ما شاء الله كل شي وسوو منه رياضه
كل يوم شغله يديده طالعه لنا
Archive | September, 2012
شركه ابل تعتذر عن سوء برنامجها للخرائط بالايفون ويقترحون برامج اخرى للتنزيل
29 Sep
شركه ابل تعتذر رسميا عن سوء برنامجها للخرائط
وهي حاليا تعمل على تحسين البرنامج
وتنصح مستخدمين الايفون عن تنزيل بعض البرامج المتوفره بالاب ستور للخرائط
Bing, MapQuest and Waze مثل
او استخدم خرائط غوغل او نوكيا من الويب
الى ان ينزلون نسخه جيده من خرائط ابل
Caramel تشكيله ميني كيك من محل كراميل
29 Sep
حق زواره امس الحلو كان من كراميل
مريت المحل عالساعه ١ وكان المحل فاااااضى مافي ولا كيكه ؟؟؟؟
بس اللهم شيز كيك وحده
سألتهم بس هذا الموجود؟ رد علي واحد لبناني منفس ماااله خلق اشدعوه!!؟
قال بس هذا المعروض
المهم كان متوفر هذول الميني قلت اشكل منهم بعد شسوي مافي كيكه كبيره
خذت ٤ انواع كيكه الجزر وكيكه الكاكاو بالكراميل وبومب كيك وكيكه التوفي
Bomb Cake
كيكه البومب او القنبله ماعتقد احد ما يعرفها
حدها لذيذه كيك كاكاو داخله قطع سنيكرز وكراميل
لازم تسخنونها بالمايكرويف شويه عشان تطلع عجيييبه
Carrot Cake
كيكه الجزر طبقات من كيك الجزر مع كريمه لذيييذه
Chocolate Caramel Cake
كانت حلوه بس يبيلها تسخين بالماكرويف جم ثانيه 🙂
Toffy Cake
كيكه التوفي
طبقات من كيك الكاكاو وبينها كريمه وكاكاو وفول سوداني وايد حلوه
كانت تشكيله حلوه بس غريبه يوم الجمعه الظهر مو متوفره ولا كيكه بالحجم الكبير
المفروض تحسبون حسابكم انه يوم زوارات
سعر الحبه الميني الوحده ١.٧٥٠ دينار
كراميل بنيد القار
22533258 تلفون
طريقه صينيه الدجاج والبطاط المهروس بالبف باستري
27 Sep
الطريقه سهله والطبق لذيذ لمحبي الدياي والبطاط بالكريمه
المقادير
٢ بطاط كبير مسلوق
دياي مسلوق مسحب
بصل شرايح
فلفل اخضر ملون شرايح
ثوم مهروس
مشروم
١ علبه كريمه
٢ ملعقه كبيره جبن كرفت
ماجي وكركم وفلفل اسود وكاري بودر
الطريقه
نحمس البصل والفلفل الملون والثوم والماجي لما يذبلون
نضيف المشروم والدياي ونحط البهارات وبعدها الكريمه والجبن
ونحضر البطاط المهروس
نهرس البطاط مع ربع زبده وربع كوب حليب وشويه ملح وفلفل اسود
ونحطه بقاع البايركس ونحط فوقه خلطه الدياي
ونرش جبن موزريلا فوقه
ونصف البف باستري ونمسحه بالبيض عشان يحمر بالفرن
عواااافي
الطبق وايد لذيذ لكن دسسسسم جدا قعد على جبدي طول اليوم 😦
انصحكم تحطون نص علبه كريمه عشان يصير اخف
وممكن تستغنون عن الجبن بنوعينه
مشكوره ام عبودي عالطبخه اللذيذه
ماخذه الطريقه من مطبخ نور
خاص لمدمني الكتابه على الحائط
27 Sep
Grime writer
هذا قلم ماركر فكرته تترسونه ماء وصابون
وتكتبون على اي مبنى او سياره او طوفه وصخه
لذلك يعتبر انكم تنظفون بدل ما تخربون الممتلكات العامه
لكن مو تغشون وتترسونه حبر وتخربون السالفه
فكره يديده بدل ما تتعرضون للعقاب راح يطوفون شخابيطكم او فنكم عالطوف
ممكن تعطيه للاطفال ينظفون لك حائط بيتكم 🙂
سعر القلم ٤ دنانير
Dean and Deluca افتتاح دين اند ديلوكا
26 Sepفي زيارتي الاسبوع اللي طاف للافينيوز
لاحظت زحمه وطوابير في المرحله الثانيه من الافينيوز
وطلعت الزحمه على محل دين اند ديلوكا
تم افتتاحه الخميس اللي طاف بعد ما كانوا مسكرين المحل لمده ٣ شهور للتعديلات
من الشغلات اليديده بالمحل زياده عدد الطاولات الى الضعف تقريبا
ووزعوهم في بدايه المحل و في طاولات بنهايه المحل داخل صوب فرن الفطاير
والحلو بالمحل حسيته اشرح من قبل لان الرفوف اللي بالنص شالوهم
وحطوا رفوف صغار تقدر تشوف من فوقهم فعطى المحل شراحه ووسع
وزادوا محطات الاكل مثلا محطه للباستا وثانيه للبيتزا وغيرها للسوشي والفطاير والشاورما
خذيت لي لفه بالمحل وصورت جم صوره بشاركها معاكم
دين اند ديلوكا مفتوح حاليا بالافينيوز
لمبات متعدده الالوان للاضاءه بالمنزل والتحكم فيها عن طريق الايفون او الاندرويد – اختراع عجيب
25 Sep
المشروع عباره عن لمبات اضاءه
المميز في هذي اللمبات انها تشبك على الانترنت الواي فاي بالمنزل
وممكن نتحكم فيهم بجهاز الايفون او اي جهاز اندرويد
ممكن نفتح ونسكر الاضاءه عن بعد حتى انت خارج المنزل تقدر تسكر الاضاءه اذا تذكرت انك نسيتها مفتوحه
وممكن وقت الليل تفتحها وانت خارج البيت
او تبرمجها تفتح تلقائيا عند ساعه معينه
وممكن تتحكم بدرجه الاضاءه تعليها او توطيها وتصير اضاءه رومانسيه خافته
ممكن تغير لون الاضاءه الى عده الوان على الموود اللي يعجبك
تقدر تشبك الاضاءه بالتويتر والفيس بوك والمسجات اذا وصل لك مسج تعطيك اشاره
اذا شغلت اغنيه تعطيك الاضاءه على حسب النغمه
LED طبعا اهم ميزه ان اللمبات نظامها ال اي دي
معناته انها ماتصرف كهرباء تستخدم حوالي ١ من ١٠ من الكهرباء بالنسبه للاضاءه العاديه
والحلو فيها ان اللمبه تشتغل ٤٠ الف ساعه يعني عمرها ٢٥ سنه
مايحتاج كل جم يوم تشتري لمبات وتغير المحترق
مشروع عجيب ويوفر الفلوس
سعر اللمبه الوحده حوالى ٢٠ دينار
واذا اخذت مجموعه لمبات يقل سعرهم
وبرنامج التحكم بالاضاءه راح يتوفر بالاب ستور والاندرويد مجانا
هذا الفيديو
LEGO فيديو: مصنع صغير بالبيت من الليغو لنقل الكرات
24 Sepهذا واحد ياباني مسوي له مجسم كبير من ١٧ موديل
في بيته
مصنوع من تركيب الليغو هذا المجسم ينقل ٥٠٠ كره بلاستيك بطريقه ذكيه ومبتكره
استغرق صنعه ٦٠٠ ساعه
الصراحه اليابانيين ذكائهم يخرع
برافو عليه منزل الفيديو بأقل من اسبوع ووصلت المشاهدات تقريبا ٣ مليون مشاهده باليوتيوب
هذا الفيديو
ايفون ٥ متوفر حاليا بالكويت للبيع
24 Sep
لقيت الاعلانيين بالجريده عن توفر اايفون ٥ بالكويت
لكن اسعارهم خياااااليه وااايد اغلى من شركه ابل
خلونا نسوي مقارنه مع اسعارهم اذا بتطلب لك ايفون ٥ من موقع ابل بريطانيا
مثلا ايفون ٥ ال ١٦ غيغا اي لون منهم ب ٢٤٠ دينار كويتي شامل الضرايب
اذا نقصنا الضرايب مثلا احد ماخذ الايفون شخصيا من بريطانيا ويردون له التاكس فري
يطلع الايفون ٥ ال١٦ غيغا ب ٢٠٠ دينار فقط لا غير
الايفون ٥ ال ٣٢ غيغا ب ٢٢٧ دينار بدون ضرايب
الايفون ٥ ال ٦٤ غيغا ب ٢٦٥ دينار بدون ضرايب
يعني شركه يوريكا عندها ايفون ٥ اغلى من الشركه ب ١٥٠ دينار
وشركه موبايل ٢٠٠٠ بعد ربحانه بالواحد اكثر من ١٥٠ دينار وطالع لباقي الموديلات
نصيحه اما تطلبون لكم واحد من النت يزيد عليكم مبلغ ضرايب
او توصون احد من اهلكم مسافر اوروبا اييب لكم اياه بدون ضرايب
او نطروا شهر او شهرين وراح تطيح الاسعار 🙂
عالصور Gody شكرا
The Pastry Shop فطيره البيكان من
23 Sep
هالويكند كنا طالبين من ذا باستري شوب المتخصص بالباي
سمعنا ان بايهم حلو قلنا نجربه من ناحيه التغيير
عندهم اكثر من نوع
Pecan Pie
فطيره البيكان
الفطيره كانت فريش وهشه وحجمها معقول وسط
في طبقه حلوه بالنص الصراحه مادري شنو فيها بس طعمها لذييييذ
وطبقه البيكان اللي فوق محمشه
ومعاها كنا طالبين من ميني جدر للحلوى العمانيه اللذيذه
كنت كاتبه عنها من قبل
الحلوى مالتهم لذييييذه وفريش وطريقه تقديمهم واايد حلوه وتشوق
الصراحه سووا هبه الجدور او الحافظات بالكويت 🙂
كانت الحلوى لذيييييذه عالعاده
انصحكم تجربون فطيره البيكان لمحبي الباي وااايد لذيذه
سعرها ١٢ دينار والتوصيل زياده على سعرها دينارين
من ذا باستري شوب
رقمهم 97305858
ورقم ميني جدر للحلوى العمانيه
هو 65618740
instagram: @mini_jeder
فيديو: اختبار سقوط الايفون ٥ والجلكسي اس ٣ منو تتوقعون الفايز بالاختبار؟
22 Sepهذا اختبار امس قاموا فيه مجموعه اندرويد اوثورتي
بين الايفون ٥ والجلكسي اس ٣
قاموا باسقاطهم من ٤ ارتفاعات على ارضيه من حجر
لاختبار منو الاقوى ضد الطيحات والصدمات
وطبعا تتوقعون من الفايز؟؟؟؟
طبعا الايفون اهو الفايز بسبب غلاف الالمنيوم وحتى الشاشه ظلت سليمه
بعكس الجلكسي اس ٣ اللي تهشمت شاشته وانفصل الغلاف من الجهاز
ايفووووون وبس 🙂
صور مسربه للميني ايباد
22 Sep
هذي صور مسربه للميني ايباد
اعتقد هذا راح يكون شكله لان مثل الايفون ٥
تسربت صور قبل نزوله الاسواق وكانت الصور حقيقيه
هذا شكل الميني ايباد واهو شغال
حجمه وايد حلو واعتقد راح ينباع بكميات كبيره
خاصه انه سعره راح يكون ارخص من الايباد الحالي
صور من اغرب من دخل موسوعه غينيس ٢٠١٣
20 Sep
اكبر عضله ذراع للمصري مصطفى اسماعيل
😨 😨
اثقل متسابقه بالعالم للوزن الثقيل من النساء
وزنها ٢٠٣ كيلو
خلاااص مايحتاج رجيم يا بنات تطلعون رشيقات بالنسبه لها 🙂
اكبر لاعبه جمباز بالعالم عمرها ٨٦ سنه من المانيا
اطول شعر سبايكي بالعالم بطول ١١٣.٥ سم
من اليابان
اطول كلب بالعالم من امريكا
١.١١٨ متر
هذا وحش مو كلب
اطول حصان بالعالم من بلجيكا
طوله ٢١٠ سم
اقصر ثور بالعالم من ايرلندا
طوله ٧٦ سم
اطول حمار بالعالم من امريكا
طوله ١٥٥ سم
اثقل دراجه هرائيه بالعالم وزنها ٧٥٠ كيلو
اكبر مجموعه من الباربي عددها ١٥ الف باربي
اكبر مجموعه من الهيلو كيتي ٤،٥١٩ قطوه
اكبر شاحنه نقل حجاره بالعالم
تشيل كميه بحجم ٤٧٠.٤ متر مكعب
0.86 tons/m3 وحموله وزنها
طريقه عمل نانو سيم كارد للايفون ٥ في المنزل بالخطوات
20 Sepمثل ما عرفنا ان الايفون ٥ تركب عليه شريحه التلفون بالحجم الجديد
وهو الحجم النانو
ولازم ننطر شركات الاتصالات انها توفر هذا الحجم عشان نركبه بالايفون ٥
لقيت طريقه بالنت انك تقدر تقص الشريحه الى الحجم النانو بدون لا تضطر انك تذهب او تتنتظر توفرها
عند شركات الاتصال
وتقدر تطبعها بالاله الطابعه وتستخدمها لقص ادق
هذا دليل عملها بالصور والخطوات
اضغط عالصوره لتكبر حجمها
اللي بيطبقها على مسؤوليته انا مالي شغل اذا اختربت 🙂
Pink Berry بينك بيري تقليد !!!
20 Sep
ذاك اليوم كنت ماره بالجابريه بالشارع اللي فيه الشناكل
ولقيت هذي المطحنه حاطه صوره مو غريبه علي !!!
وقفت عندها وقمت ادقق بالصوره
هذي جنها صوره بينك بيري
بس الاسم غير بليس بيري
Bliss Berry
لوووول اشرايكم منو ماخذ الصوره من الثاني ؟؟
للاسف مادخلت وجربت الفروزن يوغرت يمكن يطلع نفس الطعم بعد 🙂
iOS6 نزل التحديث الجديد رسميا للايفون والايباد والايبود
19 Sep
نزل قبل قليل التحديث الجديد من شركه ابل رسميا
للايفون والايباد والايبود
الاي او اس ٦
هذا التحديث في ٢٠٠ خاصيه جديده بالنظام
منها خرائط ابل وسيري افضل وفيس بوك احدث ولسته طويله
من الشغلات الجديده
تقدرون تنزلونه من الايتونز او اذا عندكم الايكلاود تنزلونه دايركت منه
على جهازكم
فتح علبه اول جهاز ايفون ٥ بالعالم بالصور
19 Sepهذي مجموعه صور لفتح اول علبه ايفون ٥
شكل العلبه متغير عن السابق
والسماعات بالشكل الجديد داخل علبه تخزين بلاستيك مخصصه للسفر
والشاحن جديد لتزويد التلفون بطاقه اكثر اثناء الشحن
واليو اس بي الجديد لايتنينغ
ويوم الجمعه ٢١ سبتمبر ان شاء الله اول يوم لبيع الايفون ٥ في بعض المعارض الرئيسيه بالعالم
Find Us On
Ads
