The Counter
مطعم ذا كاونتر هو فرانشايز من امريكا واول فرع افتتح في كاليفورنيا عام ٢٠٠٣
وصلتنا دعوه لتجربته قبل افتتاحه الرسمي في الافينيوز
ذا كاونتر هو مطعم متخصص بالبرغر الامريكي
والحلو بالمطعم ان اللحم بلاك انغوس حلال وخالي من الهرمونات والمضادات الحيويه
الفكره المتميزين فيها مطعم ذا كاونتر هو انك تختار بنفسك مكونات البرغر
يعني تصنع البرغر الخاص فيك
Build Your Own Burger
انت تختار بين اللحم او الدجاج او الخضار
وانت تختار نوع الخبز بين ٤ انواع متوفره
او ممكن ماتبي خبز تختار انه يكون سلطه
وتختار حجم البرغر اذا ثلث او ثلثين او واحد باوند وتختار طريقه طبخها بين وسط او ويل دان
Medium, well- done
وتختار نوع الجبن والاضافات والصوص
مثلا اذا طلبت البرغر تختار معاها واحد جبن و ٤ اضافات وصوص مجانا
بس اذا تبي تضيف اضافات اكثر يكون فيه سعر لكل اضافه زياده
وفي قسم فيه البرغر الخاص بالمطعم جاهز بطريقتهم تقدر تطلبه اذا كنت من النوع اللي ماتحب تختار الاضافات
هذا المنيو انا اخترت بنفسي مكونات البرغر
وحاطين سلة على جنب فيها الاقلام لاختيار الاصناف من المنيو
من المقبلات التريو
بطاط مقلي وبطاط حلو مقلي وحلقات بصل
مع ٣ انواع من الصلصات الرانش والباربيكيو والهورس رادش
حبيت الطبق كان لذيذ وخاصه البطاط الحلو
ذا كوب سالاد
سلطه صدر دياي مشوي مع بيكون بقري مقلي وبيض وخضار وصلصه الماسترد بخل البلسميك
كانت السلطه جيده
وهذي البرغر اللي انا طلبت مكوناتها بنفسي
اخترت ثلث باوند من البرغر والخبر التقليدي العادي وجبن الشيدر مع البيكون البقري المقلي
والخس والطماط والمخلل
وطلبت منهم يطبخونها ميديوم ويل دن
كانت البرغر لذيييذه حبيتها
كانت المكونات فريش وطعم البرغر وايد حلو
ميني برغر
٤ حبات من الميني برغر كانت خياااال
حبيتهم لان كانوا جوسي والخبز كان تررررف
انصحكم في هذا الطبق وبشده
بنانا سبليت ميلك شيك
ميلك شيك فراوله وموز وقطع كاكاو
خوش ميلك شيك صج لذيييييذ
مطعم ذا كاونتر موجود في الافينيوز بجانب السينما
وبجانب فرايديز
اشكر السيد باسم على الدعوه اللذيذه
المطعم راح يفتح اليوم الاحد الساعه ٧ مساءا
وبعدها راح يكون دوامهم من ١١ صباح الى ال١٢ نص الليل
One Response to “The Counter *مطعم ذا كاونتر للبرغر الامريكي *جديد”