Archive | October, 2012

فيديو: مقلب الزومبي بموظفين المطاعم

31 Oct

يوتيوب

Lashes, Lashes, Lashes..

31 Oct

Lashes, Lashes, Lashes..

رمووووش رموووش رموش

السلام عليكم ورحمة الله وبركاته.. اليوم حبيت أفيدكم بتجربه ناحجه لمنتجين لتكثيف و تطويل الرموش.. و الحمدلله حاليا اثنينهم متوفرين بالكويت..

أول شي قريت بالمنتديات الخليجيه عن ماسكرا اسمها مافالا وقلت ببحث زياده عنها باليوتيوب و عند الاجانب في ناس تحط تجربتها قبل وبعد.. المهم جااان اطيح على ماسكرا أحلى و اضمن وسعرها مناسب وتقارن بالماسكرات اللي فوق ال30-70 دينار 🙂 وطيرااان بحثت عنها عندنا ولا يقولون انها كانت بفيسس وخلصت وماقاموا يوفرونها :.( عاد طلبتها من امازون سعرها تقريبا 10 ومع التوصيل كنت طالبه كذا وحده يمكن 12 دينار مو اكثر.. و الحين لقيتها عند بيضون وبنفس السعر .. اسمها

Talika lipocils

وهذي صورتها

بصراحه عجييبه بس تبي التزام أنا أستعملتها لما كنت مسافره ف كنت مواضبه عليها صبح و ليل قبل النوم لمده 28 يوم.. كثفت و طولت بس عاد ممكن يطلع رمش اطول من رمش 🙂 يعني مو مرتبين حيل بس مايبين و كيفه أهم شي تكثف و تؤدي الغرض.. و طبعا بعد ما تهدونها مثل كل منتجات العنايه راح ترد الرموش مثل سابق عهدها بعد فتره .. بس ليش نهدها؟ إحنا و لله الحمد تغذيتنا كلش مو صحيه ولما نغذي الرموش فتره و تصحصح ونرد نهد التغذيه خلاص راح ترد لأن المشكله فينا و بأكلنا مثل اللي يهتمون بشعرهم او بشرتهم فتره ولما يهدون الكريمات يبون النتيجه تظل على طول!! ما يصحش لازم العنايه تستمر هذا مو علاج لمشكله عشان كورس وخلاص! لا هذي تغذيه 🙂 و الحلو فيها ان ممكن تنحط قبل الماسكرا العاديه و للعلم هي مثل الجل الشفاف ولما تحطينها ترتب الرموش بعد..

 Mavala double lash و الماسكرا الثانيه هي نفسها اللي مدحوها بالمنتديات

جربتها وفعلا طلعت نايس وسعرها 7 الا ربع بالجوثن و اللي عنده احد رايح العمره خذيتها من هناك بشي و40 ريال يعني جريب نص السعر .. خذيت لي وحده ثانيه منهم سبير بصراحه احتريت على فرق السعر يعني نفس المنتج و ينباع بمحل قزاز يعني مو عند هنود عشان نقول ماعنده أجار غالي و هالسوالف! مادري ليش اسعارنا بكل شي دبل .. الله يعين

المهم بالنسبه لي حبيت تاليكا اكثر يمكن لأنها أول تجربه و فيها لاحظت الفرق بالبدايه ويمكن عشان شكلها أذرب ههههه و الحين استعمل الثنتين و عندي سبير منهم ثنتينهم أخاف يخلصون وما القى (( إدمان )) و ما استعملهمم كل يوم حاليا ع المزاج يوم وترك أو مره مافالا بالليل و تاليكا الصبح لأن مافالا تستعمل أصلا مره قبل النوم المفروض ..

و اتمنى لكم رموووش جميله و طويله و كثييفه 🙂 وسامحوني اذا طولت عليكم

@Mody__q8

Pride اكسسوارات برايد وصلت الان الى الكويت

30 Oct

Pride  اكسسوارات  برايد

وصلت الآن إلى الكويت

المجموعه تحتوي على اكسسوارات عصريه تتماشى مع خطوط الموضه الدارجه حاليا

اكسسوارات برايد الأنيقة تتكون من خمسة أسماء و ألوان راقية

Beauty ,Inspiration, Love, Strength, Happiness

السعر: ٢٣ دك

هناك عروض لإسبوع العيد

و بامكانكم الطلب عبر الايميل و الواتساب او الإتصال

هناك توصيل لدول الخليج

Mobile: +965-67774321

فيديو: اعلان الايباد ميني الموقوف

30 Oct

فيديو يبين عيوب الايباد ميني

من وجهه نظر مجموعه من الناس

يوتيوب

Nexus غوغل اعلنت عن نزول ٣ اجهزه جديده

30 Oct

قبل قليل شركه غوغل اعلنت عن ٣ اجهزه جديده

Nexus 4 and 7 and 10

بثلاث اجحام ويعتبرون افضل اجهزه نزلت من قبل غوغل

Nexus 4 smartphone by LG ,

a new Nexus 7 with HSPA+,

and a Nexus 10 tablet by Samsung.

وكلهم يشتغلون على نظام الاندرويد ٤.٢ اخر واجدد نوع من نظام الجيلي بين

وراح يتوفرون في المحلات الرسميه في ١٣ نوفمبر

يوتيوب

Nouveau Art قطعه من الفن مصنوعه لحمايه الايفون ٥

29 Oct

شفت بالصدفه هذي الكفرات المصنوعه للايفون ٥

شكلهم عجيييب والزخرفه اللي بالكفر فن راقي

مصنوع من البلاستيك المقاوم ومعاه غلاف شفاف للشاشه

٤ الوان الذهبي والفضي والابيض والاسود

سعر الحبه حوالي ١٠ دنانير

الله يبيله واحد 🙂

موقعهم الاساسي يوصل للكويت ودول الخليج بس ماعندي فكره بجم التوصيل

الموقع

فيديو: شركه ال جي مسويه مقلب مرعب بالناس

29 Oct

ههههه الفيديو عجيب لا يطوفكم

مساكين الناس اكسروا خاطري

يوتيوب

فيديو: القبض على حرامي التلفون بفضل هذا الفيديو

29 Oct

النصاااب شوفوا اشلون سرق تلفون البنت

😦

بس الحرامي اقبضوا عليه الشرطه اليوم الثاني بفضل هذا الفيديو

في ميترو هنغاريا

يوتيوب

Quad-Ski فيديو: جيت سكي للبحر وبنفس الوقت بقي للبر

28 Oct

شركه جيبس الامريكيه منزله مركبه هي بنفس الوقت تمشي عالبر والبحر

يعني جيت سكي وبقي

برمائيه وسرعتها ٤٥ ميل بالساعه بالبر والبحر

وراح تتوفر في امريكا قريبا

يوتيوب

موقعهم الاساسي 

Tibidabo مدينه الملاهي تيبيدابو في برشلونه

28 Oct

مدينه الملاهي تيبيدابو في برشلونه اسبانيا

تعتبر وحده من اقدم مدن الملاهي بالعالم

عمرها ١٠٠ سنه

هذي المدينه موجوده على جبل

وزرناها عن طريق الباص السياحي كانت وحده من محطاته

من هذي المحطه تروح عن طريق باص اخر الى اعلى التله ومنها تركب القطار الخاص بمدينه الملاهي

الى اعلى الجبل

اسعار تذكره القطار

هذي محطه القطار

تركب الدرج للصعود فيه

وهذا اهو القطار يوديك فوق للملاهي وكنيسه تيبيدابو

المنظر من القطار واهو صاعد لمدينه برشلونه

مدينه الملاهي عباره عن ٦ طوابق على الجبل

وكل طابق فيه مجموعه العاب مختلفه لجميع الاعمار

كراسي على شكل لعبه الدومينو والشطرنج

هذي وحده من الالعاب تمر على الجبل المنظر يخرع من تحت

الطابق اللي تحتنا فيه مجموعه العاب ثانيه

منظر مدينه برشلونه من على جبل تيبيدابو

ماصورت صور وايد للملاهي لان انشغلنا باللعب

سعر التذكره ٢٨ يورو للكبار و و١٠ يورو للاطفال

وتفتح في نهايه الاسبوع سبت واحد فقط ما عدا المناسبات

من ١٢ الظهر الى ٩ مساءا

الاوقات تتغير مع الموسم لذلك تقدرون تتأكدون من وقت فتحها من موقعهم الاساسي

مدينه الملاهي حلوه بس تناسب الاطفال اكثر

يعني مو واو وايد عاديه

موقعهم

انتظروا تقريري عن دزني لاند باريس هذي اللي صج اسمها مدينه ملاهي 🙂

WiTricity شحن جميع اجهزتك بالمنزل بدون اسلاك وايرلس

28 Oct

WiTricity شركه وايتريسيتي

(صممت اسلاك توضع داخل اجهزتك مثل التلفونات الذكيه (ايفون وجلكسي

وتوضع تحت طاولتك لشحن او تشغيل التلفزيون او الكمبيوتر او اللاب توب بدون اسلاك

عن طريق الوايرلس

هذا فيديو يوضح الطريقه

ابدا المشاهده من الدقيقه ٢ من الفيديو

يوتيوب

شي جميل وعملي

Aquarium Barcelona زيارتي لاكواريوم برشلونه

27 Oct

L’Aquàrium de Barcelona

في زيارتي السابقه لبرشلونه زرنا الاكواريوم

Port Vell موجود في ميناء فييل

هذا الميناء موجود بنهايه شارع لارمبلا وساحه كاتالونيا الشهيره

هذا الميناء وصلنا له عن طريق الباص السياحي كان وحده من محطاته

تقريري السابق عن الباص السياحي

سعر التذكره ١٨.٥ يورو لكن سوولنا خصم من كوبونات الباص السياحي

داخل الاكواريوم بجانب احواض السمج في كافتيريا ومحل لبيع التذكارات

ومنطقه لالعاب الاطفال

وهذي بعض الصور للاكواريوم

نيمووووو

الحلو بالاكواريوم هذا الممر يمشي ويدخلنا الى نفق داخل حوض السمج

مثل طريقه اكواريوم دبي مول بس اطول

شكله مجرررم 😦

مار من فوقنا

وهذي السمجه شكلها غريب سبحان الله ضخمه اكبر مني وذيلها غريب

هذيل شكلهم عجيييب يطلعون ليتات حمر وزرق

جانب من العاب الاستكشاف للاطفال

اكواريوم برشلونه كان مكان جميل للزياره

لكن اللي رايح اكواريوم اتلانتس بدبي او اي اكواريوم ثاني راح يلاقي نفس الشي في برشلونه

يعني ماكو شي جديد فقط متعه للاطفال

يعني اللي بروح برشلونه ووقته ضيق مايحتاج يروح هذا الاكواريوم حسيته عادي ماكو شي جديد

زيارتي السابقه لاكواريوم اتلانتس دبي 

موقع اكواريوم برشلونه الرسمي

عرض العيد من كاكاو لندن لا يطووفكم حتى نفاذ الكميه

27 Oct

عروض مميزة حصريا لدي محلاتنا كاكاو لندن إشتر أحد المنتجات التي بالصورة

تحصل على الثاني مجانا

*حتى نفاذ الكميه*

مجمع المهلب الميزانين الأول – السالمية مركز علاء الدين الترفيهي بجانب الفنار – أوتاد الجهراء

التوصيل: 22616040

فليك ٩٩

دايم

بريك اواي

كيتكات سنغل

كيتكات بوب

التوصيل لجميع مناطق الكويت : 22616040

@londonchoco :الانستغرام والتويتر

Image

عيدكم مبارك وعساكم من عواده

26 Oct

20121026-125557.jpg

Violet Rose رشوش الورد للملابس والغرفه من

25 Oct

Violet Rose

وصلني امس رشوش خنيين من ماي الورد

لما جربته على اثاثي ماشاء الله ريحته قويه وثااابته ظل الى ثاني يوم والريحه قويه وحلوه

هذا شغل بيت كويتي

رشوش الورد تقدرون تستخدمونه لاثاث الغرفه والملابس والغتر والدشاديش والعبي

وريحته تصير احلى اذا رشيتوه مع البخور

الصراحه هديه حلوه لامهاتكم ويداتكم للعيد

يعطيكم العافيه عالهديه الخنينه

وسعر القرشه الوحده ٥ دنانير

للطلب رساله او واتس اب للرقم

97445665

iPhone 5 – مايكل كورس نزل كفرات جديده للايفون ٥

25 Oct

مايكل كورس معروف باكسسواراته الراائعه لمنتجات ابل

وتوه منزل مجموعه جديده للايفون ٥

الكفرات نوعين منها السحاب والطباقي

وبثلاث الوان من الجلد

سعر الكفر السحاب ب ٢٥ دينار

سعر الكفر الطباقي  ب٢٢.٥ دينار كويتي

للطلب من امريكا هذا موقعهم 

iPad mini الفيديو الرسمي للايباد ميني من شركه ابل

24 Oct

يوتيوب

تقريري عن الايباد ميني بالتفصيل هنا 

Camp Nou Barcelona جولتي في ملعب الكامب نو البرشلوني

24 Oct

في زيارتي لبرشلونه حضرت مباراة برشلونة و ريال مدريد

  و في نفس الشباك الي تحجز منه تذاكر المباراة ممكن تحجز منه حق تذكرة التجول داخل الملعب اللي يسمونها التوور

هذا شباك التذاكر

هذي طاوله طويله فيها صور و معلومات عن تاريخ النادي

مجموعه من الكؤوس اللي حصل عليها النادي

مجموعه ثانيه من الكؤوس و معاهم الحذاء الذهبي

كؤوس موسم السداسية

كؤوس دوري الأبطال الاربعه

موجوده الكرات الذهبية الثلاثه اللي حصل عليهم ميسي

احذيتهم القديمة

كره قديمة موقع عليها من الاعبين

كرة ذهبيه و حذاء قديم

  معلومات عن مارادونا

تي شيرت مارادونا موقع عليه مارادونا

المعلومات عن تاريخ النادي من البداية الى الموسم الحالي

تي شيرت ميسي طبعا و كره موقع عليها

صور مدراء النادي من اول واحد الى المدير الحالي رووسل

شعار النادي على المدرجات – اكثر من مجرد نادي

صوره من اعلى المدرجات

الاهتمام بعشب الملعب

صوره من عند الكورنر

كراسي لاعبين الاحتياط

صور المدرجات و فوق كباين خاصه للمعلقين

ممر الاعبين الى ارضية الملعب

غرفة تبديل ملابس الاعبين

فيها جيكوزي اكيد مدلعينهم

كأس دوري الأبطال حق اللي يبي يصور معاه و تشتري الصوره اذا عاجبتك الصوره

اللي يروح الملعب لازم تدخلون التوور لأنها تجربه حلوه

By Ali

iPad mini شركه ابل نزلت الايباد ميني رسميا

24 Oct

اعنلت امس شركه ابل عن الايباد ميني رسميا في مؤتمرها

حجمه اصغر من الايباد الحالي

اصغر حوالي ٤ سم بالطول

وحوالي ٥ سم بالعرض

شاشه العرض صار حجمها ٧.٩ انش

الايباد ميني انحف واخف وزنا من الايباد الحالي

اما عن المواصفات

الايباد ميني بعض مواصفته نفس مواصفات الايباد ٢ الاقدم

A5 Dual Core مثلا نفس الشريحه ال

ونفس وضوح الايباد ٢ ونفس كواليتي الصور

لكن

كاميرا الايباد ميني الكاميرا الاماميه والخلفيه صارت افضل ونفس مستوى كاميرا الايباد الجديد

متوفر الفيس تايم

وقوه الكاميرا الخلفيه ٥ ميغا بكسل

1080p HD وتسجيل الفيديو عالي الجوده

كرت التلفون اللي يركب فيه هو النانو سيم كارد الحجم الجديد اللي نزل للايفون ٥

 اللي تنفذ الاوامر بالصوت Siri ومتوفر ال

متوفر لونين الابيض والاسود

والاسعار يعتمد اذا كان واي فاي فقط او واي فاي مع شريحه انترنت

وطبعا على حسب الحجم متوفر ١٦ او ٣٢ او ٦٤ غيغا

وتبدا السعار من ٩٢.٥ دينار كويتي ارخص نوع الى ١٨٥ دينار كويتي اغلى نوع

ومنزلين الغلاف الذكي خاص للايباد ميني متوفر بعده الوان

Lightning والشاحن هو الجديد بالحجم الصغير ال

Pre-order متوفر للطلب من الموقع ال

تاريخ ٢٦ اكتوبر

او موديل الواي فاي راح يتوفر بمحلات ابل الرسميه ٢ نوفمبر

او موديل الواي فاي + الشريحه راح يتوفر نص نوفمبر بالمحلات

فيديو رسمي عن الايباد ميني

يوتيوب

الموقع

الزبده ماكو شي يديد الا ان حجمه اصغر ووزنه اخف بس

La Roca Village Outlet زيارتي لأوتليت لاروكا فيليج في اسبانيا ومعلومات بالتفصيل

22 Oct

في زيارتي السابقه لاسبانيا وبالتحديد برشلونه

قلت لازم اروح الاوتليت في اسبانيا

للي ماعنده فكره عن الاوتليت هو مكان يبيع الماركات باسعار مخفضه

من ملابس وساعات واكسسوارات وغيرها وتكون البضاعه من مواسم سابقه

الطريق الى الاوتليت من برشلونه بالتحديد من ساحه كاتلونيا تحتاج ٤٠ الى ٥٠ دقيقه بالسياره

بحثت عن افضل وارخص طريقه للوصول

وهو عن طريق الباص الخاص بالاوتليت نفسه

باص اسود ومكتوب عليه لاروكا فيليج اوتليت

تقدرون تحجزون التذكره من الانترنت من موقعهم

او من ساحه كاتلونيا في كشكات خاصه للسياحه

احنا اخذناها من الكشك الموجود بساحه كتالونيا سعر التذكره ١٢ يورو روحه ورده

ومكان الباص موجود بقرب الساحه مشي ٥ او ١٠ دقايق

ويطلع ٥ مرات باليوم والعكس

وصلنا الاوتليت بعد ٤٠ دقيقه

وداخل الباص كان في ايباد خاص للباص تسجل فيه معلوماتك للحصول على العضويه

VIP وبالمقابل يعطونك كتيب ال

فيه ٩ كوبونات خصم ١٠٪ على جميع المحلات في الاوتليت وممكن ٢٠٪ على حسب الموسم والعرض

الصراحه استفدت منهم واستخدمتهم في جميع مشترياتي

او تقدرون تسجلون عضويتكم في موقعهم للحصول على هذا الكتيب اذا وصلتوا الى الاوتليت

ولما تشترون من اي محل طلبوا التاكس فري كاش

(عشان بالمطار تاخذون التاكس فري (بدون ضرايب

اعتقد لازم المشتريات تكون اكثر من ٩٠ يورو عشان تاخذون التاكس فري

الاوتليت وااايد شرح ونظامه على شكل بيوت

وفيه اكثر من ١٠٠ محل من ماركات مختلفه

وهذي بعض اللقطات من الاوتليت مع ان ممنوع التصوير لكن قلت لازم اصور لحبايبي متابعين مدونه كيفي 🙂

قهاوي ومطاعم

محل فريق برشلونه الوحيد اللي ماعليه خصم والبضاعه اللي فيه جديده مالت هذا الموسم

مو عبالكم اوتليت وتخمون منه 🙂 نفس سعر باقي محلاتهم

وفي جانب للاطفال مفيد جدا تخلي عيالك وتتسوق على راحتك

كان يوم جميل ومتعب

اخذنا باص الساعه ١ من برشلونه ورجعنا في باص الساعه ٧ مساءا ما كفانا

يبيلكم وقت اكثر للتسوق عالاقل ٧ ساعات لان في محلات ما مداني احوس فيها

وهذي لسته للمحلات كلها الموجوده في الاوتليت

اضغطوا عالصوره لحجم اكبر واوضح

%d bloggers like this: