wtfJeans ماركه
مخصوصه لصنع البنطلون الجينز للايفون
ميزته جيوب اماميه بنفس حجم جهاز الايفون ٥ وسهل اخراج الايفون منهم
USB وبجانبه جيب صغير مخصص لليو اس بي
وداخل الجيوب خيوط من المايكروفايبر لحمايه وتنظيف شاشه الايفون عند سحبه او ادخاله بالجيب
وهذي الخيوط تقضى على ٩٩٪ من البكتيريا
صار لهم سنتين يصنعون كميه محدوده من الجينزات لعشاق الايفون
هالسنه موفرين فقط ٢٠٤٨ جينز فقط
مصنوع من قطن ايطالي ١٠٠% عالي الجوده
ويناسب جميع فصول السنه
سعر الجينز الواحد ب ٤٥ دينار كويتي
في زيارتي السابقه لدزني لاند باريس
خصصنا يوم لزياره معالم باريس
Auber اخذنا القطار من محطه دزني لاند الى محطه اوبير
ونزلنا فيها واخذنا الباص السياحي اللي لف فينا باريس
اول محطه كانت متحف اللوفر المشهور بلوحه الموناليزا
The Louvre
هذا الهرم الزجاجي اهو مدخل المتحف
من داخل الهرم
نزلنا السرداب وكان متروس محلات مختلفه عالم ثاني تحت
لااازم نزور محل ابل في متحف اللوفر
كان المحل صغير وللاسف ماكان عندهم ايفون ٥ مخلصينه الناس
مادخلنا المتحف لان كان زحمه وماعندنا وقت حسافه ماصورت لكم الموناليزا
بس استمتعنا بالمحلات الموجوده
The Arc de Triomphe
قوس النصر
Eiffel Tower
برج ايفل وكان الجو خيالي مطر وبارد
تحت البرج
حجمه مو وايد كبير توقعه اكبر واطول
بعد ماشفنا برج خليفه في دبي خلاااص الباقي مايبهرونا 🙂
LV مجمع ال في 🙂
Fontaines de la Concorde
The Luxor Obelisk
مسله الاقصر اللي كانت بالاصل في مصر
The Seine River
نهر السين
هذي سفينه سياحيه لنهر السين
كانت رخيصه بس ما مدانا نركبها
Notre Dame
كنيسه نوتردام
نفس اللي بفلم احدب نوتردام
داخل نوتردام
كانت جوله سريعه وجميله في باريس
امرأه برازيليه عمرها ٣٠ سنه لكن شكلها طفله عمرها ٩ شهور
الامرأه-الطفله ماريا من عائله فقيره ولدت مع مشاكل بالغده الدرقيه
ولم يعالجوها اهلها لفقرهم
وبسبب خمول شديد بالغده ادى الى توقف نمو جسدها وعقلها
(والحل كان بسيط لمشكلتها فقط حبه يوميه من دواء الثايروكسين (هرمون الغده
كان كفيل بنموها الطبيعي
والجامعه عندهم تتكفل حاليا بعلاجها عشان تعتمد على نفسها بالمشي والاكل ونطق جم كلمه
سبحان الله شغله بسيطه بجسم الانسان ممكن يوقف نموه
واهلها يحليلهم طايرين فيها بنتهم بيبي طول عمرها
هذا فيديو عن حياتها اليوميه
الحمدلله الذي عافانا مما ابتلاهم فيه وفضلنا على كثير من خلقه تفضيلا
مشكله الايفون ٥ الاسود
ان مع الاستعمال يبين عليه الخدوش وشكله يصير بايخ
لكن في طريقه تقدر تخليه يصير شكله احلى مثل اللي بالصوره تحت
عن طريق استخدام ورق الصنفره على الاجناب عطانا شكل حلو للايفون
هذا فيديو يبين خطوات عمله للي عنده ايفون اسود ويبي يطبق نفس الفكره عليه
صور ماقبل وبعد التعديل والصنفره
اليوم حبيت اتكلم عن موضوع اعتبره مهم للغايه
وهو تنظيف وتعقيم فرش وادوات المكياج
وراح اعرض لكم الادوات و طريقتي البسيطه و السهله في تنظيف الفرش و الاسفنجات الخاصة بالمكياج
طبعا اكيد هالموضوع تم تناوله من قبل، بس نظرا لاهميته حبيت اطرحه مره أخرى
واكيد بسبب خطورة تراكم البكتيريا والفطريات على ادواتج و بالتالي ممكن تسبب ضرر و دمار للبشره
على المدى القريب و البعيد خاصة اذا كانت بشرتج حساسه او تملؤها البثور والحبوب
حبيت اخبركم عن طريقتي اللي تعتمد على ادوات بسيطه جدا و في متناول الكل
و في نفس الوقت ما تأثر على كوالتي الفرش وبهالطريقه تحافظين على فرشج لأطول فتره ممكنه
تقوم العديد من الشركات المصنعه لمستحضرات التجميل بانتاج نوعيات مختلفه من محاليل تنظيف ادوات المكياج
سوف اعرض لكم اهمها وافضلها حسب خبرتي :
١ – معقم على شكل سبراي (بخاخ) من ماركة ميك اب فور ايفر
طريقة استخدامه ⬅ بختين على كل فرشه ومن ثم مسحها بمنشفه او قطعة كلينكس
وهالطريقه يفضل انج تستخدمينها بعد كل استخدام
٢- غسول صابوني خاص لغسل الفرش والاسفنجات وتعقيمها من ماركة ميك اب فور ايفر
طريقة استخدامه⬅ سهله جدا وطبعا بالماء الدافئ لازالة كل الاوساخ
طريقة التنشيف ⬅ اتركي الفرش على فوطة نظيفه بطريقه مائله بحيث يخرج كل الماء من رأس الفرشه لكي لا تتراكم الرطوبه في القاعده(مسكة الفرشه) ويتآكل الخشب وتنتلف الفرشه
٣- غسول (شامبو) جونسون الاطفال
طريقة الاستخدام ⬅ مثل الطريقه السابقه
نصيحه💡
١- فرش مكياجك لك فقط – مثل فرشاة اسنانك لكِ انتِ فقط-
ما انصح انج تخلين أحد غيرج يستخدم فرش مكياجج
و يفضل كل شخص يكون له فرش خاصه فيه منعا لانتقال البكتيريا من وجه لآخر
٢- لما تغسيلن الفرش، لا تفركين الشعر بحده كأنج في حلبه مصارعه لوووول
لأن ممكن هالفرك القوي يؤدي لتساقط الشعر. خليج رقيقه في الفرك.
٣- إذا كان فيه تعليمات مكتوبه و مخصصه من الشركة المصنعه للفرش اللي تستخدمينهم، يفضل انج تتبعين تعليماتهم.
المعلومات من قبل خبيره المكياج
عذاري السنافي
تقدرون تتابعون حساباتها عالتويتر والانستغرام
makeupathary@
فيديو المقابله مع خبيره المكياج عذاري السنافي في قناة الشاهد
ماركه مايكل كورس مسوين تنزيلات حوالي ٥٠٪ على بعض شغلهم
ومسوين التوصيل مجانا اذا شريتي فوق ال١٠٠ دولار
اللي عنده صندوق بامريكا يقدر يطلب عليه
هذي بعض الشغلات اللي مسوين عليها تنزيلات
Q8 Little Talents 2
عرض مواهب الاطفال
هو مشروع من تنظيم فريق وصال الاعلامي
يهدف الى ابراز مواهب الاطفال من سن ٦ -١٢
في اطار اعلامي ومضمون حب الوطن
و يتضمن جميع المواهب الإعلامية سواء كانت فرديه
أو جماعيه على طريقة مسابقة يقيم عليها المشارك من قبل لجنة تحكيم
أعضاءها
د.عواطف البدر
الاستاذ عبدالرحمن العقل
الفنان حمود الخضر
اذا كان لديكم اطفال موهوبين ومبدعين ماعليكم سوى
التسجيل عن طريق الاتصال على 97547705
ووسيتم تقديم جوائز قيمة لكل المشتركين و المتأهلين
الفائز بالمركز الاول 400 دينار
الفائز بالمركز الثاني 300 دينار
الفائز بالمركز الثالث 200 دينار
ولأول مرة جائزة افضل لبس وطني للجمهور 100 دينار
الصور من عرض مواهب الاطفال الاول*
في امريكا يوم الجمعه من كل سنه في تاريخ ٢٣ نوفمبر
Black Friday يسمونه
الجمعه السوداء يصير فيه تنزيلات قويه
والناس في امريكا تنتظر هذا اليوم وتأجل مشترياتها لهذا اليوم
شوفوا الفيديو شنو يسوون بالمحلات بهذا اليوم
ههههه لايطوفكم
خبيره المكياج عذاري السنافي صار لها بمجال المكياج ٧ سنين
والمميز في طريقه وضعها للمكياج
انه يكون طبيعي ويبرز جمال المرأه
شغلها واااايد حلو ما شاء الله
وان شاء الله مدونه كيفي راح تستضيفها لكتابه نصايح وخبرات عن المكياج والجمال
انتظروا مواضيعها في مدونتنا
Gathring وهذا فيديو المقابله معاها في قناة الشاهد في برنامج
لايطوفكم 🙂
لمتابعتها عالتويتر والانستغرام
@makeupathary
محل ستاربكس في الغراند افينيوز عندهم مكينه الكلوفر
Clover Brewing System
اول مكينه في الشرق الاوسط
وموجود منها بالعالم في محلات مختاره فقط
Vacuum المميز بهذي المكينه ان فيها نظام شفط
وغرفه داخل المكينه تطبخ القهوه لفتره معينه مع حراره معينه
وفيها فلتر يشفط خلاصه طعم القهوه ويترك الغير مرغوب فيه
عندهم نوعين خاصين من القهوه
Jamaica Blue Mountain
Oahu
ياخذون القهوه الفريش ويوزنونها عالميزان
ويطحنونها
شغل فريش بفريش
ويحطون القهوه المطحونه داخل مكينه الكلوفر مع كميه ماي معينه وتخلطه
وتخلي القهوه تطبخ ويصعد الباقي من القهوه الغير مرغوب فيه وترميه
جنها براوني لووول
والباقي القهوه الصافيه تنزل بالقلاص
دذ
القهوه سوده نفس طريقه القهوه الامريكيه
انا شخصيا ماحبيتها لان ماشرب قهوه
لكن شريبه القهوه امدحوها لي ويقولون ان طعمها حلو وايد وافضل من الطريقه العاديه
سعر الكوب الواحد الحجم الصغير دينارين
وانتي بالبيت اشتهيتي نسكافيه او جاي حليب
لما نحط الحليب على الجاي او عالقهوه يكون ماي وبدون رغوه وطعمه بايخ مو مثل المطاعم والقهاوي
دورت طريقه من النت اشلون اسوي الحليب مع رغوه واثقل
لقيت طريقه حلوه وجربتها واضبطت معاي
تاخذين قرشه زجاج فاضيه مثل اللي بالصوره فوق
وتترسين نصها حليب
وتسكرين الغطا وتخضين (ترجين) القرشه بكل قوتج ٣٠ ثانيه
راح تتكون رغوه على الحليب
شيلي الغطا وحطي القرشه بالميكرويف ٣٠ ثانيه
راح تزيد الرغوه وترتفع والحراره مالت المايكرويف راح تثبت الرغوه
وجذي تحصلين على حليب ثقيل مع رغوه مثل اللاتيه بالقهاوي
بس ضيفي عليه جم قفشه نسكافيه او كيس شاي
واستمتعي
ماكو اسهل واحلى من جذي بالبيت وبدون اي مكاين او ادوات تكلفج
الطريقه تضبط مع اي نوع حليب بس اذا كان نص او كامل دسم الرغوه تكون اكثر
من قبل جربنا شيزكيك فاكتوري في دبي مول
وحاليا قبل فتره بسيطه افتتح له فرع ثاني بالكويت
مريناه في الغراند افينيوز وماشاء الله كبير وايد ومكانه عجيب بالمجمع وشرح
Grilled chicken Tostada Salad
تورتيلا كبيره وعليها دياي مشوي وفاصوليا وخضره
مع صلصه الافوكادو والخل
كانت حجم السلطه كبييير يكفي ل٤ اشخاص
وكانت حلوه
Four Cheese Pasta
(باستا الاربع اجبان (موزريلا وريكوتا ورومانو وبارميزان
كانت جيده
Chicken Madeira
دياي مع جبن موزريلا ومشروم وهيليون مع صلصه حاليه سويت شوي
كان الطبق جيد
Brioche Breakfast Sandwich
ساندويش البيض والبيكون والشيدر مع بطاط هاش براون
Lemon with mint
ليمون بالنعناع
نسيت اسمه
اهم طبق بالقعده كلهااااا
Red velvet cheesecake
ريد فيلفت شيز كيك
كانت خيااااااليه مو طبيعيه عجييييبه لازم تطلبونها
الشيز كيك مالهم خفيييف ولذيذ
طلعت الفاتوره لهذي الاطباق
٣١ دينار
بما ان احنا دخلنا فصل الشتاء
لقيت لكم مجموعه بوتات عالموضه من ماركات عالميه
Christian Louboutin
Sergio Rossi
Giuseppe Zanotti
Yves Saint Laurent
Colin Stuart for Victoria’s Secret
Gianmarco Lorenzi
Pollini
KG Kurt Geiger
Christian Louboutin
Alexander McQueen
Brian Atwood
حلو الزواره هالمره كان من محل اوبرا
كيكه الكاكاو بالاوريو
Oreo Chocolate Cake
كانت وايد حلوه بس يبيلها مايكرويف جم ثانيه وتطلع تمااام
بس عاد دسمه
اللي مزين الكيكه فوق قطع اوريو مغلفه بكاكاو بودر مر
اوبرا عندهم فرعين بالصالحيه وقرطبه
شركه فيلبس منزله لمبات اضاءه للمنزل
الغير فيهم ان تقدر تشغلهم وتتحكم بالاضاءه فيهم عن طريق الايفون او الايباد
والميزه الحلوه فيهم انهم يوفرون كهرباء ويستخدمون ٨٠٪ طاقه اقل من اللمبه العاديه
تقدر تتحكم بدرجه الاضاءه وبلون الاضاءه وتبرمج الاضاءه تفتح بوقت بمعين وتسكر وانت خارج البيت
طريقه تركيبها سهله بس عليك تركب اللمبه
وتوصل جهاز يأتي معاها بالراوتر الوايرليس
وتنزل برنامج من الاب ستور وتتحكم بالاضاءه مثل ماتبي
Siri وحاليا حتى السيري
تقدر تقول لها انها تسكر الاضاءه وتفتحها او توطي عليها واهي تنفذها
وهذا فيديو يوضح عملهم
هذي اللمبات متوفره في محلات ابل فقط
وسعر ال٣ لمبات مع جهاز الوايرلس ب ٥٦ دينار كويتي
المصدر والطلب
وهذا فيديو السيري وهي تتحكم بالاضاءه
موضوعي السابق عن اللمبات اللي تتحكم فيها بالايفون والاندرويد من شركه اخرى
