Archive | April, 2012

PomPon اثاث مصنوع من كرات الفرو

30 Apr

 الالمانيه MYK شركه

PomPon صنعت اثاث من كرات الفرو اسمهم

كل كرسي او قطعه من الاثاث مصنوع يدوي ويحتوي الى ١٣٠٠ كره فرو

شكلهم يشوووق

وفي عندهم لون بيج للي مايحب الالوان

المصدر

كفر للايباد يشحن عن طريق الطاقه الشمسيه

30 Apr

شركه امريكيه طورت كفر او غلاف للايباد

يشحن الايباد عن طريق الطاقه الشمسيه

الكفر عباره عن بطاريه وعليه قطعه تستقبل الضوء الخارجي والداخلي داخل المنازل ويحول الضوء الى طاقه كهربائيه

تشحن الايباد بدون اي وايرات او كهرباء

والشحنه الوحده تشغل الايباد حوالي ١٠ ايام

 مع هذا الغلاف ستاند للايباد وفتحه يو اس بي ممكن تشحنون فيها اجهزه ثانيه بنفس الوقت مثلا الايفون

HDMI وفتحه

حلو حق بر او سفر او لما يكون بلاك الكهربا بعيد عن الواحد

سعره حوالي ٦٠ دينار

للطلب من النت

اكسسوارات مصنوعه من سير مطاط

29 Apr

المصمم مارتن قام بتصميم اكسسوارات تركب على السير المطاطي

Gummi C

صمم ٣ اشكال منها الحلقه الدسك والكره والمستطيل

في منهم مصنوع من فضه ومنهم مطلي ذهب

واسعارهم حوالي ٩ دنانير

وايي مع الاكسسوار ١٠ سيور مطاطيه لتبديلهم اذا اختربوا

يحليلهم حتي السير المطاط استفادوا منه !!

للطلب من النت

مصور يصور اطفاله اسبوعيا من ولادتهم الى عمر ١٢ سنه

29 Apr

المصور فرانس قرر ان يصور عياله من يوم ولادتهم

اسبوعيا وعمل فيديو يوضح نموهم الى يومنا هذا واهو مستمر بالتصوير

هذا فيديو ولده من ولادته الى عمر ٩ سنوات

هذا الفيديو يلخص عمره في دقيقتين

youtube

وهذا فيديو بنته صورها من يوم ولادتها الى عمر ١٢ سنه

youtube

المصدر

BreadTalk حلو زوارتنا هالاسبوع من

29 Apr

حلو زوارتنا هالاسبوع كان من محل بريد توك

الصراحه ماعرف اسم الكيكه

بس اهي كيكه كاكاو اسفنجيه وعليها كرات اكلير محشوه بكريمه الكاكاو

كانت جيده

characters figures مجسمات لشخصيات كرتونيه وافلام والعاب بلاي ستيشن

28 Apr

لكل شخص عنده هوايات تختلف عن الاخر

 وهوايه صديقي هي تجميع مجسمات الشخصيات

من الكرتون و الافلام و شخصيات البلاي ستيشن

بعض مجسماته تصنيعها يعود للثمانينات وبعضها يوصل اسعارها الى ٤٠٠ دينار

مريته بيتهم لتصوير بعض من مجسماته

وهذي صور لبعض من مجموعته

هي ليست للبيع بس حبيت اشارككم بالصور

Via Ali

التوب ١٠ سيارات عام ٢٠١٢

28 Apr

في معرض بيجين الموتور شو

Beijin Motor show 2012

معرض بيجين اهو اكبر معرض بالعالم للسيارات

وهذي السيارات حصلت على اول ١٠ مراكز بالعالم

المركز الاول

 Lamborghini Urus

جيب لامبورغيني يوروس

راح تنزل هذي السياره عالم ٢٠١٥

المركز الثاني

Mercedes Concept Style Coupe concept

مرسيدس كوبيه

المركز الثالث

Range Rover Evouqe Special Edition with Victoria Beckham

رينج روفر ايفوك

الركز الرابع

Audi RS Q3 concept

اودي ار اس

المركز الخامس

BMW i8 Spyder

بي ام دبليو راح تنزل ٢٠١٤

المركز السادس

Ferrari’s next Enzo engine

فيراري راح تكون اسرع فيراري عالاطلاق

المركز السابع

Citroen DS9

المركز الثامن

Porsche Cayenne GTS

المركز التاسع

VW E-Bugster Cabriolet

المركز العاشر

Jaguar XJ Ultimate

المصدر

Buff غلاف من النايلون يحمي الايفون من الصدمات والطيحات

27 Apr

شركه بف نزلت غلاف شفاف للايفون يحميه من اقوى الصدمات والطيحات

مكون من ٤ طبقات تحميه حمايه تامه

والغلاف شفاف وضعيييف وضد الخدش والتمدد

ويطلع الفقاعات اللي تصير تحت الغلاف خلال ٢٤ ساعه

وسهل التركيب

شوفوا الفيديو يوضح اكثر

يوتيوب

يوتيوب

وعليه كسر خاطري الايفون طاحوا فيه طق وترفس

موقع الشركه

Knitted Nike احذيه نايكي تطلق تقنيه جديده لاحذيتها

27 Apr

شركه نايكي للاحذيه الرياضيه اعلنت عن حذاء بتقنيه جديده

Fly Knit Racer اسمه

الحذاء محاك بالخيوط معطيه المرونه والخفه باللبس ويعطي شعور انه جورب او بالكويتي دلاق

راح تلاحظون هالسنه بالماراثون الاولمبي راح يلبسه كل المتسابقين المشاركين بالماراثون

limited edition وفي مجموعه

راح تنزل لبقيه الناس

استغرق صناعه هذا الحذاء ٤ سنوات

شكله وااايد مريح يبيله واحد للمشي 👍

يوتيوب

المصدر

ZeeBrgr الاطباق الجديده في مطعم

26 Apr

ZeeBrgr تلقينا دعوه من مطعم زي برغر

لتجربه اطباقهم الجديده

نفس مؤسسين مطعم ماكي الياباني اهم نفسهم اصحاب مطعم زي برغر

لذلك راح تلاقون بعض اطباق ماكي الشهيره عندهم مثل عيسى ماكي وسلطه الافوكادو والسالمون

اطباق زي برغر من اعداد الشيف مايكل من ميامي مع خبير البرغر السيد جو هجالي من مدينه مينيابوليس

عندهم قعده خارجيه وايد شرحه وحلوه خاصه بالوقت الحالي الجو عجيب بالليل وقت العشاء

وهذي قعدتهم داخل المطعم الاضواء خافته والموسيقى هاديه

والاثاث معاصر

اخترنا نمرهم عالساعه ٥ غدا متأخر وعشاء مبجر عشان ناخذ راحتنا بالاكل والتصوير بعيد عن زحمه الزوار

كنا جاهزين للطلب ويابو لنا المينو مالتهم

وكان المينو اهو ايباد فيه صور كل اطباقهم

ماشاء الله المطاعم قامت تواكب التقدم التكنولوجي

وكان طلبنا هو هذا

Zee Salad

سلطه زي

عباره عن مزيج من الخضار مع صلصه الفول السوداني والتوت وخبز او تورتيلا مقرمش

الصراحه السلطه عجيييبه الصلصه غريبه وسويت وفيها طعم الفول السوداني تذكرني بالسلطات التايلنديه

لازم تجربونها بس طلبوا اكسترا صوص لان الصوص لذيييذ

Buffalo chicken wings

اجنحه دجاج بصلصه البفالو

صلصه البفالو اهي خاصه بمطعم زي برغر وطعمها غير عن صلصه البفالو المعتاده

طعمها يميل اكثر لسويت شيلي صوص

Lobster Bites

عباره عن خليط من القباقب وقطع صغيره من ام الربيان على قطعه بطاط مقلي والصلصه سبايسي حاره شوي

Onion Rings

حلقات بصل وايد لذيذه الطبقه اللي حاطينها عالبصل مثل التيمبورا كرنشي ومقدمينها مع صلصه الرانش او المايونيز بالثوم

بس انصحكم تطلبون صلصه زي برغر البرتقاليه واااايد احلى مع حلقات البصل بالنسبه لي

مثل الصوره اللي تحت

Angus Bites

عباره عن قطع ستيك انغوس بصلصه الترياكي مع بيض السمان او الفّرري بالكويتي وجذور اللوتس المقليه

هذا الطبق من احلى الاطباق عندهم لااااازم تطلبونه لما تزورون زي برغر

اللحم وايد جوسي والصمونه وايد لينه وترفه كلها على بعد ماتتطوف

Tartufo Brgr

همبرغر تارتوفو عباره عن قطعه لحم عليها مشروم وفقع وجبن موزريلا وجبن بارميزان كرسبي وصلصه البيستو

Medium weldone  اممممم لذييييذه وايد غنيه وجوسي بس طلبوها

Zee Angus Fries

بطاط مقلي و قطع لحم ومشروم وقطع طماط وبصل مغرقه بصلصه جبن الشيدر

😌طبعا هذا اكيييد غرام الكل ادري فيكم

والحين الحلووووو

Popcorn Pain Perdu

هذا طبق فرنسي عباره بريوش مع رشه سينامون “قرفه” وكرات التفاح والنفيش بصلصه الكراميل

هذا الطبق خيااااال عجييب شويه عليه

لازم لازم لازم تطلبونه حتى لو كنتوا شباعه لايطوفكم لذيييييذ الصراحه الشيف مايكل من ميامي ابدع بهذا الطبق

ايي معاه ايس كريم على جنب

Chocolate Brownie Magma

عباره عن براوني عليها طبقه كاكاو فدج وطبقه ثانيه من البرواني بس بالكاكاو الابيض وداخلهم كورن فليكس كريسبي

وكره ايس كريم فانيليا وصلصه الكاكاو والكراميل

❤لعشاااق الكاكاو هذا الطبق لكم

 

ليمون بالنعناع

وختمناها بقهوه بيضا

عباره عن ماي حار فيه ماي زهر وايد زينه للهضم

الصراحه مطعم زي برغر مطعم يستحق التجربه

فيه انواع برغر مختلفه عن اللي متعودين عليها

وجامع هذا المطعم عده بلدان في مكان واحد (الامريكي والفرنسي و الياباني والاسيوي والبريطاني و المكسيكي) كل واحد يدخل هالمطعم لازم يلقى اللي يناسبه من اطباق

يهتمون وايد بالطعم والشكل للطبق

نشكر السيد جو هجالي عالدعوه الرائعه اللذيذه وعالاستقبال والترحيب الحار فينا

ونشكر تقبلهم لاقتراحاتنا لبعض الاطباق

مطعم زي برغر موجود في فندق النخيل في منطقه سلوى

عندهم موقع عالانترنت ممكن تطلبون منه واعتقد في توصيل للمنازل وفيه صور اطباقهم

موقعهم عالنت

Tel. +965 25612374
Mob./What’s APP. +965 66254093
BBM Pin. 27c757d5

المركز الكويتي لمحاكاة الطيران بمجمع ديسكفري

25 Apr

Kuwait Flight Simulation Center

ذاك اليوم كنت موديه اليهال مجمع ديسكفري

ولقينا كبينه طياره موجوده بالطابق الارضي للمجمع

هذي كبينه لتجربه الطيران التشبيهي

وفي عندهم عده كباين للطائرات بجم نوع

الصراحه ماجربناها لان كنا مستعجلين

بس قعدنا داخل وصورنا الكوكبيت او الكبينه من داخل جنه الوضع صجي بكرسي الكابتن

يبيله تجربه المره اليايه

سعر التجربه ١٥ دقيقه ب ١٠ دنانير

وعندهم دورات وباقات وعروض حلوه للمدارس

موجودين في مجمع ديسكفري بالسرداب

موقعهم عالنت

FAT Burger زيارتي لمطعم

25 Apr

ذاك اليوم تعشينا بمطعم فات برغر

ببرج جاسم

وهذي مو اول زياره لنا بس قلنا نجرب صمونه المشروم اليديده

طلبنا كان دبل فات برغر

هذي كانت المشروم سويس فات برغر

كانت طلبي وعجبتني لاني احب المشروم

والمشروم اللي حاطينه كان فريش مو معلبات

وهذي وجبه الاطفال اصابع دياي مقرمش مع بطاطا

الدياي لذييييذ ذقته من بنتي وايد حلو جوسي ومقرمش

حلقات بصل كانوا حلوين واهم حارين بس بردوا صاروا مو ذاك الزود

بطاط مقلي متان ماعجبوني الضغاف السكيني وايد احلى ومقرمشين اكثر

مطعم فات برغر في برج جاسم مقابل صاله التزلج عالجليد

كانت زياره جيده وخفيفه

Fit4Fun فعالية التحدي في مجمع دسكفري

24 Apr

فت فور فن ارينا المتواجد في مجمع ديسكفري

المشهور بلعبه المسدسات الامنه بالكور الفسفوريه بدون الوان

نظمت امس تاريخ ٢٣ ابريل يوم للصحافه وارسلت لنا دعوه للمشاركه بفعالياتهم

فت فور فن عندهم عرض مجاني للعبه الرمايه (التارغيت) من تاريخ

٢١ – ٢٥ ابريل

اهي لعبه سهله بس تحتاج كور تنس وستاند الرمايه

ماعليك الا تاخذ الكره وتوجهه عالستاند

وايد حلوه اللعبه الواحد يحذف كور بكل قوته ويطلع طاقته

وفي فت فور فن ارينا خلونا نلعب لعبه التحدي بين فريقين من الصحافه

واستمتعنا بوقتنا وايد

يعطيكم العافيه عالدعوه الجميله

وكانت فعاليه التحدي برعايه ليتس بوبكورن المشهور بالنفيش اللي يقدم اكثر من ٢٥ نكهه لذيذه

تجربتي لنفيش ليتس بوبكورن و وزيارتي لمحل ليتس بوبكورن

وكان برعايه سمارت تويز لالعاب الذكاء لجميع الاعمار

زيارتي السابقه ل فت فور فن ارينا

Gathering Cookies تجربتي ل

24 Apr

امس في معرض هلا رمضان ٢ بمجمع ٣٦٠

محل غاذيرينغ للحلو والفطاير كان مشارك بهالمعرض

ماجربت شغل هالمحل من قبل

قلت باخذلي من كوكيزهم لان غرامي الكوكيز

Eela’s cookies

طلبت منهم ٦ ايلاز كوكيز غالكسي وكيندر

هذي كوكيز الكيندر

امبيه عذااااب

وهذي الجالكسي كوكيز

الكوكيز واايد حلوين بس دسمييييين بعد ما كليت ٢ منهم حسيت بتأنيب الضمير لان الرجيم رااااح

وهذي كوكيز على كيندر عندي احلى من ايلاز كوكيز

الكوكيز وايد عجيبين بس مثل ماقلت دسمييين

صفحتهم عالفيس بوك

مسرح سينما يطفوا عالماء

23 Apr

في جزيره ياو نوي في تايلند

قام المهندس اوليه شيرين بصنع مسرح سينما يطفوا عالماء

Archipelago Cinema

واختاروا مكان هادي ومنعزل في لاغون بجزيره ياو نوي

وناااسه خيال يبليه سينما جذي

المصدر

معرض هلا رمضان ٢ في مجمع ٣٦٠

23 Apr

20120423-010858.jpg

وصلت لي ٣ دعوات لمعرض هلا رمضان ٢ في مجمع ٣٦٠

وكان امس افتتاحه الساعه ٧ مساءا

المعرض من تاريخ ٢٢ لي ٢٥ ابريل من ١٠ الصبح الى ١٠ مساءا

ماشاء الله المعرض فيه جميع مستلزمات اللي نحتاجها لرمضان

من دراريع و بدل قرقيعان لليهال واطقم مواعين واستكانات وفناييل واكسسوارات واثواب صلاه

الصراحه وايد محلات رفضوا التصوير وخاصه محلات الدراريع !! فاكتفيت بصور المواعين والاكسسوارات

وماشاء الله كان ززززحمه المعرض امه محمد كلها اهناك

20120423-010904.jpg

20120423-010911.jpg

محل كريستو

خوش مجموعه لدراريع اليهال للقرقيعان الوانهم فريحيه

20120423-010917.jpg

مجموعه صن اند صاندالز للمايوهات الاسلاميه

مسوين اطقم المايوه وجنطته وكبوسه و ملفع ونعال كلهم طقم من نقشه وحده

شغلهم مرتب

20120423-010923.jpg

20120423-010928.jpg

20120423-010934.jpg

محل فن

اماعينهم عجيييبه وديزايناتهم غريبه

20120423-010940.jpg

20120423-010948.jpg

20120423-010954.jpg

20120423-010959.jpg

20120423-011004.jpg

20120423-011009.jpg

20120423-011013.jpg

20120423-011020.jpg

حلو غاذيرنغ

20120423-011026.jpg

20120423-011032.jpg

20120423-011037.jpg

مجموعه دي لاسوا

20120423-011041.jpg

20120423-011047.jpg

20120423-011051.jpg

the people’s factory

20120423-011102.jpg

churros

20120423-011108.jpg

20120423-011057.jpg

20120423-011114.jpg

AnaKatarina محل

هذا محل يعيد صناعه اطقم اللماس القديمه ويغير من شكلها الى تصميم يديد

صافيين عندهم كاكاوات وقالت وحده من هالكاكاوات فيها الماسه كبيره وخذنا منهم لعل وعسى تطلع لنا الالماسه بس للاسف ماطلعت لنا

وقالت اهي مقسمه الكاكاو الى ٤ مجموعات وكل يوم بتنزل مجموعه يلا كل وحده تمرها وتاكل كاكاوه يمكن تطلع لها الالماسه

20120423-225907.jpg

20120423-225918.jpg

اطياب ام كلثوم

هذي بعض اللقطات للمعرض

متواجد في مجمع ٣٦٠

AVENT steamer & Blender وصلت طلبيتي من مذركير

22 Apr

Avent شركه افينت

steamer منزلين جهاز لصنع اكل الاطفال عباره عن جهاز بخار

bleander  وجهاز خلاط

بنفس الجهاز

لان ماي البخار اهو فيه الفايده اللي تطلع من الخضار واحنا نقط هالماي

فهذا الجهاز يطبخ الاكل عالبخار وبعدين نقلبه يصير خلاط

قلت بشتريها لبنتي ولقيتها عند مذركير

سعرها ٥٢ دينار

قلت ماكو الا اطلبها من موقعهم الانترنت اونلاين

ويوصلونها للبيت مجانا لان اي طلبيه فوق ٥٠ دينار التوصيل مجاني

بدال لا اتعنى اروح جم فرع وما الاقيها

هذي صفحه موقعهم اونلاين ودفعت بالفيزا لان حاولت جم مره ادفع بالكي نت ما ضبط معاي

20120422-145554.jpg

وهذا كان صندوق الطلبيه وصلوها بعد ٣ ايام من الدفع

20120422-145606.jpg

في الصندوق ايي جهاز الخلاط وكوب لقياس الماي وملعقه و كتيب لتحضير اكلات البيبي

20120422-145600.jpg

هذا فيديو يوضح طريقه عملها

يوتيوب

اطياب الشطي

22 Apr

اطياب الشطي ارسلوا لنا هديه قيمه

عباره عن مجموعه من عطورهم الفاخره

عطر شيوخه

 هذا العطر عباره عن خليط مكون من ٢١ نوع من الزيوت العطريه

والشركات المعروفه عالميا ومحليا تتجنب ان تخلط اكثر من ٤ زيوت

لان كلما زادت الزيوت صعب ان تستخرج منها رائحة جميله و تتطاير اسرع

واطياب الشطي بخبرتهم جميع عطورهم تبدأ من ٧ انواع زيوت وتصل الى ٢١ نوع

وفي قصه حلوه لعطر شيوخه يرويها لي صاحب العطور جاسم الشطي

 بفضل الله هذا العطر لاقى استحسان معظم من تذوقه”

وفوجئنا ان احد افراد اسره خليجيه حاكمه

قامت بالاتصال بنا وطلبت ٤٠٠ حبه لزفاف ابنتها

وحين قاموا بارسال بطاقه للحاكم مع العطر قام الحاكم بالاستفسار عن العطر

“و طلبوا ٥٠ حبه من العطر لاهدائه

 جربته شخصيا وماشاء الله العطر مركززز وقويه ريحته

يمكن قوي شوي على ذوقي

بس اللي يحب العطور القويه اللي تظل بالملابس مده طويله عطر شيوخه يناسبه

واحس هالعطر يناسب الوالده فيه خليط من العود واشياء ثانيه وبنفس الوقت مركز وايد

والمجموعه الثانيه من العطور المميزه

عطر “لطوفه” مكون من ٧ نواع ورود من النوع الفاخر

عطر “مناير” خلطه عود مميزه من كويت الماضي

عطر “لولوه” مكون من ٧ انواع زهور ومسك ابيض فاخر جدا وزيت خاص

عطر لولوه كان اهو المفضل بين المجموعه

ريحته وايد حلوه وباااارد بس نطروا عليه لما يبرد

لولوه”عطري المميز وراح يكون من مجموعتي الدايمه لاني احب المسك وايد”

اللي يسوي هذي العطور اهو جاسم الشطي شخصيا

واهو منتج كويتي ١٠٠٪  وعطوراتهم عاليه التركيز وفق الضوابط العالميه

وتظل عالجسم ٢٤ ساعه وعالملابس اكثر من ٤ ايام

ابداع كويتي وماشاء الله شغلهم حلو ومرتب

اطياب الشطي لكم مستقبل باهر بمجال العطور العربيه

ومشكورين عالهديه الرائعه

للطلب

أو عبر الواتس أاب sms

66568686

ايفون ٥ احتمال ينزل في شهر اكتوبر

21 Apr

ايفون ٥ ممكن ينزل في شهر اكتوبر هذي السنه

استنادا على كلام الخبير المحلل جين مانستر بشركه بايبر جافري

وان الموديل الجديد للايفون راح يكون ديزاينه وشكله يختلف عن السابق

وسرعته اكبر في الاتصال بشبكات الانترنت

وان الموديل الجديد مكون من مجموعه معادن مختلفه تعطيه المتانه والخفه والنحافه بالتصميم

ويقولون ان ستيف جوب قبل لا يموت كان مصمم ايفون ٥ وليس ايفون ٤ اس

الظاهر شركه ابل نزلت ال ٤ اس تصبيره قبل لا ينزلون الديزاين الاخير لستيف جوب

الصراحه ناطرين هالايفون وان شاء الله يفوق توقعاتنا بالتطور

وهذي بعض الديزاينات لبعض المصممين لشكل الايفون ٥ المستقبلي

المصدر

الصور اخذتها من الغوغل

Rajae حلو زواره الجمعه من محل كراميل

20 Apr

حلو هالجمعه كان من محل كراميل

 “حلو “رجائي

عباره عن كور كيك كاكاو صغار مغرقه بصلصه الكاكاو

دسسسسمه ولذيذه ولازم يجربونها عشاق الكاكاو

كراميل بنيد القار

22533258 تلفون

موقعهم عالفيس بوك

موضوعي السابق عنه

%d bloggers like this: