مولتن كيك شغل بيت

11 May

كاكاو بيكرز يصلح للمولتن كيك

جربته من قبل وطلع عجييييب للمولتن وطريقته وايد سهله ويضبط معاكم من اول محاوله

ويطلع طعمه احلى من المطاعم

كاكاو بيكرز شريته من مركز سلطان صوب قسم الكيك

العلبه الوحده تسوي ٦ – ٨ مولتن كيك

بحط لكم الطريقه خطوه خطوه

المكونات والطريقه تلاقونها خلف علبه الكاكاو

٦ مكعبات كاكاو بيكرز (علبه كامله)ه

٨ ملاعق كبيره زبده

كوب ونص سكر بودر

نص كوب طحين

٣ بيضات كامله

٣ صفار بيض

نذوب الزبده والكاكاو بالمايكرويف

نضيف باقي المكونات ونخلطهم عدل

ونوزع الخلطه في ملال قصدير ومدهونين بزبده

نسخن الفرن على درجه ٢١٨ سيليزيه

وبعد ما يسخن الفرن ندخل المولتن الفرن

وننطر من ١٠ – ١٥ دقيقه

تاااادااااا مولتن كيك شغل بيت

وهذا المولتن مع سكوب ايس كريم فانيليا

اذا تبون يكون كيك اكثر من الصلصه حطوه اكثر بالفرن حوالي ١٥ دقيقه

لكن اذا تحبون الصلصه اكثر من الكيك حطوه ١٠ دقايق بس

شغل ايديه وحيااات عينيه 😍

خوش مولتن تسللللم ايدي

جربوها بالبيت وايد سهله ولذيذه

9 Responses to “مولتن كيك شغل بيت”

  1. om hamody June 27, 2012 at 12:24 PM #

    خطيررررره

    • omrayan June 27, 2012 at 4:56 PM #

      وايد سهله يبيلج تسوينها بالبيت

  2. Mishary September 19, 2012 at 11:47 PM #

    ٨ قفاش زبده صح تساوي صبع زبده لكن هذا في قياس صبع الزبده مال امريكا، عندنا صبع الزبده اصغر بشويه فلازم تحطين تقريبا قفشه زياده ، صبع الزبده عندنا ١٠٠ غرام وعندهم تقريبا ١١٨ غرام

    • omrayan September 19, 2012 at 11:55 PM #

      تتوقع هالقفشه راح تعطي نتيجه افضل ؟؟
      خلاص نجربها المره اليايه
      مشكور عالمشاركه والمعلومه الحلوه

  3. Alaa Bent Hayder August 20, 2013 at 5:03 PM #

    طيب لو بستخدمم نوع تشوكليتت ثآني .. وش تنصحيني فيهه و كمم يصير مقدآره !؟

    • omrayan August 22, 2013 at 6:54 PM #

      صديقتي جربت تستخدم كاكاو جالكسي بالخلطه ونجحت معاها
      العلبه فيها ٦ اونصات من الكاكاو
      استخدمي الجلكسي بنفس الكمية

  4. Fatima.ali October 4, 2013 at 12:41 PM #

    الله يعطيج العافيه

Trackbacks/Pingbacks

  1. تجربتنا للحلويات « kaifiiblog - May 16, 2012

    […] مولتن كيك شغل ايدي […]

  2. @KaifiiBlog | Kaifii Blog Food - July 23, 2013

    […] مولتن كيك شغل ايدي […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: