مطعم همبرجه مشهور بستيشن البرغر اللي اييون يطبخون البرغر بالبيت لايف
حاليا افتتح له مطعم جديد في المنقف
ويقدم المطعم انواع البرغر لحم ودجاج والحجم الكبير والميني مع المقبلات
المطعم صغيرون فيه شويه طاولات والديكورات شغلات ملوت اول
سيغا وغراندايزر وخالتي قماشة وكراش
ذكريات الطفولة 🙂
طلبنا المقبلات وكانت حلقات بصل
وصلتنا الطاوله حاااره ومقرمشه حبيناها
البطاط بالجبن وااايد لذيذ ومقرمش فريش
وطعم الجبن مثل جبن الناشوز السايح
اجنحه دجاج البافلو كانت عاديه مثل اي اجنحه تقدم بالمطاعم الثانيه وحجمها صغير
شيكن فيليه همبرجه بالحجم العادي مو الميني
الديايه تررررفه تذوووب وااايد لذيذه الساندويش حبيتها
والصمونه بعد لينه وترفه مع صوص همبرجه اهو مقارب للثاوزند ايلاند
لازم تجربونها على ضمانتي 🙂
برجر همبرجه
برغر وجبن وصلصه همبرجه حلوه واهي حاره بس لا تبرد
لان كلناها واهي حاره لذيذه بس بعد التصوير بردت وصارت عادية
يقدمون بعد برغر بالحجم الميني
جربنا برغر شاورما الدجاج كانت مشويه ومعاها صلصه الشاورما وايد حلوه
بس حبينا الدجاج المقلي اكثر كان اتررف وجوسي اكثر
ميني دجاج بافلو عجيييبه
عندهم الدجاج المقلي خيااالي يذووب
هوت دوغ بالجبنه كانت عادية
المطعم توه فاتح جديد وقدموا لنا الاطباق بعلب التيك اوي لانه لي الحين بالافتتاح الاولي
اللي ساكن قريب عالمنقف يفضل ياكل فيه والاكل حار اما اللي منطقته بعيده عندهم توصيل للبيت
وعندهم طبعا الستيشن لليمعات والعزايم وايون لكم البيت
عنوانهم المنقف قطعة ٤ شارع ٢٥
22211555
كل الشكر عالدعوه والاكل اللذيذ
How the color is yellow
This is potato bun made from potatoes i think thats why its yellow