مطعم شيز كيك فاكتوري الشهير بامريكا
افتتحوه في دبي في مجمع دبي مول
مقابل الاكواريوم
وبعد فتره راح يفتح فرع بالكويت
واحنا في دبي مول قررنا نجربه
ما شاء الله كان المطعم زحمه بشكل خيالي
وخذينا دور وعطونا هذا المنبه يشب ليت اذا صار دورنا
ونطرنا تقريبا ساعه بس ما حسينا فيها لان كنا نتمشى بالمجمع
من اسمه المحل شيز كيك فاكتوري
يعني مصنع كيك الجبن عندهم اكثر من ٢٠ نوع من الجيز الكيك
ومصففين الجيز كيك جدامنا في واجهه المحل
شكل الجيز كيك مغرررري
المطعم ضخم وكبيييير فيه طاولات وااايد والموظفين اشكثرهم
وماشاء الله مو ملحق عالزباين
هذا المطبخ مالهم شوفوا جم واحد يطبخ
وهذول الغرسونات صافين دووور عشان ياخذون الطلب ويوصلونه للناس
الحين انيي للاكل
مطعم شيز كيك فاكتوري يقدم اكل امريكي مكسيكي
عندهم اكثر من ٢٠٠ طبق في قائمتهم
مقبلات وسلطات وبرغر وستيكات واكل بحري وغيره
Nachos with spicy chicken
ناتشوز مع دياي سبايسي
XXXL كان حجم الطبق
واااايد كبير والكميه ضخمه من الناتشوز
تكفي ٥ اشخاص
طعمه كان حلو
Shrimp Popcorn
ربيان مقلي
كان كميه الربيان وايد
وطعمه وااايد لذيذ
Meatloaf Factory
طبق لحم مفروم مع مشروم وذره وبطاط مهروس
كان الطبق اختيار مو موفق عبالنا ستيك وطلع لحم مفروم
ذقناه وخليناه مثل ما اهو
واخترنا الحجم الصغير ويابولنا الطبق حجمه راهي
Classic Burger
برغر كلاسيك
كانت عادي وناشفه شوي
Factory Burger with french Sourdough
برغر بخبز الفرنسي
كانت عاديه والخبزه يابسه
Strawberry cheescake
مع ان كنا شباعا قلنا لازم نجرب الشيز كيك مالهم
طلبنا شيز كيك فراوله
وكانت وااااو لذيذه
Oreo Dream cheese cake
اوريو شيز كيك مع كاكاو فدج
كانت خيااااليه لذيذه احلى طبق من اللي طلبناه
مطعم شيز كيك فاكتوري اطباقه ضخمه وكبيره وتصلح لمجموعه من الناس
حسيت انه مطعم حلو لكن ماقدم شي جديد
يمكن خياراتنا كانت غير موفقه
لكن من ناحيه الجيز الكيك كان لذيييذ ما يتطوف
وعندهم انواع مختلفه لازم نجربها بالمستقبل
الفاتوره طلعت حوالي ٢٨ دينار
في دبي مول مقابل الاكواريوم
5 Responses to “Cheesecake Factory تجربتي في مطعم شيز كيك فاكتوري دبي”