Archive | November, 2018

مطعم أنار للاكل الايراني بالكويت

29 Nov

DSC08099anaar

DSC08061anaar

كان غدانا اليوم من أنار كيترنغ للاكل الايراني

وصل الاكل في حافظات اكل بشكل مرتب وانيق جاهزة للتقديم

عندهم منيو كبيير وجربنا عدد من اطباقهم وما شاء الله الاكل وايد لذيذ

السلطه الشيرازيه مع صلصتها الحامضه كانت شي اساسي ولذيذ بالغدا

والروب بالخيار ناطع ولذيذ

طبق الكباب كوبيده وقطع الدجاج بالزعفران كان شي لذيييذ

وحبيت العيش بالكرز وكرات اللحم كان شي مميز

مرقه الباميه والشبزي شي خنين وناطع

وطبعا ماننسى الته جين اللي اهي كيكة الحكوكه بالدجاج كانت من ألذ الاطباق وابرزها عالطاوله

وختمناها بالحلوة فيها نكهه ماي الورد

اللي عنده عزيمه ويبي غدا يبيض الويهه الصراحه انصح في أنار كيترنغ

اكل ايراني عالي الجوده ولذيييذ والتقديم مميز وراقي

عندهم فرع في السالمية

وهذي ارقامهم للطلب والاستفسار

25663555

25663666

90067676

وهذا موقعهم الرسمي فيه المنيو والاسعار

anaarcatering.com

Akiba Dori مطعم اكيبا دوري الياباني في دبي

28 Nov

DSC07871akibadori

مطعم اكيبادوري مطعم ياباني في دبي اعتقد من المطاعم الجديدة اهناك

قريت عنه رفيوات حلوة قلت لازم اروح واجربه بنفسي

المطعم يقدم اطباق يابانيه كلاسيكية ومعاصرة

جربت الربيان المقلي الحار كان لذيذ

وعندهم صمونه لحم الواغيو المشهوره كانت جيدة ما حسيت بطعم اللحم لان الصلصه كانت طاغيه عليها  وحجمها صغير ماتشبع

وطبق دجاج الكاتسو كان الذ طبق بالنسبة لي الدياي ترف والمرقه لذيذه

وختمناها ب تاياكي الموزريلا بالكندر وكان خوش ختام

المطعم حلو بس غالي

Pullman تجربتي لفندق بولمان سيتي سنتر الديرة في دبي

28 Nov

DSC07852pullman

DSC07859pullman

في زيارتي السابقه لدبي وقع الاختيار على فندق بولمان سيتي سنتر الديرة

كان يوجد عليه عرض مميز مع طيران الامارتية

الفندق ٥ نجوم وقريب من المطار

وفي مجمع سيتي سنتر الديرة

الغرفة واسعه ومريحه ونظيفة وفيها كل مقومات الرفاهية من شاي وقهوة وشامبو وغيرها اللي متوفره في فنادق ال٥ نجوم

ميزته متصل بالمجمع ندخل للمجمع من الطابق الثاني للفندق

والمجمع كبير وفيه سينما ومطاعم عالمية وكارفور غير المحلات المتنوعه

ونصيحه اخذوه مع الريوق لان بوفيه الريوق وايد حلو وكبير ومتنوع

اختيار جميل وموفق

%d bloggers like this: