@Unique__ Boutique الانستغرام
توصيل منازل
واتس اب 50243729
Archive | June, 2012
Instagram is down الانستغرام معطل حاليا
30 Junعاصفه كهربائيه في فيرجينيا امريكا عطلت معظم سيرفرات الانستغرام وحاليا جاري الاصلاح
Opera Tiramisu كيكه التيراميسو من اوبرا
29 Junمثل ماعودناكم كل جمعه
حلو اليمعه اليوم من محل اوبرا
كيكه التيراميسو
Tiramisu Cake
الكيكه كانت خفيفه وايد
ومن لابجيت
كيكه الكراميل
كانت عاديه موذاك الزود
وماتحلى القعده الا باستكانه الشاي
جهاز الايفون دخّل ١٥٠ مليار دولار لشركه ابل
28 Junجهاز الايفون دخل لشركه ابل منذ نزوله الى السوق في عام ٢٠٠٧
الى اليوم عام ٢٠١٢ حوالي ١٥٠ بليون دولار
خلال ال٥ سنوات وزعوا ربع بليون جهاز ايفون للعالم
هذا دليل على شعبيه الايفون بالعالم
الصراحه الارقام تخرع قاعدين نتكلم بالمليارات
Whoopie تجربتي لحلو ووبي
27 Jun
Whoopie وصلت لي نقصه من محل ووبي
٪اهو شغل بيت كويتي ١٠٠
قالوا يبون راينا بالحلو مالهم
فتحت العلبه ولا اشوف اسمنا مكتوب عالكيك
Kaifii Blog
شكلللله يشووووق
وناسه ممكن الواحد يكتب عالكيك اي عباره يبيها
🙂 سميتهم الفرسان الثلاثه
3 musketeers
الووبي باي اهي عباره عن كيكه وبنفس الوقت كوكيز بس لينه وترفه
وبينهم طبقه كريمه لذيييذه
اللي موجود بالعلبه ٣ نكهات الكاكاو والريد فيلفيت والتيراميسو
الكاكاو لذيييذه
الكيك ترفه والكريمه اللي داخل طعمها عجيب جنه شيز فروست
الريد فيلفيت
خيااااليه حبيتها اكثر وحده
طعمها عجيييب انصحكم فيها والكريمه اللي داخل طعمها جبن نفس الشيز كيك
” راح اسميها “ريد فيلفيت كيفي باي
والتيراميسو
ممممم لعشاق القهوه نكهتها واضحه وقويه
مشكووورين ووبي على الحلو اللذيذ
الصراحه عجبني وايد
Whoopie
للطلب بالواتس اب
55500303
Figures زيارتي لمحل مارفيل لمجسمات شخصيات الافلام والكرتون
27 Jun
قمت بزياره محل مارفيل كوميكس الجديد في مجمع الرحاب
هذا المحل متخصص ببيع مجسمات شخصيات الافلام والكرتون
Dolls عنده مجموعه كبيره من المجسمات او الدولز
هذي تكون احجامهم كبيره طول الذراع واكثر ودقيقه في التفاصيل
وتأتي الشخصيه مع كامل عدتها ممكن تركبها عليها
لذلك تكون غاليه السعر تبدا اسعارهم من ٥٠ لي ٢٠٠ دينار للعلبه
اخليكم مع الصور
محل مارفيل كوميكس
مجمع الرحاب – الدور الاول – محل رقم ١٨ – حولي
تلفون :99797582
ياسر
By Ali
Young Doctors Academy اكاديميه الاطباء الصغار
26 Jun
“اكاديمية الاطباء الصغار “ينج دكترز أكادمي
إنضم بتسجيل ابناءك ببرنامج صيفي لعمر 4.5 إلى 7 سنوات يقدم دروسا مختصة بعلم الطب والعلوم بطريقة شيقة تثير إهتمامات الصغار و تساعد في تحسين مستوى اللغة الإنجليزية تحت إشراف أطباء و معلمين أكادميين
نحن نهدف لتعزيز المستوى الذهني للطفل الذي تقوده بأن يفكر بطريقة علمية
يبدأ البرنامج 1/7/2012 لمدة 4 أسابيع بالجابرية.
الأحد الى الاربعاء 4:30 – 7:30 مساء
Young Doctors Academy
If you ask Nobel Prize winners and other prominent scientists where they developed their fascination for science and technology, few will say it happened in class, most found their career inspiration outside of school.
We are very excited to have put together a stimulating program for the summer for 4.5 to 7 year olds! Classes are designed for kids to have fun while learning and becoming interested in science while enriching their language skills.
Through our wonderfully chosen science themes we aim to nurture your child’s inquisitive mind, enhance their critical thinking skills and help them become more observant. Helping children become scientific thinkers helps them understand the world around them.
Our handpicked arts and crafts projects will not only help build their motor skills but also develop their expression and communication.
So what are you waiting for? Come join us! Starting 1st July! 4 weeks. Sun to Wed 4:30 to 7:30 pm
للإستفسار 90026059
register@youngdoctorsacademy.com
http://www.youngdoctorsacademy.com
instagram @youngdoctorsq8
Let’s Pizza مكينه صرف للبيتزا
26 Jun
مكينه ليتس بيتزا
اهي مكينه تصنع البيتزا فريش جدامكم في اقل من ٣ دقايق فقط
تصنع لكم العجينه وتحط لكم المكونات والصلصه وقت الطلب فقط
يعني مو شغل مثلج
وتختارون ٤ انواع من البيتزا
بدت الفكره في ايطاليا وانتقلت الى بريطانيا وحاليا وصلت امريكا
حلوه المكينه تنحط بالجامعات و الدوامات
شوفوا فيديوها
Maison de la Gaufre وافل للمنازل
25 JunMaison de la Gaufre
..للوافل البلجيكي
بحفلة نون كتكوتي حمودي حبيت أغير بالحلو و أييب شي يديد.. قال لي أخوي عن محل وافلز لرفيجه ايي اي مكان للبيت أو الشاليه.. أي مكان تبون.. فقلنا فرصه نجربه و منها أنقل تجربتي إن كانت ناجحه لكم 🙂
و الحمدلله كانت التجربه حيييل ناجحه و شغلهم لذيييذ ومرتب .. استانسوا عليه الكبار قبل الصغار..
Maison de la Gaufre أسم المحل
أكاونته بتويتر و الانستغرام
@maisongaufre
رقمهم 55731110 للتوصيل
55731115 للمناسبات
أول شي عندهم حرمه أو ريال اللي إيي يسوي الوافلز وعلى حظنا كانت الحرمه مريضه و يانا الريال.. بس مافرقت وايد لأن حطيناه بصاله بروحه 🙂
عندهم كذا نوع نوع وافل بالفانيليا و الدارسين و الكاكاو و في نوع جديد تكون محشيه من داخل بس بصراحه اللي عجبوني هم الاوليات لانه يسويهم جدامنا اما المحشيه اييبها جاهزه بس يسخنها ويحط عليها اللي تبون..
الوافل تقدرون تنقون اي شي من النوتيلا و الكراميل والدارك و الوايت تشوكليت .. والتشوكليت السايح الحار.. و البرد أكييييد 🙂 أو حتى خاليه بروحها هم لذيذه وهي حاره ..
سعره للحبه دينار و مناسب بصراحه للي ايون البيت لأنها كامله مع البرد والحركات.. أنا طلبت 50 حبه و زاد لنا جم حبه من عنده يعطيه العافيه ..
و أقل شي ما أذكر جنه 30 أو 50 دينار للطلعه!
أخليكم مع الصور 🙂
عجينة الفانيليا و الدارسين و الكاكاو..
الكاكاو السايح ..
نوتيلاااا 🙂
هذي الوافل المحشيه كاكاو وفوقها برد الفانيليا ..
و هذي بدوره العسل سعييييده بوفلتها اللي مضبطتها على مزاجها 🙂
و هذا الباقي حطه لنا ببوكسات مرتبه لوقت ثاني ..
Photos are taken by @loleta__q8 and me @mody__q8 🙂
Thanks mody for the tasty post 🙂 shawagteeenaaa
Sky city الصين تسعى لبناء اطول برج بالعالم في ٩٠ يوم فقط
25 Jun
برج خليفه في دبي اهو حاليا اطول برج بالعالم
استغرق ٥ سنوات لاكمال بناءه
لكن الصين تسعى لبناء برج اطول من برج خليفه في ٩٠ يوم فقط !!
Sky City
اطول من برج خليفه ب ١٠ امتار
بناء هذا البرج راح يبدأ بنهايه هذي السنه
وطوله ٢٢٠ طابق
وتكلفته ٦٢٨ مليون دولار ارخص من برج خليفه اللي كلف ١،٥ بليون دولار
ومواصفات هذا البرج ممتازه وعاليه بالكفاءه
ونفس هذي الشركه بالماضي بنت فندق ٣٠ طابق في خلال ١٥ يوم فقط
!الصينين مو هينين بعد
ابداااع : مكعبات ثلج داخلها مكونات قابله للاكل
24 Junعمركم فكرتوا انكم تحطون ورد قابل للاكل داخل مكعبات الثلج ؟؟
الفكره وااايد حلوه وتشوق
ممكن تسوونهم للحفلات او العزايم ينحطون بالعصير او بالماي
انواع ورد قابل للاكل
توت وفراوله وليمون ونعناع
قهوه مثلجه
شاي مثلج
ليش شكل سندويش ماكدونالدز بالاعلانات غير عن الواقع ؟
24 Jun
ماتلاحظون لما نطلب من المطاعم السريعه
شكل الصمونه بالاعلان كبيره ومتفوخه ومغريه
لما نطلبها تطلع لنا صمون ثاااانيه شكلها بايخ ومفقوصه وصغيره
وايد من هذي الاسئله والانتقادات وصلت لشركه ماكدونالدز
فقامت شركه ماكدونالدز بالرد على هذي الاسئله
بالفيديو اللي تحت
ان سندويشهم بالاعلانات صانعينه في ساعات ويحتاج الى خبير تزيين الاكل ومحترف تصوير وخبير فوتوشوب
بعكس سندويشهم اللي ناخذه من المطعم صانعينه ب٦٠ ثانيه فقط
اخليكم مع الفيديو
كيكه ميكي ماوس من الخباز
23 Jun
حبيبتي ريونه صار عمرها ٣ سنين الاسبوع اللي فات
اهي اختارت كيكه الميكي ماوس من الخباز
واستانسوا اليهال فيها
Footner جوارب لتنعيم وتقشير الرجل من اول استخدام
23 Jun
جوارب فوتنر لتقشير الرجل من استخدام واحد فقط
صار لي فتره اشوف هذي الدلاقات او الجوارب في الصيدليات
قلت ماكو الا اجرب واخذ لي واحد
هل معقوله تصير الرجل مثل رجل البيبي بالنعومه !!
تدرون اللي تلبس نعال او صندل تكرمون لازم ريلها تصير بايخه
او اللي طالعه من ولاده يبيلها تستخدم شي يقشر الجلد الميت
فتحت العلبه داخلها بس دلاقين كباااار فري سايز
من البلاستيك وداخلهم ماده سائله
هذا الدلاق كبيير يبلس مقاس ٢٠٠ هههه
طريقته قصي الدلاق من فوق ولبسيه ولزقيه من فوق عشان ما تطلع الماده
ويفضل تلبسين عليه دلاق قطن عشان تظل ريلج دافيه لنتائج افضل
ممكن تدهنين ريلج من فوق بالفازلين عشان مايقشر اعلى القدم
وتخلينه ساعه وبعدين تشيلينه وتغسلين ريلج بالماي
وتبدا عمليه التقشير تبين على الريل من ٤ الى ٥ ايام
وتستمر الى اسبوعين
لا تخافون من شكل الريل لانها راح تصير شكلها مأساه ظيييم كلها قشور لا حرااااشف
اذا عندكم مناسبه قريبه لا تستخدمونه
بالنهايه بعد ١٠ ايام النتيجه
امبيييييه جنه طلع صج
ريلي صارت نااااعمه عجيييبه
سعر العلبه ب ١١ دينار
ملاحظه: مايصير تكررون العلاج الا بعد ٣ شهور
قولولي تجاربكم معاه ؟؟ فادكم انتوا بعد؟
*اكسسوارات مصنوعه من شعر الحصان *جديد
23 Junماركه سي ا ام
christen ashley mitchell (c a m)
مسوين اكسسوارات لليد والرجل والرقبه
مصنوعين من شعر الحصان الابيض
ومصبوغين بعده الوان جذابه
ومركبين عليها قطعه من الذهب او الفضه
اسعارهم تبدا من ١٠ دنانير الى ٣٠ دينارللقطعه
في موقعهم تشكيله اكبر
dip n dip محل ديب ان ديب للكاكاو
21 Jun
dip n dip
محل ديب ان ديب اهو محل متخصص بالكاكاو
مريته امس مع صديقتي لتجربته ونقل تجربتنا لكم
Brownies Crepe
براوني كريب
عباره عن كريب خفيف داخله براوني
وايد حلوه بس تغثثث كلينا منها شويه ماقدرنا نكملها
خذنا الباقي سفري
Waffle Stick
وافل ستك
وااايد حلوه وخفيفه ومقرمشه انصحكم فيها والكاكاو لذيييذ
Strawberry dip stick
فراوله بالكاكاو يمييييي
الكاكاو المستخدم بلجيكي وايد طعمه حلو
dip n dip hot chocolate
شراب الكاكاو الحار وايد طعمه عجيب
hot chocolate with marshmellow
هوت تشوكليت مع مارشميو وكراميل بعد لذيذ بس حالي شوي
اهم شي الماي لان الكاكاو يسحل الجبد
كاكاو X كانت تجربتنا لذيذه كاكاو
بس الخدمه كانت سيئه
كان الجو حاااار داخل المحل
والموظف مارضى يعطينا جيس لطلبنا السفري قال ماكو جياس
قلنا له اشلون نشيل اطباق الحلو بايدنا مايصير لازم جيس قال ماكو دبروا حالكم شيلوه بايدكم
!!قلت له بكلم المدير جان يختبص ويطلع لنا جيس
اتمنى يسنعون الموظفين عندهم
محل ديب ان ديب متواجد في الافينيوز الدور الاول
بجانب مكتبه ذات السلاسل
هدايا برنامج الامتياز لشركه حبشي وشلهوب الكويت
21 Jun
شركه حبشي وشلهوب الكويت
عندها ١٩ محل مشارك في برنامج الامتياز في الكويت
عرض هذا البرنامج
(عند شرائك من اي من ال١٩ محل بقيمه ٨٠ او ١٠٠ او ١٥٠ دينار (كل محل شروطه تختلف عن الاخر
تصير عضو في هذا البرنامج
ويتسجل اسمك في الكمبيوتر ويعطونك رقم كلما تشتري بالمستقبل من اي من محلاتهم ال١٩
تتجمع النقاط وتحصل على هدايا
مثلا كل ٥٠٠ دينار
تحصل على ٥٠ دينار قيمه مشتريات هديه منهم
١٠٠٠ دينار تحصل على ١٠٠ دينار هديه مشتريات
الصراحه ماكنت اعرف هالمعلومه والمحلات نفسها ماتقول لك
مادري ليش؟؟ ما يبون الواحد يستفيد من هذا العرض
حسافه كنت شاريه من كارولينا جنطه ومن لاكوست جم قطعه ومن شوارفسكي
، كان بالامكان اطلع لي عضويه واجمع نقاط استفيد منهم بالمستقبل
والموظفين ولا واحد منهم يتكرم ويقول لك اطلع لك عضويه لانك اشتريت بمبلغ معين
هذي هي محلاتهم
Tanagra
the visitor
Tumi
Tagz
Swarovski
Scarpe
S.T. Dupont
Paul Smith
Paul & Joe
Mulberry
Marlboro Classics
Make Up Forever
Longchamp
L’Occitane
Lacoste
Geox
Celine
CH – Carolina Herrera
Bonpoint
اتمنى افدتكم بهذي المعلومه
Bath & Body Works تنزيلات باث اند بودي ووركس
20 Jun
Bath & Body Works
محل باث اند بودي ووركس مسوي تنزيلات عجيييبه
تلاقون قطع تبدا من ٥٠٠ فلس
مثلا صابون اليد الرغوه مضاد البكتيريا ب ٧٥٠ فلس
وكريمات الجسم الحجم الكبير ب دينارين
الصراحه عروضهم حلوه لحقوا لان اليوم كان زحمممه المحل
شكل الايفون ٥ باللون الابيض
20 Jun
قام احد المصممين بعمل شكل ثلاثي الابعاد للايفون ٥
جمعهم من المعلومات المسربه من شركه ابل لتلفونها القادم اخر هذي السنه
مصنوع من الالمنيوم والكروم
اشرايكم ودكم ايفون ٥ الابيض يكون شكله جذي !!
Find Us On
Ads
