شالات الشاتوش والباشمينا

29 Feb

من قبل فتره سمعت عن شالات الباشمينا والشاتوش كانوا البنات باديين يلبسونها

بس الحين زادت الهبه ووايد منهم يحرصون ان يكون عندهم شال منهم

طبعا هذي الشالات وايد غاليه تبدا اسعارها من ١٠٠ دينار وطالع وتوصل الي ٦ الاف دينار وممكن اكثر

كلما اسالهم ليش غالي يقولون لانه من لحيه التيس!!! وبس ماكو اي معلومات ثانيه

قلت بسوي بحث بنفسي عن هالشالات بالانترنت واكتب لكم معلومات عنهم وليش يعتبرون غاليين بالسعر

في وايد انواع من الشالات كل واحد من حيوان معين

بس راح اكتب عن اشهر اثنين بالكويت

الشاتوش

Shahtoosh

اهي كلمه فارسيه معناها “ملك الاصواف” افضل صوف في العالم ويصنع من صوف ال

Tibetan Antelope “Chiru”

هذول الشالات تحتاج الى فنانين محترفين لحياكتهم لشده نعومه الصوف

من كثر نعومتهم الشال اللي حجمه وسط ممكن يمر خلال فتحة الخاتم عشان جذي سموهم (شالات الخاتم)

وياخذون الصوف من حيوان الشيرو مو عن طريق حلاقته !! لكن لازم ينذبح عشان ياخذون صوفه

ويحتاج صناعه الشال الواحد قتل من ٣ لي ٥ حيوانات لصناعته

طبعا شال الشاتوش يعتبر ممنوع عالميا لان حيوانات الشيرو قامت تنقرض

فقاموا التجار يبوقون هالحيوانات ويبيعون الشاتوش بالخش والدس

اللي عندها شال شاتوش لا تتفلسف وتروح فيه امريكا او وحده من الدول اللي موقعين اتفاقيه حمايه الحيوانات المعرضه للانقراض !!! لان اذا صادوها راح يلبسونها تهمه ويبهذلونها

 سعر شال الشاتوش الصافي يوصل لي ٦ الاف دينار واكثر

بس اللي موجود بالسوق يكون مخلوط وهم غالي سعره من الالفين لي ٤ الاف دينار

الباشمينا

Pashmina

Pashmina Goat شالات الباشمينا تنصنع من صوف ال

هذي الصخله يوجد منها عدد قليل وعلى ما يطول صوفها يحتاج ٤ سنين لصناعه شال واحد

لذلك اهو غالي

الشال يحاك عن طريق حلاقتهم فقط بدون قتلهم عشان جذي قاموا معظم الناس يتجهون لهذا الشال لان مافيه اي قتل او وحشيه للصخله

شال الباشمينا مصنوع من صوف كاشميري مخلوط مع نسبه حرير

لكن اذا كان ١٠٠٪ صوف كاشميري يسمى شال كشميري وليس باشمينا

الباشمينا واايد ناعم ويدفي مع ان خفيف لكن يدفي

كل ما كان لونه ابيض وفاتح  وكل ما كان انعم يزيد سعره

سعره يكون اقل من الشاتوش لكن يعتبر غالي بحد ذاته

شال الباشمينا ينغسل باليد مع شامبو الشعر وماينعصر بقوه عشان مايخترب

وقاصين علينا لحيه التيس ولحيه التيس دورت بوايد مواقع مو يايبين طاري لحيه التيس بس ان اهو يناخذ من صوف التيس

وان شاء الله افدتكم بالمعلومات

كتبت لكم المختصر المفيد

المصدر

المصدر ٢

12 Responses to “شالات الشاتوش والباشمينا”

  1. modyq8 February 29, 2012 at 7:51 PM #

    صج 😳
    ماكو لحية تيس بالموضوع!!
    و خابين الدنيا وغالي عشان لحية التيس الموقره و اخرتها عادي صوفه كله !!!

    • omrayan February 29, 2012 at 8:01 PM #

      اي كلش ماقريت شي عن لحيه التيس مادري ليش هذا المتداول اهني!؟؟

  2. shaikha February 29, 2012 at 9:44 PM #

    والله صج استفدنا مشكوووره

    • omrayan March 1, 2012 at 5:14 AM #

      الحمدلله افدتكم 😉

  3. غصون الشخري February 29, 2012 at 10:25 PM #

    يعطيج العافيه على هالمعلومات القيمه
    بس حبيت اعرف في بالكويت اماكن يبيعون هالنوع من الشالات وتكون ثقه؟؟
    وبعدين شلون اقدر افرق بين الاصلي والمغشوش لان بصراحه التجار بالكويت موثقه ☺ وشكراً

    • omrayan March 1, 2012 at 5:19 AM #

      الصراحه ماعندي فكره منو يبيع بس العاده بنات يبيعون بينهم بين بعض ما سمعت عن محل معين يبيع الشالات. وعن مغشوش في اللنك المصدر ٢ حاط معلومات عن الباشمينا ممكن تقرينه اذا مهتمه وفي بعد لقيت قايد لاين بالنت اشلون تعرفينه ان اصلي
      http://www.lab.fws.gov/idnotes/shahtoosh-web.pdf
      ممكن يفيدج

  4. Ozan August 27, 2016 at 10:57 PM #

    Selamın aleykum ben turkıye den ozan incebay bursa da fabrıka sahıbıyım pasmina imalatı yapıyorum istanbulda bırcok fırmanın tedarıgını yapmaktayım

  5. اميره ابراهيم November 4, 2016 at 1:11 PM #

    كم السعر الشال الواحد تقرييا اذا عندج اي فكره؟

  6. Ozan November 5, 2016 at 11:13 PM #

    غرام باسمينا 135 دولار 1

Trackbacks/Pingbacks

  1. شال للاطفال  - مد ایرانی - December 28, 2016

    […] شالات الشاتوش والباشمينا Kaifii […]

  2. شال للاطفال  | مجله تفریحی کلیک جوان| سایت تفریحی و سرگرمی - December 28, 2016

    […] شالات الشاتوش والباشمینا Kaifii […]

  3. شال للاطفال  – چیچیلی - April 22, 2017

    […] شالات الشاتوش والباشمينا Kaifii […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: