وصلتنا دعوه من مطعم سني سايد اب لتجربه اكلهم
ومريتهم امس بالليل للعشا
كان الجو باااارد قعدنا داخل المطعم
مع ان القعده بره حلوه وشرحه وحاطين دفايات وكنابل بعد
بس فضلت القعده داخل ما اتحمل البرد
الديكورات وايد حلوه وبسيطه والوانها تونس وتفتح النفس
هذا المطعم يقدم بشكل اساسي اطباق البيض متخصص فيها
عندهم كل انواع البيض اللي تخطر عالبال (امريكي، مكسيكي، هندي، او عالطريقه اللي تختارها بنفسك)
وعندهم بعد سندويشات وعصاير
وقالوا قريبا راح يضيفون سلطات وهمبرغر وشغلات غيرهم
المينيو مال هالمطعم من اعداد عادله الشرهان ما يحتاج اعرفكم فيها
Pineapple and Raspberry Juice
عصير اناناس مع توت
الصراحه هالعصير طلع واااايد لذيذ طعمه فريش والخلطه مضبوطه
انصحكم تجربونه
شوربه البطاط مع الجبن والبيكون
الشوربه حلوه خاصه ان الجبن والبيكون معطينها طعم عجيييب
Turkey Club Sandwich
كلوب ساندويش بالديك الرومي
كان وايد حلو التوسته كانت مقرمشه وهشه
Herbed Grilled chicken sandwich
ساندويش الدياي المشوي بالاعشاب
هذي الساندويش اهي اكثر وحده تنباع بالمطعم
جربناها وعرفت ليش اهي اشهر صمونه تنباع
الدياي وايد ترف وجوسي والبصل المشوي فيها معطيها حلاوه
يعني على بعض ماتتطوف
Late Miami Omelets
ميامي اومليت
بيض وجبن وسبانخ ومشروم مع نقانق وهاش براون
طبقه الكريمه بالجبن اللي فوقها شي مو طبيعي وااايد حلوه
The Elvis sandwich
ساندويش الفيس
هذي الصمونه اجراااام عباره عن توست فرنسي و بريوش داخلها موز وعسل وعليها صلصه التوت
دسمه بس لذيييذه حق اللي يوعان من قلب يطلبها
Pancakes with Melty Nutella Chocolate
بان كيك بالنوتيلا
الصراحه احلى طبق
حبييييته البانكيك كان حااار مع النوتيلا سايح عليه يميي يميي
منو مايحب النوتيلا لذيييذ لو ينحط على اي شي يصير لذيذ
لاااازم قبل لا تطلعون من المطعم تكونون طالبين هالطبق
سني سايد اب عندهم هالمقات معلقين
بس كل مق لشخص معين يشتريه ويخليه معلق كل ما ايي ياكل بالمطعم ويطلب القهوه يحصل خصم عليها
فكره حلوه لزوار المطعم
وهذي المينيو مالتهم تشوووق جنها قصه لليهال مع الصور ناقزه من المينيو
كل الشكر والتقدير لصاحب المطعم
“فيصل السعيد”
الصراحه ماقصر ضيفنا خوش ضيافه يعطيه العافيه
Sunny Side Up مطعم
يستحق التجربه خوش مطعم
موجود في مجمع الصقران المباركيه بالديره
اوقات العمل من ٨ لي ٢ صباحا
ومن ٧ لي ١١ مساءا
تلفون :٢٢٤٦٣٤٣١
Update
Update 2
الاطباق الجديده بالزياره الثانيه
Wooooooow
شوقتني وايد بروح له ان شاء الله اذا دفا الجو
شوقتتي ساندويش الدياي
يعطيك العافيه
Nice presentation
روحي جربيه وراح تدعين لي 😉
بس مو تنسين تطلبين البان كيك بالنوتيلا
هذا لااااازم
وبالعافيه مقدما
شلون بيكون !!
انا خبري بيكون = لحم خنزير
بره بيكون يعني خنزير بس بالكويت بيكون يقصدون فيه لحم بقرمقدد