Kaifii

محل فريش بيري للفروزن يوغرت او الروب المثلج

ارسل لنا دعوه لتجربته ونقل تجربتنا لكم

مريناهم في مجمع سنابل الموجود بجانب مستشفى الاميري

لون المحل فرايحي كله الوان وموجود على زاويه

وفي طاولات مريحه للقعده

محل فريش بيري هو فرنشايز من امريكا

وكل مكونات الفروزن يوغرت المستخدمه كلها من امريكا

عندهم عده نكهات من الفروزن يوغرت تتغير بين فتره وثانيه

حاليا عندهم ٦ نكهات بالمحل

الاوريجنال والفانيليا والفراوله او الكاكاو والاساي بيري والبرتقال

وعندهم اضافات واااايده من فواكه لي كاكاو ومكسرات وغيرها

جربت النكهات الست اللي عندهم

وكانت المفضله بالنسبه لي الاساي بيري

وبعدها الكاكاو والفراوله والاوريجنال

فريش بيري مايبين فيه نكهه الروب الحاده

طعمه نفس الايس كريم وهذا شي حلو لان ناكل روب مثلج ومايبين طعمه وبنفس الوقت صحي

Parfait

طلبنا البارفيه عباره عن طبقه فروزن يوغرت عليها فاكهه وغراونولا

وفوقها طبقه ثانيه فروزن يوغرت عليها فاكهه زياده وغرانولا

وطبعا كل النكهات من اختياركم

كان حده لذييييذ ومفيد فيه روب وفاكهه وقمح 🙂 يميييي

وطلبنا فروزن يوغرت اوريجنال مع الاضافات

يبرد على قلبنا

وسوينا واحد بنفسنا كانت تجربه حلوه 🙂

وطلبنا سموذي مكس بيري

Mix Berry Smoothie

اول شي هذي الفاكهه اللي بالسموذي قبل لا تدخل الخلاط

وهذا الفروزن يوغرت للسموذي

وهذي اهي النتيجه بعد الخلاط

Mix berry Smoothie

Fresh Pops

ومن الشغلات الموجوده بالمحل

اعواد الايس كريم بالفاكهه الطبيعيه

قليله الدسم بدون الوان صناعيه واقل من ١٠٠ كالوري للحبه

عندهم ٦ نكهات متوفره

البلوبيري والفراوله والمانغا والموز والبلاك بيري

كانت زيارتنا لذيذه وصحيه

محل فريش بيري عندهم توصيل للمنازل لجميع مناطق الكويت

تقدرون تطلبون كل اللي حطيته بالموضوع يوصلكم البيت

وعندهم قعده حلوه في مجمع سنابل البابطين بجانب مستشفى الاميري

للتوصيل

22923030

22923232

Istagram & Twitter: @Freshberry_kw

http://www.freshberry.net/