معرض افكاري ارسلوا لي دعوة راقية
لزياره معرضهم اللي يضم المشاريع الشبابية الكويتية الصغيرة
وصلنا المعرض وكانت ديكوراتة وايد حلوة
كلها عن التراث الكويتي القديم
وعدد المحلات فيه اكثر من ١٠٠ محل متنوع
من ازياء للكبار والاطفال واكسسوارات وعطور وحلويات وبهارات واحذية وغيرها
الفكره بالمعرض الشغل اليدوي الكويتي اللي يميز القطع عن غيرها بالمحلات
استقبلنا صاحب المعرض السيد عامر العجمي وشرح لنا مشروعهم
معرض افكاري يقدم للشباب الكويتي فرصة لنشر فكرته التجارية عندهم
المحلات عندهم اجارها بأسعار رمزية ويوفرون لك الديكور بسعر رمزي
ويوفرون لكم حراس الامن وعمال النظافه لمحلكم
وممكن اذا صاحب المحل مايقدر يحضر يوميا يوفرون عمالة تبيع في محله
معرض افكاري يقدم ايضا خدمة التصوير التجاري المحترف وتعديل الصور بالفوتوشوب مجانا للمشاريع
والدعاية المجانيه عن طريق وسائل الاعلان الالكترونية ومواقع التواصل الاجتماعي والرسائل بالتلفون وغيرها
وممكن مساعدة يدوية لصاحب المشروع اللي عنده طلبيه كبيره يساعدونه بالعماله بانهاء طلبياته
معرض افكاري مكان رائع لاصحاب المشاريع الصغيرة باسعار رمزية
وهذي بعض اللقطات من معرضهم
ورشة عمل داخل احدى المحلات بناء على طلب صاحب المشروع
تقدرون تطلبون اي تعديل على محلكم ليناسب ذوقكم وشغلكم
صاحبنا كاكاو لندن موجود بالمعرض 🙂 يمي يمي
بهارات
يشوقون جياس الانستغرام 🙂
توزيعات سكر
تيجان للبنات
توزيعات للقرقيعان
ملابس مواليد
البنوتة الحلوة شافتنا نصور قالت صوروني بطلع بالانستغرام 🙂
وماقصروا ضيفونا وبالطلعه قدموا لنا هدية
عطور وكاكاو تسلم ايدكم
معرض جميل ومتنوع والحلو فيه ان المحلات للكويتين وتدعم المشاريع الشبابية
والمعرض متنوع وتختلف بضاعته على حسب الموسم
حاليا منتشر جو رمضان والقرقيعان فيه 🙂
المعرض ايضا يدرب الطلبة في كل صيف عالمشغولات اليدوية والبيع بالمحلات
ويستضيفون ايضا عدة جهات خيرية بالمعرض من فترة لي ثانية
ويقدمون دورات تفيد اصحاب المشاريع الصغيرة وغيرها
اشكر السيد عامر العجمي والسيدات العاملات بالمعرض عالدعوة ماقصروا
مكان معرضهم في
الري – مجمع ري سنتر – خلف سنتر بوينت
ويفتح يوميا من ٤ العصر لي ١٠ مساءا طوال ايام الاسبوع
٢٤٧١٥٢٥٥
www.afkaryexpo.com
Like this:
Like Loading...
