Oliversan مطعم اوليفر سان الاسيوي الجديد بالكويت

مطعم اوليفر سان الاسيوي المعاصر توه فاتح بالكويت ماصار له جم اسبوع

وهذا المطعم من نفس اصحاب مطعم ماكي الياباني

والشيف كينجي بمطعم ماكي اهو اللي مشرف عالمنيو والاطباق في مطعم اوليفر سان

بس سمعنا هذي المعلومات تشوقنا وقلنا اكيييد راح يكون مطعم قوي

فكرة القبعة في شعار المطعم يدل على ان المطعم يواكب العصر الحديث بالاكل

وانه دمج بين الاكل الصيني وبين الاكل الحديث ليوصل لنا اطباق ألذ واجدد من الاطباق الصينيه المعتادة

طبعا هذا الكلام من شرح صاحب المطعم لنا

ارسلوا لنا دعوة بالامس وزرناهم في برج جاسم

مخلل وصلصات في البداية

وصلت العصاير تبرد علينا قبل الطلب

فراولة مع نعناع وااايد لذيذ

موهيتو ليمون بالنعناع

Velvety Creamy Chicken Corn Soup

شوربة الدجاج بالكريمة والذرة

اللي جربها مدحها وااايد

Primeval Seafood Hot & Sour Soup

شوربة مأكولات بحرية حارة وحامضة

كانت جدا لذيذه وسبايسي لمحبي الفلفل ومافيها اي زفره انصح فيها

Crispy Chicken Spring Mix Salad

سلطة دجاج مقلي مقرمش مع صلصة حامضة حلوة

لذيييييذه جدا جدا انصح فيها

الصلصة المستخدمة واايد حلوه

Black Tiger Shrimp on Wheat Toast

ربيان مع توست

OliverSan Duck Salad

بط مقلي يقدم مع خبز وخضار وصلصات

هذا الطبق يعتبر من المقبلات

لكن الكمية كبيره واعتبره طبق رئيسي

طريقة اكل الطبق تاخذون الخبز وتضيفون له كل المكونات وتلفونها

واستمتعوا بالسندويشات الصغيره الترفة اللذيذه

انصح فيه

Vietnamese Spring Roll

سبرينغ رول فيه خضار ونودلز وربيان مع صلصه الفول السوداني على جنب

استغربت من الطبق شوي لان متعوده عالسبرينغ رول المقلي

اما هذا الطبق كان بارد مثل السلطة

Oliversan Giant Prawn

ربيان ضخم مقلي مع رز وصلصه الكاري على جنب

هذي مو ربيانه انا اعتبرها لوبستر من حجمها الضخم

كالعادة لذيذ مثل اي ربيان مقلي بالقصمات

Mongolian Beef Tenderloin

لحم المونغوليان

تررررف ويذوب بالفم والصلصه لذيذه

لمحبي طبق المونغوليان الصيني الشهير

Oliver San Classic Chow Mein

نودلز الشومين بالدجاج

جدا لذيييذ انصح فيه

كمية الاطباق جدا راهي وبعضهم يكفي شخصين

قدموا لنا وايد اطباق لذلك كان ذواقة من كل طبق شوي

وحبيت معظمها كانت لذيذه وفريش

Crunchy chocolate Mousse

موس كاكاو تحته طبقه كرنشي من البسكوت والكاكاو وعليه الايس كريم

طعمه خيااااال

يذكرني بالفيريرو روشيه عجيييب لايطوفكم

Hawaiian Malasadas

دونت ساااخن مع ايس كريم موز

كان عادي

مع الشيف كينجي

اشكر مطعم اوليفر سان عالدعوة

كان عشاء صيني اسيوي لذيييذ

وراح يكون اوليفر سان واحد من افضل مطاعمي الصينيه اذا استمر بالطعم نفسه 🙂

موجود المطعم في برج جاسم في الميزانين مقابل مطعم ماكي

وفي رمضان بيفتح للفطور الى الساعة ١ بالليل

وبعد رمضان راح يفتح للغداء والعشاء

عندهم توصيل على موقع طلبات

وهذي ارقام مطعم اوليفر سان للاستفسار

22901051

66254 159

www.oliversan.net