Archive | Diet RSS feed for this section

5 Stripes علبة السناك من الكورن فليكس العضوي من

22 Sep

DSC_05565stripes

فايف ستريبس كنت كاتبه عنهم قبل فتره

اهم موقع متخصص بالكورن فليكس العضوي

متوفر عندهم اكثر من ٦٠ مكون عضوي صحي تقدر تختار منهم وتصنع خلطه الكورن فليكس الخاصه فيك اللي تناسب ذوقك

كلها بخطوات بسيطه بموقعهم

منزلين الحين علبه السناك فيها ٦ خلطات للسيريال او الحبوب او الكورن فليكس

DSC_05585stripes

العلبه حلوه للي محتار شنو يختار

ممكن يطلبها ويجرب اكثر من خلطه

وياخذ فكره عن مكوناتهم وطعمها شنو يفضله وممكن بعدين تخلط لك بالمستقبل على ذوقك

DSC_05605stripes

الغرانولا والفاكهه المجففه

DSC_05625stripes

كينوا بف وايد لذيذه وخفيفه

DSC_05775stripes

الفاكهه المجففه عندهم لذيذه غير فيها طعم واضح خاصه التوت المجفف لذيذ

DSC_05735stripes

وطرشولي خلطه السينامون بالتفاح المجفف

جني اكل ابل باي 🙂

خوش موقع بفكرته وبتفيذة وبفايدته

هذا موقعهم للي حاب يطلب له تشكيله حبوب صحيه ولذيذه للريوق ويغير عن كورن فليكس الجمعيات

www.5stripes.com

وهذا بوستي السابق عنهم وعن نكهات اخرى

5 Stripes اصنع الكورن فليكس الاورغانيك الخاص فيك

كل الشكر عالنقصه الحلوة

Capsule Machine تجربتي لجهاز تعبئة الكبسولات بالبيت

6 Nov

DSC_0592capsule machine

DSC_0565capsule machine

الوالدة الله يحفظها دايما تشتري القسط البحري او العود الهندي وهو متوفر على شكل بودره

وتاكله يوميا لفوائدة العديده وطبعا لان سيدنا محمد صلى الله عليه وسلم وصى بالقسط

ممكن تبحثون عن فوايده بالاحاديث وبالنت

مشكله القسط انه مر جدا وكانت الوالدة تعاني من طعمه

لذلك طلبت لها مكينه او جهاز تعبئه الكبسولات مع الكبسولات الفارغه من امازون امريكا

الكبسولات مصنوعه من الجيلاتين البقري ومكتوب عليها حلال وكوشر بكل وضوح

لذلك طلبته لها بدون تردد

في عده احجام لهذا الجهاز اخترت حجم ال 0

DSC_0568capsule machine

كبسولات حجم 0

الف كبسوله

بدون مواد حافظة وبدون اضافات وحلال

DSC_0572capsule machine

الجهاز اليدوي الموجود بالعلبة

وهذي القطع الموجودة

DSC_0575capsule machine

بعد مافتحت الكبسولات حطيت الزايد في علبه محكمه الغلق

معاها كيس ماص الرطوبه لحفظها

الكيس موجود مع الجهاز

DSC_0574capsule machine

تنفتح الكبسولات بكل سهوله لجزئين واحد طويل والثاني اقصر

الطويل نحطه بقاعده الجهاز والقصير بالغطا

DSC_0579capsule machine

وزعت القسط البحري بالجهاز بالبطاقه الخضرا

DSC_0581capsule machine

وضغطت وكبست عليه اكثر من مره

واعيد تعبئتها بالقسط

DSC_0585capsule machine

بالنهايه حطيت الغطا عالجهاز وضغطت بقوه

وطلعوا معاي الكبسولات بكل سهوله ومرتبين

DSC_0589capsule machine

كررت العمليه اكثر من مره وجمعت الكبسولات بعلبه

DSC_0597capsule machine

سعر الجهاز مع الالف كبسوله

حوالي ٨ دنانير بس

سعره رخيص وعملي جدا

بس تاكدوا ان تطلبون الكبسولات والجهاز بنفس الحجم 0 او 00 او 1

لقيت تجار بالانستغرام يبيعون الكبسولات المعبئه بالقسط البحري باسعار غاليه جدا

لذلك طلبت لي الجهاز وعبيت كبسولاتي بنفسي ببلاش 🙂

اللي حاب يطلب له الجهاز

هذا رابط الامازون

فيديو استخدامها

NuttZo زبدة مكسرات عضوية جديد

16 Aug

DSC_0260choices

Choices Food

شويسس فود متميزين بالمنتجات الصحية والعضوية

كل فترة ينزلون لنا منتج جديد مفيد

وهالمرة منزلين زبدة المكسرات العضوية

NuttZo

DSC_0254choices

DSC_0250choices

مطرشين لي نوعين

فيها زبدة ٤ انواع مكسرات و زبدة ٣ انواع حبوب مخلوطين في جار واحد

وحدة ناعمه ووحدة كرنشي

وحدة ضايفين لها بذور الشيا الصحية والثانية فيها كاكاو اسود

الحلو فيه انه طبيعي وفيه اوميغا ٣ وبدون سكر وعضوي وبدون غلوتين

DSC_0221choices

ومنزلين نكهتين جدد من حلاو الشاي الاخضر

بنكهه الجوافة

وبنكهه الزنجبيل

حبيت الجوافه اكثر من الزنجبيل

الزنجبيل كان حار شوي فيه لسعه

DSC_0226choices

ضميتهم لمجموعتي السابقة

دايما احرص اشتري من هذا الحلاو

لان ٣ حبات من هذا الحلاو يعادل كوب كامل من مضادات الاكسدة في الشاي الاخضر

انا شخصيا ماحب الشاي  الاخضر لذلك اشتري من هالحلاو

جربوا نكهه المانغا والباشن فروت طعمهم حلو بعد

DSC_0237choices

تلاقون هالمنتجات عن شويسيس فوود

للطلب

60699332

@choicesfoodco

يعطيكم العافية عالمنتجات الصحية

بقلاوة وبسبوسة قليلة السعرات من دايت سنتر

12 Jul

DSC_0458diet center

DSC_0425diet center

نقصة رمضان من دايت سنتر

مجموعة حلويات بقلاوه بسبوسة قليله السعرات

مع الفاكهه المجففة

شي لذيذ بدون الشعور بالذنب 🙂

مشكورين عالنقصة دايت سنتر

وتقبل الله طاعتكم

DSC_0429diet center

DSC_0437diet center

www.dietcenterkuwait.com

Tea Gschwendner تجربي لعدة انواع شاي فاخرة

11 May

DSC_0943Tea Gschwendner

Tea Gschwendner

 قبل فترة زرت محل تي غشفندنر الالماني

اللي عنده انواع شاي فاخره واورغانيك من الهند وسيلان والصين واليابان واندنيسيا وجنوب افريقيا

ماقصروا وعطونا ٥ انواع من افضل انواع الشاي

وجربناهم على عدة ايام

DSC_0918Tea Gschwendner

DSC_0958Tea Gschwendner

شاي أسام الاسود

حبينا طعمه

DSC_0091Tea Gschwendner

DSC_0108Tea Gschwendner

الشاي المغربي

عبارة عن شاي اخضر مع نعناع

وانا اضفت معاه نعناع طبيعي

واااايد لذيذ

اكثر نوع حبيناه

DSC_0095Tea Gschwendner

DSC_0154Tea Gschwendner

شاي ايرل غري

الشاي عطري مو سادة مثل الشاي العادي حبيت هالشي فيه

اكثر من الاسام

DSC_0969Tea Gschwendner

DSC_0980Tea Gschwendner

شاي اخضر اورغانيك

جاينا غن باودر

عن نفسي ماحب الشاي الاخضر

بس اللي جربه يقول حلو مافيه مرورة

DSC_0117Tea Gschwendner

اكياس شاي ابيض

بنكهه الليمون والفانيليا

كافي فوايده العجيييبه الشاي الابيض

كل الشكر تي غشفندنر عالشاي الكواليتي

هذا موضوعي السابق عن زيارتي لمحلهم

فرع الافينيوز   22598480

فرع المارينا   22244759

فرع البيرق     23824224

وعندهم توصيل للمنازل

@tg_tea

www.teagschwendner.com

Coco Water شراب ماء جوز الهند الطبيعي

28 Mar

DSC_0940_5coco water

DSC_0942_5coco water

بالامس جربت ماء جوز الهند الطبيعي

كوكو واتر

كان طعمه حلو مثل الماي لكن فيه طعم حالي شوية ونكهه جوز هند خفيييفه

بس اللي صدمني فوايده العجيبة لما قريت عنه

يساعد في نزول الوزن —- اهم نقطه هههه

يرطب البشرة

اللي يصير فيه تسمم غذائي ماي جوز الهند راح يهدي المعدة

يساعد في الهضم

بديل ممتاز لمشروبات الرياضة لان فيه ٥ غرام سكر طبيعي و٢٩٤ غرام بوتاسيوم وكمية صوديوم اقل

يخفض ضغط الدم

غني بالمعادن المغذية مثل الكالسيوم والمغنيسيوم والفوسفور والبوتاسيوم والصوديوم

يساعد على تفتيت حصوات الكلى

يساعد على تقوية المناعة

هذي الفوايد اللي قريتها وفي فوايد غيرها بعد

DSC_0939_5coco water

DSC_0949_5coco water

DSC_0956_5coco water

العلبة فيها ٧٠ سعرة حرارية

ماء جوز هند طبيعي ١٠٠٪ بدون اي مواد حافظة او اي اضافات

من انتاج الفلبين

الصراحة بديل وايد حلو للعصاير او للي ما يحب طعم الماء

الوكيل الحصري لكوكو واتر هو ري

تلفونهم للطلب

99115662

@re_kwt

كل الشكر على المنتج الصحي

👍👍👍

Lets Popcorn بوكية النفيش للرجيم

27 Jan

DSC_0461lets popcorn

DSC_0464lets popcorn

5 Days Diet Le Bouquet

ليتس بوب كورن منزل علبة نفيش او فشار مقسمة على علب صغار

الهدف منها تكون سناك للرجيم

DSC_0478lets popcorn

DSC_0483lets popcorn

DSC_0488lets popcorn

DSC_0499lets popcorn

DSC_0474lets popcorn

الكرتونه مغلفه لحفظ النفيش ان يكون فريش

وداخلها ٢٠ علبه صغيره

النفيش راح يكون اهو السناك في رجيمكم

٤ علب يوميه، تاكلون علبه بعد كل وجبة تعتبر سناك ومحسوبه سعراته الحرارية

وفي علبة الرابعه اكسترا بنكهه الملح تاكلها بأي وقت

والسعرات الحرارية لهذي ال٤ علب باليوم ٢٨٠ سعرة

وانتوا تسوون رجيم ممكن تغيرون السناك المعتاد بسناك بوبكورن

طعمه حلو ومفيد فيه الياف ومحسوبه سعراته الحرارية

وحاطين فيه معظم نكهاتهم اللذيذه المتوفره بالمحل

DSC_0508lets popcorn

DSC_0513lets popcorn

شكرا ليتس بوبكورن عالنفيش والفكره الحلوه

وشكرا عالدعوه لمعرض كويتي وافتخر

راح نمر بوثكم ان شاء الله

ليتس بوبكورن عندهم فرعين واحد بالمباركية والثاني بالسالمية

للطلب

96677677

www.letspopcorn.com

Diet Center نصائح لسناك صحي وبحدود ال ٢٠٠ كالوري

18 Dec

DSC_0479diet center

دايت سنتر ارسل لنا بوكس فيه مجموعة سناك ومعاها نصيحة

عن كمية الكالوري في كل سناك صحي

DSC_0489diet center

مثلا التفاحه او البرتقاله فيها ٦٧ كالوري

حبه بقلاوه فيها ٣٣ كالوري

حبه بسبوسة فيها ١٠٠ كالوري

وغيرها

DSC_0490diet center

شكرا دايت سنتر عالنصيحة والسناكس

برنامج الديتوكس من دايت سنتر

30 Oct

IMG_1965

قبل يومين لبينا دعوة دايت سنتر لحضور حفل انطلاق برنامجهم الجديد للديتوكس

بحضور اللاعب وليد علي و الشابة دانه الطويرش و اخصاءيه التغذيه من دايت سنتر فاتن

c club مكان اللقاء كان

الاختيار كان موفق و اول مرة أشوفه وايد حلو

استقبلونا برحابة و ضيفونا عصاير للديتوكس اللي كانت غريبه شوي

جربت الشمندر مع الليمون كان ماشي حالة و لكن الثاني كان خس و فول سوداني صعب شوي

ناقشوا برنامج الديتوكس اليديد و شلون يتطبق و شنو الصعوبات اللي راح يمر فيها اللي يختار البرنامج

 cheating و شنو البدائل في حالة 

وآخر شي جربنا بعض الأطباق و كانت لذيذة ما توقعتها جذي كلش و تحس بجوده المكونات

حتى السمج ما حسيت انه زفر بالعكس لذيذ

و أطباق الحلو مالتهم اغلبها مكسرات و عسل و تمر و فاكهه و قمردين و روب

بس حلوة وايد و تسوا الواحد يسوي رجيم و يجربها ان شاء الله التحدي الياي راح أسجل معاهم

مشكورين دايت سنتر على الدعوه و التجربه الحلوه

DetoxDC7

3

1

www.dietcenterkuwait.com

هدية رمضان من دايت سنتر

15 Jul

DSC_0898diet center

دايت سنتر ارسلوا لمدونة كيفي نقصة رمضان

كتاب فيه نصائح قيمة عن الاكل الصحي في رمضان

ومبخر وبخور وعلبة زعفران خنين

يعطيكم العافية عالهدية

ومبارك عليكم الشهر

DSC_0900diet center

Diet Care هدية العيد الوطني من دايت كير

22 Feb

DSC_0489diet care

Diet Care

دايت كير ارسل لنا هدية بمناسبة ذكرى العيد الوطني والتحرير

DSC_0494diet care

ما شاء الله حاطين فيه وايد شغلات من باجات واعلام وشال وقناع كلها على اعلام الكويت

DSC_0546diet care

DSC_0497diet care

كب كيك على شكل علم الكويت يشوق

كب كيك دايت كير فيها ٢٠٠ كالوري

كب كبك عادي فيها ٣٠٠ – ٦٠٠ كالوري على حسب الحشوة

DSC_0509diet care

كيك بوب دايت كير فيها ١٧ كالوري

كيك بوب العادي فيها ١١٠ – ٢٠٠ كالوري

DSC_0544diet care

كوكيز دايت كير فيها ٦٠ كالوري للحبة

كوكيز العادي فيها ١٠٠ – ٢٥٠ كالوري

شكرا دايت كير عالهدية

Diet Center هدية دايت سنتر للعيد الوطني

21 Feb

DSC_0467diet center

ارسل لنا دايت سنتر هدية لعيد الوطني

تارت فراوله عليها علم الكويت

وبقلاوه اكيد للرجيم 🙂

وكتابين عن تاريخ الكويت السابق للكاتب حمزه عليان

فكره جميله جدا للاحتفال في العيد الوطني

DSC_0469diet center

DSC_0483diet center

DSC_0488diet center copy

وكل عام وانتوا وكويتنا بخير

مشكورين عالهدية دايت سنتر

قياس السكر والضغط والحراره والوزن على جهاز الايفون

17 Oct

شركه ميديسانا الالمانيه منزله مجموعه اجهزه لقياس

الضغط والسكر والحراره والوزن

عن طريق جهاز الايفون

VitaDock

الجهاز الاول

CardioDock

جهاز لقياس الضغط فقط ركب عليه الايفون ولف الطرف الاخر قطعه القماش عالذراع

وشغله ويعطيك ضغطك بالضبط

وينزل المعلومات عالايفون ويحفظها لك لعمل مقارنه بالمستقبل

سعره ب ٤٨ دينار كويتي

GlucoDock

جهاز لقياس السكر بالدم

فقط ركب القطعه عالايفون وضع شريط قياس السكر

ونقطه دم

وتطلع لك المعلومات كامله ودقيقه عالايفون

وتنحفظ جميع المعلومات داخل جهازك وتقدر تنقلها للكمبيوتر وتطبعها لطبيبك لمتابعه حالتك

سعر الجهاز ٣٧ دينار كويتي

وبعض اكسسوارات الجهاز تنباع معاه

مثل اشرطه قياس سكر الدم والابر باسعار معقوله

مثلا الاشرطه ٥٠ شريط ب ٩ دنانير

ThermoDock

جهاز يقيس حراره الجسم عن طريق الاشعه تحت الحمراء

Infrared

فقط ركب القطعه بالايفون ووجه الاشعه على الجبهه مسافه ٥ سم بدون لمس للجبهه

وتطلع لك الحراره بالضبط

ممكن تقيس فيها حراره الاكل والماي وغيرها

سعر الجهاز ٣٠ دينار كويتي

TargetScale

ميزان لقياس الوزن وكتله الجسم ووزن الشحم والماء والعضلات والعظام

وكميه السعرات الحراريه اليوميه اللي تحتاجها الجسم

فقط اشبك الايفون بالميزان عن طريق البلوتوث والمعلومات راح تنتقل للايفون بالتفصيل

وراح تتخزن المعلومات بالجهاز وتقدر تتابع تقدمك بالتفصيل

والدائره المضيئه اللي عالميزان كلما اقتربت للداخل معناه ان اقتربت للهدف واذا ابتعدت العكس

سعر الميزان ٥٥ دينار كويتي

كل هذي الاجهزه تشتغل ببرنامج خاص تنزلونه من الاب ستور لتشغيلها

وتقدرون تطلبون هذي الاجهزه من الموقع الرسمي للشركه ويوصل الى الكويت وجميع دول العالم مجانا

هني

يبيله نطلب الميزان 🙂

Update: Bobble قنينه للماء مع فلترها منها وفيها

1 Jul

قامت شركه بوبل بالكويت المختصه بقنينات الماء المزوده بالفلتر

بارسال منتجها لتجربته ونقل تجربتنا اليكم

BPA Free  قنينه بوبل مصنوعه من البلاستيك الامن

وقابل للتدوير لذلك امن عالبيئه

وخفيفه بالوزن ومزوده بفلتر مصنوع من الكربون

هذا الكربون يفلتر الماء من اي كلورين او مكروبات موجوده فيه ويترك الماي بدون ريحه وبدون اي طعم

ممكن تحطون فيه ماي المغسله ينظفه ويفلتره

هذا الفلتر ينقي ١٥٠ لتر من الماي

لنتيجه افضل يجب استبدال الفلتر باخر جديد بعد شهرين او بعد ١٥٠ لتر ماي

شكله انيق وخفيف بالوزن ويغنيكم عن بطول ماي الصحه

متوفر منه عده الوان

حاليا متوفر حجم نص لتر

صناعه امريكيه

اشكركم عالهديه القيمه

يوتيوب

سعر الحبه ب ٨.٥ دينار

سعر الفلتر ٥،٥ دينار

عرض خاص علبه بوبل + فلتر ب ١٠ دينار

Update Phone Number

للتوصيل

50643211

موقعهم عالنت

ابداااع : مكعبات ثلج داخلها مكونات قابله للاكل

24 Jun

عمركم فكرتوا انكم تحطون ورد قابل للاكل داخل مكعبات الثلج ؟؟

الفكره وااايد حلوه وتشوق

ممكن تسوونهم للحفلات او العزايم ينحطون بالعصير او بالماي

انواع ورد قابل للاكل

توت وفراوله وليمون ونعناع

قهوه مثلجه

شاي مثلج

المصدر

Puravita Breakfast ريوق للرجيم

22 Mar

20120322-144246.jpg

20120322-144250.jpg

20120322-144257.jpg

بريكفاست او ريوق بالكويتي اهي عباره عن خبزه غنيه بالالياف والفواكه المجففه

من بره متروسه حبوب والياف

ومن داخل موجوده الفواكه المجففه مثل التين والمشمش والعنب

وماتحتوي على اي سكر

كاتبين عالعلبه يفضل تاكلونها مع كوب حليب خالي الدسم

ممكن تحطون داخلها جبن او لبنه او اللي تبونه

وراح تحسسك بالشبع لفتره طويله لوجود الالياف فما راح تخربط اهني واهني  لي وقت الغدا

الخبزه الوحده فيها ٢٥٧ سعره حراريه

 حجمها كبيير اكبر من كف اليد بشوي

وطعمها معقول بالنسبه انها حق رجيم

هذي الخبزه من شركه بلجيكيه بس تم صناعتها بالكويت بشركه جود

لقيتها في كافيهات صندوق رعايه المرضى بالمستشفيات الحكوميه

مو متاكده اذا متوفره بالجمعيات !!

20120322-144303.jpg

20120322-144308.jpg

20120322-144314.jpg

موقعهم عالنت

By Haya

شركه كوكاكولا وبيبسي تغير من تركيبها لتجنب وضع تحذير انها مسببه للسرطان

9 Mar

ولايه كاليفورنيا الزمت شركه كوكاكولا وبيبسي لوضع تحذير على علبها

“ان كولا وبيبسي تسبب السرطان “

 4-methylimidazole لوجود نسبه من الماده المسرطنه

الموجوده في صبغه الكراميل لهذي المشروبات الغازيه

طبعا شركه كولا وبيبسي مستحيل يكتبون على بضاعتهم انها تسبب السرطان

فقامت وقللت نسبه هذي الماده المسرطنه الى اقل نسبه مسموحه لتفادي كتابه هذا التحذير

وحاليا نزلوا في ولايه كاليفورنيا هذا المنتج اليديد اللي مايسبب السرطان

وقالوا بالمستقبل راح يعممون على باقي الدول

علما ان المنتج اليديد مايختلف بالطعم نهائيا

وعياااالنا طايحييين بهالبيبسي والكولا حسبي الله عليهم

يريت اهني بعد يطبقون هذا القانون اما ان يكتبون عالعلب انها مسببه للسرطان او يقللون الماده المسرطنه مثل  ما سووا لولايه كاليفورنيا

المصدر

Jasmine Blooming Tea شاي ورده الياسمين

9 Mar

وصلتني صوغه من تركيا شاي الياسمين

حجم الوحده صغير كبر ال ١٠٠ فلس

طريقته نحط الورده ب لتر ماي مغلي ونخليها تنقع لما تتفتح كلها يصير حجمها كبييير

طعمه حليو مثل شاي الاعشاب

“Sensa” دواء جديد لتخسيس الوزن بدون رجيم وبدون رياضه

18 Feb

Sensa

هذا دوا يديد نازل بأمريكا مسوي ضجه عندهم واشهر المجلات والمواقع كاتبه عنه

NBS , CBS, TIME, FOX,…مثل

دوا “سينسا” ينزل الوزن حوالي ١٤ كيلو في ٦ اشهر بدون رجيم وبدون رياضه

وتكملين حياتج الروتينيه بدون تغيير وتاكلين كل اللي تشتهين بدون حرمان
سينسا عباره عن علبه فيها بودره تستخدم مثل الملح والفلفل الاسود على الاكل
في نوعين للبودره : نوع مخصص للاكل المالح ونوع مخصص للاكل الحلو وتنثرين على اكلج هالبودره
بودره سينسا مافيها طعم وماتغير طعم الاكل

طريقه عمل السينسا ان البودره فيها ريحه معينه لما الواحد يشمها يوصل اشارات للمخ للاحساس بالشبع فالواحد يقوم عن الاكل شبعان ومايشتهي يكمل باقي الوجبه
بهذي الطريقه الواحد ينزل وزنه بدون حرمان وبدون رجيم معين

حاليا بأمريكا الشركه توزع عينات مجانيه علبه سينسا للشهر الاول
سعر العلبه حوالي ٢٠ دينار

FDAهذا الدوا حاصل على موافقه ال

وكل المواد اللي فيه تعتبر آمنه و يعمل فقط على حاسه الشم ومافيه اي مواد مثل باقي ادويه التخسيس مثل مدرات البول او محفزات او موانع للدهون

الصراحه اذا هذا الدوا طلع مضبوط وصج ومافيه اثار جانبيه راح يسوي صجه اهني بالكويت خاصه ان نسبه السمنه اهني كبيره وفي ناس اتجهوا للعمليات

ماكو الا ننطر ونشوف نجرب بالامريكان اول

المصدر

%d bloggers like this: