تجربه ممتعه في برواز دبي
يعتبر اكبر برواز في العالم
طوله ١٥٠ متر
اول ماتدخل يحطون لك فيديوات لدبي القديمه كان ممنوع التصوير
عقب صعدنا المصعد بسرعه دقيقه وحده وصلنا قمه البرواز
وداخله تمشي على زجاج شفاف وتشوف اللي تحتك
اول شي تحس بالخوف عقب تتشجع 🤣
وحاطين البرواز بين دبي القديمة ودبي الجديده مع ناطحات السحاب
بره وداخل كله كافيهات تقدر تستمع بخفايف وانت اهناك
الدخله ب ٥٠ درهم
وهذا فيديو صورته داخل البرواز
ودينا اليهال مكان يديد توه فاتح
حديقة الرمل
بلغتنا صاحبة المشروع عن نوعيه الرمل خاص من كندا
sandtastik
مواصفاته وايد حلوه الرمل امن وحتى اذا كلوه الاطفال امن عليهم
سهل التنظيف عندهم وكالة الرمل الكندي في الكويت
ملمسه حلو وحتى لونه ابيض وبتلاحظون فيه قليتر
ركن كبير من الرمل فيه كل الالعاب اللي يحبونها اليهال
وجانب ثاني من الرمل الملون لتلوين الصور وعمل مداليات فيها رمل او مجسم بالرمل
وعندهم ركن ثالث جديد لي الحين مافتحوه وراح تكون مفاجأة للزوار
ساند بارك في ٨٩ مول في العقيله في الدور الثاني
اسعارهم وايد حلوه ورمزية
استمتعوا عيالي ماودهم يطلعون منه
اضغط عالصور لمشاهدة اوضح
حديقة الموشن غيت دبي
هذي وحده من حدايق دبي الترفيهيه اللي بجانب الليغو لاند
هذي الحديقه كبيره وممتعه ويبيلها يوم كامل للعب الالعاب اللي فيها
احنا دخلنا لها بعد ما خلصنا الليغو لاند عال ٦ المغرب وقعدنا فيها حوالي ساعتين ما لعبنا كل شي فيها لان الوقت ما يمدي
وفي اقسام مافتحت الى الان
مقسمه هذي الحديقه الى اقسام الاستوديو المصنع للافلام
استوديو كولمبيا واستوديو دريم ووركس واستوديو ليون غيت ومدينه السنافر
استوديو كولمبيا بكتشرز
فيه فلم ذا ميت بولز وحبيت تصميم المطعم وايد
مثل اللي صار بالفلم للي شافه
وهوتيل ترانسيلفينا
مدينه السنافر
ستوديو دريم ووركس
وهذي افلامه
ليغو لاند دبي زرتها الاسبوع اللي فات
كانت جدا ممتعه وكبيره وفيها فعاليات متنوعه
تحتاج تقضون فيها يوم كامل
التذاكر الكبار ب ٢٩٥ درهم والصغار ب ٢٥٠ درهم
سعرها غالي لذلك لازم تخصصون لها يوم كامل من الصبح
بس توصلون تصفطون سيارتكم بالمواقف وباصات كبيره تاخذكم لداخل الليغو لاند
الالعاب والملاهي خارجيه وفي قسم للاطفال الصغار
وفي العاب عائليه تشاركون اللعب مع عيالكم فيها
وطاولات تركيب الليغو موزعه على الحديقه بكل زاويه تلاقي طاوله والاطفال يركبون عليها الليغو
ومحلات الوجبات السريعه والسناك موزعه عالحديقه
انصح تاكلون في حديقه النهر فيها مطاعم راقيه وذات مستوى
مصنع الليغو تشوفون بالخطوات تصنيع الليغو ويعطونكم قطعه ليغو هدية وانتو طالعين
مدينه الليغو
فيها كل المباني المشهوره بالعالم كلها من الليغو
شي خيالي وممكن تقضي ساعات بالمكان هذا
برج الساعه
كل مكان موجود الليغو لتركيبه
ابراج الكويت
حديقه النهر هذي مفتوحه للكل وفيها مطاعم ومحلات بسيطه للتسوق
نفس شعور اوروبا شي جميل و رائع
مدخل حديقه بوليوود
في جولات بالنهر على متن القارب
فيديو من تصويري لليغو لاند
الحديقه ذكرتني بدزني لاند باريس نفس التصميم ونفس طريقه الالعاب
شي عجيب وحلو
دبي باركس اند ريزورتس
حدائق دبي الجديدة اللي فيها ليغو لاند
مكان كبير مخصصينه للالعاب موجود في نهايه دبي في طريق اللي يودي ابوظبي
الحدائق الموجودة او الاماكن فيها
ليغو لاند /ليغو لاند المائية / موشن غيت / بوليوود / مدينه النهر للمطاعم
فندق لابيتا
تذكره الدخول لكل مدينه او حديقه منفصله
الا اذا اخذت تذكره شامله وحاليا في عرض حلو لنهايه يناير يشمل ٣ حدايق ب ٣٠٠ درهم للشخص
الليغو لاند فيها اكثر من قسم داخلها منها الملاهي والالعاب والمطاعم السريعه ومصنع الليغو وغيرها
المدينه ممتعه وكبيره وايد يحتاج لكم يوم كامل للعب فيها
ليغو لاند المائيه مفتوحه حاليا وتستقبل الزوار لكن ما دخلنا لها لان الجو حاليا بارد قلنا نرد لها بالصيف افضل
الموشن غيت اهي حديقه كامله فيها بعد العاب وملاهي للاطفال والكبار ومقسمه بعد على حسب الاستوديو اللي انتج الافلام
مثلا قسم دريم ووركس فيها مدغشقر وشريك وهاو تو ترين يور دراغون وكونغ فو باندا
وقسم كولمبيا ستوديو فيه ذا ميت بولز ووهوتيل ترانسلفينيا
وفي مدينه السنافر الحديقه كبيره وتحتاج يوم كامل للاستمتاع بكل العابها
بوليوود هذي ما دخلناها صار الليل وتعبنا ومشينا هذي تنفع للي يتابع الافلام الهنديه
مدينه النهر هذي الدخول لها مجاني ومفتوحه فيها بس مطاعم ومحلات للتسوق والمطاعم اللي فيها عالميه ومشهوده وذات مستوى
العادة في مدن الملاهي تكون المطاعم سريعه محليه وخاصه بالحديقه وغاليه والاكل دون المستوى
وفندق لابيتا هذا تابع لفنادق ماريوت
الميزه فيه ان تريح العصر بالفندق وترد تلعب بالحدايق وان تذاكر الحدايق مجانيه خاصه ان سعر التذاكر غاليه
لكن شيكت على سعر الفندق يعتبر غالي
ICFLIX شركة
هي عبارة عن اكبر مكتبة افلام هوليوود وبوليوود وافلام عربية على الانترنت ومعظم افلامها مترجمه
Apple TV نزلت تطبيق جديد لها على الابل تي ڤي
ممكن تنزلونه من الاب ستور
ICFLIX وبهذا البرنامج او التطبيق ممكن الحين تشاهدون كل الافلام والمسلسلات والبرامج الوثائقيه وبرامج الاطفال لشركة
على الابل تي ڤي بشكل مباشر
ويوجد فيه خاصيه البحث والتصفح فيه سهل جدا
التطبيق مجاني لمده شهر بمناسبة اطلاقه وممكن تشاهدون فيه كل الافلام والبرامج بلا حدود مجانا
هذا رابط الاب ستور لتنزيل التطبيق
وهذا موقع الشركة لتفاصيل اكثر
من سنين الليغو موجود وكل اليهال يلعبون فيه
نزلون الحين ليغو ذكي سهل التركيب لليهال ٤ سنين وفوق
ليغو روبوت ممكن يشكله الطفل باكثر من موديل
وتتحكم فيه بالايباد يحدد الطفل مميزاته مثلا يستجيب للتصفيق او يحركه اي مكان او يقول مسج صوتي اذا احد دخل الغرفه وغيره من الشغلات الحلوة يقدر يختارها ببرنامجه عالايباد
حلو يعلم الطفل الابتكار وينمي خياله
حاليا في طلب مسبق عليه من امريكا بموقع كيكستارتر
صالون ليلي اند دي للاظافر دعاني لحضور قريش مجمعهم
قريش الغوالي
القريش مشارك فيه ٥ محلات من مجمع الغوالي
وقدموا لنا الحلو و القهوة وصبغ اظافر مجاني في الصالون
صالون ليلي اند دي قدم لنا بالقريش نيل بوليش مجاني
ومن اخر الانواع اللي عندهم صبغ الاظافر ماركة نوفا اللي يرووح بالغسل بالماي
محل فورجن كوكي فاكتوري للحلويات مشارك بالقريش
محل لولو قيفتس مختص باثواب الصلاة واطقم الاطفال وارواب الاستحمام وغيره
دار الزين لكفرات الولادة والمفارش
ناين افينيو لتغليف الهدايا والتوزيعات والاكسسوارات
حلو التمر وميني ميكس ستيكس من ليا سويت
حلو الدملوج من
كل الشكر عالدعوة ليلي اند دي
مجمع الغوالي موجود في شرق مقابل مجمع الراية
قرقيعان سبيشال منزلين تشكيلة حلوة لستاندات وتوزيعات القرقيعان لرمضان
في اكثر من شكل منها بيت البومة وستاند الماكنتوش وكاميرا السيلفي وكوكي مونستر وقفص الحمامة
للاستفسار
@gerge3an_special
زرت محل ام اند امز في لندن
المحل منتجاته كلها على شخصيات ام اند امز من اكسسوارات وملابس وقرطاسية واكواب وغيرها
المحل ضخم فيه حوالي ٤ طوابق وسرداب
زرناه بالليل عال١١ وكان زززحمه
اخذنا تذكارات وشغلات لليهال استانسوا عليها
حبيت اللون الاسود اول مره اشوفه اسمه
Fireworks Mix
ونوع جديد بالدارك شوكليت
الكاكاو الاسود
حبيت هذا القسم تكتب على الكاكاو اسمك او تحط صورتك
والجهاز يطبعها عليه
اول شي تدفع للكاشير يعطونك الكود وبعدها بالكمبيوتر تكتب ٤ اسامي ممكن تنطبع
او ٨ اسامي اسمين بكل حبه
او صوره تكون على حبه كامله
عقب تختار لون الكاكاو اخترت الالوان اللي ابيها وبعدها نحطه بالجهاز ويطبع لنا عليه الاسم
تجربه حلوه واليهال اسستانسوا على اساميهم
عالم ام اند امز في لندن موجود بين ليستر سكوير وبيكاديلي سيركس ممكن توقفون باي محطه من هالمحطين
وبجانبهم بعد السوق الصيني اذا حابين تتعشون بمطعم صيني
بانكيك بوت هي اول آله طابعه للبانكيك بالعالم
بس عليك تختار الصوره بالكمبيوتر وتحملها على قطعه اس دي كارد والجهاز يطبع لك الصورة بخليط البانكيك
الجهاز حلو للبيت للاطفال ممكن يرسمون رسماتهم الخاصه وتطبعها لهم بالجهاز او يختارون اي شخصيه يحبونها
وحلو بعد للشركات والمطاعم اذا يبون بانكيك على لوغو الشركة يقدمونه للزباين
سعر الجهاز حوالي ٥٠ دينار والتوصيل من امريكا على شهر يوليو
معرض الف اختراع واختراع بالمركز العلمي حتى 7 مارس”
معرض يسلط الضوء على حقبة زمنية قاربت الألف عام
تعرف بالعصر الذهبي للحضارة الإسلامية
و يظهر المعرض الدور الفعال و الأساسي لعلماء و مفكرين من تلك الفترة
“مثل الرازي و ابن الهيثم و ابن سينا و فاطمة الفهرية ويعرض اسهاماتهم التي تأثيرها الى اليوم
هذي نبذة صغيرة عن المعرض اللي موجود حاليا في المركز العلمي عالبحر
فكرته حلوة في نقل المعلومات للسامع عن طريق تجسيد شخصية المخترع باللبس وطريقة الكلام والتعريف عن الشخصية بالمعلومات المبسطة المفيدة
المعرض من ٤ فبراير الى ٧ مارس
ولحجز التذاكر من النت
مشكورين عالدعوة
وصلتني دعوة من ادارة مجمع اي مول
وزرته بالامس في افتتاحه الرسمي
المجمع عباره عن محل واحد كبير فيه اقسام مختلفه
مثل طريقه دبنهامز وهارفي نيكولز وبلومنغ ديل داخله عده ماركات مع بعض
المجمع فيه ركن ازياء الماركات مثل رالف لورين ولاكوست
وركن رياضه مثل نايكي وسكيتشرز وركن مكياج وعطور بماركات عالميه
وركن يوريكا للالكترونيات
عندهم بعد مطاعم متنوعه لبناني وتركي وعالمي
من المطاعم اللي داخله
زيت وزعتر وكشري بايتس وسيميت سراي التركي واي كلوب
ومن الكافيهات
كافيه سوبريم وكافيه نستله وشيكيتا فروت بار ومسز فيلدز كوكيز وشوكليت كوزين
في اعلى طابق عندهم نادي رياضي للنساء وقسم اخر للرجال
وعندهم ركن للاطفال والالعاب وتسلق الجدار
ومتوفره مواقف كثيره بالسرداب
موجود المجمع في منطقة حولي مقابل مركز سلطان حولي
اذا مار منطقة حولي ممكن تمر المجمع وتستمع بالخدمات اللي يقدمونها
حضرت اول يوم من مهرجان المباركية الثاني
الداعم للانشطة الشبابية
المهرجان يضم عدد كبير من المشاركين على ٣ فترات
من ١ فبراير الى ٩ فبراير ٢٠١٥ في سوق المباركية
من ٤ العصر لي ١٠ مساءا يوميا
ماعدا الجمعه والسبت من ١٢ الظهر لي ١٠ مساءا
ما شاء الله الحضور قوي وكان المهرجان زحمه
واحلى شي الجو خياااالي بارد حلو والتمشي باجواء المباركية
وهذي بعض اللقطات اللي قدرت اصورها
كل الشكر عالدعوة
كوب فيل اب اول كوب يتعلق على برادة الماء للاطفال
يسهل عالطفل شرب الماء لوحده بدون الحاجة لاحضار الكوب من الرف العلوي
ومع حامل الكوب – العلّاقة – يرد الطفل كوبه بعد الاستعمال في مكانه
في اكثر من لون للاكواب لتسهيل التعرف على كوب الطفل الخاص به.
مصنوع من البلاستيك الامن للاستعمال وخالي من المواد المضره
سعر الكوب مع علاقته حوالي دينارين
واذا اخذت المجموعه كامله حوالي ٩ دنانير لل٤ اكوب
لاحظت في مجمع ٣٦٠ بجانب قاعة الالعاب
افتتاح محل كبير للشغلات الحرفيه والتلوبن
بنتي غرامها التلوين لذلك اخذتها على يوم اهناك واكتشفنا المكان واستمتعنا بوقتنا فيه
المحل كبير وفيه ٥ نشاطات ممكن الواحد يختار منهم
تلوين الجبس وتلوين السيراميك والزجاج وعمل الشموع والصابون
وفي عندهم كافيه صغير يقدم المشروبات والكيك للي حاب ينتظر او ممكن يقدمونه دايركت على طاولتكم اللي تشتغلون فيها
معظم الانشطة تبدا ب ٥دنانير وطالع
اسعاره وايد غالية
ركن الشموع
تختارون شكل القالب وترص فيه مكعبات الشمع على ذوقك
وبالنهاية يجمدونه كقطعه وحدة
تلوين السيراميك
الحلو فيه ان بعد مايجف ممكن تستخدمه وتاكل فيه على عكس الجبس
عندهم تشكيله كبيره وحلوه من المواعين
وكلما كبرت القطعه زاد سعرها
بنتي اختارت ماعون للكورن فليكس كان سعره ب ٧ دنانير
وتلونه بنفسها
وبعد ماخلصت بلغونا ان يجهز الماعون بعد ٥ ايام
واخترنا الصابون
هذا القالب ب ٧ دنانير شامل ١٠ قطع شمع او قطاعات الشمع
اخترنا ٤ قطع صابون بالاشكال مع ٥ شرايح صابون ملون مع قطاعة القلب
اخترنا ريحته الصابون من بين ٦ او ٧ نكهات
وتم خلطه مع الصابون الشفاف السائل
ويجهز الصابون بعد ٤٥ دقيقة وخذناه معانا 🙂
المكان وايد ممتع وحلو خاصه للي يحب يلون او يصنع صابونه بالشكل والريحه اللي يبيها
او شموع بالالوان اللي يختارها بايده
او يلون ماعونه بنفسه
بس مشكلته غالي شوي واذا اخذت مجموعه اطفال معاك راح يكلف وايد
استمتعنا بوقتنا بالمكان وممكن نزوره مره ثانية بالمستقبل
امس بالليل زرت معرض يونيك للاطفال
المعرض متواجد في مواقف التلال في الشويخ
الجو كان وايد حلو والنشاطات الموجودة كانت حلوه للاطفال
بنتي وايد استمتعت بالمعرض والفعاليات
وفي محلات مشاركة معظمها مخصوصه للاطفال من ملابس واحذية واكسسوارات والعاب
وفي مطاعم مشاركة تقدم الباستا والبرغر والبيتزا والخفايف والحلويات
المعرض مناسب للاطفال
وموجودين هالويكند بس
الجمعة من الظهر لي ال١٠
وباجر السبت من ١٠ لي ١٠
وهذي بعض القطات للمعرض للي حاب ياخذ فكرة عنه
بنتي ريونه زينتها بنفسها 🙂
وصلتني دعوة لحضور مهرجان فن فير الخيري
السنة اللي طافت كان ريعه لاطفال الداون وللاسف ماقدرت احضره لان كنت مسافره
لكن هالسنه ريعه لاطفال السكر وقلت لازم اروح له هالمره
اخذت اليهال ورحناله بجانب مجمع ديسكفري
كان المهرجان كبير
والمشاركين عددهم كبير
والنشاطات للاطفال كانت متنوعه وايد وحلوه
الصراحة كان خوش مهرجان كبير ومنظم
والجو كان يساعد ووايد حلو
كلنا استمتعنا فيه يعطيكم العافيه ومشكورين عالدعوة
@funfairkw
بيتيت باتو ماركة فرنسية معروفه لملابس الاطفال صار لها ١٢٠ سنة من تأسيسها
ارسلوا لنا هدية العودة للمدارس
فيها مقلمة وجنطة ولعبة التركيب والصابون الفقاعات وغيرها
واليهال حبوها
محل بيتيت باتو متواجد في الافينيوز بالمرحلة الثانية
شكرا عالهدية
مريت قبل عطلة العيد معهد فيكتوريا للغة الانجليزية
واخذت فكرة عن دوراتهم للغة الانجليزي وخاصه ان بنتي في الروضة وتحتاج تقوية بالانجليزي
تفاجآت ان المعهد ياخذ من عمر ٥ سنوات الى اكثر من ٦٠ سنة
عندهم كلاسات للغة الانجليزي والعربي وكلاسات لحل الواجبات
لمرحلة الروضة يعطونهم عربي وانجليزي
لمرحلة الابتدائي والمتوسطة والثانوي
يعطون انجليزي ورياضيات وعربي ويراجعون المواد اللي ياخذونها الطلبة بالمدارس
وعندهم المنهج الحكومي ومنهج المدارس الخاصة
ولطلبة الجامعة بعد يقدمون دورات انجليزي
او ممكن تقويه باي مادة بالجامعة
المعهد متكامل للتقوية بأي مادة لأي عمر
واهم شي المكان امن والستاف حبوبين ومرحبين
واشوف اليهال مستانسين
وعندهم رحلات ونشاطات مختلفه للاطفال
وهذي لقطات صورتها وانا بالمعهد
هذا صف الروضة
صف اللغة العربية
صف الروضة
كلاس الانجليزي
صف الروضة
كلاس الانجليزي المرح
اهتميت اكثر بصفوف الروضه لان بنتي بعمرهم
٣ ساعات ونص باليوم
من ٤ العصر الى ٧:٣٠ بالليل وفي بريك نص ساعه بين الكلاسات
ساعه عربي وساعه انجليزي وساعة انجليزي مرح
المرحلة الابتدائية
المرحلة المتوسطة
عجبني المعهد وايد والادارة كويتية ومتواجدين على طول بالمعهد واسعارهم جدا معقوله
وان شاء الله اجربه وادخل بنتي عندهم
مكانهم عالبحر خلف جمعية المهندسين
وهذي تلفوناتهم للاستفسار
ت: 22479979 – 69962600
واتس اب 69000420
وهذا موقعهم فيه كل دوراتهم وبرامجهم
انستغرامهم
