Disney Land Hotel تجربتي لفندق دزني لاند باريس

7 Apr

DSC_0385_3disney land hotel

Disney Land Hotel

قبل سنتين زرنا دزني لاند باريس وسكننا في فندق نيويورك ٤ نجوم

هذا رابط الفندق

قلنا نجرب فندق ثاني هالمرة

واخترنا فندق دزني لاند ٥ نجوم

اكيد اللي زاير حديقة دزني لاند باريس شاف الفندق لانه لازم تمرون تحته للدخول لحديقة دزني

ميزة الفندق انه على مدخل الحديقة مشي دقيقتين فقط

DSC_0722_2disney land hotel

DSC_0251disney land hotel

هذا شكل اللوبي

توقعت ان يكون فيه رسومات لشخصيات دزني او يكون له طابع دزني

لكن الفندق كان شكله ريفي وحاطين جم مجسم لشخصيات دزني فقط

حسيته ماله شغل بدزني لاند الا بعض المجسمات البسيطه باللوبي

DSC_0205disney land hotel

غرفة ديلوكس والسرير حجمه راهي حجم الكوين

وحجم الغرفة معقول واسعه

DSC_0208disney land hotel

DSC_0216disney land hotel

الغرفة مطله على مدخل حديقة دزني

DSC_0219disney land hotel

DSC_0224disney land hotel

DSC_0227disney land hotel

DSC_0234disney land hotel

DSC_0245disney land hotel

عطونا نوتة وقلم لاخذ توقيع الشخصيات

جنه صج عاد 🙂

DSC_0363_3disney land hotel

الميزة بالفندق ان شخصيات دزني تكون موجودة عند مطعم الريوق داخل الفندق

وكل نص ساعه في شخصية اخرى

للتصوير معاها واخذ التوقيع 🙂

الاطفال راح يحبون هذي النقطة

لان في حديقة دزني لاند تلاقي الشخصيات، لكن عليها طااااابور طويل للتصوير معاها

لكن بالفندق بكل سهولة تقابل الشخصيات وماتضيع الوقت عليك بالانتظار

DSC_0454disney land hotel

حتى بلوتو يوقع بعد 🙂

DSC_0098disney land hotel

عادي وانت ماشي بالفندق تلاقي شخصية تطل عليك او ماره بجانبكم

هذي ميزة الفندق ومو متوفره بباقي الفنادق

DSC_0476disney land hotel

بوفية الريوق او الافطار مع سعر الغرفة

البوفيه متنوع فيه البيض وانواع الخبز والكرواسون والمربيات والكورن فليكس

وعصاير واشربة ساخنة

وكاتبين على كل طبق اذا كان فيه خنزير او دجاج او غيره

يسهل علينا الابتعاد عن الاطباق اللي ماتناسبنا

DSC_0462disney land hotel

DSC_0949disney land hotel

DSC_0465disney land hotel

الكرواسون والدونت خياااال

DSC_0469disney land hotel

DSC_0951disney land hotel

DSC_0689disney land hotel

شكل الفندق بالليل

DSC_0820_3disney land hotel

جربنا مرة خدمة الغرف وكان العشاء لذيذ

DSC_0680disney land hotel

كل يوم يحطون لنا طبق ضيافة بغرفتنا

سكننا فيه اسبوع

بس صورت لكم جم طبق

DSC_0339_3disney land hotel

DSC_0242disney land hotel

DSC_0095disney land hotel

DSC_0678disney land hotel

فندق دزني لاند اهو الفندق الوحيد ٥ نجوم من فنادق دزني السبعة

سكننا فيه لمدة اسبوع مريح ونظيف وقريييب عالحديقة

خطوتين ولا احنا داخل الحديقة وهذا مدخل الحديقة تشوفونه بالصوره مباشره تحت الفندق

جربت فندقين من فنادق دزني

هذا الفندق دزني لاند وفندق ثاني اسمه نيويورك

فندق نيويورك ٤ نجوم لكن للامانه ما حسيت بفرق بين الفندقين

الاثنين نفس المستوى تماما يمكن الفرق الوحيد ان فندق دزني لاند يقدمون طبق ضيافة يوميا وان المغسلة في الحمام تكرمون من رخام وقربه من الحديقة

لكن فندق نيويورك يحتاج مشي ١٠ دقايق فقط ومايحتاج سياره

ويعتبر قريب ايضا

وسعر فندق دزني لاند سعر ليلته دبل فندق نيويورك

اعتقد بالمستقبل راح نسكن في فندق نيويورك لان نفس مستوى فندق دزني لاند والسعر ارخص بوااايد وقريب من الحديقة

موقع دزني لحجز الفندق

فندق نيويورك

11 Responses to “Disney Land Hotel تجربتي لفندق دزني لاند باريس”

  1. dana April 9, 2014 at 7:06 AM #

    الفندق ماحبيته دخلته مره بس
    حبيت نيويورك اكثر
    لان المنطقه فيه اكثر حيويه خاصه بعد اغلاق ديزني في الليل يصير الفلج حيااه

    • omrayan April 15, 2014 at 9:59 PM #

      من الخارج شكله مثل قصور الاحلام وتوقعت الداخل راح يكون حلم
      لكن انصدمت من ديكوراته في الداخل
      مالها شغل بدزني ابدا
      بعض القطع البسيطة لشخصيات دزني فقط
      والسعر مبالغ فيه جدا وضعف سعر فندق نيويورك
      توقعت الخدمة بتكون افضل لذلك دفعنا بدون تردد
      لكن الخدمة نفس مستوا فندق نيويورك
      لذلك بالمستقبل راح يكون اختيارنا فندق نيويورك

  2. Khalid November 14, 2014 at 4:57 PM #

    One room

  3. naser December 20, 2014 at 3:57 PM #

    السلام عليكم
    وايد عجبني الفندق وناوي احجز فيه
    بس المشكله مو موجود على بوكنج بس في موقعهم الرسمي لانه ابي احجز مع خاصيه الالغاء المجاني لواحد موعارف شنو الظروف فمادري في طريقه اقدر احجز بدون دفع !! مع انه الربع انصحوني بالسكن بمنطقه فال ديورب يقولون فيها كل شي مطاعم سوق وبالقطات محطه وحده على دزني بس انا معاي يهال صغار ٣ و ٤ سنين اخاف اتوهق فيهم فاحس الافضل السكن يكون قريب انت شرايك الميزانيه مفتوحه الحمدالله ومفكر اخذ الخدامه اذا يعطون فيزا وبغيت اسال عن باريس شنو فيها لليهال اذا عندك خبره مدحولي فندق ماريوت بنص الشانز شكلي بحجزه

    • omrayan December 28, 2014 at 12:04 AM #

      وعليكم السلام اخ ناصر
      منطقة فال دي يورب مثل ما قالولك وايد قريبه عالحديقة
      بس لازم تركب قطار مدته ٣ او ٤ دقايق بس
      فكره حلوة ممكن تسويها بس راح تضطر تشتري تذاكر حديقة دزني والصراحة غاليه التذاكر
      يعني لو تسكن في فندق من فنادق دزني تكون التذاكر مجانية وبنفس الوقت قريبه عالحديقة
      نصيحتي تاخذ فندق بدزني افضل اذا تعسروا اليهال ممكن ترجع الفندق على طول بدون لا تدخل محطة القطار
      انصح بفندق دزني وفندق نيويورك اقرب ٢ للحديقة وتروح لها مشي
      اما باقي فنادق دزني يوصلونكم الفندق للحديقة بباص

      مثل ماقلت بوكنغ ماعنده هالفنادق مادري ليش
      فحجزته من موقعهم الاساسي
      وللاسف الدفع مقدم

      وعن باريس ما سكنت فيها بس زرتها من دزني بالقطار ورجعت بنفس اليوم لفندقنا بدزني
      والصراحة ماعندي فكره عن النشاطات للاطفال بباريس
      لان بس اخذنا الباص السياحي بباريس وتأذينا مع بنتنا ٤ سنوات

  4. naser December 30, 2014 at 7:24 PM #

    الله يعطيك العافيه عالرد الحمدالله حجزت التذاكر بتاريخ ٨-٤ لي ١٦-٤
    وبحجز بفندق دزني نفسه ان شاءالله بس برايك ٤ ايام كافي لدزني و ٤ لباريس
    ولا ٥ ايام دزني و ٣ باريس الروحه الصراحه لليهال بس اخاف نمل كل الايام بدزني وصج يحتاج أجر سياره ولا شلون المواصلات اخذ من الفندق باص يستقبلنا من المطار وجذي

  5. majed July 23, 2015 at 3:18 PM #

    السلام عليكم
    سوال كل فنادق دزني توفر تاكر الدخول او فقط فندق دزني لاند؟
    وهل فندق نييويورك يوفر التذاكر؟
    وشكرا

  6. مازن August 24, 2015 at 3:29 PM #

    شكرا معلوماتك افادتنا كثير

  7. Unknow April 3, 2017 at 9:58 PM #

    مشكوره يالغاليه على التقرير الراقي

  8. walaa samy April 17, 2017 at 10:40 PM #

    هل فندق ديزنى فقط الذى يشمل تذاكر ديزنى لاند ام نيويورك ايضا ؟

Trackbacks/Pingbacks

  1. سفر | kaifiiblog - May 27, 2014

    […] تجربتي لفندق دزني لاند باريس Disney Land Hotel […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: