Archive | August, 2012

موقع بون بون بيبي لبيع جميع مستلزمات الاطفال اونلاين

26 Aug

We’re very pleased to announce the lunch of

our new online store at www.thebonbonbaby.com

where you can choose from our selection of products

that combines elegance and comfort to express

children’s fun-loving personality and unique style.

www.thebonbonbaby.com

Popcornopolis نفيش بنكهه الكب كيك جديد من

25 Aug

بوبكورنبوليس منزل نكهه جديده واهي

الكب كيك Cup Cake

فتحنا الكيس وكان شكل النفيش وااايد حلو مع الالوان

وجربناه طعمه بعد لذيييذ وخفيف فيه طعم الحلاو والكب كيك

بس لازم معاه قلاص ماي او قهوه

اليهال طبعا كيفو عليه حبوه وايد

شكرا بوبكورنبوليس عالنقصه اللذيذه

بوبكورنبوليس فاتح فرع جديد في مجمع ٣٦٠ بجانب السينما

تقدرون قبل لا تدخلون السينما تاخذون منهم النكهه اللي تفضلونها وتستمتعون فيها داخل السينما وانتو تتابعون الفلم

حاليا عندهم ٧ فروع

مجمع الافينيوز و ٣٦٠ والبيرق وديسكفري والمارينا مول

وجمعيه الروضه وجمعيه السره

 222 30 111 للطلب والتوصيل تلفونهم

Paint Ball فيديو: اطلاق ٢١ الف طلقه بينت بول على ٥ اشخاص

25 Aug

تم اطلاق ٢١ الف طلقه بينت بول (كرات الالوان او الصبغ) على ٥ اشخاص

لتوصيل رساله للعالم عن وفاه ٢١ الف طفل يوميا بسبب الفقر والامراض السهل علاجها

وبهذا الفيديو يحاولون توضيح وتوصيل قوه هذا الحدث على العالم

يوتيوب

*طريقه عمل حلو البسكوت البارد *عجيييب

25 Aug

حلو البسكوت البارد

المكونات

٦ علب قيمر نستله

قالب زبده غير مملحه

٢٥ ملعقه نسكويك

٤ ربطات بسكوت بيتي بور

الطريقه

بطني ماعون عميق بقصدير الالمنيوم

(وكسري البسكوت بشكل عشوائي وحطيه بالماعون وصبي عليه الخلطه (قيمر وزبده ونسكويك

وخشي شويه من الخلطه للتزيين

وخلي الماعون بالثلاجه يوم كامل

بعدين قلبيه وشيلي القصدير وزينيه بالخلطه الباقيه وكسري عليه كاكاو فليك

وبالعااافيه

تسلم ايدج ام عبودي 🙂

فيديو: طريقه عمل النقانق (الصوصج) الحلزوني

24 Aug

طريقه سهله لعمل النقانق الحلزوني

يوتيوب

iTypewriter الآله الطابعه اليدويه للايباد

23 Aug

شفنا اكسسوارات متنوعه للايباد بس مثل هذي ما شفنا

تخيلوا هذي الآله الطابعه اليدويه تركب للايباد

مع صوتها المزعج القديم طاخ طاخ

يحليله هذا واحد كوري مخترعها عشان يدمج الماضي بالحاضر

لكن ماعندنا فكره اذا راح ينزل منها للسوق

شوفوا الفيديو

يوتيوب

الناس تتطور وشاشات لمس وهذا يبي يرد ورا

بس عالعموم في ناس تحب الالات الطابعه القديمه

المصدر

(عنب بطعم شعر البنات (كوتون كاندي

23 Aug

شركه امريكيه زراعيه

قامت بزراعه عنب بنكهه شعر البنات

Cotton Candy Grapes

استغرق زراعته والوصول لهذا الطعم ١٠ سنوات لما اضبطوه

يوتيوب

حديقه الكاميرات

22 Aug

المصمم كلش ما يحب الكاميرات 🙂

المصدر

Chateau de Gateaux كيكه فيكتوريا و كيكه النيويورك من

22 Aug

من قبل فتره طلبنا من محل شاتو دي غاتوكس

كيكه النيويورك وكيكه فيكتوريا

بس ما مداني احطه لكم

كيكه النيويورك

عباره عن طبقات كيك كاكاو بينهم كريمه ومكسرات ومغطينها بالكراميل

الكيكه عملاااقه

كيكه فيكتوريا

كيك فانيليا بينهم طبقه كريمه مع مربى الفراوله

خفييييييفه ولذيذه ولما تقصينها بالسكين تنقص وياج جنها زبده

chateau de gateaux حبيت شغلكم

عندهم محل بالروضه والمنقف

22510155 – 23727600

موضوعي السابق عن محلبيتهم والبتهم

موضوعي السابق عن ترايفل الاوريو

وصلت شحنتي الثانيه من مايكل كورس امريكا

22 Aug

وصلت شحنتي الثانيه من مايكل كورس

طلبت من موقعهم الامريكي

(والتوصيل عن طريق شركه ارامكس (الطلب القادم بجرب شركه ثانيه لانهم بدعوا باسعار التوصيل

طلبت من مايكل كورس عده قطع بس استغربت ان كل قطعه طلعت بروح مو مع بعض

بوك الايفون ٤ اس

هذا اخر موديل عندهم بالموقع

فتحات حق البطاقات والفلوس

مع كفري السابق

طلع سعره مع التوصيل ٣٣.٥ دينار كويتي

شحنتي السابقه من مايكل كورس

فيديو: طريقه تصفيف الفاكهه المقطعه للحفلات والمناسبات

21 Aug

يوتيوب

فيديو: مقارنه ايفون ٥ مع جالكسي اس ٣

21 Aug

هذا فيديو يقارن شكل الايفون ٥ المتوقع مع الجالكسي اس ٣

يوتيوب

وهذا فيديو ثاني يقارن شكل الايفون ٥ بحجم انحف مع الجالكس اس ٣

مع ان اعتقد الايفون ٥ راح يكون شكله مثل الفيديو الاول

يوتيوب

ملينا من الاشاعات يلا خل ينزل الايفون ويفكونا

فيديو: طريقه طبخ واختيار الستيك

20 Aug

من اللي استنتجه افضل قطعه هي الريب اي

ولازم تبهرونها قبل الشواء

وعند الطبخ ما تقلبون قطعه الستيك ابدا تتركونها ٥ دقايق عند كل جنب

وبالنهايه تحطونها بالفرن عشان تنطبخ عدل

يوتيوب

حلويات العيد

20 Aug

خذت لكم كم صوره من حلويات العيد

قلت اشارككم بالصور

حلو التوفي

عباره عن طبقه بسكوت وفوقها خلطه التوفي

هذا الحلو صار لنا ٣ اعياد نطلب منه وااايد لذيذ وترف

الكيلو ب ٧ دنانير

حلو المارشميلو

عباره عن مارشميلو داخلها جيلي فراوله ومغطينها بالكاكاو

لذيييييذه هذي بعد كل عيد نطلب منه

تشكيله من محل هيل وزعفران

تشكيله من الدرابيل الميني كل حبه مغلفه بروح

الصراحه ماجربته بس صورت لكم اياه 🙂

الحلو من اسطنبوليه

هذا الرابط فيه موضوعي عن حلو اسطنبوليه

وعيدكم مبارك وكل عام وانتو بخير

حطوا بالكم عالسكر وخروا عن الحلو 🙂

حلو العيد من اسطنبوليه

20 Aug

طلبنا للعيد من اسطنبوليه

شغل بيت كويتي

والظاهر من اسمه انه حلوهم تركي

طلبنا بوكس في ١٠ حبات محلبيه حجمهم ميني

كان داخلها محلبيه و مكسرات وجنه خبز رقاق شي يتقرمش وشيره

كانت وايد لذيذه وتقديمها وايد حلو بالماعين الصغار

البوكس ١٠ دنانير

وطلبنا بوكس الحجم الكبير بقلاوه بالفستق

كانت لذيذه

حجم البوكس ١٠ دنانير

للطلبات

96666150

عيدكم مبارك وعساكم من عواده

19 Aug

كل عام وانتم بخير

Fresh Berry عرض العيد من فريش بيري

18 Aug

خوش عرض من فريش بيري للعيد

لايطوفكم

يبيله نطلب لنا واحد للعيد 🙂

توصيل

22923232

22923030

Twitter: @FreshBerry_Kw

Instagram: @FreshBerry_Kw

http://www.freshberry.net/

Quikdraw حامل العدسات للكاميرات المحترفه

18 Aug

كويك درو هو اختراع جديد لحمل العدسات للكاميرات المحترفه

يسهل التبديل بين اكثر من عدسه بوقت قصير وسريع

مايحتاج تطلع عدسه عدسه من الجنطه

بس عليك تركبهم بالحامل وتبدل بينهم بسرعه

ومستوحين الفكره من حامل المسدس وسحب المسدس منه

سعر الحبه ب ٣٠ دينار

للحجز والفيديو

فيديو يوضح طريقه عمله

Lily Fleur باقات الورد لعيد الفطر من

18 Aug

 باقات الورد لعيد الفطر المبارك

المقدمه من محل لي لي فلير

Lily Fleur Eid Packages signature

 تتكون من صينة مزينة  بباقة من الزهور الهولندية الطبيعية

وعلب من البلاستيك الملونة تحتوي على مجموعة من الحلويات خاصة للعيد

وهي متوفرة حاليا في مؤسسة لي لي فلير للطلب والاستفسار

67633117

Www.lilyfleur.com

طريقه سهله لعمل بطاط التويستر من فرايديز

17 Aug

Friday’s Twister Potato

هذي طريقه سهله وسريعه لعمل بطاط التويستر من مطعم فرايديز

المكونات

بطاط شيبس مالح

كريمه سائله

جبن قلاص

جبن موزريلا

وسلطه الطماط

سلطه الطماط

طماط وبصل ابيض وممكن بصل اخضر وكزبره

مقطع صغار

مع ليمون وملح وفلفل اسود

الطريقه

نخلط علبه الكريمه مع ملعقتين كبار جبن قلاص

ونصبه فوق الشيبس

ونرش عليه جبن موزريلا ونحطه بالمكرويف دقيقه لما يسيح الجبن وتغلي الصلصه

هذا شكله بعد مايسيح الجبن

بعد مانطلعه من المايكرويف

ونزينه بالاخير بسلطه الطماط

سهله وتخلص ب ٥ دقايق وطعمها لذيذ

طبعا مو مثل مالت فرايديز بس مقاربه والكل راح يحبها

جربوها 🙂

%d bloggers like this: