Archive by Author

Avene Thermal Spring Water

5 Apr

20140404-222540.jpg

..الصيف على الأبواب و بشرتنا بتحتاج عنايه خاصه

avene بخاخ

لمياه الربيع الحراريه ما كنت اقدر استغني عنه الصيف اللي طاف.. يبرد و ينعش و يرطب البشره.. له استخدامات عديده منها الطبيه ومنها اليوميه..

:استخداماته الطبيه

بعد العمليات الجراحيه.. لاحمرار البشره او الالتهاب ( مايعالجه بس يبرد عليه ويهديه ).. للاكزيما و الجلد المتقشر.. للبشره الحساسه وللحساسيه.. للحروق والحكه 👍

:واستخداماته اليوميه

بعد تنظيف البشره.. بعد الحلاقه او ازالة الشعر بالشمع.. بعد الرياضه.. للسفر.. للحروق وحروق الشمس.. لالتهاب حفاظ الاطفال.. و اخيراً وليس آخراً ك مثبت للمكياج 😉 انا احب احطه قبل احسه ينعنش البشره

البخاخ متوفر باغلب الصيدليات وسعره للحجم الكبير بحدود ال ٤ دنانير

20140404-222310.jpg

 

Lashes, Lashes, Lashes..

31 Oct

Lashes, Lashes, Lashes..

رمووووش رموووش رموش

السلام عليكم ورحمة الله وبركاته.. اليوم حبيت أفيدكم بتجربه ناحجه لمنتجين لتكثيف و تطويل الرموش.. و الحمدلله حاليا اثنينهم متوفرين بالكويت..

أول شي قريت بالمنتديات الخليجيه عن ماسكرا اسمها مافالا وقلت ببحث زياده عنها باليوتيوب و عند الاجانب في ناس تحط تجربتها قبل وبعد.. المهم جااان اطيح على ماسكرا أحلى و اضمن وسعرها مناسب وتقارن بالماسكرات اللي فوق ال30-70 دينار 🙂 وطيرااان بحثت عنها عندنا ولا يقولون انها كانت بفيسس وخلصت وماقاموا يوفرونها :.( عاد طلبتها من امازون سعرها تقريبا 10 ومع التوصيل كنت طالبه كذا وحده يمكن 12 دينار مو اكثر.. و الحين لقيتها عند بيضون وبنفس السعر .. اسمها

Talika lipocils

وهذي صورتها

بصراحه عجييبه بس تبي التزام أنا أستعملتها لما كنت مسافره ف كنت مواضبه عليها صبح و ليل قبل النوم لمده 28 يوم.. كثفت و طولت بس عاد ممكن يطلع رمش اطول من رمش 🙂 يعني مو مرتبين حيل بس مايبين و كيفه أهم شي تكثف و تؤدي الغرض.. و طبعا بعد ما تهدونها مثل كل منتجات العنايه راح ترد الرموش مثل سابق عهدها بعد فتره .. بس ليش نهدها؟ إحنا و لله الحمد تغذيتنا كلش مو صحيه ولما نغذي الرموش فتره و تصحصح ونرد نهد التغذيه خلاص راح ترد لأن المشكله فينا و بأكلنا مثل اللي يهتمون بشعرهم او بشرتهم فتره ولما يهدون الكريمات يبون النتيجه تظل على طول!! ما يصحش لازم العنايه تستمر هذا مو علاج لمشكله عشان كورس وخلاص! لا هذي تغذيه 🙂 و الحلو فيها ان ممكن تنحط قبل الماسكرا العاديه و للعلم هي مثل الجل الشفاف ولما تحطينها ترتب الرموش بعد..

 Mavala double lash و الماسكرا الثانيه هي نفسها اللي مدحوها بالمنتديات

جربتها وفعلا طلعت نايس وسعرها 7 الا ربع بالجوثن و اللي عنده احد رايح العمره خذيتها من هناك بشي و40 ريال يعني جريب نص السعر .. خذيت لي وحده ثانيه منهم سبير بصراحه احتريت على فرق السعر يعني نفس المنتج و ينباع بمحل قزاز يعني مو عند هنود عشان نقول ماعنده أجار غالي و هالسوالف! مادري ليش اسعارنا بكل شي دبل .. الله يعين

المهم بالنسبه لي حبيت تاليكا اكثر يمكن لأنها أول تجربه و فيها لاحظت الفرق بالبدايه ويمكن عشان شكلها أذرب ههههه و الحين استعمل الثنتين و عندي سبير منهم ثنتينهم أخاف يخلصون وما القى (( إدمان )) و ما استعملهمم كل يوم حاليا ع المزاج يوم وترك أو مره مافالا بالليل و تاليكا الصبح لأن مافالا تستعمل أصلا مره قبل النوم المفروض ..

و اتمنى لكم رموووش جميله و طويله و كثييفه 🙂 وسامحوني اذا طولت عليكم

@Mody__q8

monkey cookies كوكيز

26 Jul

 

monkey cookies

شغل بيت كويتي متخصص بالكوكيز 
 طلبته اليوم بجمعتنا كان لذيذ خصوصا لما سخنته بالمايكرويف وذابت المارشيميلوه ..
عنده وايد أنواع اللي شدوني كانت بالمارشميلو مع الهيرشي و النوتيلا هات .. لأني أفضل الاكل الدسم!

بصراحه الواحد يا ياكل شي يسوى ولا حسافه يمتن على خرابيط هههه

سعر الدرزن ب 4 دنانير
و بالنسبه للاسم العجييب فهو على قولته لأن القرد حيوان لطيف و مسلي و الكل يحبه.. وبصراحه أنا أشهد لأني أحبهم و أحسهم حدهم كيووووت طبعا القرود الصغار مو الغوريلات هههه

للطلب
Whatsapp 99310639

 

و أخليكم مع صور تجربتي 🙂

بوكس الكوكيز..

النوتيلا هات تيي ب كيس بهالطريقه..

Thanks Cute Loleta for the nice shots 🙂

Posted by: @Mody__q8  🙂

Maison de la Gaufre وافل للمنازل

25 Jun

Maison de la Gaufre
 ..للوافل البلجيكي

بحفلة نون كتكوتي حمودي حبيت أغير بالحلو و أييب شي يديد.. قال لي أخوي عن محل وافلز لرفيجه ايي اي مكان للبيت أو الشاليه.. أي مكان تبون.. فقلنا فرصه نجربه و منها أنقل تجربتي إن كانت ناجحه لكم 🙂

و الحمدلله كانت التجربه حيييل ناجحه و شغلهم لذيييذ ومرتب ..  استانسوا عليه الكبار قبل الصغار..

Maison de la Gaufre أسم المحل
أكاونته بتويتر و الانستغرام

@maisongaufre
رقمهم 55731110 للتوصيل
55731115 للمناسبات

أول شي عندهم حرمه أو ريال اللي إيي يسوي الوافلز وعلى حظنا كانت الحرمه مريضه و يانا الريال.. بس مافرقت وايد لأن حطيناه بصاله بروحه 🙂

عندهم كذا نوع نوع وافل بالفانيليا و الدارسين و الكاكاو و في نوع جديد تكون محشيه من داخل بس بصراحه اللي عجبوني هم الاوليات لانه يسويهم جدامنا اما المحشيه اييبها جاهزه بس يسخنها ويحط عليها اللي تبون..
الوافل تقدرون تنقون اي شي من النوتيلا و الكراميل والدارك و الوايت تشوكليت .. والتشوكليت السايح الحار.. و البرد أكييييد 🙂  أو حتى خاليه بروحها هم لذيذه وهي حاره ..
سعره للحبه دينار و مناسب بصراحه للي ايون البيت لأنها كامله مع البرد والحركات.. أنا طلبت 50 حبه و زاد لنا جم حبه من عنده يعطيه العافيه ..
و أقل شي ما أذكر جنه 30 أو 50 دينار للطلعه!

أخليكم مع الصور 🙂

عجينة الفانيليا و الدارسين و الكاكاو..

الكاكاو السايح ..

نوتيلاااا 🙂

هذي الوافل المحشيه كاكاو وفوقها برد الفانيليا ..

و هذي بدوره العسل سعييييده بوفلتها اللي مضبطتها على مزاجها 🙂

و هذا الباقي حطه لنا ببوكسات مرتبه لوقت ثاني ..

Photos are taken by @loleta__q8 and me  @mody__q8 🙂

Thanks mody for the tasty post 🙂 shawagteeenaaa

مشترياتي من مجموعة المرشود للطيب والعود

1 May

قبل جم يوم مدحوا لي شغله مثل الكريم وجل بنفس الوقت ((مادري شلون أوصفها )) المهم هي عباره عن كريم عطر بس ملمسه عجييب وناعم حيل يسمونه لمسة حرير ومدحوا لي منه عطر مناير..وهو  من مجموعة المرشود.. مو أطياب المرشود المعروفه!

هالمحل لشاب من عيال المرشود وهو اللي يسوي الخلطات و الكريمات بنفسه يعني منتجات كويتيه .. الله يوفقه يا رب و يزيد الانتاج الكويتي ويبارك بشبابنا

لما رحنا المعرض أنا وأختي شفنا محلهم بمعرض الاوتلت بأرض المعارض بمشرف.. ف سيدااا سألتهم عن مناير ولما شميته عجبني هادي وفي من نفس طقته اللي يسمونه لمسة حرير 3 انواع بالعود و عطرين ما أذكرهم بس أذكر مناير لاني خذيته و خذيت ا لعود حق الماما 🙂 ..

المهم و أنا أحوس طحت على خمريه للشعر عجبتني حيييل ميزتها انها مو مثل الخمريات المعتاده أحسها مخمره ههه لا هذي على عطر فرنسي حدها نايس عاد قلت بجربها للأمانه وإذا  طلعت أوكي بكتب عنها 🙂 و جربتها أمس ريحتها ماشاء الله كل شوي تهف علي   وللحين ماراحت 🙂  وبرد أخذ منه ثانيه لأنهم هم كانوا 3 أنواع ثنين عطر و وحده عود بروح عاد آخذ العطر الثاني ..العود أحسه ثقيل شوي.. و أمي بعد خذيت لها عطر مثلي و اليوم تمدحها بعد ..

وفي عندهم عطور فرنسيه و عربيه واااايد للي يحب الخلطات و أطقم هدايا و حركات على الطلب..

وللأمانه بعد أسعارهم واااايد مناسبه بالنسبه للشغل الكويتي .. توقعته أغلى بوايد!

 بس ماشاء الله الخمريه صج صج لا تطوووفكم 🙂

و أخليكم مع الصور ما أبي أقرق وايد ..

  

 

هذي صورة الخمريه

 و هذا لمسة حرير ((مناير)) ذرب للجنطه

  

و أخيرا مشترياتي .. طبعاً دبل لأمي الله يخليها لي 🙂

 By Mody

Chocolate Drops حلو قهوه

16 Apr

بما أن حبيبتي أم ريون لاهيه بأكلها الدايت 🙂 ف بكمل مشوارها بالحلو والكاكاوات ههه

 اليوم رحت معرض الوطنيه ولقيت جم شغله حلوه.. و حبيت أشارككم بهالتجربه

حلو قهوه شغل بيت كويتي 100% و الحلو فيه حشواته غريبه اللي ذقته و استغربته كان حلو القراصيا طعمه كان حلو مع اني مو ذاك مع القراصيا بس معروف عنها انها مفيده حيل و عندهم بعد بالتمر و الرهش و التوت و .. إلخ.. و سعرهم حلو العلبه فيها 36 حبه ب 6 دنانير و عطتني كوب هديه معاه 🙂 و في علبه كبيره ب 10 و الكيلو ب 9 و إيي بكرتون حلو نايس شكله حق الزوارات.. أخليكم مع الصور 🙂

 

 

 

 

حلو القراصيا أول لاين اللي بالنص 🙂

 

 

و هذا الكوب دشنته ب ال

sleepy tea 🙂 

  وهذا موقعهم تقدرون تطلبون منه

www.chocolate-drops.com

Dry Shampoo الشامبو الجاف

3 Apr

السلام عليكم ورحمة الله وبركاته..

قبل فتره قالت لي أختي عن الشامبو الجاف أي الشامبو عالناشف و حست معاها باليوتيب ولاحظنا كذا وحده تمدحه.. هذا الله يسلمكم يستعمل لشغلتين.. أول شي لما يكون شعرج مدهن ومالج خلق تغسلينه.. أو إذا تبين تنفشين شعرج و تعطينه حجم أو فوليوم أكثر .. في حالة التدهن ترشينه و هو عباره عن بودره مضغوطه و صغيره حييل عشان تمتص الدهن عقب تمشطينه أو تدلكينه عشان يروح اللون..و بالمثل اذا تبين تنفشينه .. عموما هالحركه مو يديده اذكر بنت أختي قالت لي ان بودره بيبي جونسون تنفع حق جذي بعد.. بس البودره ما تنفشه بس تمص الدهن و تخليه ملزق ههه

المهم يا حلوين دورته بكذا مكان وقالوا انه موجود بسيفورا .. طبعا استغفر الله سيفورا الافنيوز مادري شحقى يايبينه ماعندهم الا منتجاتهم و الباقي موجودين بكذا محل .. سيفورا معروف انه له منتجات حصريه لماركات وايد.. (( حدهم غاثيني لا تلوموني كل ما ادور عندهم شي ما القاه و الماركات الزينه مو يايبيين منها شي يبطون الجبد)) وعموما لما رحت لسيفورا قالوا لي مخلص وراح ايي بعد فتره .. ف طلبته من صديقتي حبيبتي كانت بكندا ويابته لي معاها.. هذي صورته

مع الاستعمال حسيته للنفش غالبا مو للشعر الدهني ف حلو يستعمل للي شعرها يهبط بسرعه لما تستشوره..

المهم الخبر الحلو .. ان وانا افتر ببوتس قبل جم يوم جان القاهم يايبين ماركه ثانيه و القرشه شكبرها و بنص سعر هالنتفه (( اللي من كندا سعره تقريبا 3 دنانير)) و ببوتس قرشته دبلات الحجم بدينار ونص!!.. و لما جربته أحلى من هذا بوايد 🙂 و اللي ببوتس في كذا نوع بكذا عطر خذيت منهم واحد فيه شيمر ذهبي و واحد بعطر .. كان ودي أخذ كل الانواع 🙂 بس قلت أجربهم أول 🙂 لا يطيحون بجبدي

شوفوا الفرق بالحجم

Via Mody

The November Bakery تجربتي من

23 Feb

كيك.. كيك.. كيك..

السلام عليكم ورحمة الله وبركاته..

أمس أختي طلبت لنا من

The November Bakery

 و حبيت أوريكم الأوردر لأن عادة اللي نشوفه بالموقع شي و اللي يوصل البيت شيء آخر تماما..

بس الحمدلله هالمره ضبطت 🙂

طلبت منهم كيكة طبقات مع ورده جوريه أون توب .. مدحوا لها ال

 Red Velvet

 

 حجمها صغير تعتبر ميني طبقات .. بس كفت و زادت وبقى منها وايد لأنها دسمه ف تاكلون قطعه صغيره تشبع و طعمها لذيييذ..

بس كانت طالبه لون الورده و الكتابه بالفوشي ويابوه لها وردي فاتح و الورده كانت مذويه شوي ف إذا بتطلبونها ركزوا على هالشغله المفروض تكون الورده فريش..

 

الله .. آخر صوره حدها يميييي بروح آكل القطعه اللي خشيتها حقي.. 🙂

 ….

Clarisonic Plus أحسن فرشه لتنظيف البشره

21 Feb

من زمان ببالي اسوي ريفيو عن فرشة Clarisonic Plus و توني بعد سنه تقريبا يالله كتبته ههه

هذي الفرشه الله يسلمكم لتنظيف الوجه و الجسم.. بس ميزتها عن باجي الفرش انها عباره عن اهتزازات سريعة ( 300 حركه بالثانيه غير الدوران ) نفس تكنيك السوني كير للي عنده فرشه أسنان فيليبس العجيبه .. المهم هذي الاهتزازات تنظف البشره تنظيف عميق خلال دقيقه وحده بس !

مميزاتها:

بإذن الله:

1) راح تقلل المسام و تصغر حجمها

2) بما انها تنظف بعمق.. راح تخلي البشره تتشرب أي كريم أو ماسك للعنايه بالبشره أكثر

3) تقلل شكل الخطوط و التجاعيد

4) تقلل المناطق الدهنيه و الجافه

5) زينه لكل أنواع البشره حتى الحساسه و اللي فيها حبوب ..

المشكله انها مو موجوده عندنا 😦

ف طلبتها من أمازون و كلفتني تقريبا 65 دينار .. لأن سعرها أرخص شي بأمازون 195 دولار .. ولا تنسون التوصيل و أرامكس المجرمين .. ( لما طلبتها ماكانت موجوده بعد ما يندرى يمكن أحد المحلات تعطف وياب لنا شي مفيد كعادتهم خخخخ )

أي و في نوعين منها.. هذي اللي هي كامله للوجه و الجسم و في ثانيه أسمها Clarisonic Mia للوجه فقط!

الحلو ب ميا ان شاحنها أحلى 🙂 و حجمها أصغر كيووته حدها بس عيبها مافيها فرشه للجسم .. (عموما نادرا ما استخدم فرشه للجسم لأنها تطير الشحن بسرعه) و الشغله الثانيه .. المفروض ان تخلين الفرشه علي الجبهه كلها 20 ثانيه و الخشم و الحنج 20 ثانيه و على كل خد 10 ثواني .. Plus تطلع صوت كل ما يمر هالوقت أول 20 ثانيه و بعدين 20 ثانيه و عقب 10 ثم 10 🙂

أما Mia ما فيها هالميزه عشان جذي ما طلبتها .. اللي لها خلق تعد الثواني أنا أرشح لها ميا لأن حجمها أصغر و سعرها أرخص بواااايد من البلس و أحلى شي شاحنها حده كيوت و صغيرون..

وهذي صورة تبين الحجمين..

بالنسبه لتجربتي ..

بصراحه ما ندمت للحظه اني شريتها حدها عجييبه و صج تسنع البشره.. طبعا مالاحظت اختلاف خيالي بس حسيت بشرتي تتنفس والمسامات اللي على الخشم تقريبا اختفت 🙂 عموما من قبل كنت متوقعه انها تكون زينه و فعاله لأني مجربه هالتقنيه بفرشة أسنان Sonicare from Philips و هالفرشه معروفه تخلي الاسنان تلق 🙂

و لما كنت أبحث عنها لقيت واااايد ريفيوات عنها باليوتيوب و حتى الميك أب قوروز يستخدمونها بروتين العنايه اليومي مالهم لدرجه ان واحد يتحجى عنها جنه عادي موجوده بكل بيت عند كل شخص من كثر ما سوت ضجه بأمريكا ..

و من كثر ما عجبتني رديت طلبت من نفس الماركه Clarisonic Opal هذي جنه تكلموا عنها ببرنامج دكتورز .. طبعا طلبت لي و لخواتي حبيباتي.. و أوبال هذي نفس طريقة الاهتزازات بس هذي لها راس مو فرشه تحطين فيها الكريم و تستعمل لتحت العين و أي مكان بالوجه تبين الكريم يغوووص فيه .. هم هذي نايس للي عندهم سيوله ويبون يعتنون ببشرتهم ..

و آخر شغله بالنسبه لل Clarisonic Plus … تراها زينه للرياييل و الحريم مو عشان للعنايه بالبشره بس للحريم لا يبا هم سحنة الرياييل يبي لها فرك هههههه ف اللي تطلبها تطلب راس فرشه زياده حق ريلها

و دمتم سالميين

%d bloggers like this: