Archive | Accessories RSS feed for this section

Moment عدسات تصوير محترفه للايفون

11 Feb


عدسات مومينت الجديده للايفون ٧ و٧ بلس

تصور صور عاليه الجوده وقريبه من صور كاميرا الدي اس ال ار

متوفره ٤ عدسات مختلفه 

Wide / macro / fish eye / tele (zoom)

وموفرين معاهم الكڤر الخاص للعدسه فيه زر التصوير 

وموفرين بعد كفر مع بطاريه للي حاب شحن زياده للتلفون 

وفي بعد ستراب او حامل للايفون 

كل قطعه تنباع بروحها وفي باكجات بعد تشمل اكثر من قطعه

رابط الطلب

Selfly كفر للتلفون وبنفس الوقت طيارة للتصوير

6 Feb


طياره صغيره او درون لتصوير السيلفي وتصور فيديو عالي الجوده 

حجمها جدا صغير وضعيف لدرجة انها سووها كفر للتلفون 

وتكون معاك بكل مكان اذا حاب تصور سيلفي

الطياره تطير بنفسها بشكل تلقائي عالاعدادات اللي انت مختارها 

وتصور الفيديو بدون اهتزاز والصور بدقه واضحه 

تتناسب مع كل التلفونات اللي حجمها من ٤-٦ بوصه 

وتتناسب مع الابل والاندرويد

متوفر منها اللون الاسود والابيض 

وسعرها ١٤٠ دولار حوالي ٤٠ دينار كويتي

عليها طلبات مسبقه بالرابط 

المصدر والطلب

Car iPocket جيب جانبي لحفظ الاغراض بالسياره

1 Feb


جيب من الجلد شكله انيق 

يوضع بالسياره لحفظ الاغراض 

خاصه الفتحه هذي بالسياره مامنها فايده ودايما تطيح فيها الاغراض

الصراحة الجيب حل مثالي لسد الفتحه وحفظ اللي تبيه فيه بنفس الوقت 

سعرها ٢٠ دولار وتوصل من امريكا لكل دول العالم 

المصدر والطلب

CMRA كاميرا لساعه ابل 

29 Jan


CMRA

كاميرا لساعه ابل 

تبدل سير الابل وتركب الكاميرا 

فيها كامرتين تصور بقوة ٨ ميغا

والثانيه كاميرا اماميه للوجهه تصور بقوه ٢ ميغا 

وتصور بعد فيديو اتش دي عالي الجوده 

ممكن تصور سيلفي او تسجل فيديو وانت ماشي بالساعه وينزل دايركت بايفونك 

في احجام والوان لاسوار الكاميرا 

وسعرها ١٧٠ دولار حوالي ٥٢ دينار 

وعليها طلبات مسبقه من امريكا 😎

المصدر والطلب

Air Bar حول شاشه اي لاب توب الى شاشه تعمل باللمس

29 Jul


Air Bar

قطعه اير بار تحول شاشة اي لاب توت الى شاشة تعمل باللمس 

Touch screen

 اير بار يعمل عن طريق اصدار الضوء الغير مرئي على شاشه اللاب توب وبذلك يسمح بلمس الشاشه 

يعمل بدون الحاجة لبرنامج تثبيت فقط ادخاله في منفذ اليو اس بي بكل بساطه وسرعه

القطعه حاليا تعمل على نظام ويندوز ٨ و١٠ وعلى الماك او اس اكس 

سعر القطعه ٦٩ دولار يعني حوالي ٢٠ دينار وله ٤ احجام  يناسب حجم الشاشه 

حاليا يوجد طلبات مسبقه والتوصيل نهايه شهر اغسطس

المصدر والطلب

Cavaraty مبارك عليكم الشهر من

16 Jun

DSC_0147

موقع كفراتي لاكسسوارات الاجهزة الذكية

ارسل لنا مبخر وايد حلو بمناسبة شهر رمضان المبارك

كل عام وانتو بخير وعساكم من عواده

www.cavaraty.com

DSC_0143 2

DSC_0145 2

Kaptivo جهاز يحول السبورة العاديه الى سبورة ذكية 

24 Apr

   
 كابتيڤو جهاز ذكي يحول اي سبوره بيضا الي سبورة ذكيه 

تركيبه سهل عالسبوره يتثبت 

ويصور كل الشرح اللي ينكتب عالسبوره 

ممكن ينتقل الشرح بالواي فاي الى ايفونك او كمبيوترك وتتابع الدكتور واهو يشرح حتى لو كنت بديره ثانيه 

ممكن تحفظ المحاضره على فايل بي دي اف وماله داعي تنقل اللي بالسبوره يوصل الشرح جاهز وممكن تعيد الفيديو وتشوف الخطوات اللي كتبها المدرس من البدايه لي النهايه. 
الجهاز ذكي فيه واي فاي وبلوتوث وكاميرا وذاكره 

ويشتغل عالمتصفح او ببرنامج عالابل والاندرويد

وسعره حوالي ٣٥٠ دولار

المصدر والطلب

Anker شاحن انكير الذكي للاجهزة الالكترونيه

14 Mar

DSC_0113anker

DSC_0114anker

موقع كفراتي ارسل لي فاوتشر هدية

وعلى طول طلبت من شاحن الانكير للاهل وطلبت حبتين منه

لان عندي واحد وممتاز جدا للشحن

المميز بشاحن انكير ان ذكي يرسل كميه الشحنه الصح المحدده من الشركات لكل جهاز

مثلا قوه شحن الايفون تختلف عن شحن الايباد

فاذا شحنت ايبادك على شاحن الايفون من ابل راح يرسل شحنه اضعف لان الشاحن مخصص للايفون وليس للايباد

اما شاحن انكير يوصل لكل جهاز الشحنه الصحيحه فالشحن فيه سريع جدا

USB وطلبت الشاحن ذو ٥ فتحات

يشحن ٥ اجهزه بنفس الوقت

متوفر منه شاحن ب ٦ فتحات للي عنده اجهزه اكثر

اشكر موقع كفراتي على توفير هذي الماركات الممتازه وعالفاوتشر

هذا رابط شاحن الانكير للي حاب يطلب منه

Anker – Cavaraty

www.cavaraty.com

DSC_0116anker

DSC_0118anker

التقط صور ثلاثيه الابعاد مع فولديو Foldio360

11 Feb

   
 
حق الناس اللي عندها بزنسس بسيط وحابه تصور منتجها من كل الزوايا بسعر رخيص وبالبيت وبالايفون 

منزلين قطعه فولديو٣٦٠ الذكية عباره عن قطعه بلاستيك 

تدور بشكل اتوماتيكي لالتقاط الصور من جميع الزوايا

تشبك عالايفون او الجهاز الذكي بالبلوتوث او بكاميرا الدي اس ال ار المحترفه 

وتتحكم فيها عن طريق البرنامج الخاص فيها 

يصور المنتج بكل الزوايا بشكل تلقائي ويدمج الصور لينتج صوره وحده ثلاثيه الابعاد 

بس تحتاجون فوليدو والبرنامج واستوديو صغير كله ب٤٠ دينار 

واذا حابين بس فولديو سعره حوالي ٢٥ دينار 

منتج امريكي وعندهم شحن لجميع دول العالم

  
للطلب والمصدر وفيديو المنتج

تطبيق شروه تسوق بسهوله وانت بالبيت

6 Jan

img_6973

تطبيق او برنامج شروه

فكرته بسيطه وسهله ان يضم منتجات متنوعه من السوق الكويتي وتقدر تتصفح فيه بكل سهوله وتشوف المنتجات بشكل واضح والصور حلوة والتفاصيل واضحه عن كل منتج

حاليا البرنامج فيه عده محلات للحلويات والموالح ومحل للالكترونيات

ارسلولي كوبون لتجربه الشراء من البرنامج

وكانت التجربه وايد سهله وممتعه بنفس الوقت

قدرت اتصفح بين افضل المنتجات مبيعا او الاشهر كله مقسم لي

وهم مقسم على حسب اذا كان حلويات او سلطات او عصاير يسهل علي البحث وايد

وكانت تفاصيل المنتجات واضحه مثلا حجم البوكس وعدد الحبات اللي فيه ومن شنو يتكون

والتوصيل بعد ساعه او ساعتين مذكوره

وهذي لقطات للبرنامج

 


اخترت بقلاة اسطنبولية

دايما نطلب منهم البقلاوة هشة وفريش ولذيذة

وهم يحطون لكم اطباق ثانيه من المنتج

يعطي الواحد خيارات متنوعه

اهم ميزة بالنسبه لي باي تطبيق اهو توفر خاصية الدفع بالكي نت

وهذي متوفره بتطبيق شروه

ممكن تدفع بالكي نت او الدفع لما يوصل الطلب للبيت كاش

ووصل لي مسج بالبرنامج عن تفاصيل طلبي بنفس الوقت

وهم عندهم ميزه المحادثة مع البائع او مع شروه

ووصلني الطلب البيت بعد ساعه تقريبا

DSC_0838baklava

DSC_0842baklava

خوش بقلاوة 🙂

هذا رابط تنزيل البرنامج من الاب ستور للايفون والغوغل ستور للجلكسي والاندرويد

Apple Store

Google Play

يعطيكم العافيه البرنامج وان شالله تزيدون المحلات بالمستقبل

Majazz مسكة ريمورا للتلفون من ماركة مجاز

1 Jan

DSC_0766cavaraty

ارسلت لنا كفراتي كعادتهم منتج جديد لتجربته

مسكة ريمورا للموبايل من ماركة مجاز

تدخل اصبع او اثنين تحت السير لتثبيت التلفون

او ممكن من خلال الحلقه

والحلقه ممكن تستخدم لتعليق المفاتيح او لتعليق التلفون عالرقبه بواسطه علاق

المنتج عملي ورخيص سعر الواحد ٣ دنانير

DSC_0767cavaraty

DSC_0764cavaraty

DSC_0773cavaraty

كل الشكر كفراتي عالمنتجات

www.cavaraty.com

Huawei Mate S جهاز هواوي ميت اس الجديد

17 Dec

DSC_0685huawei

DSC_0696huawei

شركة هواوي قدمت لنا جهاز هواوي ميت اس لتجربته

الجهاز جديد نزل بالاسواق في شهر ٩ هذي السنة

حبيت بالجهاز وزنه الخفيف اللي ما يتعدا ال١٥٥ غرام وكبر الشاشه ٥.٥ بوصة

والبصمة موجوده بخلف الجهاز تحت الكاميرا وايد يسهل فتح فقل الجهاز او التقاط الصور وغيره من المميزات

لون الجهاز حبيته باللون الذهبي ومعاه بالعلبه كفر حمايه من الجلد باللون الذهبي

الشاشه واضحه فل اتش دي وعليها حمايه الغوريلا ٤ المقاومة للخدوش

البروسيسور اوكتا كور والرام ٣ غيغا والبطاريه قدرتها ٢٧٠٠ مللي امبير للساعه

DSC_0658huawei

DSC_0666huawei

السماعات الهاند فري تصميمها مريح للاذن

الكاميرا الاماميه قوتها ٨ ميغابكسل لالتقاط صور السيلفي الواضحه

والكاميرا الخلفيه قوتها ١٣ ميغا بكسل

وسعه التخزين الداخليه للجهاز ٣٢ او ٦٤ او ١٢٨ غيغا

وممكن تركب مايكرو اس دي كارد خارجي لسعه ١٢٨ غيغا

الجهاز يشيل شريحتين تلفون السيم كارد بنفس الوقت

DSC_0693huawei

DSC_0684huawei

هواوي ميت اس يشتغل على نظام الاندرويد ٥.١ اللولي بوب

ومن الشغلات الجديده الحلوة فيه خاصية الاستشعار بمفاصل الاصابع

مثلا ممكن تكتب عالشاشه بمفصل اصبعك اول حرف من التطبيق ويفتحه لك بشكل مباشر

 M مثلا تكتب حرف

يفتح لك برنامج الميوزيك مباشره

وفي خاصيه الضغط عالشاشه بقوات مختلفه ممكن تفتح لك خيارات للبرنامج وغيرها

DSC_0717huawei

جهاز مميز وخفيف وانيق ومريح للعين

كل الشكر عالجهاز المميز

www.huawei.com

Magniband عدسة مكبره للتصوير للاجهزة الذكية بسعر زهيد

2 Dec

   
 
ماغني باند عباره عن عدسة مكبرة لكاميرا الهواتف الذكيه 

متصله بسير من المطاط اللي يناسب جميع انواع الاجهزة 

خفيف الوزن وعملي ورخيص بالسعر مايتعدا ال٣ دنانير 

اللي اخترع هذي الفكره ولد بعمر ال١٦ سنه وباع منه اكثر من ٤٠٠٠ قطعه 

عندهم توصيل للعالم 

يوصل لي بيتك مع سعر الشحن بسعر ٤ دنانير 

المصدر والطلب
   
 

Skybuds سماعات وايرلس وكڤر للايفون بنفس الوقت

18 Nov

  
سكاي بدز 

فكره جميله تدمج ٤ مميزات في واحد 

كڤر انيق وحماية للايفون 

فيه فتحات لسماعات وايرلس يتم تخزينهم بالكفر وبنفس الوقت يتم شحنهم وقت تخزينهم 

السماعات تشبك بالبلوتوث 

الكڤر فيه بطاريه تشحن الايفون والسماعات 

مفيد للي يحب يرد عالمكالمات بالسماعات او يستمع لمقاطع الصوت 

مميزات حلوة كلها بقطعه وحده ومتوفر منه ٣ الوان 

السلفر والسبيس غراي والذهبي لتناسب الايفون 

وسعره حوالي ٧٠ دينار 

وهذا رابط الطلب من امريكا

   
 

Crafty Robot روبوت صغير ورخيص للاطفال 

15 Oct

   
فكره حلوة لليهال يصنعون روبوتهم الخاص من رسمتهم الخاصه او من اي صوره ينزلونها من النت 

الفكره 

قطعه صغيره (الفيزبيت) تنشحن باليو اس بي وتتركب برسمة او مجسم وتخليه يتحرك بشكل عشوائي يعتمد على شكل القطعه 
القطعه بدون بطاريات بس تحتاج شحن ٣٠ ثانيه وتمشي ٣٠ ثانيه ورخيصه بدينارين 
يستانس الولد لما يشوف مجسماته تمشي وهم تفتح له باب الابداع 😁

 الطلب والفيديو

Cavaraty كفرات شفافه للايفون ماركة كفراتي

2 Oct

DSC_0506cavaraty

موقع كفراتي ارسل لي عيديه بمناسبة عيد الاضحى

فاوتشرات بقيمه ١٥ دينار على موقعهم الالكتروني

الظاهر كانو حاسين ان احتاج كفر جديد للايفون 🙂

طلبت كفرات شفافه ماركة كفراتي ما شاء الله مسوين لهم منتجات خاصه باسمهم

والكواليتي ممتازه واسعارهم معقوله تناسب كواليتي المنتج

DSC_0510cavaraty

DSC_0515cavaraty

DSC_0517cavaraty

افضل الكفرات الشفافه عالملونه لانها تظهر جمال الايفون من ناحيه الشكل او اللون

والهدف احمي الايفون بكفر خفيف وما اخفي او اغير شكله

حبيت الكفر وايد لدرجه اني رديت طلبت ٤ كفرات شفافه للاهل

عندهم اكثر من نوع شفاف – الصافي الكرستال الصلب والمطفي والربل الشفاف

DSC_0518cavaraty

DSC_0519cavaraty

وهذي الحماية اهي زجاجيه ومو نايلون او بلاسيك

كنت مستخدمتها بالسابق لجهازي بس كانت ماركة ثانيه بس نفس الفكره

جدا عمليه وتحمي شاشه الايفون وطاح مني اكثر من مره وتكسرت الحمايه

فطلبت منها

DSC_0523cavaraty

DSC_0526cavaraty

مشكورين كفراتي عالعيدية

خوش كفرات جدا ممتازه

احب موقعهم سهل التصفح ومنظم وفيه عدد منتجات ضخمه من ماركات عالميه

والتوصيل ثاني يوم يوصلكم البيت

وهذا موقعهم

www.cavaraty.com

Robo Wunderkind اصنع روبوتك الخاص وتحكم فيه بالايباد 

1 Oct

   

 من سنين الليغو موجود وكل اليهال يلعبون فيه 

نزلون الحين ليغو ذكي سهل التركيب لليهال ٤ سنين وفوق

ليغو روبوت ممكن يشكله الطفل باكثر من موديل  

وتتحكم فيه بالايباد يحدد الطفل مميزاته مثلا يستجيب للتصفيق او يحركه اي مكان او يقول مسج صوتي اذا احد دخل الغرفه وغيره من الشغلات الحلوة يقدر يختارها ببرنامجه عالايباد 

حلو يعلم الطفل الابتكار وينمي خياله 

حاليا في طلب مسبق عليه من امريكا بموقع كيكستارتر 

 

 المصدر والطلب

MobileFusion تصوير ثلاثي الابعاد في الايفون 

25 Aug

  
شركة مايكروسوفت بتنزل برنامج خاص للتصوير الثلاثي الابعاد على جهاز الايفون 

MobileFusion

ممكن عن طريق البرنامج انك تصور المنتج او الشخص او المنظر من كل الزوايا وبدون الحاجة لاي جهاز اضافي او وجود الانترنت او الشبكة 

والصور الثلاثيه الابعاد عاليه الجودة ويمكن استخدامها في العاب الفيديو او الطباعة الثلاثيه الابعاد 

المصدر والفيديو

Twin set افتتاح محل توين ست للازياء الايطاليه بالافينيوز

10 Aug

DSC_6103twin set

حضرت افتتاح محل الازياء الايطالي

توين ست

في الغراند افينيوز وتابع لشركة اليسرة للازياء

وهذي لقطات من المحل وتشكيلتهم

DSC_6077twin set

DSC_6062twin set

DSC_6064twin set

DSC_6066twin set

DSC_6059twin set

DSC_6082twin set

DSC_6095twin set

DSC_6097twin set

DSC_6086twin set

DSC_6088twin set

DSC_6108twin set

شكرا عالدعوة

www.alyasra.com

DSC_6118twin set

Labels On تصاميم مختلفه لاظرف العيادي للعيد

15 Jul

DSC_0070label on

DSC_0059label on

ليبل اون متخصصين بطباعة وتصميم الكروت والستكيرز

منزلين للعيد اظرف للعيادي

بتصاميم متنوعه وكل واحد يطلب على ذوقه

DSC_0063label on

داخل البوكس الصغير فيه

اظرف العيادي ونوعيته متينه مثل الكرتون

وحاطين فيه بطاقه المعايده لكتابه الاسم

وستكرات للاظرف

DSC_0066label on

الاظرف

DSC_0068label on

الستيكرات

DSC_0069label on

كروت المعايده

DSC_0075label on

مطرشين لي دزاينات وايد تناسب كل الاذواق

DSC_0077label on

سهله طريقة عمل الظرف

بس نطويه ونحط داخله بطاقه المعايده نكتب عليها اسمنا مع العيدية

ونلزقه من بره

وخارج الظرف نكتب اسم اللي بنعطيه العيدية

DSC_0072label on

DSC_0080label on

شغل مرتب وحلو ومتنوع

للي يبي اظرف للعيادي

هذا حسابهم الانستغرام

labels_on

ورقمهم

66702433

%d bloggers like this: