اليوم تغدينا مع العائله الكريمه في المطعم الهندي زافران
“Zafran”
كان ودنا ناكل اكل هندي بس نبي مكان وقعده راقيه قلنا نجرب زافران وخاصه ان ديكوراته وايد حلوه وفخمه
يحس الواحد لما يدخل المطعم انه بعالم ثاني
عندهم كباين بعد للمنقبات
هذي كابينتنا ل ١٢ شخص الكابينه شرحه ومفتوحه من فوق و الحاجز مفرغ بنقشات
يرتاح الواحد فيها مو مثل كباين المطاعم الثانيه قمته
سلطه بنجابي (اهي سلطه يونانيه بس بنكهه هنديه
سمبوسه وبهاجيا مع صلصه التمر الهندي والجتني
جربت وحده من البهاجيا مع الصلصه كانت حلوه وقالوا بعد عن السمبوسه حلوه
شكن ناغيت لليهال
مرق دياي بالزبده
Butter Chicken
كان وايد حلو
برياني دياي
Chicken Biryani
بريانيهم كان وايد حلو مع الصلصه اللي ايي معاه كانت حامضه شوي
تندوري تكا دياي
Tandori Tikka
ذقت وحده منهم كان وااايد حلو وترف
مالاي تكا دياي
Malai Tikka
مشويات تندوري مشكله (كباب و سمك وربيان ودياي
جربت منه الربيان كان عملاااق ولذيييذ مع الليمون
السلطه الجانبيه بالاطباق وايد حلوه
شمندر وجزر وكزبره وليمون و شي حالي مادري اهو دبس رمان او سكر بس عجييييبه بسويها بالبيت
نان بالقيمه (مع لحم مفروم) ماعجبني كلش
نان عادي وبالزبده
لاسي بالمانغا (لبن ومانغا) جنه فروزن يوغرت بالمانغا
ليمون بالنعناع
لبن
غلاب جامون
مثل اللقيمات بس متشربه شيره واللي يمها هذا روب
كان حليو يمشي حاله
عندهم بعد ركن للحفلات واعياد الميلاد
تبدا اسعارهم من ٦،٥ دينار للشخص ويوصل لي ١٢دينار للشخص
يعتمد على الطلب اذا فيه مأكولات بحريه يصير اغلى
كانت الزياره وايد حلوه وممكن نزوره بالمستقبل
موجود في السالميه بسنتر بوينت اللي مجابل الفنار
وعندهم خدمه ايقاف السيارات
وعندهم توصيل منازل 25750647 – 97281007
أكل مطعم زفران مذاقه غير من تطلبه للبيت وخاصة البرياني ، نصيحه طعام مطعم زفران مذاقه طيب من تتناوله في المطعم وليس البيت.