Choowy Goowy تجربة مطعم جوي غوي الافينيوز

10 Jan

DSC_0218choowy goowy avenues

DSC_0082choowy goowy avenues

مطعم جوي غوي اللي فرعه الاول في مجمع التلال

عنده فرع ثاني جديد بالافينيوز وافتتاحه الاسبوع الياي ان شاء الله

مسوي هالاسبوع للتجربة عطيناهم خبر ان ودنا نجرب اطباقهم الجديده وننقل تجربتنا لقرائنا

وماقصروا حطوا لنا اقرب موعد

مكانهم في الافينيوز الجزء الاول صوب السينما

وصوب مطعم كارلوشيوز ومحل دير اند دير للملابس

حاطين لهم طاولات في الممر وجم وحده داخل المطعم

مكانهم وايد شرح وهادي

DSC_0090choowy goowy avenues

Jars تصميم المطعم كله عباره عن الجارز

اللي اشتهروا منهم في استخدامهم لحفظ الكوكيز

حتى الاضاءه مستخدمين القراش هذي 🙂

DSC_0108choowy goowy avenues

Asian salad

السلطة الاسيوية

عباره عن خضار مع نودلز مقليه ومكسرات

عجييييبه هالسلطة مقرمشه وفريش والصلصه لذيذه انصح فيها وبشده

DSC_0115choowy goowy avenues

Arugula salad

سلطة الجرجير مع العنب والبيكان السبايسي

مع صلصه البلسميك

لذيييذه لمحبي سلطة الجرجير

طعمها حامض حلو

DSC_0119choowy goowy avenues

Brisket Potato bomb

بطاط مقلي مقطع بشكل ضعيييف

مع قطع لحم الاضلاع وصلصه لذيذه فوقه

البطاط لذيذ واللحم ترف ذايب والصلصه مو وايد سباسي معتدله ولذيذه

DSC_0132choowy goowy avenues

Cowboy Burger

برغر الكاوبوي عباره عن قطعه لحم الانجوس

مع حلقات بصل وبيكون بقري وباربيكيو

المميز بالبرغر وحسيته غير عن باقي البرغرز ان مشوي عالفحم

طعم الشوي عالفحم مبين بطعم البرغر هذا اللي ميزها بالنسبة لي

DSC_0146choowy goowy avenues

DSC_0157choowy goowy avenues

Tomato Pesti Grilled shrimps with Basmati rice with Saffron

ربيان مشوي بصلصه الطماط والبيستو مع رز بسمتي

كان الربيان لذيييذ والصلصه عجييبه حامضه

والعيش كان نثري وطعم الزعفران واضح بالعيش

هذا الطبق اهو كان الفايز بين كل الاطباق

انصح فيه لا يطوفكم

DSC_0179choowy goowy avenues

The Jar

جار او قرشه داخلها كيك كاكاو حار وبسكوت وكاكاو ساااايح

(مع ايس كريم الفانيليا بالكسترد (هذا الايس كريم من صنعهم

عذااااب بمعنى الكلمة لعشاق الكاكاو مثل حالتي لااازم تجربونه

DSC_0174choowy goowy avenues

DSC_0178choowy goowy avenues

Pecan blonde

كيك مع كاكاو ابيض وصلصه الكراميل وقطع البيكان وايس كريم

جدا لذيذه حبيتها وايد

DSC_0204choowy goowy avenues

DSC_0208choowy goowy avenues

Napoleon

ملفيه الفانيليا بجوز الهند مع مثلج الاناناس والتوت

خفييييييفه وهشه وتقرمش

واااايد فريش

DSC_0095choowy goowy avenues

الصراحة اطباق المطعم واايد حلوة ما شاء الله شغلهم كله ناطع

وتقديمهم مرتب وراح يكون واحد من مطاعمي المفضلة

كانت تجربة ناجحه ولي زيارات مستقبليه لهم

اشكر جوي غوي على حسن الضيافة اكرمكم الله

مطعم جوي غوي في الافينيوز

في الجزء الاول من المجمع بجانب محل دير اند دير للملابس في الطابق الاول

موقعهم عالنت

موضوعي السابق عن المولتن كوكي 

موضوعي السابق عن الميني كوكيز

One Response to “Choowy Goowy تجربة مطعم جوي غوي الافينيوز”

Trackbacks/Pingbacks

  1. تجربتنا للمطاعم « kaifiiblog - January 15, 2013

    […] Choowy Goowy تجربة مطعم جوي غوي الافينيوز […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: