طياره صغيره او درون لتصوير السيلفي وتصور فيديو عالي الجوده
حجمها جدا صغير وضعيف لدرجة انها سووها كفر للتلفون
وتكون معاك بكل مكان اذا حاب تصور سيلفي
الطياره تطير بنفسها بشكل تلقائي عالاعدادات اللي انت مختارها
وتصور الفيديو بدون اهتزاز والصور بدقه واضحه
تتناسب مع كل التلفونات اللي حجمها من ٤-٦ بوصه
وتتناسب مع الابل والاندرويد
متوفر منها اللون الاسود والابيض
وسعرها ١٤٠ دولار حوالي ٤٠ دينار كويتي
عليها طلبات مسبقه بالرابط
جيب من الجلد شكله انيق
يوضع بالسياره لحفظ الاغراض
خاصه الفتحه هذي بالسياره مامنها فايده ودايما تطيح فيها الاغراض
الصراحة الجيب حل مثالي لسد الفتحه وحفظ اللي تبيه فيه بنفس الوقت
سعرها ٢٠ دولار وتوصل من امريكا لكل دول العالم
Air Bar
قطعه اير بار تحول شاشة اي لاب توت الى شاشة تعمل باللمس
Touch screen
اير بار يعمل عن طريق اصدار الضوء الغير مرئي على شاشه اللاب توب وبذلك يسمح بلمس الشاشه
يعمل بدون الحاجة لبرنامج تثبيت فقط ادخاله في منفذ اليو اس بي بكل بساطه وسرعه
القطعه حاليا تعمل على نظام ويندوز ٨ و١٠ وعلى الماك او اس اكس
سعر القطعه ٦٩ دولار يعني حوالي ٢٠ دينار وله ٤ احجام يناسب حجم الشاشه
حاليا يوجد طلبات مسبقه والتوصيل نهايه شهر اغسطس
موقع كفراتي لاكسسوارات الاجهزة الذكية
ارسل لنا مبخر وايد حلو بمناسبة شهر رمضان المبارك
كل عام وانتو بخير وعساكم من عواده
كابتيڤو جهاز ذكي يحول اي سبوره بيضا الي سبورة ذكيه
تركيبه سهل عالسبوره يتثبت
ويصور كل الشرح اللي ينكتب عالسبوره
ممكن ينتقل الشرح بالواي فاي الى ايفونك او كمبيوترك وتتابع الدكتور واهو يشرح حتى لو كنت بديره ثانيه
ممكن تحفظ المحاضره على فايل بي دي اف وماله داعي تنقل اللي بالسبوره يوصل الشرح جاهز وممكن تعيد الفيديو وتشوف الخطوات اللي كتبها المدرس من البدايه لي النهايه.
الجهاز ذكي فيه واي فاي وبلوتوث وكاميرا وذاكره
ويشتغل عالمتصفح او ببرنامج عالابل والاندرويد
وسعره حوالي ٣٥٠ دولار
موقع كفراتي ارسل لي فاوتشر هدية
وعلى طول طلبت من شاحن الانكير للاهل وطلبت حبتين منه
لان عندي واحد وممتاز جدا للشحن
المميز بشاحن انكير ان ذكي يرسل كميه الشحنه الصح المحدده من الشركات لكل جهاز
مثلا قوه شحن الايفون تختلف عن شحن الايباد
فاذا شحنت ايبادك على شاحن الايفون من ابل راح يرسل شحنه اضعف لان الشاحن مخصص للايفون وليس للايباد
اما شاحن انكير يوصل لكل جهاز الشحنه الصحيحه فالشحن فيه سريع جدا
USB وطلبت الشاحن ذو ٥ فتحات
يشحن ٥ اجهزه بنفس الوقت
متوفر منه شاحن ب ٦ فتحات للي عنده اجهزه اكثر
اشكر موقع كفراتي على توفير هذي الماركات الممتازه وعالفاوتشر
هذا رابط شاحن الانكير للي حاب يطلب منه
حق الناس اللي عندها بزنسس بسيط وحابه تصور منتجها من كل الزوايا بسعر رخيص وبالبيت وبالايفون
منزلين قطعه فولديو٣٦٠ الذكية عباره عن قطعه بلاستيك
تدور بشكل اتوماتيكي لالتقاط الصور من جميع الزوايا
تشبك عالايفون او الجهاز الذكي بالبلوتوث او بكاميرا الدي اس ال ار المحترفه
وتتحكم فيها عن طريق البرنامج الخاص فيها
يصور المنتج بكل الزوايا بشكل تلقائي ويدمج الصور لينتج صوره وحده ثلاثيه الابعاد
بس تحتاجون فوليدو والبرنامج واستوديو صغير كله ب٤٠ دينار
واذا حابين بس فولديو سعره حوالي ٢٥ دينار
منتج امريكي وعندهم شحن لجميع دول العالم
تطبيق او برنامج شروه
فكرته بسيطه وسهله ان يضم منتجات متنوعه من السوق الكويتي وتقدر تتصفح فيه بكل سهوله وتشوف المنتجات بشكل واضح والصور حلوة والتفاصيل واضحه عن كل منتج
حاليا البرنامج فيه عده محلات للحلويات والموالح ومحل للالكترونيات
ارسلولي كوبون لتجربه الشراء من البرنامج
وكانت التجربه وايد سهله وممتعه بنفس الوقت
قدرت اتصفح بين افضل المنتجات مبيعا او الاشهر كله مقسم لي
وهم مقسم على حسب اذا كان حلويات او سلطات او عصاير يسهل علي البحث وايد
وكانت تفاصيل المنتجات واضحه مثلا حجم البوكس وعدد الحبات اللي فيه ومن شنو يتكون
والتوصيل بعد ساعه او ساعتين مذكوره
وهذي لقطات للبرنامج
اخترت بقلاة اسطنبولية
دايما نطلب منهم البقلاوة هشة وفريش ولذيذة
وهم يحطون لكم اطباق ثانيه من المنتج
يعطي الواحد خيارات متنوعه
اهم ميزة بالنسبه لي باي تطبيق اهو توفر خاصية الدفع بالكي نت
وهذي متوفره بتطبيق شروه
ممكن تدفع بالكي نت او الدفع لما يوصل الطلب للبيت كاش
ووصل لي مسج بالبرنامج عن تفاصيل طلبي بنفس الوقت
وهم عندهم ميزه المحادثة مع البائع او مع شروه
ووصلني الطلب البيت بعد ساعه تقريبا
خوش بقلاوة 🙂
هذا رابط تنزيل البرنامج من الاب ستور للايفون والغوغل ستور للجلكسي والاندرويد
يعطيكم العافيه البرنامج وان شالله تزيدون المحلات بالمستقبل
ارسلت لنا كفراتي كعادتهم منتج جديد لتجربته
مسكة ريمورا للموبايل من ماركة مجاز
تدخل اصبع او اثنين تحت السير لتثبيت التلفون
او ممكن من خلال الحلقه
والحلقه ممكن تستخدم لتعليق المفاتيح او لتعليق التلفون عالرقبه بواسطه علاق
المنتج عملي ورخيص سعر الواحد ٣ دنانير
كل الشكر كفراتي عالمنتجات
شركة هواوي قدمت لنا جهاز هواوي ميت اس لتجربته
الجهاز جديد نزل بالاسواق في شهر ٩ هذي السنة
حبيت بالجهاز وزنه الخفيف اللي ما يتعدا ال١٥٥ غرام وكبر الشاشه ٥.٥ بوصة
والبصمة موجوده بخلف الجهاز تحت الكاميرا وايد يسهل فتح فقل الجهاز او التقاط الصور وغيره من المميزات
لون الجهاز حبيته باللون الذهبي ومعاه بالعلبه كفر حمايه من الجلد باللون الذهبي
الشاشه واضحه فل اتش دي وعليها حمايه الغوريلا ٤ المقاومة للخدوش
البروسيسور اوكتا كور والرام ٣ غيغا والبطاريه قدرتها ٢٧٠٠ مللي امبير للساعه
السماعات الهاند فري تصميمها مريح للاذن
الكاميرا الاماميه قوتها ٨ ميغابكسل لالتقاط صور السيلفي الواضحه
والكاميرا الخلفيه قوتها ١٣ ميغا بكسل
وسعه التخزين الداخليه للجهاز ٣٢ او ٦٤ او ١٢٨ غيغا
وممكن تركب مايكرو اس دي كارد خارجي لسعه ١٢٨ غيغا
الجهاز يشيل شريحتين تلفون السيم كارد بنفس الوقت
هواوي ميت اس يشتغل على نظام الاندرويد ٥.١ اللولي بوب
ومن الشغلات الجديده الحلوة فيه خاصية الاستشعار بمفاصل الاصابع
مثلا ممكن تكتب عالشاشه بمفصل اصبعك اول حرف من التطبيق ويفتحه لك بشكل مباشر
M مثلا تكتب حرف
يفتح لك برنامج الميوزيك مباشره
وفي خاصيه الضغط عالشاشه بقوات مختلفه ممكن تفتح لك خيارات للبرنامج وغيرها
جهاز مميز وخفيف وانيق ومريح للعين
كل الشكر عالجهاز المميز
ماغني باند عباره عن عدسة مكبرة لكاميرا الهواتف الذكيه
متصله بسير من المطاط اللي يناسب جميع انواع الاجهزة
خفيف الوزن وعملي ورخيص بالسعر مايتعدا ال٣ دنانير
اللي اخترع هذي الفكره ولد بعمر ال١٦ سنه وباع منه اكثر من ٤٠٠٠ قطعه
عندهم توصيل للعالم
يوصل لي بيتك مع سعر الشحن بسعر ٤ دنانير
موقع كفراتي ارسل لي عيديه بمناسبة عيد الاضحى
فاوتشرات بقيمه ١٥ دينار على موقعهم الالكتروني
الظاهر كانو حاسين ان احتاج كفر جديد للايفون 🙂
طلبت كفرات شفافه ماركة كفراتي ما شاء الله مسوين لهم منتجات خاصه باسمهم
والكواليتي ممتازه واسعارهم معقوله تناسب كواليتي المنتج
افضل الكفرات الشفافه عالملونه لانها تظهر جمال الايفون من ناحيه الشكل او اللون
والهدف احمي الايفون بكفر خفيف وما اخفي او اغير شكله
حبيت الكفر وايد لدرجه اني رديت طلبت ٤ كفرات شفافه للاهل
عندهم اكثر من نوع شفاف – الصافي الكرستال الصلب والمطفي والربل الشفاف
وهذي الحماية اهي زجاجيه ومو نايلون او بلاسيك
كنت مستخدمتها بالسابق لجهازي بس كانت ماركة ثانيه بس نفس الفكره
جدا عمليه وتحمي شاشه الايفون وطاح مني اكثر من مره وتكسرت الحمايه
فطلبت منها
مشكورين كفراتي عالعيدية
خوش كفرات جدا ممتازه
احب موقعهم سهل التصفح ومنظم وفيه عدد منتجات ضخمه من ماركات عالميه
والتوصيل ثاني يوم يوصلكم البيت
وهذا موقعهم
شركة مايكروسوفت بتنزل برنامج خاص للتصوير الثلاثي الابعاد على جهاز الايفون
MobileFusion
ممكن عن طريق البرنامج انك تصور المنتج او الشخص او المنظر من كل الزوايا وبدون الحاجة لاي جهاز اضافي او وجود الانترنت او الشبكة
والصور الثلاثيه الابعاد عاليه الجودة ويمكن استخدامها في العاب الفيديو او الطباعة الثلاثيه الابعاد
محل كفراتي لاكسسوارات الاجهزة الذكية ارسل لي منتجين لتجربتهم
كفر او حماية لساعة الابل
الكفر شفاف من مطاط او بلاستيك المرن
افضل الكفرات الشفافة لانها ماتخفي جمال المنتج سواء كان ساعة او ايفون
للاسف ماشريت ساعة ابل الى الان لكن مخططين لشرائها بالمستقبل القريب
راح اخشه لما توصل الساعة
سماعة سبيكر من ماركة ميباو بالحجم الميني اللي تشتغل بالبلوتوث
السماعه تشبك على اي نوع كمبيوتر او لاب توب او جهاز ذكي مثل الايفون او الجلكسي وغيره
وممكن يشبك جهازين ايفون على السماعة بنفس الوقت
السماعة صوتها عالي وواضح على الرغم من حجمها الصغير
وممكن تشغل ملفات الصوت الاوديو فيها
وممكن تستخدمها سبيكر لمكالمات التلفون ترد عالناس من خلالها تفيد في الاجتماعات وغيره
تنشحن عالكهربا ومده تشغيلها ٩ ساعات متواصله
حاليا مسوين عليها تنزيلات
هذا موقعهم فيه كل الاكسسوارات وعندهم توصيل للمنزل للكويت وباقي دول الخليج
كل الشكر لمحل كفراتي عالمنتجات
موقع اجار اونلاين موقع يسهل عالمؤجر والمستأجر دفع الاجار شهريا
الموقع يرسل مسج تذكير للمستأجر بدفع الاجار ببداية كل شهر
يوفر عالمالك انه يروح ويذكر المسأجرين بدفع الاجار كل شهر
والدفع يكون عن طريق الكي نت بالتلفون او الكمبيوتر والموقع عليه حماية فما تحاتي تدفع اونلاين
والمبلغ يروح للمالك مباشره بحسابه البنكي
سواء كنت بالديره او مسافر ما تتأخر بالدفع
وترسل فاتورة الكترونية للطرفين لتضمن حق الاثنين
بس لازم الطرفين يسجلون بالموقع عشان يقدرون يستخدمون هالمميزات
موقع جدا مفيد احب الشغلات اللي تسهل عالواحد الدفع بدال لا تسحب نقدي وتسلم للمالك اذا موجود او لا
والعكس للمالك يركض ورا المستأجر للدفع
يعطيكم العافية عالمواقع الحلوة موفقين
كفراتي دوت كوم اهو موقع متخصص باكسسوارات الموبايلات بانواعها
منزلين منتجات ماركة كفراتي
ارسلولي ٣ من منتجاتهم وايرات شحن للايفون والايباد والايبود
في منها طولها متر ومنها طولها ٣ امتار ومنها مع ادابتر
كيبل الشحن معتمد من ابل وكواليتي بنفس الوقت
شي حلو الواحد يشوف منتجات كويتية بالسوق وعاليه الجودة
تغليف العلب مرتب وبروفشنال
طولين لكيبل الشحن
كيبل ال٣ امتار وااايد مفيد اذا كانت فيشة الكهربا بعيدة
كيبل الشحن مع ادابتر يركب للايفون والجلكسي او اي جهاز فيه مايكرو يو اس بي مثل قطع الواي فاي او بطاريات الشحن
للي حاب يطلب من هذي الكيبلات من موقعهم يوصلون للمنزل ولكل دول الخليج
شكرا كفراتي عالمنتجات المميزة
تعودنا على مكاين صنع القهوة بانواعها من كبسولات وغيرها اللي تجهز القهوة والشاي بثواني
لكن حاليا في مكينه لتجهيز حليب الطفل الرضيع في ثواني
اللي عجبني بالمكينه نجهزها بتعبئة الماي والحليب البودر
وبس نسمع بكاء الطفل بضغطه زر من الايفون او المكينه تجهز لنا الحليب تخلط البودر بالماي بلحظتها بعد تسخين الماي لدرجه الغليان وتبريده لدرجه حراره ملائمه للطفل ويكون دافي والحليب مخلوط بدون اي ترسبات او كتل في خلال ١٥ ثانيه فقط.
اول شي لازم تبرمج المكينه لنوع الحليب الصحيح للطفل عن طريق تصوير كود الحليب تعرف بشكل مباشر كميه بودره الحليب مع الماي المناسبه لكل تركيبه ولكل ماركه مختلفه وتجهز الحليب بالعيار المضبوط للطفل.
والمكينه ماتحتاج للتنظيف اهي تنظف نفسها بالماي المغلي بعد كل رضعه تسويها.
وسعرها حوالي ٤٠ دينار كويتي
الرابط للطلب والفيديو
وصلتني دعوة من ادارة مجمع اي مول
وزرته بالامس في افتتاحه الرسمي
المجمع عباره عن محل واحد كبير فيه اقسام مختلفه
مثل طريقه دبنهامز وهارفي نيكولز وبلومنغ ديل داخله عده ماركات مع بعض
المجمع فيه ركن ازياء الماركات مثل رالف لورين ولاكوست
وركن رياضه مثل نايكي وسكيتشرز وركن مكياج وعطور بماركات عالميه
وركن يوريكا للالكترونيات
عندهم بعد مطاعم متنوعه لبناني وتركي وعالمي
من المطاعم اللي داخله
زيت وزعتر وكشري بايتس وسيميت سراي التركي واي كلوب
ومن الكافيهات
كافيه سوبريم وكافيه نستله وشيكيتا فروت بار ومسز فيلدز كوكيز وشوكليت كوزين
في اعلى طابق عندهم نادي رياضي للنساء وقسم اخر للرجال
وعندهم ركن للاطفال والالعاب وتسلق الجدار
ومتوفره مواقف كثيره بالسرداب
موجود المجمع في منطقة حولي مقابل مركز سلطان حولي
اذا مار منطقة حولي ممكن تمر المجمع وتستمع بالخدمات اللي يقدمونها
راوتر كيدوكي
اهو جهاز يركب على جهاز الانترنت الواي فاي بالمنزل ليفلتر النت
الجهاز تم برمجته ليفتح المواقع المناسبه للاطفال وتمت الفلتره من فريق العمل وليس عن طريق كمبيوتر
ممكن ايضا تحدد ساعات عمل النت للاطفال ممكن ساعه او ساعتين باليوم او يتم اطفائه بعد الساعه ٧ مساءا
وممكن تحدد في فتره المذاكره انه يفتح لهم مواقع الدراسيه فقط
وممكن تحدد اي برامج عالايفون او الايباد يتم تشغيلها للاطفال
كل هذا ممكن تبرمجه بنفسك وبالوقت اللي تحدده
تركيبه سهل يركب على جهاز الواي فاي المنزلي وتطلع شبكه خاصه للاطفال
وسعره حوالي ٢٠ دينار
وفي طلبات مسبقه عالجهاز
iHealth Align Glucometer
جهاز اي هيلث الذكي
يعتبر اصغر جهاز بالعالم لقياس السكر بالدم عن طريق الايفون او الجلكسي
FDA ومعتمد من منظمة الدواء الامريكية
CES وحصل على جائزة افضل اختراع لعام ٢٠١٥ في في معرض
مناسب للنظامين الاي او اس والاندرويد
ويركب على فتحة السماعة
بكل سهوله تركب الجهاز اللي يعمل بالبطارية على الايفون
وتضيف شريط اختبار السكر وتضيف نقطه دم
ويعطيك القراءة فوريا على البرنامج الخاص بالايفون
ويتابع قراءات السكر بالدم ويتم تخزينها بالبرنامج
٤ الوان لغطاء الجهاز
اشرطة فحص السكر متوفره للجهاز بسعر رمزي وتباع بشكل منفصل
ا
سعر الجهاز حوالي ٥ دنانير
وسعر الاشرطة حوالي ٤ دنانير ل ٥٠ شريط
هذا رابط موقعهم للطلب والتوصيل فقط لامريكا ممكن اللي عنده صندوق بريد بامريكا يطلبه منهم
