Archive | March, 2015

kinsa ثرموميتر لقياس حرارة الاطفال عن طريق الايفون

28 Mar

   

جهاز قياس الحرارة  بدقة ومعتمد من منظمة الغذاء والادوية الامريكيه FDA

عن طريق الايفون او اي جهاز ذكي 

طريقة عمله بسيطه وسهله بس عليج تنزل تطبيق جهاز الثرموميتر على الايفون من الاب ستور وتركب الجهاز في فتحة السماعه بالايفون وتضعه تحت اللسان ويطلع لك قراءة الحرارة بدقة ويحفظ لك القراءات بالتطبيق

ممكن تركبه دايركت عالايفون او مع وصله ليسهل وضعه تحت لسان الاطفال

وسعره حوالي ١٠ دنانير فقط

ممكن تطلبونه من امريكا 

المصدر والطلب

  

Prime & Toast ريوقي في مطعم برايم اند توست

28 Mar

DSC_0747prime & toast

DSC_0790prime & toast

وجبة الريوق صعب اني اكلها بالمطاعم ايام الدوامات

وفرصة اني في اجازتي السنوية حبيت اجرب طبق كراميل فورد من مطعم برايم اند توست التابع لمركز سلطان

اللي دايما يحطون صوره بالانستغرام

ويعتبر طبق مشهور بالانستغرام لذلك لازم اجربه بنفسي

اول شي طلبنا الهوت شوكليت والشاي

DSC_0752prime & toast

طلبت بيض البنيديكت مع جبن وتركي

وطلبتها تكون رني يعني نص استوا

DSC_0762prime & toast

DSC_0765prime & toast

كان طبق البيض موفق لذيذ

DSC_0757prime & toast

الفرينش توست بالكراميل

ترررف وذايب ولذيذ

بس حلو زياده كان المفروض نطلب الصلصه على جنب

واحنا نتحكم بالكمية افضل من ان تكون غرقانه كراميل

DSC_0759prime & toast

DSC_0767prime & toast

اخييرا طبق الكراميل فورد اللي خلاني اكل بالمطعم

كان عااااادي

طبقات كيك ضعيفه بينها قيمر ببسكوت دايجستف وصلصه كراميل وايس كريم

توقعت يكون الطبق وااااو لكن للاسف كان جدا عادي

يعني ما اطلبه المره القادمه وكان الفرنش توست الذ منه وممكن الواحد يحلي فيه بدل الفورد

DSC_0768prime & toast

DSC_0788prime & toast

تريقت في برايم اند توست فرع البدع الحلو فيه مفتوح ٢٤ ساعة طول الاسبوع

منيو الريوق كبييييره في انواع مختلفه من البيض يمكن اكثر من ٣٠ طبق متنوع

ممكن ازوره بالمستقبل لاطباق الريوق

لكن مو للكراميل فورد

22253131

@primetoast

DSC_0749prime & toast

DSC_0744prime & toast

DSC_0791prime & toast

عسل اللجين في اي بي من معجزة الشفاء

27 Mar

DSC_0952honey

ارسلوا لي معجزة الشفاء عسل اللجين الخاص من السدر

بزجاجة فاخرة وحجمها كبير

العسل من نوع في اي بي لجودته وفوايده

لون العسل بني غامق بس مع اضاءه التصوير طالع افتح لكن بالطبيعة اهو غامق

وثقيل وايد تحس انه اصلي والطعم وايد لذيذ

مع العسل كان فيه كتيب كامل يشرح فوايدة ومميزاته ومن اللي قريته باختصار

 ان عسل اللجين الفي اي بي فيه غذاء ملكات النحل والعكبر

العكبر او البروبوليس بالانجليزي للي حاب يبحث عن فوايده اهي مادة صمغية يجمعها النحل من الاشجار ويستخدمها في الحفاظ على خليته من البكتيريا والفيروسات

من بعض فوايد هذا العسل تنشيط الذاكرة والتركيز ولنظارة البشرة وزيادة المناعة

وشكل علبته فاخر ومميز للاهداء

DSC_0951honey

DSC_0961honey

كل الشكر عالعسل الفي اي بي

اللي حاب يطلب من معجزة الشفاء

25644888

@mujezahoney

www.mujeza.net

icflix افلام ومسلسلات غير محدودة على جهازك الذكي

27 Mar

 

شركة اي سي فليكس عبارة عن خدمة اشتراك الكترونية تبث الافلام بانواعها هوليوود وبوليوود والعربية والكرتون والوثائقية والبرامج التلفزيونية عبر الانترنت. بالإضافة إلى ذلك تتوفر خيارات الصوت البديلة و الترجمة لأغلبية الأفلام مما يجعلها في متناول الناطقين بالفرنسية ، العربية و الإنجليزية

بس عليك تنزل تطبيقهم على اي جهاز الكتروني

  مثل الايفون او الاندرويد او الكمبيوتر او اللاب توب او التلفزيون الذكي

وتشغل بث الافلام عالنت باي وقت انت تبيه وحول العالم

باستثناء

(هوليوود)

معروضة فقط في المغرب العربي الشرق الأوسط

وفي خبر حلو لعملاء اوريدو

ستوفر الشركة لعملائها في الكويت المشتركون في نظام شامل إشتراك مجاني لمدة شهران أما عن المشتركين بنظام أخر فسيقوموا بدفع مبلغ 2.4 دينار كويتي في الشهر.

وهذا موقع اي سي فليكس لتنزيل التطبيق وعملاء اوريدو راجو فروعكم عشان تاخذون العروض المجانية والرخيصة

www.icflix.com

الخوارزمي الصغير يفتح باب التسجيل لدورات الحساب الذهني

25 Mar

 هل ترغب في تنمية ذكاء طفلك👫 و قدراته الذهنية؟ 

هل ترغب في زيادة تركيزه 🌟💫

 و تقوية ذاكرته ليصبح التعلم 📝 بالنسبة له أسهل و أمتع؟  

برنامج الخوارزمي الصغير .. هو خيارك الذكي لتحقيق ذلك 💡.. 

نحتضن الاطفال بحب 💕 .. و نراعي الفروق الفردية 

نقدم برامجنا بجودة فريدة 👌 و مهنية عالية💫 

برامجنا معتمدة عالميا 🎓 من الاكاديمية الماليزية IMA 

تطوير عقل طفلك في جو مرِح و ممتع

هو  تخصصنا 👍

نستضيفكم في مقرنا في منطقة الصديق

السبت ٤ ابريل للتجربة المجانية .. احجز مقعد طفلك للحصة المجانية 

ت 97755311 

@little_kh_q8

Sherlock Holmes متحف شارلوك هولمز في شارع بيكر

25 Mar

DSC_0720sherlock

شارلوك هولمز واحد من اشهر الشخصيات الخيالية بالعالم

له معجبين من كل مكان ومسلسلاته وافلامه تنتج الى يومنا هذا

ومتحف شارلوك هولمز في لندن يعتبر وجهه عالميه لمحبين هالشخصية

عنوان متحف شارلوك هولمز يعتبر اشهر عنوان في العالم

٢٢١ بي بيكر ستريت

وفي زيارتنا السابقة ل لندن كنا ساكنين بالقرب من شارع بيكر في منطقه ماريلبون في فندق ذا لاند مارك

وزرنا متحف شارلوك هولمز مشي

المتحف موجود بنفس العنوان ٢٢١ في شارع بيكر

والمتحف عباره عن بيت شخصيه شارلوك البيت قديم وصغير ومحافظين عليه من سنين

والبيت فيه ٣ او ٤ طوابق

فيه اثاث شارلوك والاكسسوارات وتماثيل شمع لعدة شخصيات بالمسلسل

وبعد الانتهاء من المعرض ممكن تشتري تذكارات متنوعه لشارلوك هولمز من المداليات والقبعات والاكواب وغيرها

وهذي بعض اللقطات للمتحف

DSC_0718sherlock

DSC_0724sherlock

غرفة المعيشة فيها مكتبه مطله على شارع بيكر مثل اللي مكتوب بالرواية

DSC_0725sherlock

DSC_0728sherlock

DSC_0732sherlock

غرفة النوم بالخلف

DSC_0731sherlock

DSC_0734sherlock

DSC_0738sherlock

DSC_0740sherlock

الكتاب يوقع فيه كل الزوار

DSC_0744sherlock

DSC_0747sherlock

DSC_0748sherlock

DSC_0751sherlock

DSC_0754sherlock

DSC_0757sherlock

DSC_0763sherlock

DSC_0766sherlock

DSC_0770sherlock

DSC_0776sherlock

DSC_0780sherlock

DSC_0784sherlock

DSC_0775sherlock

DSC_0774sherlock

اخر طابق بالسقف

DSC_0788sherlock

اللي يحب شخصية شارلوك او متابع مسلسلاته راح يحب المتحف

فيه اكسسوارات وشغلات قديمة

موجود في شارع بيكر ٢٢١ لندن

افضل ١٠ خطوط طيران جوية بمقاعدها السياحية

24 Mar

2015-03-17-1426607055-4347817-SaudiArabianAirss800-thumb

بحث قام به موقع هوبر دوت كوم متخصص بالعطلات والسفر

عن البحث عن افضل المقاعد السياحية على جميع الخطوط الجويه بالعالم

وكانت افضل ١٠ خطوط جوية هي

الاولى

الطيران السعودي عنده افضل المقاعد السياحية لركابه على مستوى العالم

يعتبر الطيران رقم واحد بالعالم بكبر مساحه مقاعده السياحية

يبلغ حجم المقعد ٣٤ بوصة مع سنادات مريحة للرأس

وميزه تعديل المقاعد بشكل اوتوماتيكي يناسب كل شخص وممكن يتم تعديله يدوي

الثانية الطيران الكوري

الثالثة طيران غارودا الاندونيسي

الرابعة طيران عمان

الخامسة الطيران الياباني

السادسة السنغافوري

السابعة التركية

الثامنة كاثاي باسيفيك من هونغ كونغ

التاسعة طيران اسيانا من جنوب كوريا

العاشرة طيران أ ان أ من اليابان

اللي حاب يسافر على الدرجة السياحية هذي تعتبر افضل ١٠ طيرانات بالعالم في الراحة بهذي الدرجة

شخصيا افضل الطيران القطري والاماراتي لان يوفر خاصية الافلام الحديثة

فالواحد يتسلى ويمشي الوقت سريع مع فلمين او ٣ تكون واصل وجهتك واذا معاك اطفال افلام دزني تشغلهم عن الشطانة

المصدر

Layout from Instagram برنامج جديد لتركيب الصور من انستغرام

24 Mar

Screen Shot 2015-03-24 at 12.23.01 AM

الانستغرام قبل ساعات قليله نزلت برنامج جديد لتركيب الصور

ممكن تختار من صوره الى ٩ صور ويقسم لك الصور بعدة اشكال جاهزة

وممكن بعد اختيار الشكل اللي حابه تغير حجم كل صوره او مكانها بسهوله

البرنامج ممكن يختار بشكل اتوماتيكي الوجوه ويطلع لك الصور لنفس الاشخاص من البوم الصور

فيه عده مميزات حلوه وبعد تركيب الصور ممكن تحفظ الصوره او ترفعها بالانستغرام مباشره

البرنامج مجاني وحاليا متوفر للاي او اس فقط  يعني للايفون

بعد فتره راح ينزلون نسخه للاندرويد

خوش برنامج سهل وحلو انصح فيه

رابط البرنامج

IMG_1695

IMG_1697

Princi تجربتي لمخبر ومطعم برنسي في لندن

23 Mar

DSC_0604_2princi

مخبز ومطعم برنسي او برنشي في لندن

امدحه لي احد المتابعين في الانستغرام ان يقدم بيتزا لذيذه

مرينا بجانبه في ليله وكان المطعم زززحمه وكل واحد بالمطعم طالب بيتزا خاصه فيه ماكو سالفه مشاركه بالبيتزا 🙂

قلنا نروح نتعشى بمكان ثاني ونرد له يوم ثاني

عاد مريناه فتره المغرب وكان جانب الكيك والحلو متروس ناس وجانب البيتزا فاضي

طريقته اهو مخبز وعارض الحلويات كلها وتختار اللي تبيه وفي طاولات بجانب الحلو

DSC_0620_2princi

DSC_0607_2princi

DSC_0608_2princi

DSC_0609_2princi

DSC_0610_2princi

DSC_0616_2princi

اما اللي يبي بيتزا في طاولات بالجانب الاخر بجانب فرن البيتزا

DSC_0623_2princi

DSC_0597princi

DSC_0603princi

DSC_0643_2princi

البيتزا عندهم انواع واخترنا بيتزا الموزريلا

اطرافها متينه وبالنص ضعيفه طعم صلصه الطماط والجبن وايد حلوه حبيتها

بس الباقي حسوها عادية موذاك الزود

عجينه البيتزا نفس طريقة الخبز الايراني

DSC_0645_2princi

كوسا مقلية

كانت وااايد لذيذه تتبيلتها بالليمون حااامضة

DSC_0611_2princi

مخبز ومطعم برنسي يقدم منيو ريوق وغدا وعشا

موجود في سوهو لندن ممكن تبحثون عنه بالغوغل ماب باسم

Princi

Go Karting Teamsport تجربة ال قو كارت في لندن

23 Mar

DSC_1144go kart

بحثنا في الانترنت عن افضل قو كارت قريبة لنا في لندن

وكانت القو كارت الداخلية بمكان مغطى الاقرب لنا هي التيم سبورت

يفضل تروحون لاماكن مغطاة لتجنب المطر والجو البارد

 غلطتنا الاولى ان ما حجزنا قبل الذهاب للقو كارت

لما وصلنا كان السباق مكتمل ولازم ننطر ساعتين ونص للسباق اللي بعده

سجلنا بياناتنا ودفعنا ونطرنا سباقنا في كافيه الانتظار يقدمون بيتزا وسناك

قبل السباق يوزعون علينا لبس القو كارت والخوذة وفي خزانات للملابس بقفل بمبلغ ١ باوند

وعرضوا علينا فلم ارشادات قبل البدء بالسباق

الحلو فيهم ان منظمين واي شخص يسوق بتهور يعطونه العلم الاسود  ويصفطونه على جنب لاعاده الارشادات عليه بعد ٣ اعلام سوده يطلعونه من السباق

كانت طريقه السباق ٣ جولات مده كل جوله ٨ دقايق وبين كل جوله واخرى استراحه ٨ دقايق

والسباق بين ١٥ سياره قو كارت وممكن يزيد العدد

المضمار كان طابقين نركب فوق وننزل تحت بالسياره وفي منحنيات حاده جم مره لفت فيني السياره 🙂

وبعد كل جوله يوزعون لنا مخططات بيانيه لكل شخص واداءه وتطلع الاسامي عالشاشات وبالنهايه تكريم لاول ٣ فائزين

DSC_1122go kart

DSC_1158go kart

DSC_1162go kart

DSC_1165go kart

DSC_1172go kart

كانت التجربة وايد حلوه وممتعه ولازم نكررها بزياراتنا القادمة حق لندن

مكان حلبة سباق القو كارت بلندن بجانب التاور بريدج

ممكن تبحثون بالغوغل ماب على اسم الحلبة

TeamSport

www.team-sport.co.uk

بوكية ورد وكاكاو راقي مناسب للاهداء من شوكو زوزز

20 Mar

DSC_0803choco roses

DSC_0801choco roses

محل شوكو روزيز فاجئني ببوكيه ورد وكاكاو راقي

الستاند الاكريليك فكرته وايد حلوه ومميزه

مع اماكن وضع الكاكاو فيه ممكن استخدمه للمستقبل بعد

كل الشكر عالبوكيه الراقي

للي حاب يطلب منه للوالده او للاصدقاء

هذا رقمهم

51154481

وهذا حسابهم الانستغرام

@chocoroses_kw

DSC_0754choco roses

DSC_0768choco roses

DSC_0794choco roses

DSC_0772choco roses

DSC_0784choco roses

DSC_0778choco roses

DSC_0787choco roses

DSC_0808choco roses

Burger & Lobster تجربتي مطعم برغر اند لوبستر لندن

19 Mar

DSC_0877Burger & Lobster

مطعم برغر اند لوبستر من المطاعم المشهورة في لندن

وعندهم ٦ فروع فيها

زرنا فرع نايتسبريدج في الطابق الخامس في محل هارفي نيكولز

DSC_0885Burger & Lobster

DSC_0887Burger & Lobster

المطعم يقدم ٣ وجبات فقط

وماعندهم مينو

عندهم وجبة البرغر

وجبة اللوبستر مسلوق او مشوي

وجبة رول اللوبستر قطع لوبستر بالمايونيز داخل بريوشة

وايي معاهم بطاط وسلطة وصلصه الزبدة بالليمون

الوحدة ب ٢٠ باوند

DSC_0875Burger & Lobster

طلبنا وجبة برغر ووجبة لوبستر رول وقلنالهم نبيهم مشاركة

قطعوا لنا البرغر والرول وحطوا قطعه بكل صحن

البرغر بالجبن كانت جيدة

DSC_0880Burger & Lobster

اللوبستر رول بالريوش كانت لذييذه خاصه مع صلصه الزبدة بالليمون

DSC_0878Burger & Lobster

DSC_0882Burger & Lobster

سلطة الجرجير بالبرميزان والبلسميك كانت وايد حلوة

DSC_0883Burger & Lobster

DSC_0871Burger & Lobster

DSC_0868Burger & Lobster

تجربة لذيذة خاصة اللوبستر رول انصح فيه

ممكن تبحثون عن فروعه بالغوغل ماب بالاسم

Burger & Lobster

www.burgerandlobster.com

Cafe Godiva كافيه غوديفا في هارودز

17 Mar

DSC_0822godiva cafe

DSC_0828godiva cafe

 

جربت كافية غوديفا في هارودز لندن

وايد ناس يمدحونه وان الكافيه لذيذ

لكن للاسف تجربتي معاه كانت فاشله

DSC_0861godiva cafe

DSC_0858godiva cafe

الكافيه كبير ويقدم تشكيله كاكاو وكيك وكريب

DSC_0843godiva cafe

DSC_0855godiva cafe

Godiva Tourbillon Warm Chocolate Fondant

اخترنا كيكة الفوندات

للاسف ماقريت انها دارك شوكليت لذلك كان الكاكاو فيها مر

وكانت ناشفه مافيها اي صلصه سايحة بس دخاان يطلع منها بدون اي صلصه

مبين ان طابخينها زيادة

الطبق فاشل بس كلينا الايس كريم

DSC_0845godiva cafe

Classic Fondue

كلاسيك فوندو

ايي كاكاو سايح معاه فراولة وموز ومارشميلو وقطع كرواسون

الكاكاو مااااي خفيييف وطعمه ماله شغل بكاكاو غوديفا

ماحبينا طعمه

ماكلناه حتى استغربت الغرسونة لما شالت الطبق تقول شنو شباعى

الا الطبق ماينوكل مو شباعى 🙂

مانصح فيه

DSC_0850godiva cafe

DSC_0836godiva cafe

Hot Chocolixir

الهوت شوكليت كان لذيذ جدا

الشي الوحيد اللي طلبناه كان حلو

انصح فيه

DSC_0833godiva cafe

DSC_0864godiva cafe

للاسف اختيارنا للاطباق ماكان موفق

ممكن بالمرات القادمة نختار شغلات ثانية افضل

مكان كافيه غوديفا في هارودز لندن

الطابق الثاني

Cycle Hire London خطوات تأجير الدراجة في لندن بالصور

17 Mar

DSC_0516cycle hire

DSC_0482cycle hire

المتعة في لندن هي طريقة التنقل بين شوارعها ومناطقها

اما عن طريق الاندرغراوند او الباصات او الدراجات

يكسر الروتين المعتاد

لفت نظرنا محطات تأجير الدراجات في لندن وجربنا نأجر بنفسنا

طريقة الدفع وايد سهلة

بس تحتاج الى كرت فيزا او ماستر كارد

المميز بالدراجة ان متوفره في لندن اكثر من ٧٠٠ محطة للدراجات

واكثر من ١١ الف دراجة جاهزة للاجار

حاليا راعي الشركة الرسمي بنك باركليز ولون الدراجة ازرق سماوي راح يتغير لراعي رسمي اخر في الايام القليله القادمة ويتغير للون الاحمر

الدراجة ممكن تاخذها من محطة وتردها في محطة ثانية

وكل ١٠ دقايق تلاقي محطة غير

والدفع عن طريق الفيزا او الماستر كارد

تدفع بالبداية ٢ باوند ويعطونك اول نص ساعة مجانية وبعدها يحسب المبلغ بالنص ساعة الثانية

وبعد كل نص ساعة ٢ باوند

يعني باختصار اول ساعة تكلفتها ٢ باوند وبعدها كل نص ساعة تدفع ٢ باوند

بشكل عام ماراح تاخذ الدراجة اكثر من نص ساعه لان التنقل بين المناطق قريب وممكن طبعا تتعب فيها

وفي برنامج عالايفون لمحطات الدراجات وعدد الدراجات المتاحة للاجار والشوارع المخصصه للدراجات  او عن طريق الغوغل يطلع لكم تفاصيل الشوارع

DSC_0495cycle hire

تختار ايجار الدراجة

DSC_0497cycle hire

وتضغط بالموافقة على كل الصفحات بالشاشة لما تنقلك على صفحة الدفع

DSC_0498cycle hire

تدخل كرت البنك الفيزا او الماستر

DSC_0499cycle hire

يطلع لك خيار ايجار الدراجة لمدة ٢٤ ساعة

وكان بالصورة باقي ٤ ساعات من ايجارنا الدراجة بالامس

DSC_0502cycle hire

ويطبع لك اول مره الفاتورة

وتعيد الخطوات بالاعلى عشان يطبع لك ثاني مره كود فتح الدراجة

DSC_0504cycle hire

كود فتح الدراجة ١١٢٢٣

DSC_0506cycle hire

تدخل الكود باللوحة الموجودة بقفل الدراجة

راح تلاقي الدراجة الجاهزة اللمبة او الاضاءة شابة اصفر

والدراجة الغير متاحة الخربانه باللون الاحمر وماتقدر تاخذها مقفوله

DSC_0507cycle hire

وبعد ادخال الكود الصحيح يفتح القفل ويضئ بالاخضر ولازم تسحب الدراجة خلال ١٠ دقايق

DSC_0512cycle hire

وبس تخلص منها تردها في اي محطة تلقاها امامك لما يقفل عليها القفل ويضئ باللون الاحمر

DSC_0511cycle hire

اسمتعنا بركوب القاري او الدراجة في شوارع لندن ونردهم من محطه لي غيرها

نوصل الاماكن اللي قاصدينها بوقت اقل ومتعة اكثر

وهذا رابط برنامج الدراجات

برنامج الدراجات للايفون

هدية راقية للأم من الجزيرة للعطور

17 Mar

DSC_0759aljazeera

DSC_0761aljazeera

الجزيرة للعطور نزلت صندوق راقي فيه

تشكيله مميزه للأم

فيه عطرين وبخور ودهن عود

وعندهم حجمين للعطور الصغير والكبير من اختياركم

بس حلوين العطور الصغار للجنطة

DSC_0764aljazeera

DSC_0757aljazeera

DSC_0770aljazeera

DSC_0787aljazeera

DSC_0798aljazeera

هدية وايد حلوة للوالدة 🙂

www.aljazeeraperfumes.com

Instagram @aljazeeraperfumes

Twitter @aljazeeraperfum

Facebook aljazeeraperfumes

فروعهم بالكويت

الرايـــــــة:  22997722

الأفنيـــــوز: 22597799

مـول 360:  25309922

ماريـــــوت:  22997744

برج الحمرا: 22270277

الدبـــــوس:  24741144

سيمـفوني:   25770555

وعندهم فروع في دول الخليج ايضا

Harrods Pizzaria تجربتي لبيتزا هارودز لندن

16 Mar

DSC_0587harrods pizzaria

Harrods Pizzaria

لما زرت لندن الاسبوع اللي فات سألت متابعين الانستغرام شنو احلى المطاعم اهناك

والاغلبيه نصحوا نجرب بيتزا هارودز

موجود بالطابق الثاني مقابل محل الايس كريم

DSC_0798harrods pizzaria

DSC_0589harrods pizzaria

DSC_0809harrods pizzaria

Italian Burrata Cheese

جربنا للمقبلات جبنة البوراتا الايطالية

كانت جيدة

DSC_0820harrods pizzaria

DSC_0812harrods pizzaria

Arabica Pizza

اخترنا البيتزا العربية مع الجبن والسلامي البقري والبصل والفلفل

كانت وايد حلوة

DSC_0818harrods pizzaria

DSC_0803harrods pizzaria

المطعم يقدم الباستا مع البيتزا

اسعارهم غالية متوسط الطبق الواحد حوالي ٢٠ باوند

ويستحق الواحد يجرب بيتزتهم

موجود بالطابق الثاني في هارودز لندن

Harrods Ice Cream Parlour تجربتي لايس كريم هارودز لندن

16 Mar

DSC_0562harrods icecream parlour

في زيارتي الاخيرة ل لندن

حبيت اشارككم بعض الاطباق والمطاعم اللي جربتها اهناك وتقيمي عليها اذا تسوى تزورونها

جربت محل الايس كريم في هارودز موجود بالطابق الثاني مقابل مطعم البيتزا

DSC_0535harrods icecream parlour

DSC_0580harrods icecream parlour

عندهم عده طاولات حوالي ٨ طاولات

وكراسي عاليه على البار طبعا بس يقدمون الايس كريم بانواعه

سعر اطباقهم الايس كريم تتراوح بين ال١٥ باوند لي ٢٠ باوند

وفي كل طبق كمية كبيره من الايس كريم تكفي شخصين الى ٣ اشخاص

DSC_0582harrods icecream parlour

DSC_0544harrods icecream parlour

حلو المكان اللي عالبار تشوفهم واهم يحضرون لك الايس كريم بكل الخطوات

من اختيار الماعون الى التزيين جدامك

DSC_0570harrods icecream parlour

اخترنا كوب البراوني

فيه كره ايس كريم كاكاو وكره ايس كريم كراميل

مع ايس كريم فانيليا ماكينه

والبراوني والبسكوت والكريمه للتزيين

مع صلصه كاكاو الفدج الحاره على جنب

الصراحة اختيار موفق وكان طعمه لذيذ

عندهم اشكال مختلفه من اكواب الايس كريم بعضها يحطون فيه دخان النايتروجين

DSC_0558harrods icecream parlour

DSC_0560harrods icecream parlour

اللي يزور هارودز لندن جربوا عندهم طبق الايس كريم وايد حلو

في الطابق الثاني

السوق الخيري “كويت الخير” في فندق الشيراتون

15 Mar

DSC_0731manooh

DSC_0721manooh

لجنة ساعد اخاك المسلم ارسلت لنا دعوة لحضور السوق الخيري

كويت الخير

يوم الاثنين ١٦ مارس الى الاربعاء ١٨ مارس

في فندق الشيراتون من ١٠ صباحا لي ١٠ مساءا

DSC_0722manooh

DSC_0732manooh

كل الشكر عالدعوة والتارت

@saedakhak

@manooh_kw

DSC_0737manooh

minicabit احجز ارخص تاكسي بلندن مع

14 Mar

Screen Shot 2015-03-14 at 9.15.24 PM

معروف ان تكاسي لندن غالية وايد

بحثت بالنت عن تكاسي رخيصة ولقيت موقع رسمي فيه لسته طويله من شركات التكاسي وباسعار رخيصه جدا

ارخص بكثير من اسعار تكاسي المطار او لندن

سعر التاكسي من المطار لي لندن حوالي ٨٥ الى ٩٠ باوند

لكن مع هذا الموقع ميني كابيت سعر التاكسي ٣٣ باوند يعني اقل من نص السعر

جربت احجز تاكسي من مطار هيثرو الى الفندق وبالعكس

المواعيد مضبوطه وسياره التاكسي جديدة ونظيفة والسعر رخيص ومحدد يتم دفعه بالنت واذا حاشتنا زحمه

مايزيد السعر نفس السعر المحدد

هذا موقعهم بالنت للحجز او ممكن ببرنامجهم عالايفون والاندرويد

اذا كنت حاجز تاكسي يستقبلك بالمطار

يفضل تحط ساعة استقبالك بالمطار بعد ساعه من وصول الطيارة تتيح فرصه اخذ الجناط وتختيم الجوازات او اي تاخير بالطياره لان اذا تاخرت ربع ساعه عن التاكسي يمشي عنك

حجزت وانا بالكويت التاكسي من التيرمنال ٤ من مطار هيثرو الى الفندق

واول ماوصلنا بوابه الخروج لقيناه حامل ورقه كاتب فيها اسمنا وكان متصل علينا بالمطار

السياره كانت فورد جديدة وصلنا الى باب الفندق

والعكس بالخروج من الفندق لي المطار كان موجود عند بوابه الفندق بالوقت المحدد بالضبط

 Screen Shot 2015-03-14 at 9.18.00 PM

Screen Shot 2015-03-14 at 9.19.15 PM

Screen Shot 2015-03-14 at 9.19.34 PM

Screen Shot 2015-03-14 at 9.20.10 PM

Screen Shot 2015-03-14 at 9.21.52 PM

Screen Shot 2015-03-14 at 9.22.51 PM

الموقع بروفشنال اتصلت عليهم وردوا علي بسرعه وفي مساعده اونلاين على طول

انصح فيه للي يبي تاكسي حق لندن او بريطانيا

www.minicabit.com

The Landmark London تجربتي لفندق لاند مارك في لندن

14 Mar

The_Landmark_London_Exterior

زرت لندن في بداية هذا الشهر

وبحثت عن فندق مناسب في النت

لكن اكثر الفنادق في شارع اكسفورد حجم غرفتها صغير (جربت السنة الماضية فندق كمبرلاند غومان لكن غرفتة وااايد صغيره مايقدر الواحد يتحرك فيها وكان مستواه مو ذاك الزود

ولقيت تقييم حلو بالنت لفندق ذا لاند مارك ٥ نجوم وحجم الغرفة واسعة وموجود في لندن ماريلبون

booking.com العادة احجز من موقع بوكنغ دوت كوم

لكن لقيت عرض واايد حلو في موقع اغودا دوت كوم لنفس الفندق ونفس الغرفة وارخص ب١٥٠ دينار عالسعر الكامل

agoda.com

وهذا شكل اللوبي وايد شرح وكبير

DSC_0625the landmark

DSC_0631the landmark

DSC_0629the landmark

DSC_0605the landmark

غرفتنا سوبيريور

واسعة ومريحة واهم شي نظيفة يستاهل ٥ نجوم

DSC_0607the landmark

DSC_0609the landmark

DSC_0606the landmark

DSC_0612the landmark

الحمام في رشاش ماي او شطاف وهذي ميزه واايد حلوة بالفندق

DSC_0622the landmark

DSC_0618the landmark

هذي ضيافتهم اليومية انواع شاي وقهوة وبسكوت

DSC_0617the landmark

DSC_0269the landmark copy

DSC_0974the landmark

يوميا اييبون لنا ماعون تمر وبقلاوة والصراحة احنا مو من محبي التمر

بلغتهم يغيرون الطبق ويابوا لنا مره فراولة بالكاكاو وبالمرات الثانية ماعون فاكهه

كانت اسوء نقطه بالفندق ان يوميا لازم ابلغهم ان ما ناكل التمر وغيروا لنا الطبق

ويوميا اي كوب او قلاص وسخ ياخذونه ومايردونه

ولاااازم يوميا اطلب منهم يرجعون لنا الاكواب اذا بنشرب شاي او قهوه

اعطيهم ٨ من ١٠ بسبب سوء خدمة الغرف

DSC_0633the landmark

من مميزات الفندق

موقعه وايد حلو لان قريب من محطة ماريلبون الاندرغراوند ومحطة القطار ومحطة الباص

المحطه مقابل الباب الخلفي للفندق

المحطة فيها قهاوي وكافيهات وبرغر كنغ

ومقابل الفندق جمعية ماركس اند سبنسر وايد حلوه للتسوق السريع اذا حابين تاخذون شغلات للريوق او العشا او للسناك

وفي جمعية تيسكو بعد بجانب الفندق مشي ٥ دقايق

وبنفس شارع الفندق متحف مدام تيسو

وبجانبنا بعد شارع بيكر المشهور للمطاعم مشي ١٠ دقايق بس وموجود فيه بعد متحف شارلوك هولمز

وحديقة الريجنت بعد بجانبنا مشي ١٠ دقايق

باختصار موقع الفندق وايد مميز وغرفه نظيفة وواسعه والحمام فيه شطاف ماي

DSC_0619the landmark

وراح اكتب تجاربي للمطاعم والكافيهات والمتاحف بلندن

%d bloggers like this: