في زواره امس كان الغدا من مطعم أستاذ نقرور
المتخصص بالاكل البحري بكل انواعه
كانت لنا تجربه سابقة معاه وكانت نااجحة ولذيذه
هالمره جربنا العيوش والمرق الكويتي اللي عندهم
صينية مطبق زبيدي لخمس اشخاص
ماشاء الله الكميه وايد وتكفي اكثر من ٥ اشخاص
والزبيدي لذييييذ وناااطع مايتطوف
صينية مربين لخمس اشخاص
الربيان عجييب وكل حبة اشكبرها
والتتبيله اللي على الربيان وايد حلوه ومافيها اي زفره
مرقة هامور
كانت المرقه خنييينه ولذيذه
العادة انا ماحب مرق السمج من المطاعم لان مايضبطونها ولازم تكون فيها زفره
بس هذي المرقة كانت مافيها اي زفره ولذيييذه
وتوصوا فينا بالخضره والدقوس والخبز الايراني والمعبوج
الصراحة الغدا كان يبيض الويهه وكل الموجودين امدحوا الاكل
كل الشكر لمطعم أستاذ نقرور عالاكل الطيب
لازم تجربونه لمحبي الاكل البحري
يوصل للمنازل
66989980
67765885
Twitter/Instagram: @ostath_nagroor
تجربتنا السابقة المشاوي والمقالي البحريه من مطعم أستاذ نقرور
وهذا بروشور المطعم اضغط عالصورة لحجم اكبر
عليج بالعافية 🙂 شكلة وايد حلو
أحب الاكلات البحرية
حبيت أسأل مطبق زبيدي لخمس أشخاص بجم ؟؟
الصورة الثانية مو راضي يضغط عليه ^_^
الله يعافيج
صح ماكنت ملاحظه انه مايتكبر البروشور
عدلته الحين تقدرين تكبيرينه وتشوفينه على راحتج
كاتب السعربالكيلو ٤ دنانير
Nice post. I was checking continuously this blog and I’m impressed! Extremely useful information specifically the last part 🙂 I care for such information a lot. I was seeking this particular information for a long time. Thank you and best of luck.
I am really glad that you found my posts useful
Thank you for sharing ur thoughts
عليج بالعافية
ومن اول تجربه لج حفظت بروشور
عشان اطلب منه بعدين
بس بعد مااشفت صور غداكم طلبت منه على طول
اشتهينا سمك
طلبته منه مربين حق عشا
تاخر علينا مع انه قريب من منطقتنا
ووصل بارد
بس عجب الاهل والكل اكل منه
عشيتينا هههه
مشكوورررررره
وربي شكله يشهي وخاصة الزبيدي