Archive | Dubai RSS feed for this section

Movempick Ibn Battuta فندق موفمبيك ابن بطوطة في دبي

15 Apr

DSC01436movempick

DSC01438movempick

في زيارتي الاخيره لدبي سكنت في فندق موفمبيك ابن بطوطة

كان سعره مناسب في فتره كانت كل الفنادق غاليه

وقلت بما انه ملاصق لمجمع ابن بطوطه هم ميزه اذا حبينا نتسوق او نتمشى فيه

الفندق بعيد شوي عن برج خليفه ودبي مول

DSC01427movempick

اللوبي للفندق خيااااالي ماودك تركب الغرفه وتهد هالمنظر

DSC01416movempick

خذنا غرفه ديلوكس والمنظر مطل عالشارع صوب البر كان كلش مو حلو المنظر

الغرفه مريحه ونظيفه وواسعه

صار لنا موقف مع الفندق ان طلبت ثلج من خدمه الغرف لشرب الكولا احبه مع ثلج

لكن قالوا الثلج ب ٢٠ درهم استغربت وحزتها كان بخاطري الكولا فقلت اوكي طرشوا الثلج

وبنفس الوقت ارسلت ايميل شكوى لشركة موفمبيك الام وقلت لهم هذي خدمه بسيطه في فندق ٥ نجوم معقوله يدفعونا عالثلج

رحنا حق سلسله فنادق مختلفه وكانت خدماتهم مميزه وانتوا تدفعونا عالثلج

وطلعنا ورديت الكويت ونسيت الموضوع ولا واصلني بعد اسبوع ايميل من الشركه الام تعتذر عاللي صار

وبلغوني ان مبلغ الثلج راح يرد بالفيزا وانهم بالعاده ماياخذون فلوس عالثلج وهذا خطأ صار من فندق ابن بطوطه

حلو ان في اداره تتابع فنادقها وترد عالشكاوي وتعالجها

DSC01417movempick

DSC01418movempick

DSC01421movempick

DSC01420movempick

DSC01425movempick

RedBull Car Park Drift تغطيتي لنهائيات ريد بُل درفت في دبي

28 Nov

DSC_8116red bull

DSC_8174red bull

بدعوة كريمة من ريد بول حضرت نهائيات ريد بل كار بارك درفت في دبي

في موقف السيارات التابع لفندق ميدان في ند الشبا

وعشرة بلدان كانت مشاركة بالنهائيات هي تونس والكويت وموريشيوس ولبنان والأردن وعُمان ومصر وقطر وإيران والإمارات العربية المتحدة

المشاركين من الكويت كانوا حمد الهاجري وعلي مقصيد

النهائيات كانت جدا ممتعة الجمهور تعدا ال٤ الاف متفرج

والمتسابق احمد دحام من الاردن حصل عالمركز الاول وجمع رصيد ٣٥٨ نقطه في سيارته المعدلة نيسان سيلفيا ويفوز احمد بلقب ملك الدرفت للمره الثانية عالتوالي

في المركز الثاني علي البلوشي من عُمان

وفي المركز الثالث رأفت هارون من الاردن

وفي المركز الرابع فادي البستاني من لبنان مع انه حصل على اعلى النقاط لكن بسبب خلل ميكانيكي تراجع للمركز الرابع

DSC_7699red bull

DSC_7738red bull

DSC_7746red bull

DSC_7827red bull

DSC_7850red bull

DSC_7864red bull

DSC_7919red bull

DSC_7963red bull

DSC_8062red bull

DSC_8076red bull

DSC_8131red bull

كل الشكر عالدعوة ريد بُل 🙂

www.redbull.com

Yamanote مخبز يامانوتي الياباني في دبي مول

16 Nov

DSC_0537yamanote

DSC_0523yamanote

مخبز يامانوت او يامانوتي الياباني في دبي

اهو مخبز فتح اول فرع له بالامارات والشيف ياباني

يقدمون المعجنات والمخبوزات الاوروبيه بلمسه يابانيه

سمعت عنه من الاهل وقلت لازم اجرب منه

طريقته يعرضون لكم الاكل وانتوا تاخذون الصينيه وتاخذون القطع اللي حابينها بنفسكم

وعقب تعطون الغرسون الصينيه عشان يسخن لكم اللي اخترتوه ويقدمونه لكم بصحون

فكرته مثل بريد توك تقريبا لكن نوعيه واصناف الخبز اللي مقدم غير

DSC_0531yamanote

جربنا الدونات بالشكر وهذي الثانيه بالكاكاو

كانت الدونات وااايد لذيذه

بس اللي فيها كاكاو كانت ماصخه تحتاج كاكاو زياده

DSC_0535yamanote

فرنش توست بالسكر البودر

جيده لكن مو الافضل عندهم

DSC_0539yamanote

صمونه البلاليط كان ودي اجربها

بس كنا مخلين مجال للغدا 🙂

DSC_0547yamanote

الفكره وايد حلوه في عرض الصمون

بس عيبه كان الذبان يطير عالخبز والمعجنات كان يضايق

يبيله يسكرونه او يغطونه

DSC_0544yamanote

الاشكال تشووووق يبيله زياره ثانيه لتجربه باقي الشغلات

DSC_0542yamanote

DSC_0551yamanote

ايس تي لاتيه كان غير موفق للاسف

DSC_0529yamanote

اول مره اكل من مخبز ياباني

كانت تجربه حلوة وشغلهم ترف وعندهم افكار وايد من الصمون والمعجنات

اللي داخلها بلاليط او نودلز او كاري

والكرواسون بانواعه

عندهم ٣ فروع في دبي

وانا جربت اللي موجود في دبي مول بالسرداب تحت صوب الشلال

www.yamanoteatelier.com

The Oberoi Dubai

13 Nov

DSC_0519oberoi

DSC_0513oberoi

فندق اوبروي دبي من الفنادق ذات ال٥ نجوم اللي شفت تقييم جدااا عالي لها في النت

وصل الى ٩.١ ومعظم الريفيو عنه راضيين عنه الناس وحابينه

سلسله فنادق اوبروي عالميه واصلها فنادق هنديه

مكانه بجانب برج خليفه ٥ دقايق بالسيارة

حجزت عندهم للويكند

الفندق مكانه للاسف كلش مو حلو مدعوس بين مباني عاليه وجاري بنائها يعني مو على شارع رئيسي

واللوبي واايد صغير

الحين انيي للغرفه

وااايد شرررحه وواسعه ومريحه ونظييفه والاثاث مودرن

والحمام تكرمون حجمه كبييير كبر غرفه بفنادق ثانيه

الحلو بالغرفه زياده على حجمها الكبير اهي الطوفة كلها من زجاج من فوق لي تحت شرررحه

لكن المنظر لغرفتنا مو حلو صوب مباني جاري انشائها

طبعا في عندهم منظر مقابل حمام السباحه ومنظر صوب برج خليفه لكن لازم تدفع زياده

وسعر الفندق جدا غالي الصراحة على مكانه

في فنادق بنفس السعر وخمس نجوم ومكانها وااايد افضل مطله على شارع رئيسي او على البحر او على مول

الفندق حلو لكن غالي بالنسبه لموقعه

اكيد بالمستقبل بختار فنادق ثانيه

واعطيه تقييم ٧ من ١٠ لان عندي الموقع جدا مهم

DSC_0510oberoi

DSC_0518oberoi

DSC_0597oberoi

DSC_0601oberoi

DSC_0602oberoi

DSC_0604oberoi

DSC_0606oberoi

DSC_0608oberoi

DSC_0623oberoi

DSC_0620oberoi

DSC_0613oberoi

DSC_0504oberoi

الاكل من خدمة الغرف كان للاسف مو حلو كلش

DSC_0617oberoi

عجبني بس طبق الاجبان كان وايد لذيذ

www.oberoihotels.com

Salt برغر سولت في دبي

28 Aug

DSC_0347salt

DSC_0353salt

مطعم سولت من المطاعم الاماراتية الجديدة اللي انشهرت بشكل كبير في فتره بسيطة

يقدم البرغر الامريكي والبطاط المقلي

المطعم متنقل في سيارة او شاحنة

حاليا ثابت مكانه في الكايت بيتش

والحلو ان حاطين منطقه مكيفه خاصه ان الجو جدا حار بالصيف

DSC_0358salt

المنطقة المكيفة وتحتنا رمل الشاطئ

DSC_0349salt

وفي طاولات خارجية بس الجو كلللش ما يساعد الا للناس اللي تسبح فيطقها الهوا

DSC_0362salt

موجوده شاحنتين وحده للطلب منها بس فيها الكاشير

والثانية لاستلام الطلب اللي فيها المطبخ

DSC_0367salt

البرغر عندهم سلايدر بالحجم الميني

والطلب فيه حبتين من كل نوع

طلبنا الاورجنال كان طعمها بالضبط مثل برغر شيك شاك

وشخصيا احب شيك شاك وايد

فكان البرغر عندهم لذييييذ وترررف ونكهته عجيبه

ويستاهل ارد لهم

DSC_0373salt

DSC_0370salt

والنوع الثاني سلايدر الدجاج المقلي مع بطاط الشيتوز بالجبن

كانت جدا عادية ما حبيتها

اللحم عندهم وايد الذ

DSC_0374salt

DSC_0345salt

DSC_0351salt

موجود المطعم في دبي وابوظبي وعجمان

انصح فيه خاصه برغر اللحم

findsalt

switch مطعم سويتش في دبي مول

12 Aug

DSC_0119switch

DSC_0077switch

مطعم سويتش في دبي مول

من اكثر المطاعم المشهوره في دبي

زرناه السنه الماضيه ولا تطلع لستة الانتظار انتهت الظهر وقالوا لنا رجعوا عال٦ المغرب لفتح لستة ثانيه ومشينا ماجربناه

هالسنه قلت لاااازم اجربه

وحطينا اسمنا باللسته وقالوا بعد ٣ ساعات يوصل دوركم

قضينا الوقت بالتسوق بالمول وطار بدون لا نحس

DSC_0082switch

DSC_0093switch

شوربة التوم يام بالربيان

كانت عاديه ومو مثل التوم يام الاصليه بالمطاعم التايلندية

مو ضابطينها

DSC_0089switch

ربيان ديناميت

كان حلو الطبق

DSC_0099switch

سلايدر برغر كانوا لذيذين

DSC_0101switch

سلايدر دياي طلبناها بدون صلصه البافلو حق بنتي

DSC_0103switch

وهذا اهم طبق كنت ابي اجربه من كثر ما اشوف صوره بالانستغرام

براوني بصلصه الكاكاو البيضا والكاكاو بالحليب

مع ابره الكاكاو

كانت جيده لا باس فيها لكن ماعتقد اني راح انتظر مره ثانيه ٣ ساعات لطلبها

المطعم مشهور باطباق النوتيلا لكن شخصيا ماحب نكهه البندق

وافضل الكاكاو الساده فكان هذا الطبق الوحيد تقريبا فيه كاكاو ساده

DSC_0127switch

المطعم اكله حلو لكن مو لدرجة الانتظار ٣ ساعات

وخاصه في بدائل لذيذه مجربينها بره

مطعم سويتش في دبي مول بالدور الارضي

meswitch.com

مطعم صمد العراقي في الجميرا دبي

10 Aug

DSC_0429samad

مطعم صمد العراقي

موجود في الجميرا في دبي

امدحولي المطعم وقلت اروح اجربه

DSC_0376samad

DSC_0375samad

شكل المطعم من بره حاطين زجاج ويطل على غرفة الشوي او اللي يحضرون فيها المسقوف

والسمج ماشالله كبااار

DSC_0412samad

المطعم ضخم طابقين وكميه الطاولات وايد يمكن فوق ال٨٠ طاوله

ذكرني بمطعم شيزكيك فاكتوري بحجمه

DSC_0399samad

DSC_0404samad

DSC_0407samad

DSC_0408samad

DSC_0380samad

ضيفونا بشوربه العدس كانت جيدة

DSC_0385samad

DSC_0418samad

مشاوي مشكله

كانت لذييييذه كل شي كان حلو الكباب والدياي والتكه

طعمهم ناااطع وذكرني بالمشاوي التركية بنطاعتها

DSC_0420samad

قوزي لحم

كانت نكهه اللحم لذيذه

لكن العيش مو بسمتي بوحبه طويله اللي افضله شخصيا

عيشهم حبته متينه قريب للعيش المصري

DSC_0422samad

DSC_0440samad

وضيفونا بالشاي اخر شي

خوش شاي والله عجيييب

الصراحة خوش مطعم وتجربتنا كانت موفقه

والمنيو كبيييير فيه شغلات وايد

لازم نرد نزوره اذا رحنا دبي ان شاء الله

samadaliraqirestaurant.com

Krush Burger مطعم كراش برغر في دبي

3 Aug

DSC_0445_2krush burger

DSC_0441_2krush burger

في زيارتي لدبي مدحوا لنا مطعم كراش برغر

اهو فرانشايز من امريكا ومتواجده فروعه في كاليفورنيا بس

وموجود فرع واحد خارج كاليفورنيا في دبي مقابل دبي مول

DSC_0442_2krush burger

البرغر عندهم بالحجم الميني سلايدر

وحجمهم اعتبره متوسط مو صغير تقريبا كبر الشيز برغر مال مكدونالدز

وممكن تختار كومبو نوعين سلايدر مع بعض وبطاط ومشروب يصير اوفر من ان تطلب حبه وحده بس

المنيو عندهم صغير

٣ انواع برغر ميني لحم ونوع واحد شكن ميني

ونوعين بطاط العادي والبطاطا الحلوه الكور

DSC_0452_2krush burger

اوريجنال برغر

لذيييذه ترررفه جوسيه نكهة اللحم لذيذه وكل المكونات فريش

عيبهم ان يحطون صلصه وااايد اللي تخر خر من الصمونه

ممكن تطلبون الصلصه على جنب وانتوا تتحكمون بالكميه

اعرف ناس تحب تغرق صمونتها بالصوص لذلك الناس اذواق بالاكل

DSC_0453_2krush burger

البافلو شكن مع سلطه الكولسلو

وايد لذيذه وترفه وسبايسي عجيبه للي يحب البافلو

وطلبنا منها بدون صلصه بافلو دجاج سادة للاطفال كانت لذيذه بعد

DSC_0451_2krush burger

بطاطهم كرنشي يقرمششش

وكرات البطاطا الحلوه بعد لذيذه جدا

DSC_0445_2krush burger

DSC_0455_2krush burger

DSC_0457_2krush burger

موجود مطعم كراش برغر في فندق المروج روتانا اللي مقابل دبي مول

ومدخله خارجي بره الفندق

وفيه قعده داخليه طابقين وخارجيه بس الجو حاليا مايسمح

برغر لذيذ جدا وينافس مطاعم البرغر القوية

www.krushburger.com

Amwaj Rotana تجربتي فندق امواج روتانا في دبي

2 Aug

DSC_0333_2amwaj rotana

صار لي فتره ما كتبت بالبلوق من اجازه العيد

اللي قضيناها في دبي

قبل العيد بشهر بحثت عن افضل العروض لدبي في العيد

ولاحظت طبعا غلاء الاسعار بالفنادق اللي نحبها مثل ذا ادريس ومينا السلام واتلانتس

ولقيت موقع بريطاني اي بووكرز يعطي باكج تذاكر سفر مع الفندق بسعر اقل من المواقع الثانيه

www.ebookers.com

JBRولقيت فنادق ال

اسعاهم معقوله لعطله العيد بالمقارنة مع فنادق الجميرا وفنادق دبي مول

واخترت امواج روتانا لقربه من الشاطئ

DSC_0882amwaj rotana

هذا اللوبي

DSC_0014amwaj rotana

اخترت غرفه ديلوكس مطله عالبحر

الغرفه وااسعه ومريحه

DSC_0016amwaj rotana

DSC_0004amwaj rotana

DSC_0005amwaj rotana

للاسف حمامهم تكرمون مافيه شطاف

لذلك اذا بتحجزون فيه يفضل اتييبون ابريجكم النايلون معاكم 🙂

DSC_0007amwaj rotana

DSC_0008amwaj rotana

DSC_0145_2amwaj rotana

وطلبنا على يوم الريوق العربي

وايد حلو انصحكم تجربونه متنوع وفيه كل شي

من بيض وحلوم وفول ولبنه وانواع خبز مع الزبده والمربى والعسل

DSC_0148_2amwaj rotana

وهذا المنظر من غرفتنا

يطل عالبحر وعلى ممشى الجي بي ار ذا ووك

DSC_0151_2amwaj rotana

DSC_0152_2amwaj rotana

DSC_0876amwaj rotana

ويوم العيد عيدوا علينا بالحلويات العربية

DSC_0085amwaj rotana

وهذا باللوبي

DSC_0087amwaj rotana

DSC_0319_2amwaj rotana

شاطئ الجميرا اللي مقابل الفندق

لازم تعبرون شارع داخلي عشان توصلون للشاطئ

DSC_0315_2amwaj rotana

الشاطئ فيه كل انواع النشاطات البحرية

من طراريد وجتات والبراشوت وغيره للكبار والاطفال

ركن زحلاقيات ودوارف لليهال

وكشكات العصير والايس كريم والكنافه موزعه على كل الشاطئ

DSC_0161_2amwaj rotana

ركن للاطفال بالشاطئ نوافير ماي

والدخول بتذكره

DSC_0158_2amwaj rotana

المنظر من الشاطئ يبين فندق اتلانتس

فندق امواج روتانا كان خيار وايد حلو

عيبه الوحيد مافيه انترنت واي فاي مجاني بالغرف على عكس معظم الفنادق

ومميزاته

موجود على شاطئ حلو وموجود في ممشي الجي بي ار اللي فيه المطاعم المتنوعه والكشخه وبعض محلات المكياج والازياء

وفي سوبر ماركت صغيره وبعد في سينما كله تروح له مشي مايحتاج سياره

الجي بي ار عباره عن سوق مكشوف يعني التمشى كله بره

لذلك بالصيف وايد حار ويضايق حلاته بالشتا حق التمشي

www.rotana.com

www.ebookers.com

تحديث برنامجنا كيفي عالاب ستور للايفون والايباد

27 Aug

IMG_7124.JPG تم بحمدالله تحديث برنامجنا كيفي عالاب ستور للايفون والايباد ويحتاج اي او اس ٦ وفوق iOS 6 وحلت مشكله الكراش تقدرون تنزلون البرنامج – مجاني عالروابط للايفون والايباد للاندرويد – منهم الجلكسي طريقة استخدام وتصفح البرنامج

Pai Thai مطعم باي تاي التايلندي في دبي – مدينة جميرا

7 Aug

DSC_1423pai thai

في زيارتي الاخيرة لدبي

في فندق ميناء السلام في مدينة الجميرا

بحثت عن مطعم قريب علينا في موقع تريب ادفايزور

وطلع لي مطعم باي تاي التايلندي وتقارير الناس عنه وايد زينه وترتيبه بين مطاعم دبي عالي

(فحجزنا فيه (اغلب مطاعم الفنادق تحتاج حجز

موجود في فندق القصر اللي بجانبنا في نفس مدينة الجميرا

DSC_0924pai thai

وطريقه الذهاب للمطعم عن طريق القارب او العبرة بالنهر الصناعي لمدينة الجميرا

DSC_1433pai thai

قدموا لنا شبس الربيان كضيافة علما توصل الاطباق

DSC_1441pai thai

المقبلات اللي طلبناها

DSC_1442pai thai

Tom Yam Kung Soup

شوربة التوم يام البحرية السبايسي الحاره

لذيييذه جدا

ودايما اطلبها بأي مطعم اسيوي يوفرها

DSC_1447pai thai

KUNG YANG

ربيان مشوي لذيذ

DSC_1454pai thai

PLHA NUEA MA KHUA PHO

سلطة اللحم المشوي

طلبناها بدون باذنجان

كانت روووووعة

DSC_1460pai thai

DSC_1463pai thai

PHAD THAI KUNG SOD

باد تاي

نودلز التايلندي الشهير مع ربيان

كان من ألذ الباد تاي اللي جربته

جربت اكثر من طبق باد تاي بالكويت الى الان ماذقت مثل هذا بلذته

DSC_1464pai thai

Beef Pepper

لحم بصلصه الفلفل الاسود

كان حلو

DSC_1468pai thai

Vegetable Fried rice

عيش مقلي بالخضار كان لذيذ

DSC_1471pai thai

ولبنتي طلبنا ربيان مفيوح فقط مع نودلز ساده

طبقها المفضل وعطونا اياه مجانا

المطعم لذيذ والخدمة ممتازة وصج يستحق شهادة الامتياز من موقع تريب ادفايزور

كل الاكل حلو ولذيذ ومافيه اي زفره

اللي يحب الاكل الصيني الاسيوي لازم يجربه اذا راح دبي

اسعاره تعتبر غاليه شوي

اعطيه تقيمي الشخصي ١٠ / ١٠

المطعم يفتح للعشاء فقط من ٧ بالليل

Pai Thai AlQasr – Madinat Jumeirah Resorts

رابط لحجز طاوله بالمطعم

رابط لاسعار الاطباق والمنيو

فيديو للمطعم

تجربتي لفندق ميناء السلام في الجميرا دبي بعد التجديد

2 Aug

DSC_0931jumeirah

عطلة عيد الفطر هالسنة كانت طويله وحلوه

واستغليناها بسفره سريعة لدبي

اول مره نعيد بره الكويت وكان العيد في الامارات عجيييب وكسر للروتين المعتاد في كل عيد

على طول حجزنا في منتجعنا المفضل الجميرا

في فندق ميناء السلام

نفضل منتجعات الجميرا في دبي لان فيه مميزات حلوه

مثل شاطئ خاص كبييير ومطل على برج العرب

دخول مجاني لمدينة وايد وادي المائية يوميا

مطل الفندق على نهر صناعي والتنقل فيه بالقوارب اللي يسمونها العبرة

فيه ٤٤ مطعم راقي

نادي للاطفال فيه العاب للاطفال وفيه حمام سباحة صغير مع زحلاقيه ورشاشات ماي للاطفال

سوق مدينة الجميرا سوق صغير فيه انتيكات وتذكارات

باختصار مانحس بالملل وما يحتاج نطلع من الجميرا

من قبل كتبت عن تجربتنا في فندق ميناء السلام

بس لما زرناه هالمره كان الفندق مجدد والاثاث جديد

والتصليحات بتنتهي في شهر سبتمبر

DSC_0884jumeirah

يتميز لوبي الفندق بهذا الحوض اللي متروس ورد جوري فريش

زرنا الفندق في اخر يوم رمضان

ولحقنا على ديكورات رمضان والافطار فيه

DSC_0818jumeirah

هذا شكل الغرفة بالديكورات الجديده

صارت موديرن اكثر

الغرفة حجمها كبير وراهي ومريحة

تقريري عن الفندق قبل التجديد

DSC_0825jumeirah

DSC_0859jumeirah

DSC_0858jumeirah

DSC_0868jumeirah

النظام فيها كله باللمس

الاضاءة والتكييف وزر عدم الازعاج وزر تنظيف الغرفة موجود على الكميدينات

DSC_0853jumeirah

DSC_0831jumeirah

الحمام ماتغير مثل السابق

DSC_0850jumeirah

DSC_0845jumeirah

الصابون والشامبو وكل اغراض الحمام تكرمون من أمواج

DSC_0849jumeirah

DSC_0862jumeirah

DSC_0864jumeirah

DSC_1194jumeirah

المنظر المطل من غرفتنا

خيااال

DSC_1197jumeirah

تحتنا السلاحف

DSC_1193jumeirah

DSC_1198jumeirah

DSC_1209jumeirah

DSC_0974jumeirah

كل يوم حاطين لنا شكل جديد 🙂

DSC_0975jumeirah

في كل ليلة لازم يحطون لنا كاكاو باتشي مع شي اخر

DSC_0994jumeirah

صباح يوم العيد

حلويات مشكلة

DSC_1413jumeirah

ثاني العيد

DSC_1571jumeirah

ثالث العيد

تفاجأت بهذي العلبة

من كااااارتييير مستحيييل

DSC_1577jumeirah

DSC_1570jumeirah

طلع كاكاو 😦

خيبه امل 😦

عالاقل حطوا خاتم سلسله فص اي شي 🙂

بس كان الكاكاو سويسري لذيذ

DSC_0922jumeirah

في الممرات المائية بالفندق

DSC_1226jumeirah

DSC_1010jumeirah

الشاطي كبير ونظيف وموفرين جميع انواع الالعاب البحرية

ويبين من بعيد فنادق نخلة الجميرا ومنهم اتلانتس

تقريري عن اتلانتس

DSC_1393jumeirah

من شاطئ مينا السلام

DSC_1179jumeirah

شكل الفندق بالليل

ثاني زياره لنا لفندق ميناء السلام وثالث زياره لنا لفنادق الجميرا في دبي

فخم هادي مريح ممتع

وماعندنا اي مانع للسكن فيهم مره ثانية بالمستقبل

تقريري السابق عن ميناء السلام

موقع الفندق

فيديو: خدمة البحث عن السيارة في دبي مول عن طريق رقمها

29 Apr

20140429-045224.jpg

شفت هذا الفيديو لخدمة البحث عن السيارة في دبي مول
عن طريق شاشة تدخل فيها رقم لوحة السيارة
وفي ثواني يتم ارشادك اليها
شوفوا التطور 👍
بس عاد لازم تكون حافظ رقم السيارة لتستفيد من الخدمة او تحطها عندك في النوت

فيديو

فيديو: أغنية مهداة من شعب الإمارات إلى شعب الكويت

20 Feb

Screen Shot 2014-02-20 at 10.15.42 PM

كل الشكر لشعب الامارات عالاغنية الحلوة

الله يشهد ان شعب الكويت يموووت على شعب الامارات

واكبر دليل في اي عطله وفرصة نطيير ونترس الامارات 🙂

فيديو

حضوري اليوم لافتتاح مطار آل مكتوم الدولي الجديد في دبي مع طيران الجزيره

27 Oct

DSC_0282_2almaktoom airport

تلقت مدونة كيفي دعوة كريمة من طيران الجزيره

لحضور الافتتاح الرسمي لمبنى المسافرين في مطار آل مكتوم الدولي الجديد

صباح اليوم ٢٧ اكتوبر ٢٠١٣

وكانت طيارتنا من اول الطيارات التجارية اللي نزلت في مطار آل مكتوم

وطيران الجزيرة سيبدأ بتسيير رحلتين اسبوعيا عبر المطار من تاريخ ٣١ اكتوبر الجاري

مطار آل مكتوم موجود من عام ٢٠١٠ لاستقبال طيارات الشحن فقط

لكن مع خطه توسعه المطار في دبي ورلد سنترال تم افتتاح اليوم مبنى المسافرين الاول

ومع خطه التوسعه سيتم فتح ٤ مبان للمسافرين بالمستقبل

ليكون اكبر مطار بالعالم لاستقبال ١٦٠ مليون مسافر سنويا

بالمقارنة مع اكبر مطار بالعالم حاليا مطار اتلانتا اللي يوصل الى ٩٠ مليون مسافر

يشكل المطار قلب مشروع عملاق يسمى ايضا دبي وورلد سنترال

ويمتد على مساحه ١٤٠ كيلومتر مربع ويتم انشائه على مراحل متعدده

ليشمل ٦ مجمعات ضخمه

تشمل مدينة دبي اللوجستية، المدينة التجارية، المدينة السكنية، مدينة الطيران ومدينه الغولف

تقدر التكاليف الاجمالية لتطوير مشروع دبي وورلد سنترال العملاق بما يتجاوز ٣٢ مليار دولار امريكي

DSC_0265almaktoom airport

طارت طيارتنا اليوم ٧ صباحا

والحمدلله وصلنا مطار آل مكتوم

DSC_0295_2almaktoom airport

DSC_0306almaktoom airport

استقبلونا بالورد اهل الامارات الطيبين

DSC_0336almaktoom airport

DSC_0346almaktoom airport

DSC_0364almaktoom airport

حضور افتتاح مطار ال مكتوم الدولي

الشيخ محمد بن راشد آل مكتوم

DSC_0382almaktoom airport

DSC_0416almaktoom airport

DSC_0423almaktoom airport

DSC_0339almaktoom airport

قاعة المؤتمر الصحفي

DSC_0539almaktoom airport

DSC_0546almaktoom airport

رئيس مجلس ادارة طيران الجزيره

السيد مروان بودي

DSC_0563almaktoom airport

DSC_0571almaktoom airport

رئيس مطار آل مكتوم

DSC_0603almaktoom airport

DSC_0613almaktoom airport

السيد مروان بودي مع صاحب مدونة كيفي علي الشهاب

DSC_0310_2almaktoom airport

لقطات من داخل مطار آل مكتوم الدولي

DSC_0320_2almaktoom airport

DSC_0326_2almaktoom airport

DSC_0491almaktoom airport

DSC_0633almaktoom airport

DSC_0640almaktoom airport

DSC_0642almaktoom airport

DSC_0560almaktoom airport

علي الشهاب صاحب مدونة كيفي

DSC_0558almaktoom airport

توقيع الشيخ محمد بن راشد آل مكتوم

كل الشكر لطيران الجزيره والسيد مروان بودي وبن سري عالدعوة

كانت رحله سريعه وخفيفه ردينا فيها الكويت بنفس اليوم الظهر

http://www.jazeeraairways.com

فيديو: افضل احتفال بالعالم برأس سنه ٢٠١٣ في برج خليفه

8 Jan

original

العروض والالعاب النارية وااايد عجيبه

حساافه ما حضرته عندهم، ان شاء الله السنه الياية اذا الله كتب

شوفوا اهم مقاطع الحدث في برج خليفه ٢٠١٣

يوتيوب

Ferrero Rocher مجسم برج خليفه من كاكاو فيريرو روشيه في دبي مول

12 Dec

IMG_2611

Ferrero Rocher كاكاو فيريرو روشيه

مسوي مجسم برج خليفه من كاكاوهم فيريرو روشيه

طوله ١٢ متر

بمناسبه مرور ٣٠ عام على الكاكاو

موجود هذا البرج في دبي مول من تاريخ ٧ – ١٥ ديسمبر

اللي مسافر دبي اكيد شافه

ومسوين مسابقه على موقعهم خمن عدد حبات فيريرو روشيه المستخدمه في صنع البرج

اذا يبت الرقم صح راح تربح حبه فيريرو روشيه من الذهب عيار ٢٢

بقى ٤ ايام على انتهاء المسابقه

الحين اشتهيت فيريرو 🙂

المسابقه والمصدر

IMG_2620 IMG_2630 IMG_2637

ihop تجربي في مطعم اي هوب في دبي

16 Sep

ihop – international house of pancakes

في زيارتنا السابقه في دبي

مرينا مول الامارات

وكانوا توهم فاتحين مطعم اي هوب الامريكي المشهور بالبانكيك

وبعد فتره راح يفتح فرع بالكويت

مطعم اي هوب متخصص بالريوق

للاسف كنا مارينه فتره العشاء لذلك ما جربنا ريوقهم

لكن المطعم يقدم اطباق مقبلات وبرغرز وستيكات وغيرها للغدا والعشا

حاطين على كل طاوله مطاره قهوه فاضيه

للي يبي يطلب يصبون قهوته فيها

وبعد حاطين ٤  صلصات بنكهات مختلفه للبانكيك بما انهم متخصصين بالبانكيك

فراوله وتوت وعسل بالبندق والصلصه الكلاسيك صلصه الميبل

Appetizer Sampler

طلبنا المقبلات كان الطبق تشكيلته حلوه

اجنحه دياي و حلقات بصل و اصابع جبن موزريلا

Chicken Fajita Quesadilla

كساديا الدياي كانت لذيذه

Sirloin Steak Tips

ستيك ومشروم مقطع مع بطاط وذره

للاسف كان كلش مو حلو الصلصه كانت وااايد حاليه

انا احب سوالف السويت اند ساور بس هذ الستيك جنه حاطين عليه عسل

مانصح فيه

Strawberry Banana Pancakes

وبما ان احنا بمطعم اي هوب

قلنا لازم نجرب البانكيك المشهورين فيه

طلبنا بانكيك محشي شرايح موز وعليه صلصه الفراوله الفريش

الصراحه كان احلى طبق من اللي طلبناه

كان البانكيك لذيذ

المفروض كنا ناخذ ريوق منه لان متخصص فيه

يقدمون انواع مختلفه من الاومليت والبيض والوافلز والكريب الحالي والمالح

 والساندويش والتوست الفرنسي

اذا فتح فرع بالكويت لازم نجرب الريوق

مطعم اي هوب في مول الامارات بجانب مطعم شيك شاك

زيارتنا لمطعم شيز كيك فاكتوري – دبي

Wild Wadi مدينه وايلد وادي المائيه دبي

15 Sep

في زييارتنا السابقه لدبي

سكننا في فندق ميناء السلام بالجميرا

هذا تقريري عنه 

ومن خدمات الفندق ان الدخول لمدينه وايلد وادي المائيه مجانيه

لذلك استغلينا الفرصه وزرناها

وايلد وادي وااايد كبيره وفيها العاب مائيه متنوعه لكل الاعمار

منها النهر المائي

والزحلاقيات عندهم اكثر من نوع

وممتعين للكبار

ومنطقه العاب الاطفال

مكان العاب الاطفال حجمه كبير

وموفرين فيه الزحلاقيات والنوافير ورشاشات الماي

ممتع جدا للاطفال

Surfing ويوجد قسم ركوب الامواج

كان حلو للطماشه وتشوف معظم الناس لاعب فيهم الموج 🙂

وفي الوايلد وادي ٥ مطاعم

منها للمشاوي والبيتزا والبرغر والاكل الهندي والباستا

وطبعا الاسعار مبالغ فيها

مثلا الصوره اللي فوق كان من مطعم جلشانس

Julshan’s Kitchen

كان يقدم الوجبات السريعه وللاسف سيء جدا كل اكله مافيه طعم وسعره مبالغ فيه

حتى الشكن نغيتس ماكان فيه طعم وبنتي ماقدرت تاكله

وفي اليوم الثاني غيرنا المطعم وتغدينا في مطعم السندباد

Sinbad’s Galley

وطلبنا السباغيتي كان لذيذ

وطلبنا مرق دياي بالزبده مع خبز البراثا او الجباتي كان لذيييييذ

انصحكم اذا بتزورون وايلد وادي تاكلون في مطعم السندباد

وطبعا متوفره اماكن عديده تبيع البيبسي والعصير والايس كريم

والفاكهه الفريش بعد موجوده

وهذا حوض الامواج

كانت زيارتنا لمدينه وايلد وادي ممتعه جدا

وحتى اليهال استانسوا

لكن للي مايحب يشوف مناظر مثل البكيني انصحه لا يروح لها

لان معظمهم اجانب وماعندهم حرام وحلال

وايلد وادي في الجميرا

زيارتي لمدينه اكوافنتشر المائيه – اتلانتس

موقعهم

Marc By Marc Jacobs حقائب مارك جاكوب للاب توب والايباد والايفون

12 Sep

في زيارتي السابقه لدبي

ذهبنا الى الامارات مول

ولاحظت ركن الجناط المخصص للاب توب والايباد والاجهزه اللوحيه والايفون

لماركه “مارك” من محل مارك جاكوبس

عندهم الوان مختلفه واشكالهم عجيييبه

وبعضهم مصنوع من الجلد وبعضهم من الخام

ومبطن لحمايه اللاب توب والايباد

وعليهم اللوغو مال المصمم مارك جاكوبس

واسعارهم كانت معقوله

وايد حلوين للي محتاج جنطه لاجهزته

بس ما اخذت لي لان قبل فتره كنت طالبه جنطه للاب توبي

من مايكل كورس

موضوعي السابق عن حقيبه مايكل كورس 

موجود محل مارك جاكوبس في مول الامارات

وممكن تطلبون من النت

موقعهم عالنت

%d bloggers like this: