بالامس في مؤتمر ابل تم الاعلان عن نظام الاي او اس ٧ الجديد كليا للايفون
من الشغلات اليديدة بهذا النظام
لون الايقونات كلها غير عن السابق
والكي بورد شفاف بذلك اي تغيير بصوره الحائط او الصفحة السفلية يعطي شكل جديد للايفون
ميزة جديدة حلوه هي الكنترول سنتر
بمجرد سحب الصفحه من تحت تطلع لك جميع خيارات التحكم من بلوتوث او وايرلس او غيره
خيار تعدد الوظائف الملتي تاسك
يطلع لنا بنفس الوقت ايقونه البرنامج والصفحة
العرض بالبوم الكاميرا مختلف
يجمع الصور على حسب المكان اللي التقطت فيه الصورة وغيره من الخيارات
والكاميرا تقدر تختار خيار صوره عاديه او مربعه مناسبه للانستغرام وتضيف لها تأثير لون فلتر مختلف
خاصية اير دروب تعتبر جديدة
تشارك الشخص اللي بجانبك الصور او الفيديو او الرسائل عن طريق الاير دروب
المتصفح السفاري تغير شكل التصفح فيه للافضل
وشكل التابس تغير وصار فوق بعد
الاب ستور
الحين ممكن تعرف افضل البرامج في التوب ٢٥ بالمكان اللي انت فيه
ابحث عن ايفوني
برنامج البحث عن جهازك اذا فقدته هالمره موفرين فيه نظام حماية اقوى من السابق
ولازم اللي اخذ ايفونك ان يحط اسم حسابك ورقمك السري
ولا ما يشتغل حتى اذا مسح الجهاز وفرمته يطلب منك اسم صاحب الجهاز ورقمه السري
لذلك يظل ايفونك لك للابد ولا احد يستطيع فتحه حتى بالفورمات
في هذا النظام ماحسيت فيه اشياء قوية تبهر الواحد
ممكن بس خاصيه الاير دروب والكنترول سنتر اللي افضل من السابق
بس باقي الخيارات عادية وبس وفرت تغير بالانيميشن او الغرافيكس
هذا فيديو النظام اي او اس ٧
وبكون متوفر في شهر ٩
خوش تقرير يعطيج العافيه بس بخصوص ان مافيه ميزه تبهر تراج غلطانه يمكن ما ركزتي ان فيه بالابديت اليديد بلوك لأي رقم مزعج
هذي الميزه الوحيدة بالابديت اليديد
واصلا موجوده بالسيديا من زمان
لكن ناطرين الرسمي طبعا
وبعدين ادخل كل المواقع المعظم يذم شكل النظام الجديد ان من كان ثلاثي الابعاد وذو الوان متدرجه الى نظام مسطح بسيط يفتقد للابعاد الثلاثية
وبعدين ابل وايد قلدت نظام الاندرويد بالسامسونغ
ابل بعد ستيف جوبز ما قامت تبهر احد مثل السابق
او بالاحرى ما قامت تبهرني شخصيا
وشكرا عالمشاركة