مكرونة القواقع بحشوه اللبنه والسبانخ
لقيت هذي الوصفه من موقع اجنبي وغيرت بالوصفه لتناسب ذوقنا العربي بالاكل
وايد سهله ولذيذه وفيها بس ٥ مكونات
وسريعة التحضير
المقادير
(مكرونة القواقع اكبر حجم (لقيتها بمركز سلطان
قرشة من صلصه الباستا او المكرونة الجاهزه
لبنه
(سبانخ مثلج او فريش (اختياري السبانخ اللي ما يحب السبانخ ممكن يلغيه من الوصفه
جبن موزريلا
الطريقة
نسلق المكرونة مثل الارشادات اللي عالعلبة
ونحط في بايريكس نص علبة صلصه الباستا
الحشوه: لبنه نخلطها مع سبانخ مقطعه
نحشي المكرونة بالحشوة ونصفها بالبايركس
نصب النص الباقي من علبة صلصه الباستا على المكرونة
ونزينها بالموزريلا
وعالفرن من تحت حوالي ١٠ -١٥ دقيقه
وبالاخير نشغل الفرن من فوق لاذابة الجبن
ممكن تزين بالبقدونس المقطع او اي نوع خضره عندكم
وبالعااافية
انصحكم تسوونها صج صج لذييييذه
