تم افتتاح مطعم اي هوب المتخصص بالبانكيك
في الكويت الافينيوز قبل تقريبا اسبوع
كنت مجربته في دبي من قبل التقرير هنا
وقلنا لازم نجربه بالكويت وننقل تجربتنا لكم
يفضل تروحون له للريوق لانه متخصص باطباق الريوق اكثر من الغدا والعشا
رحنا له عال١٢ الظهر وكان ما شاء الله طابور طويل بالانتظار
انواع السيرب المخصص للبانكيك على كل طاوله شكلهم وايد احلى من اللي كانوا موجودين في دبي
Big Steak Omelette
اومليت بيض وداخله محشي بطاط هاش براون ومشروم وجبن وخضار
وقطع ستيك
كان لذيذ وحجمه اكس لارج يكفي شخصين
بس قطع الستيك كانت مو ذاك الزود جنها روست بيف بارد مو ستيك
Bacon cheeseburger
برغر مع بيكون بقري وجبن امريكي
اللي جربها مدحها وايد وقال لذيذه
New york cheesecake Pancakes
المفروض ان فيها شيز كيك مثل اللي مكتوب بالمينيو
لكن كانت ساده وعليها فراوله مثلجه مع كريمه
كانت حلوه وترفه
كانت زياره لذيذه لكن في اطباق واايد للريوق لازم نجربها المره اليايه
مثل الوافلز والكريب والتوست الفرنسي وسندويشات وانواع ثانيه من البانكيك والاومليت
المينيو عندهم كبيره تخلي الواحد يرد لهم لتجربه المزيد
اي هوب في الافينيوز صوب السوكو
أفضل شئ يسويه المطعم هذا هو الأومليت والنوتيلا كريب
مع ان بان الكيك عجينته وطعمه بروحه عجيب وترف . لكن ناشف على قولتك بين الطبقات مافي جيز كيك
و شدعوة يحطون فاكهة مثلجة حتى مطعم هندي ما سواها. أو يمكن مطعم هندي يسويها اكيد تفرق اذا كانت الفراولة فريش ولا مثلجة بالطعم. وتقدير الزبون. ماكو مقارنة. سوري بس هالشي ما عجبني وكان دون المستوى
وماكو مباشرة للزبون. انا بالمطعم وحزتها كان فاضي مو من كثر الزباين قبل رمضان باسبوع تقريبا العصر واضطر اني اقوم من مكاني
عشان اناديها اذا ابي شغلة هذا بفرع ابو الحصانية
مادري عن الآفنيوز
والمشروبات كلها من مشتقات القهوة ما عدا الأمريكية مو حلوة باجماع كل الي كانو معاي كل القهوات نفس طعم الامريكية سواء كابتشينو او موكا نفس المضمون والطعم
. ولو يضيفون بان كيك بالكندر او اي نوع من الككاو بس ما يكون من النوعية الردية والرخيصة يكون افضل وافضل