ذاك اليوم كنا يواعه واشتهينها اكل صيني
قلنا نجرب جاينا غاردين توصيل للمنازل
كلمت المطعم والهندي اللي رد علي بالتلفون مدح لي هذي الاطباق
بما ان اول مره نجرب المطعم وخذيت بكلامه
Giant Egg Rolls
لفائف البيض كانوا لذيذين اعجبوني
Wok Charred Beef
كان هذا الطبق وايد حلو بس اللحم اللي فيه شويه جم قطعه بس وتارسين العلبه بصل اخضر !!
Shrimp Sizzling
ربيان مع خضار كان الطبق جيد
Singapore Noodles
نودلز سنغافوريه ماعجبتني حسيتها متروسه نكهه كاري او كركم
انا شخصيا ماحب الكاري يمكن اللي يحب الكاري تعجبه
Nutella Wontons
وانتون نوتيلا امبييييه خياااال لذيذ مقرمش وفريش عجبني وااايد
بس يبيله تزيدون النوتيلا شوي ويطلع تماااام
اعتقد بالمستقبل راح اطلب من جاينا غاردن بس عشان هذا الطبق نوتيلا الوانتون عجييييب
المطعم بشكل عام يعتبر جيد بالنسبه لمطعم توصيل منازل
والمينو مالهم فيه اطباق متنوعه ممكن اجرب بعضهم بالمستقبل
طلبنا هذا طلع ب ١٢.٣٥٠ دينار
تلفونهم 25720010
فعلاً النوتيلا وانتون
رهييييييييب
طلبت منه قبل فتره بس مو نفس أطباقج و ماعجبني إلا المكسد رايس 🙂 أذكر الربيان عالتوست تخيلته مثل فش ماركت!! بس لا تطلبينه ههه
و اللي استغربته ان الصحون اللي يتني قصدير و ملفوفه بقصدير! و جياس عاديه حتى تفشلت جنه مطعم هندي !!
بس بشكل عام u get what u pay for
لأن اسعاره مو مثل بي أف ولا فش ماركت عشان نقارن الشغل فيهم 🙂
بس غثوني ليش يفشلوني بقصديرهم دام عندهم علب آكل تشاينيز؟؟!!!!