في زيارتنا السابقه لمطعم ماكي لتجربة واحدة من ابتكاراته
كافيار زيت الزيتون البكر
قدموا لنا الواسابي الطازج
للي ماعنده فكره عن الواسابي
هو فلفل ياباني يقدم في المطاعم اليابانيه
Fresh Wasabi
هذا شكل الواسابي الفريش
اول مره اشوف شكله الطبيعي العاده اشوفه على شكل معجون اخضر
الواسابي يزرع في اليابان يحتاج الى سنتين للنمو والنضوج
الواسابي الفريش لازم يبشرونه بحزته عشان مايفقد طعمه
لذلك ماكي موفر الواسابي الفريش واذا طلبت منهم يبشرونه جدامك
ويقدمونه لك
لان طعمه يظل ١٥ – ٢٠ دقيقه بعد البشر
راح تلاحظون لونه اخضر فاااتح
هذا اهو الواسابي الفريش الحقيقي
اما اللي ايي على شكل معجون مثل الموجود بالخلف يكون فيه صبغه
بالاسواق تلاقي الواسابي انواع وممكن بعضهم ما يحتوي على الواسابي اصلا يكون بس مكون من الفجل والخردل
او ان تكون كميه الواسابي قليله جدا
ذقته شخصيا طعم الفريش احلى من معجون الواسابي وحراره معتدله
من فوايد الواسابي انه مضاد للبكتيريا والفطريات والميكروبات لذلك يستخدم كمانع للتسمم
لذلك يؤكل مع السمك الني لمنع التسمم
تقوم دراسات حاليا عن فايده الواسابي في الوقايه والعلاج من السرطان
معلومات حلوه وجديده علي استفدت منهم من مطعم ماكي
في زيارتك القادمة لماكي اطلب منهم الواسابي الفريش 🙂
الصراحه مطعم ماكي سبّاقين في تقديم الجديد لزواره
للطلب من ماكي توصيل للمنازل بالكويت
1823080
22901000
او تقدرون تطلبون من موقعهم عالنت موجوده المينيو بالكامل بالصور
One Response to “Fresh Wasabi مطعم ماكي يقدم لزواره الواسابي الطازج مباشره من اليابان”