ارجانيا توفر منتجات طبيعية من اشجار الارجان من المغرب
زيت الارجان الصافي لمقاومة تجاعيد البشره وترطيبها ويستخدم للشعر والجسم ايضا
وصابونه خلاصة زيت الارجان لترطيب وتنظيف البشرة
وشامبو وماسك للشعر بزيت الارجان لتنعيم وزياده كثافه الشعر والحد من تساقطه
ارجانيا عندهم توصيل لجميع دول العالم
عن طريق الرابط ادناه
صالون ذا سنغتشر متخصص بعلاجات الشعر بأنواعها
وصاحبه الصالون الاخت أسماء المريخي دعتني لتجربه علاج بي بي كريم للشعر اللي يتميزون فيه عن باقي الصالونات
اللي عجبني اكثر بالصالون ان الاخت اسماء حاطه ايدها بالشغل مع موظفينها
واهي بنفسها سشورت شعرنا
استانس لما اشوف بنت ديرتي تهتم ببزنسها بنفسها وتكون موجوده بمكان العمل وتباشر الزباين
جربت علاج البي بي كريم للشعر
الكريم يعطي نتيجة مثل الكيراتين لكن بدون اضرار الفورم ألدهايد مثل ما قالتلي صاحبه الصالون
جربته على شعري وانفرد وصار سيده ما احتاج للسشوار لفرده بعد غسله
ويظل تأثيره على الشعر لمده شهر الى شهرين
وعطى شعري لمعه عجيييبه وغلف لي الشعر المتقصف
طريقته يوزعون الكريم عالشعر وبعدها يمشون عالشعر بالسشوار والفير وينغسل
تحتاج العملية حوالي ساعتين على حسب طول شعركم
حبيت العلاج خفيف وما سبب لي حرقه بشعري ومافيه الريحه الكميائية المو حلوه مثل علاجات الكيراتين
حبيت اقرا عن مكوناته لان بطبعي احب اعرف عن الشي اللي احطه بشعري لكن للاسف مالقيت بموقع الكريم عن مكوناته
العلاج الثاني اختي جربته وكان ماسك البروتين للشعر
البروتين يعطي لمعه ويغذي الشعر
ويستخدمون اضاءة الليد آل اي دي الزرقا عالشعر لمضاعفة مفعول المادة
وعندهم ماسك للوجهه من ماركة كازمارا
جربنا الماسك الاحمر اللي بالصورة مكون من الكوجي والكينوا
الماسك لنضاره الوجهه ويشيل الرووس السودا بالوجهه وايد حلو
وماقصرت معانا الاخت اسماء عطتنا شامبو من ماركة التيرنا المشهورة
استمتعنا بزيارتنا للصالون وجنه داخلين بيتنا الاجواء مريحه والسوالف مثل الخوات والنفسيات حلوة
وشغلهم للشعر وااايد مميز
شغل بروتينات وتغدية وماسكات للشعر من ماركات معروفه
بس تلغي نظره على شعركم وتنصحكم باللي يناسبه من خبرتها
واسعارهم وايد مناسبة
وعرضهم لشهر رمضان بي بي كريم مع ماسك الوجه كازمارا وبرافين لليد ب ٣٥ دينار لكل اطوال الشعر نفس السعر
مكانهم في الشعب ق٨ شارع الكندي في ابراج المهنا الدور الثاني
98051896 تلفون
99977863 واتس اب
كل الشكر عالعلاجات الحلوة
قبل سنة بالضبط حضرت حفل اطلاق منتجات كودالي الفرنسية في الكويت
وفي الاسبوع اللي فات حضرت حفل اطلاق منتج جديد للشركة
Caudalie Polyphenol C15
في فندق الرجنسي
المنتج مكون من العنب وهذي المجموعة الجديدة مصممه لمقاومة وعلاج التجاعيد
كل الشكر عالدعوة شركة علي عبدالوهاب وبن سري
رزت قبل جم يوم صالون كوافير
صالون جديد بجانب دوار حديقة الشعب
الصالون متميز بماسك الشعر على ماي الورد
وطبعا يقدمون كل خدمات الصالونات من قص وصبغ شعر وحنه وحف وشيره ومساج وبرافين وغيره
هذا ماسك ماي الورد
حطوه على شعري مده نص ساعه ريحته خياااالي لي الحين ريحته بشعري
ونعم شعري حبيت هالماسك صج مميز
كراسي المانكير والبديكير مريحين ليزي بوي ومجابلين التلفزيون ماودي اقوم منه
المانكير كان حلو وشغلهم نظيف وسريعين
ضيفونا بالقهوة السوده والشاي مع البراوني
الصالون حلو ومرتب شغل مودرن ونفسيه الموظفات حلوه
وبالطابق العلوي في غرف المساج والحمام المغربي
حبيت ديكور الشسوار النازل من السقف 🙂
غرفه الحمام المغربي
غرفه المساج
وعندهم عرض وايد حلو لشهر ابريل باكج فيه ٦مانيكير و٦ ماسك ماي الورد و٦ سشوار تنشيف ب ٣٦ دينار
حبيت الصالون شغلهم حلو ونفيستهم حلوه والمكان مريح ولي زيارات مستقبليه لهم ان شاء الله
AIS مكانهم على دوار حديقة الشعب مقابل المدرسه الامريكيه الدوليه
98776108
25610635
حضرت اول يوم من مهرجان المباركية الثاني
الداعم للانشطة الشبابية
المهرجان يضم عدد كبير من المشاركين على ٣ فترات
من ١ فبراير الى ٩ فبراير ٢٠١٥ في سوق المباركية
من ٤ العصر لي ١٠ مساءا يوميا
ماعدا الجمعه والسبت من ١٢ الظهر لي ١٠ مساءا
ما شاء الله الحضور قوي وكان المهرجان زحمه
واحلى شي الجو خياااالي بارد حلو والتمشي باجواء المباركية
وهذي بعض اللقطات اللي قدرت اصورها
كل الشكر عالدعوة
صابون هيفين هي شركة كويتية
متخصصه في صناعه الصابون الطبيعي ومرخصة من وزاره الصحة
كل مكونات الصابون من مواد طبيعية
ويتم صناعته باليد
وخالية من الصوديوم لوريل سلفيت والبرابين او اي ماده صناعية
صابونهم مناسب للي بشرتهم حساسة وللاطفال
زبدة الشيا وزبدة الكاكاو
تدهن فيها الجسم كله لترطيبه
تذوووب باليد
صابونه حليب الماعز مع مع زبدة الشيا
صابونة بازهار البابونج وزيت اللوز و٦ زيوت اخرى
صابون هيفين الصراحه شغلهم مرتب
وما كان عندي فكره ان في ايادي كويتيه مبدعه تصنع هالصابون الطبيعي بالاشكال الحلوة
عندهم منتجات اخرى غير الصابون
عندهم صنفره طبيعيه بملح البحر الميت وزبده كاكاو للشفايف ولوشن للجسم وانواع مختلفه من الصابون
ممكن تطلبون منهم عالتلفون
00965-23920653
وممكن تطلبون من موقعهم الالكتروني
وهذا حسابهم الانستغرام
كل الشكر عالصابون الطبيعي
اليوم زرت معرض فيلا اونو اكسبو في مجمع ٣٦٠
المعرض من تاريخ ٢٣ الى ٢٥ سبتمبر
من ١٠ ص الى ١٠ م
والمعرض منتوع فيها ازياء واكسسوارات وعطور وكاكاو ومواعين وغيرها
وهذي لقطات من المعرض
حضرت المعرض بدعوة من سمرش
@samarish
وهذي بعض اللقطات لاكسسواراتها الجديدة
ومميزه كعادتها
عطر سمرش وااايد حلو حبيته
خلطه عطور عربيه عود على بخور على مسك حبيته لازم تجربونه
بامبي لمنتجات البشره الطبيعية
حبيت اللوشن ومزيل العرق الطبيعي من المسك
منتجاتهم حلوة
المعرض في ٣٦٠
من ١٠ ص لي ١٠ م
للي حاب يزورهم
شكرا سمر عالدعوة
ماركة كودالي للعناية بالبشرة
هي ماركة فرنسية ومكوناتها طبيعية من العنب
وجدوا ان بذور العنب فيها مواد مضادة للاكسدة اقوى من الفيتامين اي ب ١٠ الاف مرة
وغصون شجرة العنب فيها مادتين طبيعيتين لشد البشرة وتفتيحها واقوى من الفيتامين سي ب ٦٠ مرة
كودالي خالية من المواد الصناعية الضارة
وتحتل المركز الاول في فرنسا لافضل منتجات للعناية بالبشرة
وتعد العلامة الاكثر تفضيلا لدى النجوم والمشاهير
الماركة موجوة في اوروبا لاكثر من ٢٥ سنة
وحاليا اصبحت تتوفر باسواق الكويت اول دولة بالخليج
ووكيلها شركة علي عبدالوهاب
من ضمن منتجاتها مرطبات معالجة ومحاربة الشيخوخة وكريمات وسوائل غسول للبشرة وعلاجات اخرى
كان حفل اطلاق الماركة في فندق الجميرا قبل اسبوع تقريبا
من الحين ورايح لازم تاكلون بذور العنب
فيها فوايد جبارة للنضاره ومحاربة الشيخوة
تلاقون منتجات كودالي في صيدليات علي عبدالوهاب
شكرا عالدعوة
..الصيف على الأبواب و بشرتنا بتحتاج عنايه خاصه
avene بخاخ
لمياه الربيع الحراريه ما كنت اقدر استغني عنه الصيف اللي طاف.. يبرد و ينعش و يرطب البشره.. له استخدامات عديده منها الطبيه ومنها اليوميه..
:استخداماته الطبيه
بعد العمليات الجراحيه.. لاحمرار البشره او الالتهاب ( مايعالجه بس يبرد عليه ويهديه ).. للاكزيما و الجلد المتقشر.. للبشره الحساسه وللحساسيه.. للحروق والحكه 👍
:واستخداماته اليوميه
بعد تنظيف البشره.. بعد الحلاقه او ازالة الشعر بالشمع.. بعد الرياضه.. للسفر.. للحروق وحروق الشمس.. لالتهاب حفاظ الاطفال.. و اخيراً وليس آخراً ك مثبت للمكياج 😉 انا احب احطه قبل احسه ينعنش البشره
البخاخ متوفر باغلب الصيدليات وسعره للحجم الكبير بحدود ال ٤ دنانير
بالامس حضرت حدث اطلاق زيت بايو اويل بالكويت رسميا
المنتج رسمي من شركة علي عبدالوهاب
Bio Oil
الزيت هذا مكون من فيتامينات واعشاب مفيد لتخفيف
الندوب وعلامات تمدد الجلد والتجاعيد والجفاف ويوحد لون البشرة
مفيد للنساء الحوامل يوضع على اماكن تمدد الجلد بالجسم كله بعد الشهر الرابع من الحمل والى الولاده وبعد الولاده
ومفيد للندوب والحروق يخفف اثر الندبة والحرق
ويوحد لون البشره اذا فيها اثار حب الشباب او بقع سوداء
واللي بشرتهم جافه هذا الزيت يرطب البشره وبنفس الوقت لايترك اثر او زيت عالجلد
ويفيد في تخفيف التجاعيد بسبب تقدم العمر
الزيت هذا من انتاج جنوب افريقيا ومصنف الاول عالميا في ١٧ بلد منها بريطانيا وامريكا حائز على ١٥٠ جائزة
مكوناته طبيعية من ازهار اللافندر والبابونج واكليل الجبل وزهر الكاليندولا اللي يعطون تأثير الاسترخاء ومضاد للالتهاب ومطهر للجلد
وفيتامين أ اللي يجدد الخلايا وفيتامين هاء يعطي النضارة
والزيت المستخدم برسيلين ميزته يزيد امتصاص فوائد الاعشاب والفيتامينات للجلد
وملمسه ناعم وخفيف غير دهني
مناسب من عمر سنتين وفوق
ومايسبب حساسية
متوفر منه ٣ احجام باسعار معقوله
وطريقة استخدامه نقط قليله عالجلد مرتين باليوم
لازم تستمرون ٣ اشهر لمشاهدة النتيجه عالجلد
انا شخصيا ماجربته وماقصروا عطوني عينه لتجربته
حبيت ملمسه وريحته ومايدبق عالجسم والحلو فيه ان المكونات طبيعيه
بستمر ٣ اشهر باستخدامه وانقل لكم النتيجه 🙂
اذا حابين تجربونه متوفر بالصيدليات
شكرا علي عبدالوهاب وبن سري عالدعوة
مهرجان المباركية
مهرجان غير ربحي اختاروا ٦٠٠ مشروع كويتي واتاحوا لهم الفرصة ان يعرضون شغلهم مجانا بالمهرجان
المهرجان من تاريخ ٢ فبراير الى تاريخ ١٣ فبراير
المهرجان على ٤ فترات يعني كل ٣ ايام راح تشوفون مشاركين جدد غير عن الايام اللي طافوا
مهرجان المباركية من الساعة ٥ الى ١٠ مساءا
مكان المهرجان في شارع الصراريف مجابل مجمع الصقران اللي فيه حليب وهيل ومطعم بيت ورد
مريت المهرجان امس المغرب والتقطت صور سريعة للمشاركين
للاسف ماحفظت اسامي المحلات والكروت اللي جمعتهم نسيتهم بالقهوة اللي قعدنا فيها بعد المعرض 😦
محل بير مي للملابس والاكسسوارات
لوحات فيصل العلي
صالون ليلي اند دي للعناية بالاظافر
توابل
محل ليفيل
عصاير ري بلس
الكاتبة اسرار الانصاري وكتابها
تيشيرتات تووش
ديلي تارت
فلفيز
شكرا للاخت دانة تقي عالدعوة
هذي تكملة الصور اللي التقطتها من زيارتي لمعرض كويتي وافتخر
فن البيوت
عصير سرسحني
مجوهرات فيوريلا جيم
بخور مال الله
مشغل عبير
عطور نور الكويت
كش كش بوتيك
ماي مي بوتيك
هوم سينما
مركز الخرافي لأنشطة الاطفال المعاقين
حملة ارسم البسمة
ركن المطاعم
حلويات مس شيري
بيانكو لاتيه
مونكي كوكيز
فروستينغ كوكيز
حاطين طاولة للاطفال ويزينون كوكيزهم بنفسهم
جربت كيكة القرع من فروستينغ كوكيز لذيييييذه وترررفه
انصحكم اذا مريتوهم تجربونها خيااال
اكبر شاورما شفتها بالكويت 🙂
كانت هذي بعض اللقطات من معرض كويتي وافتخر ٢٠١٤
المعرض يفتح يوميا من ١٠ الصبح لي ١٠ بالليل
في ارض المعارض
معرض كويتي وافتخر ٢٠١٤
مريت امس معرض كويتي وافتخر في ارض المعارض
المعرض متنوع فيه ازياء واكسسوارات وعطورات وجهات تطوعيه و مطاعم وغيره
وهالسنة مسوين اكبر قرية رملية بالعالم ومتميزه بتفاصيلها ودقة المجسمات
وعندهم مسرح كبير ويسون فعاليات يوميا من ال٥ مساءا الى ١٠ مساءا
المعرض مفتوح يوميا من ١٠ الصبح لي ١٠ بالليل لمده شهر تقريبا
وهذي لقطات من المعرض للي حاب يزوره
لقطات من القرية الرملية
رمال
بس لي الحين ما فتحوها رسمي ممكن تفتح بعد ٤ ايام
ليتس بوبكورن للنفيش
فيكس ايد لتصليح الهواتف بالبيت
ماركة سمرش للاكسسوارات والازياء
مركز صباح الاحمد للموهبة والابداع
برنامج مناسباتكم
عطور لمار
معهد سمارت مايند للتدريب الاهلي
تقوية لطلبة الجامعه
الاستاذ بهاء الدين القزويني
صاحب قروب أصدقاء بهاء للتصوير الفوتوغرافي
المصورة هيا بوقماز
Zy Jewellery
لولوماس للتريننغات
نوادر
وايد حلو المحل فيه شغلات قديمة
دولستن لادوات المطبخ الذكية
بالامس زرت السوق الخيري في لجنة ساعد اخاك
وريعة للاجئين السوريين المحتاجين
كان السوق الخيري فيه كل شي
من ازياء وعطور واكسسوارات ومواعين واثاث وحلويات ومطاعم
هذي لقطات من السوق الخيري
جزاهم الله خير المشاركين واللي حضروا
للاسف السوق الخيري كان بس يوم واحد اللي اهو امس
طافة اللي ماحضر 🙂
اخيرا نزل نيكد ٣ من ماركه اوربان ديكاي بالكويت
ميزه هذي الباليت ان ال ١٢ لون كلهم جدد مانزلوا من قبل
وألوانها مائله للوردي والبني الفاتح للوكات الهادئه
وبالعلبة داخلها سامبلز لانواع الاي شادو برايمير الاربعة
وفرشة شادو بالعلبة
سعر العلبة ب ٢١ دينار في سيفورا الكويت
والعدد محدود
لجنة ساعد اخاك المسلم منظمة سوق خيري
ريعة لصالح اخواننا السوريين المحتاجين
يوم الثلاثاء ١٤ يناير
في مقرهم بالسرة
من ١٠ الصبح لي ١٠ بالليل
المعرض متنوع وشامل
مجوهرات ؛ عبائات ؛ دراريع ؛ شالات وملافع ؛ اكسسوارات ؛ عطورات ؛ مستلزمات عمرة ؛ مفارش ؛ معرض دائم للأنتيك والاكسسوارات منزلية ؛ طبق خير
فرصة حلوة للمشاريع المنزلية الصغيرة المشاركة بهذا المعرض
وحتى المطاعم والمحلات تقدر تشارك
منه يفيديون يستفيدون
اللي حاب يشارك بهذا المعرض ممكن يتواصل معاهم عالايميل بالاعلان
وصلتني دعوة من صالون تريم اند ستايل لحضور معرض بيوتي سبوت
في مجمع ٣٦٠
وبالامس مرينا المعرض وكان فيه جميع مستلزمات الجمال
من صالونات ومكياج واكسسوارات وعطور وغيرها
المعرض مدته ٣ ايام
من ٢ – ٤ ديسمبر
في قاعة المعارض بمجمع ٣٦٠ من ١٠ صباحا الي ١٠ مساءا
وهذي عدة لقطات من المعرض
صالون تريم اند ستايل
محلهم في مجمع البستان
25714096 / 97888131
@trimnstyle
كل الشكر عالدعوة
عطورات ٢٤
عطورات شمايل
عطورات بيافي
ولازم وانتوا طالعين من المعرض تاخذون لكم علبة من براون دايموند 🙂
معرض بيوتي سبوت
في مجمع ٣٦٠
٢ – ٤ ديسمبر
١٠ صباحا – ١٠ مساءا
تعانين او تعاني من جفاف وتشقق كعب القدم او الرجل
لقيت لكم طريقه بعد البحث في النت وفي ناس مجربينها
انه النير
نعم.. موجود بكل الجمعيات التعاونيه ..
وتأثيره عجيب كأنه سحر
ادهنوا ارجلكم فيه وقعدوا من ثلث الى نص ساعه و انا طولت اكثر اول مره خفت انه ما يأثر بس طلعت ثلث ساعه كافيه لا تخافون ماراح يحرق الجلد مع ان النعومه اللي تصير اشك فيها ان الجلد ذاب هههههه بس جد هو آمن لانه اصلا استعماله الاصلي كمزيل للشعر بكل انحاء الجسم.. و القدم جلدها سميك يعني مو معقوله بتحترق اكثر من اليد!
وعقب ما تغسلونه دهنوا القدم ب اي كريم تحبونه و لبسوا دلاغات عشان تدبلووون التأثير .. بدون شي اصلا بتحسون
بالنعومه بس زيادة الخير خيرين.. و انا بصراحه بعده اترس قدمي كريمات ما اخلي شي من البيو اويل و هيمالايا للقدم
E وفازلين وفيتامين
bliss وعقب ألبس دلاغ
الشهير .. موجود بالكويت قبل فتره تلقونه عند هارفي نيكولز بالافنيوز.. يعني زيادة الخير خيرااات هههه
و تمتعوا ب أقدام ناعمه جميله
نصيحه للي يبي يجرب الطريقه
لما تدهنون الاقدام حاولوا تكونون بمكان تقدرون تغسلونها فيه او عالاقل تمسحونها لان النير يزحلق ماراح تقدرون تمشون وانتوا حاطينه
By @Mody__q8
بالامس مريت معرض وايت اكسبو في مجمع الحمرا
كان المعرض صغيرون
فيه تشكيله متنوعه من الاكسسوارات والملابس واطقم الشاي والعطور وغيرها
المعرض من ١ الى ٣ اكتوبر
من ١٠ صباحا الى ١٠ مساءا
وهذي بعض اللقطات السريعة للمعرض
لان مريتهم متأخرقبل لا يسكرون بنص ساعه
الماركة التركية حرملك
المشهوره بالقهوه التركية وكاكاو التقديم
عطور بيافي الفرنسية
@piave_perfumes
لقيت ركن لمكينه القهوه يتوق
ما كنت ادري ان لها وكيل بالكويت
وموفرين ٤ نكهات للقهوه العربيه
وهذا موضوعي السابق عن تجربتي لهذي المكينه
@yatooq_kwt
Danish Bakery 🙂
زعتر اكسبريس
عندهم مينو جديده
والشي الحلو اللي لفت نظري هي فطاير الزعتر والبيتزا اللي على شكل ميكي ماوس
تشوق للاطفال
وعلبهم الاكريليك لتقديم الحلويات
@zaatarexpresskwt
اطقم وااايد حلوه وتشوق للشاي
مع امكانيه كتابه الاسم اللي تبينه عليهم
@lapaidro
شكرا وايت اكسبو عالدعوه
ماسك البريق الهوليودي أكيد كلكم شفتوا صورته بالمنتديات و الانستغرام و بعضكم جربه و الباجي ناطرين أحد
يقول لكم انه صج عجيييب و خيالي وسحر.. بصراحه هو جميييل و ما تحسفت اني شريه و جربته بس ماكو سحر بالموضوع.. هو عباره عن ماسك للوجه من الطين البركاني يحتوي على عدة مكونات مفيده للبشره و تدعي الشركه انه يعالج المسامات و النمش و الحبوب بانواعها و الرؤوس السوداء و البقع و .. إلخ.. يعني باختصار الماسك السحري J
طريقته سهله بس تغسلين وجهك وثم تدهنينه بطبقة كافيه من الطين ( ماتكثرين ولاا تتقشفين حيل ) وتنطرين عشر دقايق إلى ثلث ساعه وراح تلاحظين الدهون تطلع على شكل نقط سوداء على الماسك اللي راح يصير لونه رمادي جنه سميت طبعا مكتوب على العلبه ان هالنقط عباره عن دهون وبكتيريا و سموم! ((شدعوووه عاد!)) و عقب مايخلص الوقت تغسلينه بالماي و نعيييما J
من أول استعمال نورت بشرتي وصار فيها لمعه لباقي اليوم ( بالدعايات يقولون ٣ ايام!) احسه مفيد أكثر للي بشرتهم دهنيه لانه فعلا يصغر المسامات.. حيييل حبيته و الخبر الجميل ان سيفورا قاموا بتوفيره من بعد ما شريته من تاجره حبووبه.. وبصراحه بالنت ارخص بس من سمعت فيه وقريت عنه ما قدرت اصبر وطلبته من هنيه
المهم نأتي للخبر الاجمل وهو اني جربت ماسك سويته بالبيت و تأثيره على بشرتي كان بالضبط مثل تأثير هالجميل.. أنا مو قاعده أقول هو نفسه! لا طبعا هذاك من بركان وهذا قهوه ههههه بس اللمعه و النقاء لقيته بهالماسكين ف اللي مالها خلق تخلط تشتري الجاهز..
وانصحكم أول شي تجربون ماسك البيت وطريقته كالآتي:
نصف ملعقة كاكاو بودره
نصف ملعقة قهوه تركية
نصف ملعقة نسكافيه
ملعقه ونصف هرده (طحينه)
تخلط المقادير وتوضع على الوجه لمدة ربع ساعه و بعد ذلك يدلك بحركات دائريه و يغسل
( للأمانه هالماسك أختي نقلته لنا من وحده بالانستغرام.. جربناه و عجبنا وقلنا نفيدكم)
By @Mody__q8
