Archive | May, 2017

Saffron by Jena مطعم زعفران في باب البحرين

23 May

DSC05233saffron

اللي يزور البحرين لازم يتريق في باب البحرين بالمنامة

المكان وااايد شرح وحلو الصبح النور يدخل بالمجمع من كل مكان

وفيه مطاعم تقدم الريوق الشعبي البحريني

السنه اللي فاتت جربنا الريوق في كافيه نصيف بنفس المجمع

Naseef كافيه نصيف للريوق في مجمع باب البحرين

وهالمره قلنا نغير وجربناه في مطعم زعفران

DSC05221saffron

DSC05222saffron

القعده حلوه ومريحه وطلبنا ريوق زعفران

وصلتنا هذي الصينيه اللي بالصوره

فيها البلاليط والفاصوليا والشكشوكه والروب العسل والفول

مع صمون زنجباري بالجبن وصاج المهياوه وصمون الكباب بالمتاي

طلبنا بعد غوري كرك

الصراحة شي لذيذ والاجواء حلوة

اضغط عالصوره لمشاهدة اكبر واوضح

DSC05232saffron

وقت الفاتوره اييبون لك شوت زعفران

الصراحه طعمه عطر كان مو شي

الظاهر مكثرين ماي الزهر فيه

DSC05237saffron

مطعم زعفران في باب البحرين

المرتهشة في باب البحرين

22 May

DSC05214المرتهشة

الصراحة المرتهشة في سوق باب البحرين شي جميييل

وياخذ القلب منظرها خيااالي

لازم اللي يروح يصورها ويصور معاها من جمالها

وهذي نبذة عنها للي حاب يعرف اكثر

المقاله من وكالة الانباء البحرينيه

لمنامة في 4 مارس / بنا / ضمن فعاليات مهرجان ربيع الثقافة 2017، دشن مساء اليوم السبت النموذج التركيبي لقطعة “المرتهشة” بدعم من مجموعة جي إف إتش المالية وذلك في منطقة باب البحرين في العاصمة المنامة، نظراً لارتباط المنطقة بتاريخ صناعة وتجارة الذهب في البحرين.

وبهذه المناسبة صرحت معالي الشيخة ميّ بنت محمد آل خليفة رئيسة هيئة البحرين للثقافة والآثار بأن نموذج المرتهشة الذي يستقبل زوّار المنامة من باب البحرين، سوف يضيف إلى جمال وعراقة المكان رونقاً تراثياً يجسد شعار هيئة الثقافة لهذا العام “آثارنا إن حكت”. وأضافت معاليها: منطقة باب البحرين التي تخبر عن تاريخ المملكة عبر المبنى الذي يضم مكتب المغفور له بإذن الله تعالى الشيخ سلمان بن حمد آل خليفة حاكم البحرين، ومركز المعلومات بالإضافة لدائرة البريد والمقاهي التراثية والهند الصغيرة، تجذب اليوم السائح والزائر بصورة مختلفة إذ تجسد المرتهشة عراقة صناعة الحلي والذهب والتي اشتهرت بها المنامة منذ عقود”.

DSC05212المرتهشة

DSC05217المرتهشة

DSC05218المرتهشة

جمييييل 🇧🇭 #باب_البحرين #البحرين #المرتهشة #المرتهشه

A post shared by Kaifii Blog (@kaifiiblog) on

DSC05213المرتهشة

المصدر

Hash House مطعم هاش هاوس التايلندي في البحرين

22 May

DSC05116hash house

مطعم هاش هاوس التايلندي في العدلية بالبحرين

المطعم هذا شكله من بره مو مكتوب عليه اسم المطعم

في شارع العدليه المشهور بالمطاعم

DSC05115hash house

DSC05114hash house

المكان بسيط وحلو

DSC05098hash house

Lemongrass Juice

عصير الليمون غراس

كان لذيذ ومنعش وتقديمه جدا مميز

والجبل اللي بالنص هذا ثلج مجروش

DSC05105hash house

ليمون بالنعناع كان حده مضبوط ولذيذ

DSC05102hash house

Tom Yum

توم يام خضار هم لذيذه

DSC05094hash house

Papaya Salad

سلطه البابايا سبايسي لذيذه

DSC05108hash house

Chicken satay

اسياخ الدياي الساتاي بصلصه الفول السوداني كان جيد

DSC05106hash house

Fried Rice

العيش المقلي بالبيض والربيان كان تقديمه حلو

بس مشكلته بالربيان كان بذيله يعني وانت تاكل العيش تعال قشر الربيان العاده بالفرايد رايس يكون الربيان مقشر وجاهز للاكل

DSC05112hash house

Shrimp Tempura

ربيان مقلي كان زفر شوي

DSC05110hash house

DSC05097hash house

DSC05093hash house

تجربه تايلنديه لذيذه في هاش هاوس

والاسعار كانت مناسبه ارخص من المطاعم التايلنديه بالكويت بوايد

هاش هاوس بالعدلية بالبحرين

DSC05113hash house

تكا بوشنب المحرق – مشويات بحرينية

21 May

DSC05145tikka

البحرين مشهوره بالمشويات وخاصه التكا البحرينيه

شي لذيذ واعرف ناس يروحون البحرين ياكلونها ويردون

المميز بتكتهم نكهتها باللومي الاسود لذيييذه وهم التكا نفسها ترررفه وجوسيه

طبعا لازم تاكلها حارا بحزتها

ودايما ناخذ من تكا بوشنب في المحرق المكان بسيط لكن التكا عنده خطيييره

وهذا فيديو داخل المطعم صورته لعيونكم

DSC05144tikka

Fraser Suites Bahrain تجربتي لفندق فريزر سويتس السيف البحرين

21 May

DSC05146fraser suites

 زرنا البحرين قبل اسبوع وسكننا في فندق

فريزر سويتس السيف

هذا الفندق يعتبر شقق فندقية وجربته في لندن وحبيناه

Fraser suites London تجربتي لفندق فريزر سويتس لندن

حجزت الفندق من موقعهم الرسمي طلع ارخص من كل مواقع الفنادق من بوكيننغ واغودا وغيره

المميز فيه انه في مجمع السيف والدخول للمجمع عن طريق اللوبي

ننزل المجمع في اي وقت للريوق او الغدا او السينما او للتسوق

والمجمع حلو فيه كل شي للاطفال والكبار

اضغط عالصور لوضوح اكبر

الصراحة تجربه ممتازه الفندق مريح ونظيف والخدمة خمس نجوم

وموقعه ممتااااز بمجمع السيف وبجانبه مجمع العالي تروح له مشي

اذا حصل لي اكرر السكن فيه بالمستقبل

bahrain.frasershospitality.com

Apadana مطعم ابادانا الايراني في لندن

16 May

من المطاعم اللي جربناها في لندن

مطعم ابادانا الايراني

بحثت بالنت عن مطعم تقييمه عالي ولقيت هذا

في لندن منطقة كينغستون

جربنا طبق الكباب كوبيده وطلبنا حبة اكسترا

كان وايد لذيذ

مرقة اللحم بالباذنجان وايد لذيذه ونااااطعة ماتتطوف

حكوكة حق التغمس 🙂

واخر شي استكانه جاي تنزل فيها الدهن 🙂

كانت تجربه لذيذة وممكن نكررها بالمستقبل والاسعار معقولة

D-Chooco قطع كاكاو بالنكهات

6 May

DSC_0619d-chooco

DSC_0621d-chooco

دي شوكو

مشروع كويتي متخصص بالكاكاو

عندهم ٣ انواع 

كاكاو بالفستق وكاكاو بالجوز الهند وكاكاو بالبرتزل او البسكوت المالح

الكاكاو نفسه واايد لذيذ ومبين من طعمه كواليتي وعالي الجوده

ترررف ويذوب بالحلج عجيب مع القهوة العربية 👌🏻

واسعارهم وايد حلوة 

هذا تلفونهم للطلب

99213372

@d-chooco

 

DSC_0675d-chooco

%d bloggers like this: