مطعم ليتل روبيز ارسل لنا ظرف فيه دعوة ومريلة طبخ
ودعانا لتجربة اكلهم بالمطعم
لكن هالمره غير عن كل مره
لان احنا راح نطبخ عشانا بنفسنا
الدعوة كانت في فرع الافينيوز صوب السوق
القعدة وايد حلوه والديكوات ريفية
رحبوا فينا وسألونا اي طبق نحب نطبخه بنفسنا
واخترنا البرغر
وقبل ما نطبخ طبقنا الرئيسي
يابوا لنا المقبلات
سلطة المانغا بالدجاج وصلصة البلسميك
كانت لذييييذه جدا لازم تجربونها
شوربة مشروم
قطع دجاج بالكريسبي
الدياي مقلي وعليه طبقه كورن فليكس كريسبي
لذيذ لذيذ لذيييذ
لازم تطلبونه اذا كلتوا عندهم
كرات الربيان
ما حبيته لان كان مااالح
بريوشه عليها مشروم فريش
الصمونه كانت ترررررفه بشكل مو طبيعي
والصلصه مشروم فريش مع جبن سايح عذااااب
لمحبي المشروم لازم ينطلب
صار وقت الطبق الرئيسي ودخلنا المطبخ لطبخه بنفسنا
برغر كاليفورنيا
وهذي كاليفورنيا برغر شغل ايديا وحيات عينيا 🙂
طبعا لان شغلنا فكان احلى طبق 🙂
اضلاع لحم
كانوا يابسين شوي
باستا لينغويني ربيان بصلصه سبايسي
وايد لذيذ لمحبي الباستا السبايسي
بانوفي باي
داخلها كاكاو وبسكوت وموز وايس كريم
لذييييذه وخفيييفه
حلوه للتحلية بعد هالعشا اللذيذ
اول مرة اجرب مطعم ليتل روبيز
المطعم فرانشايز من امريكا
والاطباق مثل ماشفتوا عندهم تشكيلة متنوعه من مقبلات وسلطات وبرغر وباستات
معظم الاطباق كانت لذيذه ولازم نزوره مره ثانيه عشان نطلب نفس الاطباق هذي
كانت تجربه حلوه دخولنا للمطبخ وتجربتنا لطبخ طبق من الاطباق
طبعا تجربه الطبخ هذي كانت خاصه بالبلوقرز
اذا زرتوا المطعم الاطباق راح توصلكم لي عندكم ماراح تطبخونهم بنفسكم 🙂
مطعم ليتل روبيز عندهم فرعين بالكويت
واحد بالديره ببرج المتروك والثاني بالافينيوز صوب السوق سوكو
هذا تلفونهم للتوصيل
22496526
كل الشكر لمطعم ليتل روبيز عالتجربة الحلوه
One Response to “Little Ruby’s تجربتي لمطعم ليتل روبيز و طبخت عشاي بنفسي عندهم”