تجربه ممتعه في برواز دبي
يعتبر اكبر برواز في العالم
طوله ١٥٠ متر
اول ماتدخل يحطون لك فيديوات لدبي القديمه كان ممنوع التصوير
عقب صعدنا المصعد بسرعه دقيقه وحده وصلنا قمه البرواز
وداخله تمشي على زجاج شفاف وتشوف اللي تحتك
اول شي تحس بالخوف عقب تتشجع 🤣
وحاطين البرواز بين دبي القديمة ودبي الجديده مع ناطحات السحاب
بره وداخل كله كافيهات تقدر تستمع بخفايف وانت اهناك
الدخله ب ٥٠ درهم
وهذا فيديو صورته داخل البرواز
كاميرا ٣٦٠ تنلبس عالرقبه
وتصور لك كل الزوايا ٣٦٠ درجه ماكو اسهل من جذي
اشرايكم فيها 😎
سعرها قبل لاننزل السوق ب٤٤٠ دولار
وكيل شركة ديلونجي الايطالية في دبي قام بالتواصل معانا لتجربه منتجهم الجديد
ديلونجي ملتي فراي ملتي كوكير
Delonghi Multifry Extra chef plus Multicooker
وارسلوا لنا منتجهم لتجربته
انا شخصيا عندي قلايه التيفال الهوائية وعندي قلايه الهواء فيليبس
اول فرق لاحظته بينهم ان جهاز ديلونجي يكفي كميه اكل كبيره
يعني يشيل ١.٧ كيلو
وفيها قطعتين او ماعونين مغلفين بالسيراميك عشان ما يلصق الاكل فيهم
واحد منهم معاه القطعه اللي تحرك الاكل
والثاني بدون فتحه للاكل اللي مايحتاج تقليب ممكن للكيك او البيتزا او قطعه السمك وغيرها
ومعاه شبكه ستانليس ستيل للشوي بعد
الجهاز يعتبر طباخ لاي شي مع صلصه او بدون وللمعجنات والكيك
والحراره من فوق ومن تحت ومعاهم زياده مروحه
وعندهم برنامج سهل بالايفون فيه وصفات عالميه لذيذه وسهله
وجربت بنفسي وصفه لحم الستروغانوف وضبطت معاي من اول مره
وماطولت اكثر من ٤٠ دقيقه
هذا اهو البرنامج لهم وفيه بعده لغات للايفون وفي عندهم للاندرويد
اضغط عالصور لمشاهده اوضح
ضفت الخضروات وشغلت الجهاز عالدرجه اللي محددينها بالبرنامج
ضفت اللحم مع الطحين مع البهارات
اخر شي طلع معاي لحم ستروغانوف بالصلصه الثقيله
وجربتها بعد للاطفال حطيت شكن نغتس مثلج
وصار جذي بعد ١٨ دقيقه ذهبي ومقرمش
الصراحة خوش جهاز طبخ وبجربه المره اليايه لخبز الكيك
شكرا ديلونجي عالجهاز الممتاز
ودينا اليهال مكان يديد توه فاتح
حديقة الرمل
بلغتنا صاحبة المشروع عن نوعيه الرمل خاص من كندا
sandtastik
مواصفاته وايد حلوه الرمل امن وحتى اذا كلوه الاطفال امن عليهم
سهل التنظيف عندهم وكالة الرمل الكندي في الكويت
ملمسه حلو وحتى لونه ابيض وبتلاحظون فيه قليتر
ركن كبير من الرمل فيه كل الالعاب اللي يحبونها اليهال
وجانب ثاني من الرمل الملون لتلوين الصور وعمل مداليات فيها رمل او مجسم بالرمل
وعندهم ركن ثالث جديد لي الحين مافتحوه وراح تكون مفاجأة للزوار
ساند بارك في ٨٩ مول في العقيله في الدور الثاني
اسعارهم وايد حلوه ورمزية
استمتعوا عيالي ماودهم يطلعون منه
اضغط عالصور لمشاهدة اوضح
زرت معرض كوميك كون في ارض المعارض
المعرض مدته ٣ ايام من ٩ لي ١١ مارس ٢٠١٧
فيه بوثات لبيع مجسمات الانمي وشخصيات الفيديو غيمز وفي مسابقات ومباريات بين الحضور
وغير لبس الكوستوم لشخصيات مختلفه
اضغط عالصوره لتكبيرها للحجم العادي
فيديو للمعرض في اسفل البوست
جيب من الجلد شكله انيق
يوضع بالسياره لحفظ الاغراض
خاصه الفتحه هذي بالسياره مامنها فايده ودايما تطيح فيها الاغراض
الصراحة الجيب حل مثالي لسد الفتحه وحفظ اللي تبيه فيه بنفس الوقت
سعرها ٢٠ دولار وتوصل من امريكا لكل دول العالم
حديقة الموشن غيت دبي
هذي وحده من حدايق دبي الترفيهيه اللي بجانب الليغو لاند
هذي الحديقه كبيره وممتعه ويبيلها يوم كامل للعب الالعاب اللي فيها
احنا دخلنا لها بعد ما خلصنا الليغو لاند عال ٦ المغرب وقعدنا فيها حوالي ساعتين ما لعبنا كل شي فيها لان الوقت ما يمدي
وفي اقسام مافتحت الى الان
مقسمه هذي الحديقه الى اقسام الاستوديو المصنع للافلام
استوديو كولمبيا واستوديو دريم ووركس واستوديو ليون غيت ومدينه السنافر
استوديو كولمبيا بكتشرز
فيه فلم ذا ميت بولز وحبيت تصميم المطعم وايد
مثل اللي صار بالفلم للي شافه
وهوتيل ترانسيلفينا
مدينه السنافر
ستوديو دريم ووركس
وهذي افلامه
ليغو لاند دبي زرتها الاسبوع اللي فات
كانت جدا ممتعه وكبيره وفيها فعاليات متنوعه
تحتاج تقضون فيها يوم كامل
التذاكر الكبار ب ٢٩٥ درهم والصغار ب ٢٥٠ درهم
سعرها غالي لذلك لازم تخصصون لها يوم كامل من الصبح
بس توصلون تصفطون سيارتكم بالمواقف وباصات كبيره تاخذكم لداخل الليغو لاند
الالعاب والملاهي خارجيه وفي قسم للاطفال الصغار
وفي العاب عائليه تشاركون اللعب مع عيالكم فيها
وطاولات تركيب الليغو موزعه على الحديقه بكل زاويه تلاقي طاوله والاطفال يركبون عليها الليغو
ومحلات الوجبات السريعه والسناك موزعه عالحديقه
انصح تاكلون في حديقه النهر فيها مطاعم راقيه وذات مستوى
مصنع الليغو تشوفون بالخطوات تصنيع الليغو ويعطونكم قطعه ليغو هدية وانتو طالعين
مدينه الليغو
فيها كل المباني المشهوره بالعالم كلها من الليغو
شي خيالي وممكن تقضي ساعات بالمكان هذا
برج الساعه
كل مكان موجود الليغو لتركيبه
ابراج الكويت
حديقه النهر هذي مفتوحه للكل وفيها مطاعم ومحلات بسيطه للتسوق
نفس شعور اوروبا شي جميل و رائع
مدخل حديقه بوليوود
في جولات بالنهر على متن القارب
فيديو من تصويري لليغو لاند
الحديقه ذكرتني بدزني لاند باريس نفس التصميم ونفس طريقه الالعاب
شي عجيب وحلو
كابتيڤو جهاز ذكي يحول اي سبوره بيضا الي سبورة ذكيه
تركيبه سهل عالسبوره يتثبت
ويصور كل الشرح اللي ينكتب عالسبوره
ممكن ينتقل الشرح بالواي فاي الى ايفونك او كمبيوترك وتتابع الدكتور واهو يشرح حتى لو كنت بديره ثانيه
ممكن تحفظ المحاضره على فايل بي دي اف وماله داعي تنقل اللي بالسبوره يوصل الشرح جاهز وممكن تعيد الفيديو وتشوف الخطوات اللي كتبها المدرس من البدايه لي النهايه.
الجهاز ذكي فيه واي فاي وبلوتوث وكاميرا وذاكره
ويشتغل عالمتصفح او ببرنامج عالابل والاندرويد
وسعره حوالي ٣٥٠ دولار
حق الناس اللي عندها بزنسس بسيط وحابه تصور منتجها من كل الزوايا بسعر رخيص وبالبيت وبالايفون
منزلين قطعه فولديو٣٦٠ الذكية عباره عن قطعه بلاستيك
تدور بشكل اتوماتيكي لالتقاط الصور من جميع الزوايا
تشبك عالايفون او الجهاز الذكي بالبلوتوث او بكاميرا الدي اس ال ار المحترفه
وتتحكم فيها عن طريق البرنامج الخاص فيها
يصور المنتج بكل الزوايا بشكل تلقائي ويدمج الصور لينتج صوره وحده ثلاثيه الابعاد
بس تحتاجون فوليدو والبرنامج واستوديو صغير كله ب٤٠ دينار
واذا حابين بس فولديو سعره حوالي ٢٥ دينار
منتج امريكي وعندهم شحن لجميع دول العالم
تطبيق او برنامج شروه
فكرته بسيطه وسهله ان يضم منتجات متنوعه من السوق الكويتي وتقدر تتصفح فيه بكل سهوله وتشوف المنتجات بشكل واضح والصور حلوة والتفاصيل واضحه عن كل منتج
حاليا البرنامج فيه عده محلات للحلويات والموالح ومحل للالكترونيات
ارسلولي كوبون لتجربه الشراء من البرنامج
وكانت التجربه وايد سهله وممتعه بنفس الوقت
قدرت اتصفح بين افضل المنتجات مبيعا او الاشهر كله مقسم لي
وهم مقسم على حسب اذا كان حلويات او سلطات او عصاير يسهل علي البحث وايد
وكانت تفاصيل المنتجات واضحه مثلا حجم البوكس وعدد الحبات اللي فيه ومن شنو يتكون
والتوصيل بعد ساعه او ساعتين مذكوره
وهذي لقطات للبرنامج
اخترت بقلاة اسطنبولية
دايما نطلب منهم البقلاوة هشة وفريش ولذيذة
وهم يحطون لكم اطباق ثانيه من المنتج
يعطي الواحد خيارات متنوعه
اهم ميزة بالنسبه لي باي تطبيق اهو توفر خاصية الدفع بالكي نت
وهذي متوفره بتطبيق شروه
ممكن تدفع بالكي نت او الدفع لما يوصل الطلب للبيت كاش
ووصل لي مسج بالبرنامج عن تفاصيل طلبي بنفس الوقت
وهم عندهم ميزه المحادثة مع البائع او مع شروه
ووصلني الطلب البيت بعد ساعه تقريبا
خوش بقلاوة 🙂
هذا رابط تنزيل البرنامج من الاب ستور للايفون والغوغل ستور للجلكسي والاندرويد
يعطيكم العافيه البرنامج وان شالله تزيدون المحلات بالمستقبل
ليبل اون متخصصين بطباعة وتصميم الكروت والستكيرز
منزلين للعيد اظرف للعيادي
بتصاميم متنوعه وكل واحد يطلب على ذوقه
داخل البوكس الصغير فيه
اظرف العيادي ونوعيته متينه مثل الكرتون
وحاطين فيه بطاقه المعايده لكتابه الاسم
وستكرات للاظرف
الاظرف
الستيكرات
كروت المعايده
مطرشين لي دزاينات وايد تناسب كل الاذواق
سهله طريقة عمل الظرف
بس نطويه ونحط داخله بطاقه المعايده نكتب عليها اسمنا مع العيدية
ونلزقه من بره
وخارج الظرف نكتب اسم اللي بنعطيه العيدية
شغل مرتب وحلو ومتنوع
للي يبي اظرف للعيادي
هذا حسابهم الانستغرام
ورقمهم
66702433
صالون ليلي اند دي للاظافر دعاني لحضور قريش مجمعهم
قريش الغوالي
القريش مشارك فيه ٥ محلات من مجمع الغوالي
وقدموا لنا الحلو و القهوة وصبغ اظافر مجاني في الصالون
صالون ليلي اند دي قدم لنا بالقريش نيل بوليش مجاني
ومن اخر الانواع اللي عندهم صبغ الاظافر ماركة نوفا اللي يرووح بالغسل بالماي
محل فورجن كوكي فاكتوري للحلويات مشارك بالقريش
محل لولو قيفتس مختص باثواب الصلاة واطقم الاطفال وارواب الاستحمام وغيره
دار الزين لكفرات الولادة والمفارش
ناين افينيو لتغليف الهدايا والتوزيعات والاكسسوارات
حلو التمر وميني ميكس ستيكس من ليا سويت
حلو الدملوج من
كل الشكر عالدعوة ليلي اند دي
مجمع الغوالي موجود في شرق مقابل مجمع الراية
موقع اجار اونلاين موقع يسهل عالمؤجر والمستأجر دفع الاجار شهريا
الموقع يرسل مسج تذكير للمستأجر بدفع الاجار ببداية كل شهر
يوفر عالمالك انه يروح ويذكر المسأجرين بدفع الاجار كل شهر
والدفع يكون عن طريق الكي نت بالتلفون او الكمبيوتر والموقع عليه حماية فما تحاتي تدفع اونلاين
والمبلغ يروح للمالك مباشره بحسابه البنكي
سواء كنت بالديره او مسافر ما تتأخر بالدفع
وترسل فاتورة الكترونية للطرفين لتضمن حق الاثنين
بس لازم الطرفين يسجلون بالموقع عشان يقدرون يستخدمون هالمميزات
موقع جدا مفيد احب الشغلات اللي تسهل عالواحد الدفع بدال لا تسحب نقدي وتسلم للمالك اذا موجود او لا
والعكس للمالك يركض ورا المستأجر للدفع
يعطيكم العافية عالمواقع الحلوة موفقين
مع جهاز ميتو الالماني
تقدر تسخن اي نوع من السوائل ماي حليب شوربه او غيرها في نفس الماعون مباشره
بس عليك تحط الكوب او الابريق او الماعون على القاعده السودا وتحط العصايه المعدن داخله ويسخن لك السائل في ثواني
يوفر عليك جهد غسيل المواعين ويوفر الوقت اذا بتسخن كميه قليله تسخن بسرعه اكبر وتسخن الكميه المطلوبه بالضبط
والجهاز امن لان القاعده السودا ما تسخن وتظل بارده
وممكن تستخدم اكوب السيراميك او الزجاج او البورسلان او البلاستيك مقاوم للحرارة وعدم استخدام الانواع اللي فيها معدن
سعره حوالي ٥٠ دينار ويتم شحنه بعد سنه
زرت محل ام اند امز في لندن
المحل منتجاته كلها على شخصيات ام اند امز من اكسسوارات وملابس وقرطاسية واكواب وغيرها
المحل ضخم فيه حوالي ٤ طوابق وسرداب
زرناه بالليل عال١١ وكان زززحمه
اخذنا تذكارات وشغلات لليهال استانسوا عليها
حبيت اللون الاسود اول مره اشوفه اسمه
Fireworks Mix
ونوع جديد بالدارك شوكليت
الكاكاو الاسود
حبيت هذا القسم تكتب على الكاكاو اسمك او تحط صورتك
والجهاز يطبعها عليه
اول شي تدفع للكاشير يعطونك الكود وبعدها بالكمبيوتر تكتب ٤ اسامي ممكن تنطبع
او ٨ اسامي اسمين بكل حبه
او صوره تكون على حبه كامله
عقب تختار لون الكاكاو اخترت الالوان اللي ابيها وبعدها نحطه بالجهاز ويطبع لنا عليه الاسم
تجربه حلوه واليهال اسستانسوا على اساميهم
عالم ام اند امز في لندن موجود بين ليستر سكوير وبيكاديلي سيركس ممكن توقفون باي محطه من هالمحطين
وبجانبهم بعد السوق الصيني اذا حابين تتعشون بمطعم صيني
هايد اواي قنينة ماء قابلة للطوي ويمكن حملها بجيب البنطلون
او في الحقيبة مصنوعه من مواد امنه عالصحة
وقابله لاعادة الاستعمال وخفيفة بالوزن
متوفر منها ٦ الوان
وسعرها حوالي ٦ دنانير
صني ديز مشروع كويتي لملابس ونفانيف السباحة الصيفية للمحجبات
منزلين موديلات والوان حلوة لكل المقاسات
المميز بمايوهاتهم ماتشف وماتلزق عالجسم
هذا حسابهم فيه صور اكثر للموديلات
@sunnydays_kw
وهذا رقمهم للطلب
97491007
كنت ابحث عن اضاءة ليلية لغرفة الاطفال
تعطي اضاءة خافته للنوم وتعمل بالبطاريات
بحثت بالنت ولقيت هذي السلحفاة وعليها العديد من المقالات والتقاييم الممتازة
وسعرها مناسب حوالي ١٠ دنانير
الاضاءه على شكل نجوم وتتغير الى ٣ الوان
برتقالي وازرق واخضر وتظل شغاله حوالي ٤٥ دقيقه وبعدها تنطفي بشكل اوتوماتيكي
تنشر الاضاءه على كل السقف بشكل جميل افضل من النجمات البلاستيك اللي تضئ بالظلام
والاطفال اعشقوها
طلبتها من امازون امريكا
بانكيك بوت هي اول آله طابعه للبانكيك بالعالم
بس عليك تختار الصوره بالكمبيوتر وتحملها على قطعه اس دي كارد والجهاز يطبع لك الصورة بخليط البانكيك
الجهاز حلو للبيت للاطفال ممكن يرسمون رسماتهم الخاصه وتطبعها لهم بالجهاز او يختارون اي شخصيه يحبونها
وحلو بعد للشركات والمطاعم اذا يبون بانكيك على لوغو الشركة يقدمونه للزباين
سعر الجهاز حوالي ٥٠ دينار والتوصيل من امريكا على شهر يوليو
