زرت مطعم شيركيك فاكتوري بالغراند افينيوز بالسابق
وكررت زيارتي لان المنيو عندهم كبييييره وايد اطباق يمكن فوق ١٠٠ طبق
وقلت اجرب اطباق جديده واشارك تجربتي معاكم
واللي مجرب طبق حلو يريت يشارك معانا تجربته
سلة الخبز مع الزبدة يقدمونها مجانا لكل طاولة
Caesar Salad
سلطة سيرز حجم صغير
عندهم الحجم العادي لكن ايبون لكم ماعون عزيمة عالطاولة اشكبره
لذلك ممكن تطلبون الحجم الصغير وايد كافي خاصه انها سلطه للتسخين فقط 🙂
طعمها وايد حلو بس تارسينها ثوم للي مايحب ثوم مانصحه فيها
Dynamite Shrimp
ربيان تيمبورا بصلصه سبايسي
لذيذ انصح فيه
Roadside Sliders
برغرز بالحجم الصغير موجودة في قسم المقبلات لكن تصلح كطبق رئيسي
الخبزه ترررفه وطعم البرغر جيد
Cajun Chicken Littles
قطع صدور دجاج مقلية مع بطاط مهروس وسلطة ذره بالخضار المشوية
لذيييذه انصح فيها بس كان الدجاج ماصخ يحتاج ملح
كانت زياره لذيذة واختيار موفق للاطباق
ماقدرنا نطلب شيزكيك للتحلية لان شبعنا حدنا
الفاتوره طلعت ١٨ دينار وشوي للطلب اللي بالصور مع ٢ بيبسي
شيزكيك موجود بالغراند افينيوز
2 Responses to “Cheesecake Factory غدانا الثاني في مطعم شيزكيك فاكتوري بالافينيوز”