Archive | Dubai RSS feed for this section

برغر سولت في لا مير دبي

6 Mar

final-47

final-36

مطعم سولت للبرغر انتشر بالشاحنة المتنقله

وحاليا فاتحين لهم فرع في لا مير عالبحر

نفس الطريقه الطلب عالكاشير وتاخذون طلبكم بنفسكم نفس المطاعم السريعه

المكان وايد حلو وشرح وخاصه الجو حاليا في دبي بارد معتدل

منزلين سولت منيو جديده خاصه فيها البرغر الاسود

جربتها وكانت جيده جدا

لكن البرغر الكلاسيك عندهم لا يعلى عليه يظل افضل شي بالمنيو

وجربت اصابع الدياي كانت لذيذه وترفه

والبطاط بالجبن مانصح بالجين لانه نفس مال الناشوز مو ذاك الزود

خلكم عالبطاط العادي كرسبي ولذيذ

Salt Dubai

lamerdubai.ae

Azkadenya مطعم ازكادنيا في دبي

5 Mar

final-52

مطعم ازكادنيا في الامارات مول

كنا بانتظارعرض الفلم بالسينما ودخلنا مطعم ازكدنيا المجاور للسينما

المطعم اكله شامي

الديكورات وايد حلوة والمنيو متنوع

بدينا بعصير الاناناس بالرمان منعش ولذيذ

وجربنا اصابع الحلوم المقليه كانت جدا لذيذه حتى الذ من اصابع الحلوم اللي في المشوره في لندن

خاصه صلصه التين للتغميس كانت روعه

وجربنا فتة الباذنجان كانت جيده لكن غير مميزه

واخذنا شاورما الدجاج اتيي بسيخ تقديمها حلو وطعمها احلى

كانت تجربه لذيذة وممكن نكررها

اصغط عالصوره لتكبيرها

مطعم ازكادنيا في الامارات مول دبي

Dubai Frame برواز دبي

4 Mar

تجربه ممتعه في برواز دبي
يعتبر اكبر برواز في العالم
طوله ١٥٠ متر
اول ماتدخل يحطون لك فيديوات لدبي القديمه كان ممنوع التصوير
عقب صعدنا المصعد بسرعه دقيقه وحده وصلنا قمه البرواز
وداخله تمشي على زجاج شفاف وتشوف اللي تحتك
اول شي تحس بالخوف عقب تتشجع 🤣
وحاطين البرواز بين دبي القديمة ودبي الجديده مع ناطحات السحاب
بره وداخل كله كافيهات تقدر تستمع بخفايف وانت اهناك

الدخله ب ٥٠ درهم

وهذا فيديو صورته داخل البرواز

تجربه ممتعه في برواز دبي يعتبر اكبر برواز في العالم طوله ١٥٠ متر اول ماتدخل يحطون لك فيديوات لدبي القديمه كان ممنوع التصوير عقب صعدنا المصعد بسرعه دقيقه وحده وصلنا قمه البرواز وداخله تمشي على زجاج شفاف وتشوف اللي تحتك اول شي تحس بالخوف عقب تتشجع 🤣 وحاطين البرواز بين دبي القديمة ودبي الجديده مع ناطحات السحاب بره وداخل كله كافيهات تقدر تستمع بخفايف وانت اهناك الدخله ب ٥٠ درهم #dubaiframe @dubaiframe #kaifiidubai #dubai #mydubai #برواز_دبي #visitdubai @dubai @visit.dubai

A post shared by Kaifii Blog (@kaifiiblog) on

Grand Hyatt Dubai فندق غراند حياة دبي

4 Mar

final-108

 سنين وانا ازور دبي ودايما اشوف فندق غراند حياة ولا مره فكرت اني اجربه

سكنت فيه في زيارتي لدبي الاسبوع اللي فات

وفاق الفندق كل توقعاتي

اللوبي كبييير وشرح وفيه شلال ماي وحديقه داخليه

اخترت الغرفه العادية وكان حجمها وايد كبير وشرحه فيها مكان كبت الملابس منفصل

والحمام كبير ومقسم لدوش ومرحاض والمغاسل

والفراش وااايد مريح

وطوفه الغرفه كلها من زجاج شررحه مطله على برج خليفه وناطحات السحاب

ولازق بالفندق سينما والوافي مول

وجربت خدمة الغرف مرتين كان اكلهم ممتاز

وبوفيه الريوق مايتطوف كل شي يخطر على بالك ماتخلص منه من كثر الخيارات

الصراحة انصح فيه وسعره مقارنه بفنادق دبي يعتبر ممتاز

final-117

اصغط عالصور لمشاهدة اوضح

Grand Hyatt Dubai

Milas مطعم ميلس في دبي مول

14 Jan

dsc04340milas

مطعم ميلس مطعم اماراتي

جربته قبل سنتين في دبي مول وحبيناه

 واعدنا الزياره هالسنه مره اخرى

عرض المنيو حلو بالبرواز

dsc04341milas

dsc04343milas

يقدمون لك نخي وزعتر ضيافه مجانيه علما يوصل طلبك

dsc04344milas

dsc04345milas

البيتزا عندهم لذيييذه ماتتطوف

dsc04346milas

فتة الباذنجان باللحم

طبق لذييييذ الروب طعمه ناااطع والباذنجان متروس بالطبق مع قطع اللحم انصح فيه

dsc04347milas

سلطه حارة

dsc04351milas

كباب كوبيده كان لذيذ

dsc04353milas

صالونه لحم

للاسف كانت المرقه ماي وخفيفه مافيها اي نكهه

dsc04349milas

اللبن عندهم عجييييب يسرسح

dsc04350milas

مطعم ميلس في دبي مول

Big Chefs مطعم بيغ شيف التركي في دبي

13 Jan

dsc04212big-chefs

مطعم بيغ شيف اهو تركي الاصل

ويقدم الاطباق العالميه والتركيه

مشهور في تركيا وعنده فروع كثيره بتركيا

وفي له فروع بدبي والسعوديه وبالكويت

اول مره اجرب المطعم

ديكوراته وايد حلوه والمنيو كبير

dsc04213big-chefs

dsc04218big-chefs

dsc04219big-chefs

dsc04220big-chefs

dsc04222big-chefs

dsc04223big-chefs

dsc04224big-chefs

dsc04225big-chefs

dsc04227big-chefs

dsc04230big-chefs

سلطه جبن الماعز مع صلصه التوت

كانت حلوه

dsc04231big-chefs

بيتزا مرغريتا للاطفال

dsc04232big-chefs

هذا دجاج شنتزيل للاطفال

لكن كان الطعم مو ذاك الزود حتى اليهال ما قدروا ياكلونه

دجاج مفروم مسوينه اقراص وعليه بقصمات

dsc04234big-chefs

برغر الدجاج كانت ناشف ويابس

غير موفق

dsc04237big-chefs

كباب بالروب مكتوب بالمنيو

لكن اللي وصل شرايح لحم بالروب

كان الطبق جيد

dsc04240big-chefs

كنافه بالبلوبيري

كانت وايد حلوه

افضل طبق

الصراحة كانت تجربه جدا عادية يمكن ما عرفنا نختار الاطباق الصح

بيغ شيف في الجي بي ار دبي

Grill shack مطعم غريل شاك في دبي مول

13 Jan

final-30

final-27

مطعم غريل شاك توه فاتح في دبي مول

قلنا نروح نجربه

المطعم يقدم الستيكات والبرغرز

مكان المطعم مطل على حلبة التزلج وايد حلو وشرح

الاكل كان جيد جدا والخدمة ممتازة

مطعم بستون صمد العراقي في دبي

5 Jan

مطعم بستون صمد

من المطاعم اللذيذه اللي جربتها في دبي

هذي ثاني زياره لي للمطعم والصراحه الاكل جدا لذيذ

مطعم عراقي موجود في مجمع الغرير في دبي

دايما زحمه عليه ماشاء الله

اول شي يقدمون لك الشوربه والسلطه وماعون خضرا مع المخلل وخبز التنور كله ضيافه مجانيه وبالاخير بعد يقدمون لك صحن حلو مع شاي مجانا الضيافه عندهم وايد حلوة ماشفتها بمطعم ثاني الصراحه

طلبنا الكباب العراقي شي خياااال جدا لذيذ وللاسف مافي مطعم بالكويت يقدم نفس الطعم

وجربنا المسقوف كان هامور مشوي هم حلو

بس حبيت الكباب اكثر عندهم مايتطوف الصراحه

انصح بزياره المطعم اذا رحتوا دبي

 يريت يفتح له فرع بالكويت

مطعم بستون صمد في دبي مجمع الغرير

الريوق في مطعم لقمة في دبي

5 Jan

جربت مطعم لقمة الاماراتي للريوق

زرناهم عال٩ الصبح كان المكان هادي مافيه زحمه

طلبنا طبقين من الاطباق الاماراتيه

الريوق التقليدي فيه بيض وطماط وبلاليط ودبس التمر مع جبن كرافت و٤ انواع خبز رقاق وجباتي ومحلى وخمير

كان الطبق الصراحه لذيذ واختيار موفق

والطبق الثاني اسمه دنقو طلع نخي بالكزبرة والثوم هم كان خوش طبق مع ان النخي كان يابس شوي احبه يكون لين اكثر

وطبعا مايكتمل الريوق بدون الكرك

تجربه لذيذه وحلوة وعندهم اطباق وايد لازم ارد اجربهم بالمستقبل

والخدمة ممتازه

@logma

Falla مطعم فلّه للبرغر في دبي

1 Feb

dsc02675falahdsc02677falah

مطعم فله في دبي

يقدم البرغر الامريكي والباستا

الديكور وايد حلو وفيه العبارات الاماراتيه والصور موزعه عالمحل

جربنا عندهم البرغر الكلاسيك مع الجبن

كان البرغر حجمها صغير لكن لذيذه وجوسيه

وجربنا الربيان السبايسي كان كرنشي ولذيذ

خوش مطعم للبرغر انصح فيه

مطعم فله في شارع الجميرا

dsc02698falahdsc02703falahdsc02705falahdsc02709falahdsc02678falahdsc02686falahdsc02679falah

Galito’s مطعم غاليتو في دبي باركس

16 Jan

dsc04143legoland-dubai

dsc04151galito

في مدينه النهر (ريفير لاند) في دبي باركس بجانب الليغو لاند

تغدينا فيها واخترنا مطعم غاليتو

اول مره اسمع عنه واجربه

طلع مطعم قديم من سنين في جنوب افريقيا وعقب طلعت فروعه للعالم

الي يحب ناندوز هذا نفسه بالضبط دجاج بخلطه البيري بيري

الدجاج ترف وجوسي ولذيذ حبيناه

dsc04146galito

وعندهم بعد صلصاتهم الجاهزة للبيع

dsc04149galito

جبده الدجاج مع حمسه البصل والطماط وايد لذيذه

العيش بعد بهاراته حلوه وخبز الثوم على جنب هم لذيذ

dsc04147galito

حق الاطفال اصابع دجاج مقلي ترفه وجوسيه

dsc04150galito

dsc04145galito

خوش مطعم غاليتو انصح فيه لمحبي الدجاج المشوي

dsc04126legoland-dubai

Motiongate Dubai حديقه الموشن غيت دبي

15 Jan

dsc04176motiongate

حديقة الموشن غيت دبي

هذي وحده من حدايق دبي الترفيهيه اللي بجانب الليغو لاند

هذي الحديقه كبيره وممتعه  ويبيلها يوم كامل للعب الالعاب اللي فيها

احنا دخلنا لها بعد ما خلصنا الليغو لاند عال ٦ المغرب وقعدنا فيها حوالي ساعتين ما لعبنا كل شي فيها لان الوقت ما يمدي

وفي اقسام مافتحت الى الان

مقسمه هذي الحديقه الى اقسام الاستوديو المصنع للافلام

استوديو كولمبيا واستوديو دريم ووركس واستوديو ليون غيت ومدينه السنافر

dsc04177motiongate

dsc04181motiongate

استوديو كولمبيا بكتشرز

فيه فلم ذا ميت بولز وحبيت تصميم المطعم وايد

مثل اللي صار بالفلم للي شافه

dsc04183motiongate

dsc04184motiongate

dsc04185motiongate

dsc04187motiongate

dsc04186motiongate

dsc04189motiongate

dsc04190motiongate

وهوتيل ترانسيلفينا

dsc04193motiongate

مدينه السنافر

dsc04194motiongate

dsc04196motiongate

dsc04198motiongate

ستوديو دريم ووركس

dsc04199motiongate

وهذي افلامه

dsc04201motiongatedsc04202motiongatedsc04204motiongatedsc04207motiongatedsc04209motiongatedsc04210motiongate

Dubai Parks & Resorts منتجعات و حدائق دبي

13 Jan

dsc04124legoland-dubai

دبي باركس اند ريزورتس

حدائق دبي الجديدة اللي فيها ليغو لاند

مكان كبير مخصصينه للالعاب موجود في نهايه دبي في طريق اللي يودي ابوظبي

الحدائق الموجودة او الاماكن فيها

ليغو لاند /ليغو لاند المائية / موشن غيت / بوليوود / مدينه النهر للمطاعم

فندق لابيتا

تذكره الدخول لكل مدينه او حديقه منفصله

الا اذا اخذت تذكره شامله وحاليا في عرض حلو لنهايه يناير يشمل ٣ حدايق ب ٣٠٠ درهم للشخص

dsc04129legoland-dubai

الليغو لاند فيها اكثر من قسم داخلها منها الملاهي والالعاب والمطاعم السريعه ومصنع الليغو وغيرها

المدينه ممتعه وكبيره وايد يحتاج لكم يوم كامل للعب فيها

llw-attractions-620x400_0001_twin-chasers

ليغو لاند المائيه مفتوحه حاليا وتستقبل الزوار لكن ما دخلنا لها لان الجو حاليا بارد قلنا نرد لها بالصيف افضل

dsc04177motiongate

الموشن غيت اهي حديقه كامله فيها بعد العاب وملاهي للاطفال والكبار ومقسمه بعد على حسب الاستوديو اللي انتج الافلام

مثلا قسم دريم ووركس فيها مدغشقر وشريك وهاو تو ترين يور دراغون وكونغ فو باندا

وقسم كولمبيا ستوديو فيه ذا ميت بولز ووهوتيل ترانسلفينيا

وفي مدينه السنافر الحديقه كبيره وتحتاج يوم كامل للاستمتاع بكل العابها

بوليوود هذي ما دخلناها صار الليل وتعبنا ومشينا هذي تنفع للي يتابع الافلام الهنديه

dsc04126legoland-dubai

مدينه النهر هذي الدخول لها مجاني ومفتوحه فيها بس مطاعم ومحلات للتسوق  والمطاعم اللي فيها عالميه ومشهوده وذات مستوى

العادة في مدن الملاهي تكون المطاعم سريعه محليه وخاصه بالحديقه وغاليه والاكل دون المستوى

وفندق لابيتا هذا تابع لفنادق ماريوت

الميزه فيه ان تريح العصر بالفندق وترد تلعب بالحدايق وان تذاكر الحدايق مجانيه خاصه ان سعر التذاكر غاليه

لكن شيكت على سعر الفندق يعتبر غالي

www.dubaiparksandresorts.com

Bestoon Samad مطعم بيستون صمد دبي

11 Jan

dsc04266beston-samad

جربت مطعم بيستون صمد العراقي

في مجمع الغرير في دبي

زرناه في الويكند كان المطعم زحمه بشكل مو طبيعي

انتظرنا طاوله لمده ساعه كامله

وكانت الضيافه سلطه مع شوربه عدس

dsc04269beston-samad

خبز التنور عندهم عجيييب

dsc04271beston-samad

شوربه عدس ضيافه مجانيه منهم

dsc04273beston-samad

لبن مدخن

شخصيا ما حبيته بس الاهل حبوه

dsc04278beston-samad

ينشرب بالقفشه 🙂

dsc04275beston-samad

حمص وبابا غنوج لذيذين مع خبز التنور

dsc04279beston-samad

مشاوي مشكله

الكباب احلى شي بالطبق

الكباب عندهم متروس شحم كان محمش ولذيييذ مايصلح للدايت كلش

dsc04281beston-samad

مقلوبه دجاج وعليها الباذنجان ومعاها مرقه باميه ومرقه فاصوليا

كانت لذيييذه

بس الكباب كان الطبق الفايز عندهم وعشانه ممكن ارد اكل بالمطعم مره ثانيه

مطعم بيستون صمد في مجمع الغرير في دبي

bestoonsamadrest

Roda Amwaj Suites JBR شقق فندقيه في دبي

10 Jan

dsc04336roda-amwaj

السفره هذي لدبي كانت عائليه فاحتجنا شقق فندقيه

واخترت شقق روضة امواج سويتس

لان سعرها معقول و٥ نجوم وموجوده في الجي بي آر يعني تحتنا منطقه سياحيه

dsc04107roda-amwaj

اللوبي

dsc04109roda-amwaj

الشقه واسعه ومريحه ونظيفه

dsc04111roda-amwaj

dsc04112roda-amwaj

المطبخ كبير ومجهز بكل شي من مواعين

ما استخدمناه لكن راح يفيد الناس اللي بتطبخ

dsc04113roda-amwaj

غرفه توين

وداخلها حمامها الخاص

dsc04117roda-amwaj

وهذي الثانية ديلوكس مع حمامها بعد

dsc04116roda-amwaj

dsc04118roda-amwaj

dsc04114roda-amwaj

في بلكونه كبيره مع كراسي وهذا المنظر المطل منها

dsc04339roda-amwaj

حمام سباحة لكن ما نزلنا فيه لان الجو كان بارد

dsc04337roda-amwaj

dsc04335roda-amwaj

خيار موفق الصراحة

موقعهم ممتاز والشقه كبيره ونظيفه والسعر معقول

www.roda-hotels.com

JBR #mydubai #jbr #jumeirahbeach #jumeirah #kaifiidubai

A post shared by Kaifii Blog (@kaifiiblog) on

Soy مطعم صوي للاكل الصيني في دبي

17 Apr

DSC01475movempick

اول مره اجرب مطعم صوي في مجمع ابن بطوطه

في عندهم فرع وفي دبي مول

المطعم صيني والاكل سعره معقول مو غالي يعتبر مطعم مو كشخه

لكن حبيت الاكل عندهم

DSC01479movempick

Tom Yum

شوربه التوم يام بالربيان كانت لذيذه وسبايسي

DSC01481movempick

Crispy Honey Chicken

هذا طبق مقبلات دياي مقطع ضعااااف ومقلي كرسبي مع عسل

واااايد لذييييذ حبيت هالطبق اول مره اكل قطع دياي ضعاف جذي جنهم بطاط ضعاف

DSC01487movempick

Bleck Pepper Beef

هم لذيذ هذا الطبق لحم بصلصه الفلفل الاسود مع الخضار الفريش واللحم ترف

DSC01488movempick

Shrimp chow mein

ولازم نودلز مع الاكل الصيني هم كان النودلز لذيذ ضعاااف وخفييف

صوي خوش مطعم اذا تبي صيني ورخيص اعتبره فاست فوود بس شغل مرتب

Joe’s Crab Shack مطعم جوز كراب شاك للاكل البحري في دبي

16 Apr

DSC01326movempick

DSC01325movempick

مطعم جوز كراب شاك مطعم امريكي متخصص بالاكل البحري

المطعم عنده سلسله فروع منتشره بامريكا واول فرع يفتح بره امريكا في دبي الامارات في دبي مول

مقابل الاكواريوم وانت تاكل تشوف السمج رايحين ورادين 🙂

المطعم صار له ٦ شهور فاتح تقريبا

DSC01338movempick

DSC01353movempick

لاحظت في هذي الغرفه الموظفين قاعدين وياكلون فيها

مادري هل يجربون الاطباق او هذا مكان استراحتهم

حسيت شغله حلوه بالمطعم يقدرون موظفينهم

DSC01331movempick

لازم رول الكلينس حق الاكل البحري لان لازم تكسرون القباقب وام الربيان وتصير معركه 🙂

وتب الكبير اللي ورا عشان نقط فيه القشور

DSC01356movempick

هذي عده التكسير 🙂

DSC01360movempick

بسم الله نبدا 🙂

DSC01349movempick

طبق المقبلات هذا نصحنا فيه مدير المطعم

وكان صج لذيذ

الكلاماري فريش وكرسبي وكرات الجبن بعد لذيييذه

اما تغميسه القباقب بالجبن كان زفر شوي

DSC01362movempick

طلبنا جدر ام الربيان كان حجمها كبير وراهي ومعاها بالجدر وايد شغلات لذيذه

مثل الربيان والمحار والذره والبطاط المفيوح وقطعه صوصج كبيره

توقعت البطاط والذره يصيرون زفرين بما انهم بنفس الجدر لكن بالعكس كل شي كان لذيذ وبدون اي زفره كلش

بس المشكله معاي كان ان اللوبستر والربيان مافيه نكهه مفيوح بس احبه مع صلصات

فطلبت صلصه ليمون بالزبده للتغميس

DSC01372movempick

DSC01364movempick

وبما ان يايين مطعم كراب لازم نجرب الكراب 🙂

القبقب كان جدا ضخم وتكسير الايد وتعال طلع اللحم كان مغامره الصراحه

ماينفع حق الناس اللي يايه المطعم بتكشخ يعني لازم تطب رواسي بالجدر وعقب في مغاسل تغسل ايدك بالصابون

بس القبقب ماعجبني وايد ام الربيان كانت وايد الذ

DSC01363movempick

كانت تجربه حلوه بس يبيلها مزاج ان تقشر وتوصخ ايدك

اللي يحب الاكل البحري وبسعر مناسب لازم يجربه

موجود المطعم في دبي مول بالطابق العلوي مجابل الاكواريوم

www.joescrabshack.com

Movempick Ibn Battuta فندق موفمبيك ابن بطوطة في دبي

15 Apr

DSC01436movempick

DSC01438movempick

في زيارتي الاخيره لدبي سكنت في فندق موفمبيك ابن بطوطة

كان سعره مناسب في فتره كانت كل الفنادق غاليه

وقلت بما انه ملاصق لمجمع ابن بطوطه هم ميزه اذا حبينا نتسوق او نتمشى فيه

الفندق بعيد شوي عن برج خليفه ودبي مول

DSC01427movempick

اللوبي للفندق خيااااالي ماودك تركب الغرفه وتهد هالمنظر

DSC01416movempick

خذنا غرفه ديلوكس والمنظر مطل عالشارع صوب البر كان كلش مو حلو المنظر

الغرفه مريحه ونظيفه وواسعه

صار لنا موقف مع الفندق ان طلبت ثلج من خدمه الغرف لشرب الكولا احبه مع ثلج

لكن قالوا الثلج ب ٢٠ درهم استغربت وحزتها كان بخاطري الكولا فقلت اوكي طرشوا الثلج

وبنفس الوقت ارسلت ايميل شكوى لشركة موفمبيك الام وقلت لهم هذي خدمه بسيطه في فندق ٥ نجوم معقوله يدفعونا عالثلج

رحنا حق سلسله فنادق مختلفه وكانت خدماتهم مميزه وانتوا تدفعونا عالثلج

وطلعنا ورديت الكويت ونسيت الموضوع ولا واصلني بعد اسبوع ايميل من الشركه الام تعتذر عاللي صار

وبلغوني ان مبلغ الثلج راح يرد بالفيزا وانهم بالعاده ماياخذون فلوس عالثلج وهذا خطأ صار من فندق ابن بطوطه

حلو ان في اداره تتابع فنادقها وترد عالشكاوي وتعالجها

DSC01417movempick

DSC01418movempick

DSC01421movempick

DSC01420movempick

DSC01425movempick

RedBull Car Park Drift تغطيتي لنهائيات ريد بُل درفت في دبي

28 Nov

DSC_8116red bull

DSC_8174red bull

بدعوة كريمة من ريد بول حضرت نهائيات ريد بل كار بارك درفت في دبي

في موقف السيارات التابع لفندق ميدان في ند الشبا

وعشرة بلدان كانت مشاركة بالنهائيات هي تونس والكويت وموريشيوس ولبنان والأردن وعُمان ومصر وقطر وإيران والإمارات العربية المتحدة

المشاركين من الكويت كانوا حمد الهاجري وعلي مقصيد

النهائيات كانت جدا ممتعة الجمهور تعدا ال٤ الاف متفرج

والمتسابق احمد دحام من الاردن حصل عالمركز الاول وجمع رصيد ٣٥٨ نقطه في سيارته المعدلة نيسان سيلفيا ويفوز احمد بلقب ملك الدرفت للمره الثانية عالتوالي

في المركز الثاني علي البلوشي من عُمان

وفي المركز الثالث رأفت هارون من الاردن

وفي المركز الرابع فادي البستاني من لبنان مع انه حصل على اعلى النقاط لكن بسبب خلل ميكانيكي تراجع للمركز الرابع

DSC_7699red bull

DSC_7738red bull

DSC_7746red bull

DSC_7827red bull

DSC_7850red bull

DSC_7864red bull

DSC_7919red bull

DSC_7963red bull

DSC_8062red bull

DSC_8076red bull

DSC_8131red bull

كل الشكر عالدعوة ريد بُل 🙂

www.redbull.com

Yamanote مخبز يامانوتي الياباني في دبي مول

16 Nov

DSC_0537yamanote

DSC_0523yamanote

مخبز يامانوت او يامانوتي الياباني في دبي

اهو مخبز فتح اول فرع له بالامارات والشيف ياباني

يقدمون المعجنات والمخبوزات الاوروبيه بلمسه يابانيه

سمعت عنه من الاهل وقلت لازم اجرب منه

طريقته يعرضون لكم الاكل وانتوا تاخذون الصينيه وتاخذون القطع اللي حابينها بنفسكم

وعقب تعطون الغرسون الصينيه عشان يسخن لكم اللي اخترتوه ويقدمونه لكم بصحون

فكرته مثل بريد توك تقريبا لكن نوعيه واصناف الخبز اللي مقدم غير

DSC_0531yamanote

جربنا الدونات بالشكر وهذي الثانيه بالكاكاو

كانت الدونات وااايد لذيذه

بس اللي فيها كاكاو كانت ماصخه تحتاج كاكاو زياده

DSC_0535yamanote

فرنش توست بالسكر البودر

جيده لكن مو الافضل عندهم

DSC_0539yamanote

صمونه البلاليط كان ودي اجربها

بس كنا مخلين مجال للغدا 🙂

DSC_0547yamanote

الفكره وايد حلوه في عرض الصمون

بس عيبه كان الذبان يطير عالخبز والمعجنات كان يضايق

يبيله يسكرونه او يغطونه

DSC_0544yamanote

الاشكال تشووووق يبيله زياره ثانيه لتجربه باقي الشغلات

DSC_0542yamanote

DSC_0551yamanote

ايس تي لاتيه كان غير موفق للاسف

DSC_0529yamanote

اول مره اكل من مخبز ياباني

كانت تجربه حلوة وشغلهم ترف وعندهم افكار وايد من الصمون والمعجنات

اللي داخلها بلاليط او نودلز او كاري

والكرواسون بانواعه

عندهم ٣ فروع في دبي

وانا جربت اللي موجود في دبي مول بالسرداب تحت صوب الشلال

www.yamanoteatelier.com

%d bloggers like this: