مطعم جوي غوي اللي فرعه الاول في مجمع التلال
عنده فرع ثاني جديد بالافينيوز وافتتاحه الاسبوع الياي ان شاء الله
مسوي هالاسبوع للتجربة عطيناهم خبر ان ودنا نجرب اطباقهم الجديده وننقل تجربتنا لقرائنا
وماقصروا حطوا لنا اقرب موعد
مكانهم في الافينيوز الجزء الاول صوب السينما
وصوب مطعم كارلوشيوز ومحل دير اند دير للملابس
حاطين لهم طاولات في الممر وجم وحده داخل المطعم
مكانهم وايد شرح وهادي
Jars تصميم المطعم كله عباره عن الجارز
اللي اشتهروا منهم في استخدامهم لحفظ الكوكيز
حتى الاضاءه مستخدمين القراش هذي 🙂
Asian salad
السلطة الاسيوية
عباره عن خضار مع نودلز مقليه ومكسرات
عجييييبه هالسلطة مقرمشه وفريش والصلصه لذيذه انصح فيها وبشده
Arugula salad
سلطة الجرجير مع العنب والبيكان السبايسي
مع صلصه البلسميك
لذيييذه لمحبي سلطة الجرجير
طعمها حامض حلو
Brisket Potato bomb
بطاط مقلي مقطع بشكل ضعيييف
مع قطع لحم الاضلاع وصلصه لذيذه فوقه
البطاط لذيذ واللحم ترف ذايب والصلصه مو وايد سباسي معتدله ولذيذه
Cowboy Burger
برغر الكاوبوي عباره عن قطعه لحم الانجوس
مع حلقات بصل وبيكون بقري وباربيكيو
المميز بالبرغر وحسيته غير عن باقي البرغرز ان مشوي عالفحم
طعم الشوي عالفحم مبين بطعم البرغر هذا اللي ميزها بالنسبة لي
Tomato Pesti Grilled shrimps with Basmati rice with Saffron
ربيان مشوي بصلصه الطماط والبيستو مع رز بسمتي
كان الربيان لذيييذ والصلصه عجييبه حامضه
والعيش كان نثري وطعم الزعفران واضح بالعيش
هذا الطبق اهو كان الفايز بين كل الاطباق
انصح فيه لا يطوفكم
The Jar
جار او قرشه داخلها كيك كاكاو حار وبسكوت وكاكاو ساااايح
(مع ايس كريم الفانيليا بالكسترد (هذا الايس كريم من صنعهم
عذااااب بمعنى الكلمة لعشاق الكاكاو مثل حالتي لااازم تجربونه
Pecan blonde
كيك مع كاكاو ابيض وصلصه الكراميل وقطع البيكان وايس كريم
جدا لذيذه حبيتها وايد
Napoleon
ملفيه الفانيليا بجوز الهند مع مثلج الاناناس والتوت
خفييييييفه وهشه وتقرمش
واااايد فريش
الصراحة اطباق المطعم واايد حلوة ما شاء الله شغلهم كله ناطع
وتقديمهم مرتب وراح يكون واحد من مطاعمي المفضلة
كانت تجربة ناجحه ولي زيارات مستقبليه لهم
اشكر جوي غوي على حسن الضيافة اكرمكم الله
مطعم جوي غوي في الافينيوز
في الجزء الاول من المجمع بجانب محل دير اند دير للملابس في الطابق الاول
One Response to “Choowy Goowy تجربة مطعم جوي غوي الافينيوز”