بالامس جربنا العشاء في كافيه بورتش بالافينيوز
كانت قعدته وااايد حلوه
جنه في الاجواء الريفيه الاوروبية
مع الموسيقى الهادئة البعيده عن ازعاج الافينيوز
الواحد ينسى اصلا انه قاعد بمجمع زحمه لان مكانه هدووووء
حلو لليمعات والسوالف
كافيه بورتش من نفس شركة دير اند دير للملابس
طلبنا عصير ليمون بالنعناع كان حااامض لذيذ
وميلك شيك فراوله بس ماحبيت طعم الكاكاو الزينه اللي فيه
شوربة كريمة المشروم مع قطع مشروم فريش
وااايد لذيذه انصح فيها
شوربة كريمة الدجاج
اهي اساسا شوربه مشروم بس بدال قطع المشروم حاطين قطع دجاج فيها
لذلك المفروض اسمها شوربه مشروم بالدجاج
سلطة سيزر كانت جيده
كرات الجبن
حلو لمحبين الجبن السايح
ماما بيست شريمب
ربيان بالصلصه الحاره
عجيييييب وكل ربيانه حجمها جامبو
انصح فيه
شيز برغر
كانت حلوه
مولتن ريب
اضلاع لحم المولتن بصلصه المشروم
موووو طبيعيه وااايد لذيذه واللحم ذاااايب وترف
وصلصه المشروم حلوه
انصح بهذا الطبق بقوه
شوكليت كيك
الصوره تعبر عن نفسها 🙂
شاي بالنعناع نهضم فيه بعد هالعشا اللذيذ
كافيه بورتش يقدم الريوق والغدا والعشا
وقعدته وايد هادية وحلوه جنك قاعد في ريف اوروبا
وعنده اطباق لذيذه
ولازم نزوره مره ثانيه لتجربه اطباق الباستا والريوق
موجود في السوق القديم في الافينيوز بالميزانين
بجانب محل دير اند دير للملابس دخله السوق رقم ١٨
22200608
اشكر كافيه بورتش عالدعوه اللذيذة
One Response to “Porch Cafe تجربتنا لبورتش كافيه بالافينيوز”