Archive | May, 2012

Millions of Milkshakes ميلك شيك الملايين في دبي

31 May


في زيارتنا الاخيره لدبي دار الحي

قلنا نجرب ميلك شيك الملايين

محل الميلك شيك القادم من هوليوود

اللي افتتحته كيم كارديشيان في دبي مول

كان المحل فاضي حزه العصاري

فكرته مو يديده صافيين انواع الكاكاو الفواكه لتختار منهم لخلطهم بالايس كريم او الفروزين يوغرت

في عده مشاهير سوولهم خلطات بالمحل وصار الميلك شيك باسمه

مثل كيم و لوهان و باميلا انديرسون ودي كابريو ومايلي سايروس وغيرهم

هذيل بعض الميلك شيك المشهور عندهم

طلبنا ميلك شيك كيم كارديشيان كان فراوله وموز

طعم الموز طاغي عالفراوله كان مو ذاك الزود ما عجبني

وطلبنا ميلك شيك جستين كان سنيكرز وموز

واااايد لذيذ لازم تجربونه السنيكرز طلع وايد حلو

اشلونه المحل؟

محل ميلك شيك عادي  ذايقه مثله بالكويت وايد

وراح يفتح المحل بالكويت هالسنه بس مادري وين موقعه

Blackberry’s Bloggers Sneak Peek في فندق الماريوت

30 May

وصلت لنا دعوه لحضور ندوه لفريق بلاك بيري القادم للكويت

ليشرح لنا عن اخر تقنيات بلاك بيري واخر العروض لمستخدمين بلاك بيري

مكان الاجتماع كان في فندق جي دبليو ماريوت في قاعه الثريا

كان الحضور للمدونين فقط وماشاء الله وايد مدونات كانت حاضره

تكلموا عن بلاك بيري ١٠ وعن مميزاته

(الفيديو بالاسفل عن هذا الجهاز)

وتكلموا عن العروض اللي راح يحصل عليها مستخدم البلاك بيري

العروض اهي عباره عن خصومات من عده محلات

منهم محل دير اند دير وبروي ودانكن دونتس و قو سبورتس وغيرها

بس عليك تطلع الجهاز للمحل وتحصل عالخصم على طول (في ايام واوقات محدده)ا

شي حلو مقدم من فريق بلاك بيري لمستخدمين هذا الجهاز

وهذي بعض الهدايا قدموها لنا مشكورين

مثل جنطه وقلم دير اند دير وفلاش ميموري وفاوتشرات خصومات وغيرها

اهم شي الدونت 🙂

وهذا فيديو عن البلاك بيري ١٠

يوتيوب

Hakkasan غدانا في المطعم الصيني بدبي

30 May

Hakkasan

مطعم هاكاسان الصيني اللي فتح اول فرع له في لندن عام ٢٠٠١

وفتح له فروع في امريكا والامارات والهند

سمعت عن هذا المطعم كلام حلو قلت بما اني في دبي اروح واجرب هذا المطعم

وانقل لكم تجربتي فيه

المطعم متواجد في ابراج جميرا الامارات

القعده  حلوه والمكان هادي والديكورات روعه

شفنا المينو متنوع ومسوين عرض مقبلات وطبق رئيسي و حلو ب ١٢٠ درهم

قلنا نختار هذا عشان ننوع

Hot & Sour soup with Chicken

شوربه حاره حامضه بالدياي كانت حلوه بس حاااامضه وايد

Scallop and Prawn dim sum

مقبلاتهم كانت ديم سام بالربيان والسكالوب كان الربيان زفر شوي

Stir-fry rib eye beef with black pepper sauce

ستيك مقطع بصلصه الفلفل الاسود

كان وايد لذيييذ واللحم ترف

بس عاد الطبق صغييييير جنه ذواقه مو طبق رئيسي

Sweet and sour chicken with pomegranate

دياي حامض حلو مع رمان

العاده متعودين بهذا الطبق يكون فيه اناناس لكن مطعم هاكاسان حاط فيه رمان كان وايد حلو

وكان فيه اناناس فريش بعد

Spicy prawn
with lily bulb and almond

ربيان سبايسي وايد لذيذ

مع كل طبق رئيسي ايي معاه عيش ابيض و خضار

لازم الصويا صوص مع الاكل الصيني

Sorbet

الحلو كان سوربيه ايس كريم بنكهات مختلفه مثل الاناناس والرمان وجوز الهند

كان حلو وخاصه الحلاو اللي تحت حاطينه عطاه نكهه حلوه بالطعم

Lemon Tart with frozen yougert

تارت الليمون مع ايس كريم الروب بالليمون

كانت حلوه

مطعم هاكاسان كان وايد لذيذ بس مشكلته ان اسعاره مبالغ فيها

وكميه الاكل قليييييله

مثلا انا دافعه عالطبق الرئيسي ١٠ دنانير احصل على صدر دياي بس؟؟ او قطعه ريب اي صغييييره

الظاهر مسوين نفس الفنادق كميات قليله وشكل حلو وصلخ بالفاتوره

المطعم حلو حق رجال الاعمال او لعزيمه او مناسبه

بس نصيحه لا تاخذون اليهال لان المطعم رسمي انا وديت بنتي وتحسفت اذتنا وايد

وماكان في كرسي للاطفال ولا مينو للاطفال

طلعت الفاتوره حوالي ٦٠ دينار

هل يسوا المطعم ؟ اذا عندك فلوس وودك باكل صيني راقي ولذيذ روح له

موقع المطعم عالانترنت

Eleganza Collection

30 May

20120530-132831.jpg

 20120530-132837.jpg

20120530-132842.jpg

20120530-132847.jpg

20120530-132858.jpg

20120530-132915.jpg

20120530-132853.jpg20120530-132905.jpg

20120530-132910.jpg

Eleganza collection For fashion clothes,
Stay on top of what’s going on about fashions..
For more info call : 60645552 (ONLY WHATSUPP)
OR follow us  ON INSTAGRAM @ELEGNZACOLLECTION

Candylicious محل الحلاو في دبي مول

29 May

Candylicious

محل كانديليشيوس في دبي مول

المحل كبيييير كله حلااااو وكاكااااو

فيه بعد ملابس وقلاصات وشغلات بسيطه غير الحلاو

الصراحه اليهال والكبار اينون فيه

كافي الالوان والديكور عجيب يخلي الواحد ما وده يطلع منه

اخليكم مع الصور

موجود المحل في دبي مول مقابل الاكواريوم

Armani cafe & Dunhill cafe

29 May

موضه كافيهات الماركه جنه زادت

قبل فتره فتحوا فرع لكافيه ارماني في دبي مول

المينو فيه ايطالي

وتوه فاتح في ابراج جميرا الامارات

Jumeirah Emirates Towers

كافيه الفريد دانهيل

الماركه البريطانيه المعروفه و يقدم اكل بريطاني

Alfie’s By Alfred Dunhill

ماجربت الكافيهات هذي على حظنا نمر عليهم بعد الغدا ونكون شباعا

اللي مجربهم خل يشاركنا رايه

Dubai Mall صور متنوعه لدبي مول

28 May

Dubai Mall

في زيارتنا الاخيره لدبي

زرنا دبي مول واخذت عده لقطات من المجمع قلت اشارككم بالصور

هذي موجوده في جانب الماركات فوق كافيه فوشون وكافيه ارماني

الفراشات وايد شكلها حلو وملفت

الشلال

سوق الذهب

ممكن تصورون مع الصقر تلبسون الدس اللي واقف عليه الصقر

اللي يصب العرقسوس

تاكسي دبي مول

واجهه محل ال في

الاكواريوم

برج خليفه

نافوره دبي ابداااع الصراحه

The Grove

في وايد معالم اخرى ماصورتها مثل صاله التزلج وجانب السينما وسيغا ريبابليك

دبي مول الصراحه كل شي فيه من ازياء لكل الاعمار والمطاعم تحتار باي واحد تاكل منه

ومحلات الالكترونيات والكتب والالعاب وكيدزانيا

الصراحه كافي الواحد يروح دبي ويروح دبي مول يغني الواحد عن باقي المجمعات

موقع المول

Burger Fuel تجربتي لبرغر فيول في دبي

27 May

Burger Fuel

مطعم برغر فيول اهو مطعم من نيوزيلاندا والبرغر اللي عنده
من ابقار نيوزيلنديه متغذيه عالعشب فقط يعتبر البرغر اللي يقدمه صحي

كنا في دبي مول قلنا نجرب هذا البرغر بما ان احنا من عشاق البرغر الامريكي

يقدم المطعم برغر لحم ودياي وميني برغر واطباق جانبيه مثل الفرايز و الدياي المشوي

Fenders

قطع دياي مشوي كان وااايد لذيذ وجوسي

Fuel Basic with cheddar cheese

طلبنا كان البرغر العادي مع الشيدر

اللحم كان حلو والمكونات فريش لكن الخبزه كانت مو ذاك الزود

wholemeal bun كانت الخبزه مصنوعه من القمح الكامل

الظاهر عشان وجباتم تصير مفيده بس للاسف الخبزه قللت من لذه برغرهم

Doofer  في برغر فيول عندهم هذي المسكه من الكرتون  اسمها

الواحد يمسك فيها البرغر تظل البرغر بمكانها ومايطيح منها اي شي

وتخلي الواحد ياكل البرغر بنظافه بدون لا يوصخ الواحد ايده

فكرته وايد حلوه ويبيله كل مطاعم البرغر يوفرون لنا مثلهم

ميني برغر نفس الموضوع الخبزه من القمح

بطاطهم من النوع المتان

هل راح اكل من هذا المطعم مره ثانيه ؟

ما اعتقد الا اذا غيروا الخبزه او نزلوا خبزه نوع ثاني

لان متوفره مطاعم تقدم برغر الذ منه

موقعهم عالنت

KidZania مدينه الاطفال في دبي

27 May

Kidzania

مدينه كيدزانيا اهي مدينه للاطفال يعيش فيها الطفل واقعنا اليومي في الحياه

كل طفل يشتغل في هذي المدينه لكسب الفلوس ومن ثم انفاقها على وناسته

مثلا ممكن الطفل يتشغل شرطي او رجل مطافي او طبيب او طباخ او مربي اطفال

او اي شغله يشتغلها البالغين في الواقع

ويحصل عليه فلوس بس مو حقيقيه اهي بعمله كيدزانيا

فكره المكان وايد حلوه للاطفال يعطيهم فكره عن الحياه وبنفس الوقت ممتعه جدا

 بدأت فكره كيدزانيا في المكسيك وحاز على شعبيه كبيره ومن ثم انتشر بالعالم في ٨ مناطق

وراح يفتح بالكويت في الافينيوز هذي السنه ان شاء الله

اول شي تقطع تذكره للوصول الى مدينه كيدزانيا

كشخه عالاماراتيه والدرجه الاولى

ويعطونكم شيك فيه ٥٠ كيدوز (عمله كيدزانيا

ياخذ الطفل الشيك ويصرفه بالبنك

وهذي اهي فلوس كيدزانيا ممكن يستخدمها الطفل باللعب

واذا خلصهم لازم يشتغل ويجمع فلوس ويلعب فيهم

حلووه الفكره تفهم الطفل ان لازم يشتغل ليشتري اغراضه

هذي مدينه كيدزانيا مسوين المباني صغيره للاطفال

وكل شي فيها مقارب للواقع

اهني يشتغل الطفل طبيب اسنان وبعد تنظيف اسنان المريض يدفعون لهم فلوس

وهذا مطعم بيتزا يصنع الطفل البيتزا بنفسه وبعدين ياكلها

وهذا قسم المطافي يشتغلون الاطفال رجال مطافي وطفوا الحريقه

ويدفعون لكل طفل ١٠ كيدوز

يعطيهم العافيه 🙂

قسم الشرطه

وهذا يعلمون الاطفال الغناء وبعدين يخلونهم يغنون عالمسرح الكل بالمدينه يشوفهم

قسم الرسم

الصالون للمكياج

مصنع الحليب الطفل يختار النكهه اللي يبيها

البنك ووظيفه السيكوريتي توصيل الفلوس من البنك الى المتجر

تعليم قياده السياره الحصول على ليسن لقياده السياره

العنايه بالاطفال

العمل بالاذاعه

تعليم الطبخ واكل اللي صنعوه الاطفال

صالون للمنيكير

الجمعيه

العمل في ماكدونالدز وصنع وجبتهم

هذي تقريبا ربع الاماكن لعبتهم بنتي

ولا في وايد محلات مادخلتهم وما مدانا تلعبهم مع ان قعدنا ٣ ساعات

يبيله بالمستقبل من الظهر الواحد يدخل اعياله لي الليل

مدينه كيدزانيا في دبي مول

موقعهم عالنت

Red Velvet from Magnolia Bakery – Dubai

26 May

مخبز ماغنوليا

اهو مخبر امريكي من نيويورك متخصص بالكب كيك وعنده انواع متعدده من الحلو

مثل الكيك والكوكيز والشيز كيك

عنده فرع في دبي مول داخل محل بلومينغديلز

وايد مدحولي الريد فيلفيت كب كيك

قلت اجربها وانقل لكم تجربتي

Red Velvet Cupcake

ريد فيلفيت كب كيك

كانت لذيذه الكب كيكه كانت لينه ومويست والطبقه اللي فوقها

اعتقد جبن وكريمه كانت وايد حلوه

Red Velvet Cheese Cake

وبالمره طلبت ريد فيلفيت شيز كيك

كانت الشيز كيك عجيييبه بس دسمه وحده تكفي شخصين مع انها صغيره

الا اذا كنت يوعان ممكن تطلب وحده لك

مخبز مغنوليا متواجد في دبي مول في محل بلومينغديلز بالسرداب

موقع المحل

The Address Dubai Mall Hotel- الاقامه في فندق العنوان دبي

26 May

The Address Dubai Mall Hotel

 قبل اسبوع سافرنا دبي وسكنا في فندق العنوان ليلتين

booking.com  حجزت من موقع

وكنت ابي غرفه ديلوكس بس ماكانت متوفره فاخترنا الاستوديو

الاستوديو اهي نفس غرفه الديلوكس لكن فيها زياده مطبخ مجهز بالكامل

الصراحه فندق العنوان دبي مول وايد فخم وراقي

سكنت فيه ٣ مرات من قبل وكل مره كانت زيارتنا رائعه فيه

الحلو بهذا الفندق ان يغني الواحد ان يطلع منه

لان تدخل المجمع من داخل الفندق ما تحتاج تاكسي

والمجمع متوفر فيه كلللل شي من ازياء والكترونيات وماركات عالميه وسينما وسوبر ماركيت كبير ومطاعم واماكن ترفيهيه للاطفال مثل

كيدزانيا وصاله التزلج عالجليد وعالم سيجا للالعاب الالكترونيه

يعني منتزه ترفيهي متكامل لكل العايله

وفي نقطه مهمه جدا كانت متوفره خدمه الانترنت الواي فاي بالغرفه ومجانيه وسرييييعه

هذا اللوبي موكبير وايد

وهذي اهي غرفه الاستوديو لشخصين

المطبخ كان كبير ومجهز بالكامل طبعا ما استخدمناه كلش

الله يعافي المطاعم 🙂

حق مدمنين القهوه هذي راح تعجبهم

الميني بار غاليه الاسعار كالمعتاد بكل الفنادق

الحمام تكرمون كان صغيرون

واهم شي كان فيه رشاش للماء

الشامبو واللوشن وفرشه الاسنان والصابون كل شي متوفر وكل مره ما نييب معانا ولا شي

لان موفره الفندق

وحتى حق اليهال حاطين لهم كبوس وتي شيرت ونعال صغيرونه

ومجموعه شامبو للاطفال ومعاهم لعبه دب

الصراحه خوش فندق

وهذا المنظر بالبلكونه مالت الغرفه

غرفتنا بالطابق ٢٦ وتطل على برج خليفه

جنها نيويورك مع هالاضاءه ولا جنها دبي

يااازينها دبي

وهذا المنظر الصبح مضبب شوي لان كان الجو رطب

انصح كل واحد يزور دبي ان يسكن فندق العنوان دبي مول

خوش فندق خدماته راقيه ومتكامله ماتتحسف تقط فلوسك بهالفندق

موقع الفندق

رجعت بالسلامه من دبي دار الحي

25 May

الحمدلله رديت اليوم من دبي

وان شاء الله راح انزل لكم تقارير زيارتي لدبي

عن فندق العنوان دبي مول

وفندق اتلانتس

ومجمع دبي مول

ومدينه الجميرا

وذا ووك جميرا بيتش ريزيدنس

انتظرونا  🙂

Dior مجوهرات ديور الجديده

24 May


هذي اخر تشكليه من مجوهرات ديور

الخواتم والاسوارات من الذهب ومرصعه بالالماس والاحجار الكريمه

المصدر

منحوتات فنيه مصنوعه من اعواد الثقاب

23 May

قام المصمم ديفيد ماش بتصميم منحوتات

من الاف من اعواد الثقاب او الكبريت

شكلهم وايد حلو ومتقن

واحلى شي لما الواحد يشعلهم بالنار واااو

المصدر

Rainbow Cupcake طريقه عمل رينبو كب كيك

22 May

اليوم يوم الكب كيك

لقيت فيديو لعمل الرينبو كب كيك بالتفصيل

الطريقه وايد سهله وواضحه بالفيديو

للي تبي الطريقه تشوف الفيديو

يوتيوب

كب كيك السوسج – النقانق

22 May

تخيلوا بدل ما الواحد يحشي المصارين لحم مفروم لعمل الصوصج او النقانق

يحشيهم خلطه الكب كيك؟؟؟

هذي وحده سوت جذي حشت المصارين بحشوه الكب كيك

وشوتها عالنار جم دقيقه

وقدمتها داخل دونت طويله جنها صمونه وحطت عليها صلصه الفراوله

اشرايكم؟؟

تتجرأون تاكلونها؟

اللي يبي الطريقه

اهني

قفل لعلبه الايسكريم عشان تحافظ عليها من حراميه الليل

21 May

شركه بين اند جيري المتخصصه بالايسكريم

نزلت قفل لعلبها الايسكريم

تقفل العلبه برقم وتحفظها من حراميه الايسكريم تالي الليل

فكره حلوه للي مايبقى من ايس كريمه شي واخوانه مخلصينه عنه

او حلوه حق اللي مسوي رجيم بالبيت معاك عشان مايبوق له جم قفشه هههه

المصدر

في الهند حتى الجمل (الابل) يسوون له تاتو

21 May

في الهند بالاحتفالات يلبسون الجمل عده اكسسوارات

ومنها يعملون له تاتو !!! اي تاتو

والتاتو يسويه مصمم محترف

ويحتاج التاتو الواحد للجمل الواحد حوالي ٣ سنوات عشان يظهر بالشكل المناسب

التاتو مافي اي حرق او تعذيب للجمل

بس يحلقون الشعر الزايد

هههه حتى الجمل ماسلم من هذي السوالف لازم يواكب الموضه

المصدر

علاقات للكاميرات المحترفه عالموضه للنساء

19 May

هالايام زادت شعبيه الكاميرات المحترفه مثل النيكون والكانون

وخاصه البنات بعد اتجهوا لهوايه التصوير

شركه بلووم ثيوري

للكاميرات Straps نزلت علاقات

بس للنساء باشكال وايد حلوه وعالموضه وغير عن العلاقه الستراب المعتاده للنيكون او الكانون اللي لونها اسود

سعر العلاّقه الوحده ب ٤٠ دينار

وممكن تطلبون اونلاين

باقي التشكيله تلاقونها بالموقع

للطلب من النت

Lorenzo شيز كيك كاكاو من

18 May


طبعا مثل ما عودتكم كل جمعه اكتب لكم عن حلو زوارتنا

وكان الحلو هذي الجمعه من كافيه لورينزو

شيز كيك كاكاو

كانت وااايد حلوه الجيز كيك بس تطلع احلى اذا حطيتوها بالمايكرويف

يسيح الكاكاو وتصير الشيز كيك الذذذذ

ومايحلى الشيز كيك الا مع القهوه

وهذا طقم دلال الوالده الله يحفظها

كافيه لورينزو عنده عده فروع بالصالحيه والافينيوز واماكن غيرها

%d bloggers like this: