل واحد وطريقه احتفاله
اشوه كنا بالسياره وقافلين البيبان ورافعين الجام لان الكلللل عنده بالونات فيهم ماي للتفلع
ومسدسات ماي واهواز ماي مفتوحه عالاخر
الكل كان مستانس ومشارك بالتحذف من الكبير لي الصغير حتى الخدم مستانسين معاهم
الصراحه خوش مسيره استانسنا
اخليكم مع الصور اللي صورتها
الله يديم الفرحه عالكويت ان شاء الله
الجمعية الكويتية لتقنية المعلومات تقدم دورة في التصوير الفوتوغرافي يقدمها الأستاذ سعود المقهوي
تشمل الدورة التعريف بالأدوات والمعدات المستخدمة في التصوير، والقواعد الأساسية في التصوير، بالإضافة الى درس عملي في شاطئ الشويخ ودرس في اساسيات الفوتوشوب للمصورين وكيفية استخدامه لتحسين الصور.
تبدأ الدورة يوم الأحد الموافق 11 مارس الى الخميس 15 مارس
وقت الدورة من الساعة 6:00م الى 8:00م، ما عدا اليوم الثالث العملي سيكون من 5:30م الى 6:30م
لمشاهده صور الاستاذ سعود المقهوي قم بزياره موقع فليكر بالرابط
منزله كيبل للايفون والايبود والسمارت فون مثل البلاك بيري والاندرويد Mohzy شركه
loop اسمه
يستخدم هذا الكيبل لنقل البيانات وشحن بطاريه التليفونات
هذا الكيبل فيه مغناطيس يلزق ببعضه ويشكل اسوار ينلبس بالايد او يتعلق بالجنطه
يلزق على اي حائط حديد ممكن تتعلق عليه الصور والملاحظات
هذا الكيبل شكله وايد حلو فيه عده ديزاينات وعملي بنفس الوقت
سعره حوالي ٥ دنانير
مو موجود بالكويت لكن ممكن ينطلب من هالمواقع ويوصلون لي الكويت مباشره
من زماااان ناطرين الايفون ٥
توقعنا بعد الايفون ٤ ينزل ال ٥ لكن صدمونا ونزلوا الايفون ٤ اس
حاليا متوقع ان الايفون ٥ ينزل بصيف ٢٠١٢ او بخريف ٢٠١٢ يعني على شهر ٦ او ٩ هالسنه
في وايد الاشاعات طلعت على شكل الايفون ٥ وشنو راح يكون
لقيت في موقع مصمم ايطالي توقع اشلون يصير شكل الايفون ٥
المصمم الايطالي مسوي شكله مثل الماجيك ماوس لشركه ابل
شكله وايد حلو ويشوق
لكن هذا الديزاين احتمال ضعيف يكون للايفون ٥ مثل ماذكر موقع ايفون ٥ ريفيود
Foxconn لان واصلتهم اشاعات من مصنع
التابع لشركه ابل في اسيا ان ايفون ٥ بدوا في تصنيعه وراح يكون شكله مقارب لايفون ٤ اس بس مع شاشه اكبر بالحجم ما يقارب ٤ انش
ويقولون بعد ان كاميرا الايفون ٥ راح تكون ثلاثيه الابعاد
كل هذي توقعات واشاعات عن الايفون ٥ ماكو الا ننطر ونشوف والي بالجدر يطلعه الملاس
اليوم في العيد الوطني تغدينا مع العايله في مطعم فرايديز بمجمع ٣٦٠
ولا منزلين مينيو يديده جربنا منهم جم طبق وطلعوا حلوين
mushroom soup
شوربه المشروم كانت عاديه
Buffalo chicken wings
اجنحه الدياي بصلصه البفالو
متعودين عليهم ماكو شي يديد
Nacho Chili Roll “NEW”
ناتشو شيلي رول “جديد
هذا الطبق يديد عباره عن خبز تورتيلا داخله لحم مفروم وجبن وايد حلو جربوه
Shrimp & Chips “NEW”
ربيان مقلي مع شيبس ” جديد”
كان الطبق حلو بس المشكله حاطين ٥ ربيانات بس والباقي خضره مقليه (بروكلي وفلفل احمر
Chicken Cajun Salad
سلطه الدياي بالكايجن مه صلصه هوني ماسترد
صلصه الهوني ماسترد في فرايديز عندي احلا صلصه جربت اكثر من مطعم بس اهم صلصتهم غيييير عجييييبه
Tennessee Chicken Sandwich “NEW”
شاندويش الدياي المشوي مع حلقات بصل وبيكون مع خبز البريوش
كانت الصمونه عملااااقه
Burger with bacon
همبورغر مع بيكون وجبن
عاديه مو ذاك الزود كانت ناشفه
Cajun Chichen Fingers
اصابع الدياي بالكيجن
هذا الطبق يعتبر طبقي المفضل في فرايديز اصابع الدياي تررررفه والبهارات اللي عليها حلوه
مع صلصه الهوني ماسترد العجيبه
لازم اطلبه بكل زياره
Electric Lemonade
عصير اليمون الازرق ماعجبني حسيت طعمه جنه دوا
كان خوش غدا واليمعه كانت احلى بالعيد الوطني
في مجمع دسكفري في محل يديد لتعليم اليهال الطبخ
Young Chefs Academy
يعطون اليهال حصص لتعليم وصفات الطبخ ممكن يشتركون لمده شهر واسبوعيا يعطونهم كلاس طبخ فيه وصفتين مدته ساعه ونص
او ممكن يدخلون بس يطبخون الطبخه بدون اشتراك وهذي اسعار طبخاتهم
وعقب مايخلصون الطبخه حاطين لهم طاولات بره ياكلون عليها
ياخذون من عمر ٣ سنين وفوق
فكره حلوه لشغل وقت اليهال وتغيير روتينهم اليومي
وصلتني دعوه من محل زري ستيكر للتعرف على بضاعتهم
رحت محلهم وشفت شغلهم طلع عندهم شغلات واااايد حلوه وغريبه
عندهم ستيكرات والبومات صور وبطاقات للمناسبات واختام وبطاقات هويه لليهال
بصراحه بضاعتهم تشووووق راح احط لكم بعض الشغلات اللي عندهم
الستيكرات
عندهم ستيكرات حق كلللل شي حتى طمقات الهدوم عندهم
كل الرسوم موجوده عندهم من شخصيات كرتونيه وكل الالوان موجوده
و ستيكرات للشاي والقهوه
وممكن طباعه الاسم عالستيكر او اي جمله او كلمه انتي حابه تحطينها يطبعون لج اياها
بطاقات المناسبات
مجموعه البطاقات اللي عندهم ماشفت منهم بالكويت
البطاقات اللي عندهم كلها من برا الكويت يايبينهم
الحلو والغريب بالبطاقات انها ثلاثيه الابعاد وحجمهم كبييير
حدهم يشوقووووون والاشكال اللي عندهم توّنس
عندهم حق كل المناسبات مثل الاعياد ميلاد والولاده وذكرى الزواج والتخرج وكروت رومانسيه
واااايد يصلحون لهديه وخاصه حق شخص عزيز لانه اكيييد راح يعجبه الديزاين
وفي كروت ثلاثيه الابعاد اللي تهتز بعد وتتحرك
الصراحه افحمني هالمحل بهالكروت صج وااااو
عندهم كروت من خام فيهم مخباة من ورا ممكن ينحط فيهم فلوس للهديه والكرت ينحط بظرف
البومات الصور
عندهم البومات احجامهم صغيييييره كبر ال ١٠٠ فلس حلوييين يصلحون يتعلقون بالتلفون او بعلاقه المفاتيح
وعندهم احجام اكبر والصور ممكن اتيبينهم بفلاش ميموري او تطرشينهم بالايميل يسوون لج الالبوم وانتي واقفه
الاختام
عندهم بعد اختام بكل الاشكال انتي بس طلبي الدزاين اللي تبيه ويفصلون لج اياه
وعندهم نوتات وجناط ولزاقات
اسعارهم وايد حلوه ومعقوله واحلى شي بالمحل ان يسوون لج كل شي وانتي واقفه مايحتاج تطلبين وتردين بعد جم يوم
وايد حلو للمدارس واليهال وحتى الابلات يفيدهم
انا حطيت جزء بسيط من بضاعتهم وفي لهم موقع بالانترنت فيه باقي البضاعه وممكن بعد تطلبون اونلاين منهم
عنوانهم:عمارة التجارية – شارع السور – بعد معرض بدر الملا للسيارات .
(شارع السور اللي فيه صالة التزلج و التأمينات).
المحل بالميزانين ٢
تلفون المحل ٢٢٩٦٨٥١٢ – ٩٧٩٨٧٦٦٧
<p style=”text-align:center
طلبت من محل
The Cake Shop Bakery
و هذي صور أوردر الميني كب كيك
شكلهم وايد حلو وطعمهم بعد حلو.. حبيت اللي لون الكيك أحمر أكثر من الكاكاو
و اليهال أكيييد كيفوا عليهم و عالرسومات..
وبشكل عام.. الكب كيك حلاته تطلبونه ميني عشان تحسون بطعم التوبينق أما إذا كانت الحجم العادي تصير ناشفه شويه.. أنا بالنسبه لي أحب كل عضه فيها كريمه ههه مابي كيكه فاضيه “”تنشف ريجي 🙂 “” و نقول نبي نضعف
كيك.. كيك.. كيك..
السلام عليكم ورحمة الله وبركاته..
أمس أختي طلبت لنا من
The November Bakery
و حبيت أوريكم الأوردر لأن عادة اللي نشوفه بالموقع شي و اللي يوصل البيت شيء آخر تماما..
بس الحمدلله هالمره ضبطت 🙂
طلبت منهم كيكة طبقات مع ورده جوريه أون توب .. مدحوا لها ال
Red Velvet
حجمها صغير تعتبر ميني طبقات .. بس كفت و زادت وبقى منها وايد لأنها دسمه ف تاكلون قطعه صغيره تشبع و طعمها لذيييذ..
بس كانت طالبه لون الورده و الكتابه بالفوشي ويابوه لها وردي فاتح و الورده كانت مذويه شوي ف إذا بتطلبونها ركزوا على هالشغله المفروض تكون الورده فريش..
الله .. آخر صوره حدها يميييي بروح آكل القطعه اللي خشيتها حقي.. 🙂
….
بينك بيري منزله نكهه يديده اهي الرقي
مع ان احنا بعز الشتا مادري ليش منزلين نكهه الرقي المفروض تكون بالصيف
قلت اجربها
طعمها طلعت مالها شغل بالرقي
نفس طعم الاوريجينال بس حاطين عليه لون وردي
طبعا الاويجينال حلو
بس تظل عندي نكهه المانغا احلى فليفر بلا منازع لي الحين مانزلوا نكهه تصك عليها
بينك بيري منزل هذا التب من الحجم الكبييير ٢٥ اونص
للتيك اواي ممكن ينحط بالفريزر مده شهر ويظل الفروزن يوغرت فريش
سعره طبعا دبل
وصلتنا دعوه من مطعم سني سايد اب لتجربه اكلهم
ومريتهم امس بالليل للعشا
كان الجو باااارد قعدنا داخل المطعم
مع ان القعده بره حلوه وشرحه وحاطين دفايات وكنابل بعد
بس فضلت القعده داخل ما اتحمل البرد
الديكورات وايد حلوه وبسيطه والوانها تونس وتفتح النفس
هذا المطعم يقدم بشكل اساسي اطباق البيض متخصص فيها
عندهم كل انواع البيض اللي تخطر عالبال (امريكي، مكسيكي، هندي، او عالطريقه اللي تختارها بنفسك)
وعندهم بعد سندويشات وعصاير
وقالوا قريبا راح يضيفون سلطات وهمبرغر وشغلات غيرهم
المينيو مال هالمطعم من اعداد عادله الشرهان ما يحتاج اعرفكم فيها
Pineapple and Raspberry Juice
عصير اناناس مع توت
الصراحه هالعصير طلع واااايد لذيذ طعمه فريش والخلطه مضبوطه
انصحكم تجربونه
شوربه البطاط مع الجبن والبيكون
الشوربه حلوه خاصه ان الجبن والبيكون معطينها طعم عجيييب
Turkey Club Sandwich
كلوب ساندويش بالديك الرومي
كان وايد حلو التوسته كانت مقرمشه وهشه
Herbed Grilled chicken sandwich
ساندويش الدياي المشوي بالاعشاب
هذي الساندويش اهي اكثر وحده تنباع بالمطعم
جربناها وعرفت ليش اهي اشهر صمونه تنباع
الدياي وايد ترف وجوسي والبصل المشوي فيها معطيها حلاوه
يعني على بعض ماتتطوف
Late Miami Omelets
ميامي اومليت
بيض وجبن وسبانخ ومشروم مع نقانق وهاش براون
طبقه الكريمه بالجبن اللي فوقها شي مو طبيعي وااايد حلوه
The Elvis sandwich
ساندويش الفيس
هذي الصمونه اجراااام عباره عن توست فرنسي و بريوش داخلها موز وعسل وعليها صلصه التوت
دسمه بس لذيييذه حق اللي يوعان من قلب يطلبها
Pancakes with Melty Nutella Chocolate
بان كيك بالنوتيلا
الصراحه احلى طبق
حبييييته البانكيك كان حااار مع النوتيلا سايح عليه يميي يميي
منو مايحب النوتيلا لذيييذ لو ينحط على اي شي يصير لذيذ
لاااازم قبل لا تطلعون من المطعم تكونون طالبين هالطبق
سني سايد اب عندهم هالمقات معلقين
بس كل مق لشخص معين يشتريه ويخليه معلق كل ما ايي ياكل بالمطعم ويطلب القهوه يحصل خصم عليها
فكره حلوه لزوار المطعم
وهذي المينيو مالتهم تشوووق جنها قصه لليهال مع الصور ناقزه من المينيو
كل الشكر والتقدير لصاحب المطعم
“فيصل السعيد”
الصراحه ماقصر ضيفنا خوش ضيافه يعطيه العافيه
Sunny Side Up مطعم
يستحق التجربه خوش مطعم
موجود في مجمع الصقران المباركيه بالديره
اوقات العمل من ٨ لي ٢ صباحا
ومن ٧ لي ١١ مساءا
تلفون :٢٢٤٦٣٤٣١
Update
Update 2
الاطباق الجديده بالزياره الثانيه