صديقتي ام جنى تدرس في كندا دورات كيك
ويت لها فرصه انها تزرق الكويت
على طول حجزت حق بنتي كيكة باربي
وماقصرت يابت اغراضها معاها من كندا
وفاجأتني بالكيكة العجيبه
حبيت اوريكم شغلها المميز اللي سوته بمطبخ بيتهم 🙂
كيكة باربي داخلها كيك كاكاو على طلبي
ويابت معاها وااايد شغلات مثل
كب كيك وكيك بوبس ومكارون وكوكيز
كله من شغل ايدها
حبيت الفروستنغ اللي عالكيكة لذيييييذه
كب كيك ريد فيلفيت
لذيييذه
كيك بوبس
كرات الكيك بالفانيليا
مكارون
كوكيز ويشوقون اشكالهم على نفانيف
حبيبتي ريونه صار عمرها ٤ سنوات
الله يخليج لنا والعمر كله يااارب
كيكة الكاكاو كانت لذيذه
تسلم ايدج ام جنى عالفناتق الحلوه
مع اني بس طلبت كيكة وضبطتني بباقي الشغلات
الكل استانس عالحلو فنااانة
انتظروها تخلص دوراتها قريبا
وتبدا شغلها بالكويت
اكيد جدولها راح يكون كله محجوز 🙂
One Response to “Barbie Cake كيكة باربي”