مع الجو الحلو البارد حاليا الواحد مايطوف انه يسوي باربيكيو في حديقة بيته
ويعزم الاهل والحبايب يشاركونه القعدة الحلوة
يبنا كل عدة الشوي من جيان
البرغر الفرش والستيكات والريش والنقانق
الستيكات ريب اي انغوس من امريكا
فريش مكتوب عليه شحن بالجو
بجيان بعد
والريش عندهم متبلين جاهزين للشوي
بس ما انصح فيهم كانت التتبيله حالية فيها طعم سكر مو مالحه
ما حبيتهم انصحكم تاخذون الريش الساده اللي مو متبله وانتوا تتبلونها بالبيت بتتبيلتكم افضل
البرغر من قسم اللحم بجيان قلت للحام ان يجهز لي ٢٠ برغر فريش
جهزهم خلال ١٥ دقيقه
تطلع الوحدة ب ٣٥٠ فلس يا بلاش
والجبن رحت قسم الجبن وقلت لها عطيني الشيدر الامريكي للبرغر
قطعت لي وجهزت لي ٢٤ شريحة جبن شيدر عجيييب
ربيان تيمبورا مقلي
لقيته مثلج وجاهز للقلي في جيان
العشا كان لذيذ والجو يساعد عالشوي واليمعة احلى
لا تطوفون هذا الوقت شبوا الفحم وقعدوا بره واستانسوا 🙂
اكسبرت مجاني
فوركس السعودية http://forexonline-ar.com/