Sunny Side Up مطعم صني سايد اب الجديد ٢٠١٥ للاكل الكويتي

23 Jan

IMG_0523

مطعم صني سايد اب من اول المطاعم اللي زرناها ببداية مدونتنا

كان المطعم بالنسبه لنا من ألذ المطاعم وكان يقدم اطباق امريكية متنوعه بالمباركية

زرناه اكثر من مره وكتبنا راينا بكل زياره

والحين في سنه ٢٠١٥ غير مكانه وفتح له مطعم يديد في برج التجارية

وغير الكونسبت مال المطعم من امريكي الى اكل كويتي راقي

والشيف اللي سوت الاطباق للمطعم هي اسماء البحر

زرنا المطعم قبل يومين الديكور والتقديم راقي جدا

IMG_0524

رحنا مجموعة كبيره لان صاحب المطعم بلغنا ان راح ينزل لنا كل اطباق المطعم لتجربتها

وكانت الزياره ذواقة من كل طبق قفشه عشان نجرب كل الاطباق

بدينا بالسلطات

IMG_0512

سلطة الجرجير

معاها قطع شمندر وخوخ وصلصة البلسميك

لذييذه جدا شخصيا احب اي شي فيه بلسميك انصح فيها

IMG_0511

IMG_0513

سلطة جبنة الماعز

عجينه بف باستري حاشينها بجبنة الماعز والسلطة عليها شرايح باذنجان مقلي مع صلصتهم عجيييبه

انصح فيها بعد

IMG_0514

سلطة الكينوا بصلصة التوت

IMG_0525

ربيان مقلي بالبقسمات

IMG_0527

كرات المشروم

كل كره عباره عن مشرومة عملاقه داخلها جبن بانواعه لذييذه

IMG_0526

IMG_0515

ماك اند شييز

كرات المعكرونه بالجبن مع صلصه مثل صلصه البينك باستا

حلوه وايد

IMG_0516

IMG_0529

مسقعة باذنجان

بالجبن والطماط واللحم المفروم كانت حلوه بعد

IMG_0517

كفتة بالبطاط المهروس

الكفته معاها فستق طعمها كان عادي مافيه شي مميز

IMG_0528

دجاج بالعسل

الطبق جيد بس الدجاج شوي يابس

IMG_0530

مسخن الدجاج

يمدحون الطبق

IMG_0531

باستا بالزعفران

فيها قطع دجاج ومشروم ومتروسه زعفران

 هالطبق كان غريب شوي طعم الزعفران طاغي

IMG_0519

باستا السبانخ

لذيييييذه جدا فيها كرات بطاط ومترووووسه جبنه والصلصه لونها اخضر فستقي عجيييبه

لازم تجربونها

IMG_0518

والحين ندخل بالاطباق الرئيسية واللي كانت احلى اطباق بالمطعم

مجبوس اللحم

اللحم اللي يستخدمونه لحم عربي ودايما يحطون قطعة الموزه

العيش انديا غيت لذيييذ

والزعفران واضح طعمه بالاكل والبهارات المستخدمة من البحرين

نوعين دقوس بالصحن دقوس اصفر ودقوس احمر والمعبوج لذيييذ مع الدهن العداني على الجنب

يعني الطبق اللي واصل لنا عالطاوله من افخر المكونات

صج لذييييذ

IMG_0521

مشوي الجدر

هامور في قاعته التقديم عجيب والريحه خنيينه والطعم خياااال مافيه اي زفره وفريش

لذيييييذ

اييبون لكم الجدر ويقلبونه جدامكم حاطة فيديو عنه في حسابي الانستغرام

@kaifiiblog

IMG_0522

مموش ربيان جامبو

كل ربيانه اشكبرها والتتبيله والبهارات لذييييذه

خووووش مموش

IMG_0520

مجبوس دجاج

الدياية مخلية من العظم بس عظمه الرجل الموجودة

مع نوعين الدقوس الاصفر والاحمر مع المعبوج بنتي حبته وايد

المطعم يقدم اكل كويتي بس على مستوى عالي

اجود المكونات واحلى تقديم وواضح من طعمه الكواليتي

القعدة والمكان راقي والخدمة ممتازه

حبيت المطعم اليديد لصني سايد اب

اكثر الاطباق اللي حبيناها اهي الاطباق الرئيسية العيوش كانت المميزه

والسلطات حلوه وبعض اطباق المقبلات لذيذة ماتتطوف

وباستا السبانخ لازم تنطلب كل مره نروح له

المطعم الى الان في الافتتاح التجريبي وجاري اضافه اطباق زيادة

مكانهم في برج التجارية في الدور الارضي

22463431

@sunnysideupkw

كل الشكرعالدعوة اللذيذة

رابط تجاربي السابقة فيه بالمطعم السابق

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: